翹楚冰室

餐廳：翹楚冰室 (觀塘)地址：觀塘成業街11號華成工商中心地下2號舖最近返教會lunch time食飯見到呢間新開半年嘅翹楚冰室，估唔到食物質素又幾唔錯，無論早午晚定下午茶都有好多選擇，而且價錢一啲都唔貴，之前食過佢哋嘅午餐，今次下午茶時間再過嚟坐下hea吓醫吓肚仔😋呢間餐廳喺觀塘成業街，星期一至日都咁多人，因為餐廳真喺超大，足足好幾千呎近百個座位，而大部份座位都喺卡位，夠晒闊落非常好坐，想喺度傾吓偈坐耐少少都無問題😙冰室嘅下午茶由2:30pm做到6pm，接近5點幾近6點過嚟食返幾個下午茶餐當晚餐就最抵😝，例如晚市燒味三款餸要$85，而下午茶四寶飯都只喺$46，當然四寶飯就無得比你揀咩燒味，但以價錢嚟講就真喺抵到爛✝️燒味四寶飯 $46由經典嘅4款燒味食材組成：鹹蛋、紅腸、油雞同燒腩仔，特別一讚燒腩仔皮脆肉香嫩，而且一啲都唔肥膩，仲要無骨啖啖肉，雖然油雞就無乜肉，但整體份量唔少，除咗鹹蛋之外每樣都有4-5嚿，識食緊喺撈埋薑蔥油一齊食，呢個先喺食燒味飯嘅精髓😎✝️招牌豬扒包配田園沙律 $42計我話喺可以拍得上澳門豬扒包嘅質素，將豬扒包預先切開咗一半，食起上嚟非常方便唔會鬆散，法包外鬆脆內鬆軟🥖，豬扒帶少少肉汁，煎香過食起上嚟更香嫩，另外再配沙律或者薯角，絕對唔使怕唔夠食✝️雪山西多士 $42極邪惡但喺完全食唔停口嘅港式西多士，熱辣辣充滿蛋香嘅西多士夠晒厚身，兩層多士中間夾住經典濃郁嘅花生醬🥜，面頭仲帶忌廉同朱古力醬取代咗糖漿🍯，每啖都有豐腴嘅滋味🤤下午茶配特飲要加少少錢，叫咗個香港人一定識嘅雪山紅豆冰(+$11)同雜果賓治(+$9)，2個人接近晚市時間叫3個下午茶餐再加2杯特飲，人均都喺60幾蚊，仲要食到超級飽，咁樣食法真喺好抵🤩…Read More

老公最鍾意去冰室，今晚又選佢啦~~~ 真係男人的浪漫?! 冰室環境光鮮，整齊企理，超長長方形格局，多張寛落卡座，坐得舒適。餐牌選擇超多，有每週晚巿套餐、常餐、三文治、茶餐、特餐、小食、焗飯、西式風情、馬來咖喱、鐵板扒餐、燒味、鮮入為煮、飲品等。揀咗一客星期五晚餐精選，奉送白飯、湯及優惠價加配飲品。七選項中點了燒味自選大三元($85)，奉送郊外油菜。可在叉燒、玫瑰油雞、脆皮腩仔、燒鵝、滷水牛𦟌、貴妃雞、佛山燻蹄揀三款，要了叉燒、玫瑰油雞和脆皮腩仔，呢三元賣相超吸引，亦好高質。叉燒燒得亮澤紅潤，半肥瘦，腍嫩油潤，沾上蜜汁，香甜美味；燒腩肥瘦相間，皮脆肉嫩，滿有肉香；超好彩….俾了隻玫瑰油雞脾，啖啖肉，整得非常入味，肉質好嫩滑，加埋爽滑嘅雞皮一齊食，再點啲薑蔥蓉，一流! 所配嘅油菜係菜心，粗壯爽嫩，唔油唔鹹，夠健康。另叫咗一道小菜柚子蝦球($108)，份量好足，蝦球相當大隻，差唔多同我嗰拳頭咁大，外層薄微，肉質彈牙鮮美，配上甜甜酸酸酸嘅柚子汁，好開胃。羅宋湯 ($0/跟餐) 湯身濃稠，散發着酸咪咪的香氣。見有紅蘿蔔、西芹、椰菜、薯仔、洋蔥、蕃茄等等，相當足料，難怪味道濃郁，酸度十足，越飲越醒胃。熱檸檬可樂煲薑（$26）內有四大片檸檬及厚厚嘅薑片，味道不會太甜，很好!但薑味亦不足……熱百香果蘆薈（$25）暖笠笠，味道酸酸甜甜，開胃滋潤，蘆薈粒又香甜又滑，同杯飲品好夾。…Read More

