老上海味皇餛飩

經常去太原街看玩具，路過這味皇見佢只是一般茶記，無興趣光顧，早排疫症嚴峻，各食肆推出外賣優惠，上個月經過見佢大大隻字寫共渡時艱，外賣飯盒一律$40窮鬼的我即刻企定定望吓門口餐牌，咦！有我最喜歡的豬軟骨飯喎！仲包飲品！即刻光顧！拿回公司吃，嗯！味道唔錯，其實微辣的豬軟骨唔算好入味，但正因為軟骨沒有經過長時間炆煮，保留了應有的嚼勁，讓我𡁻得爽透如果鍾意食淋到好似牛筋的朋友就未必啱口味啦！另外煎蛋非常香口，今日坐下來吃要比原價$48，但係我都覺值得，由於咖啡一般般，這次改喝奶茶，嗯！好好多喎！鍾意重茶味的朋友記得要少奶呀！此店還有很多美食，例如款式多多的雲吞......一個人食唔到咁多嘢......…查看更多

同個friend 食飯。本身間鋪係賣雲吞的。但見到有麻辣口水雞同麻辣牛𦟌，就膽粗粗試下。食麻辣口水雞講求個麻辣油同個雞煮得會吾會過熟。 今次隻🐔剛剛好，肉質滑，雞皮薄，不會有太多脂肪。雞翼位好滑！😆🤤 仲有個麻辣係會越食越辣，有不同辣度選，好彩叫左杯凍檸茶。個麻味剛剛好。就係食剩d 花生。本人對花生無興趣姐。仲有個麻辣牛𦟌麵，麻辣味一樣，牛𦟌都好好食，有彈性，不會煮太熟。意外地好食😋 下次會再去。😎…查看更多

今日去完美食展，行開灣仔，咁啱睇到有餛飩食，因為太耐無食，心血來潮就決定入嚟食。一坐低同朋友商量食咩，落單嘅姐姐好似好急住單咁，每30秒就走嚟問食咩，其實有少少煩。不過我估職業病啫**走時個落單姐姐都有同我講拜拜😊**最後我哋決左叫個套餐再落多個雜錦小餛飩+涼拌海蜇。整體而言味道都唔錯，餛飩大小都合乎理想，算足料，會再嚟食。…查看更多

由於想做埋手頭上嘅嘢所以今日遲咗出去食lunch， 有啲趕， 響就近搵間冇咁多人嘅食店日去食完又要返去做嘢，我哋選擇咗太原街嘅雲吞店。未坐落，有一個店員好“熱情”咁推銷，我叫佢等等。。。。睇都未睇得切個餐牌。。。。我哋話叫得個時候，佢又叫我哋食啲貴少少嘅類別用或者係加多啲食物。 我朋友叫咗20隻小雲吞加米線，我叫咗10隻大餛飩，佢哋仲叫我加多一籠蒸雲吞，我真係無言。最後我叫咗香菇雲吞，因為睇到牆上嘅介紹話好健康低卡路里同埋低膽固醇。 點知碗嘢嚟到發覺個湯底同清水唔係好大分別. 我真係冇講大話我原本成唔到香菇嘅味道反而食到醃菜嘅味道 （事實係有咬到菇嘅質地）,唯一可以讚嘅就係佢個皮唔會太厚. 到我哋食嗰陣蓋鳴幫我哋落單嘅職員然後180度全都找數嘅時候都係心裏面真係驚驚， 自己唔會再去食之餘已經叫咗其他同事都唔好去～…查看更多

在灣仔返工多年，今日lunch經過太原街諗住去食個魚湯米線，去到才發現執左⋯⋯變左味皇餛飩。橫掂都要食飯又趕時間，阿姐又熱情招呼入坐，就試下新野店內的裝修大致同以前一樣，除左牆上d餐牌轉左之外基本上無轉過裝修。叫左個鮮肉小雲吞(15隻)$30，灣仔嚟講價錢唔算貴，阿姐問我加唔加麵或米線，第一次食想試左味道先。湯底加左少少蔥花莞茜紫菜，但好咸，又唔香，唔係預期豬骨濃湯底嘅味道😅小雲吞就不過不失，肉餡同皮都正常，可惜被湯底破壞晒。總括嚟講，好麻麻，我見佢有其他午市碟頭飯食嘅，但應該唔會再嚟。…查看更多

下晝三點行完書展，餓餓地想搵下午茶食，想食拉麵又落左場，要六點先開，唔想食得太飽。openrice碌到呢間近近地嘅餃子店。下午茶餐包一杯熱飲/汽水$26 13隻小雲吞 可以揀鮮肉，香菇或者雜錦揀了鮮肉，肉餡大概有姆指頭咁大，純豬肉，有肉汁不過嚡少少，餃子皮好香麵粉味，湯底比較咸，加左少少芫茜，蔥花同紫菜。$30 10隻大雲吞 可以揀鮮肉，香菇同薺菜我揀了薺菜，大小比灣仔碼頭再大少少，薺菜都係有肉嘅，大概7成菜3成肉，比剩鮮肉好食好多，有薺菜香都有香草咁嘅香味。以灣仔區黎講，呢個味道同價錢好有驚喜，唔到話勁好食，不過都幾好，見到舖頭仲有其他涼拌小食都係廿蚊碟。下次可以再試。…查看更多

漁川結業變左依間雲吞店，係佢開張後2-3個星期左右去食下,下午茶時段，見佢平平地就入去坐一坐，可能比較晏下午三點店面冇乜人。餐牌有下午茶餐，就叫左個小雲吞。因為記得以前細個食過其他的雲吞仔，記憶係一啖一粒，感覺好過引。上枱時比想像中細碗，個湯好清。清到冇乜味，自己加左幾匙辣椒油，感覺好左少少。雲吞是迷你型size，睇就幾得意嘅😅不過真係好怪，可能店面真係好冷清，結果食完就拿拿聲走，店內姐姐好hea的服務，同埋可能新人，大家都唔知點落單，全店得我一個客，但碗雲吞入唔到廚房落單，等左成十五分鐘個姐姐先問隔離有冇落單。總結食物好一般，雲吞好細粒冇肉，同埋冇鮮味，似食緊水煮雲吞皮。一碗下午茶其實唔飽，但廿幾蚊不可要求什麼。下次未必會再入去食😂，試過就算。。。…查看更多