今次去咗觀塘【翹楚冰室】，地方超大，職員話午市成日坐爆～我夜晚嚟反而好chill😌.$198 晚市餐真心抵：藥膳雞湯入面有北芪、黨參、紅棗、桂圓🍲，飲完暖到心入面；芝士龍蝦伊麵香到癲🧀🦞，龍蝦又彈牙又鮮；仲有油菜、粟米豬骨湯、+$9利賓納雜果冰🍹、+$3蜂蜜柚子茶🍯～.以呢個價錢嚟講，質素真係唔話得。晚市人少啲，坐得舒服又靜靜地食，食到最後只係覺得——$198 食到咁高質，真係幾開心🥰喺東廣場隔離工廈入面，地方勁大，夜晚都好熱鬧🔥.今次食咗個$198晚市餐，真心抵食：藥膳雞湯濃郁又暖身🫖，芝士龍蝦伊麵香到癲🦞🧀，龍蝦彈牙到唔得了～仲有油菜、粟米豬骨湯同兩杯飲品，利賓納雜果冰唔會死甜🍹，蜂蜜柚子茶仲好香💛以呢個價錢食到咁高質，難怪午市時段成間坐爆～…Read More

今日去觀塘睇傢俬，夜晚順便起附近樓下食飯，見到呢間餐廳光猛，空間感闊落，而且有好多隻招財貓！！✨蒜蓉蘑菇西冷牛扒🥩講緊一個晚市都只係$80內就有西冷牛扒食，小編表示非常滿足！！而且夜晚仲已經包埋餐湯以及熱飲。雖然價錢好平，但係牛扒足足有前臂咁長，超大塊仲要好厚肉，焗薯仔更加用上錫紙，中間加上胡麻醬，正架！✨蒜香吊燒雞茶餐廳都有吊燒雞食，仲要係皮脆內嫩，蒜香滿滿！一定要點埋佢個泰式辣醬會更加惹味。想讚一讚呢間小店連碗白飯都特別巨大！！✨熱百香果蘆薈天氣轉涼，專登叫咗杯熱飲，百香果清新得來非常暖胃。✨雪山紅豆冰極具份量嘅紅豆冰，紅豆蓉綿密清甜，加上海量嘅忌廉，完全係滿足啊。見到佢而家全日外賣自取都有九折優惠！！！…Read More

出到觀塘，意外地發現這茶餐廳。入到店內，見地方很大、寬闊。而且餐牌勁多嘢食，所有茶餐廳的食物，呢度都可以揾到。晚餐都有九款選擇，每個餐都有湯及飲品。晚市燒味 自選大三元（$85）呢個一定要試！所有燒味上枱時都是熱的，叉燒唔肥但軟腍；燒肉皮香脆、半肥瘦；燒鴨多肉有鴨香味。而且份量大。秘製海南難飯套餐（$75）配香茅雞油飯 伴郊外油菜呢個餐有肉有菜，海南雞多肉無骨，算幾抵食。雞油飯香口。油菜都不少。外賣可享九折…Read More

翹楚冰室位於觀塘工業區茶餐廳！菜品款式種類眾多，小炒、蒸魚、燒味都有今晚來食晚餐價錢仲包埋例湯同飲品～份量十足酸辣四季豆豬頸肉即叫即炒鑊氣夠！四季豆微辣惹味、豬頸肉炒到夠乾身！下飯一流好味！燒味大三元可以自選3款燒味配搭，叫左燒鵝、叉燒、燒腩仔燒鵝皮脆肉嫩、叉燒燶邊又多汁、燒腩仔肥瘦分明！茶餐廳一定嗌凍奶茶！茶香十足好飲！仲叫咗杯雪山紅豆冰，賣相好靚。翹楚冰室 觀塘成業街11號華成工商中心地下2號舖…Read More

Like the spacious seats and neat decor theme. Very impressed to see sockets and USB charging plugs in a restaurant 🥩 Beef tenderloin (stir-fry) w/ teriyaki sauce 🎏 (set C)Had a dinner set. Surprised how thick and tender the pieces are - nth close to overcooked, esp. for a cha chaan teng standard. Rice isn’t soft too 👍🏼🥣 Chinese soup (pork + carrots) & hot passion fruit w/ aloe veraAlways go for Chinese soup in a cha chaan teng~The drink has a lot of aloe vera, and don’t have to worry about being too sourSome menus~…Read More

🔎翹楚冰室*📍 觀塘成業街11號華成工商中心地下2號舖.豉汁豆卜籠仔蒸排骨豉汁蒸排骨做晚餐配飯一向都係好開胃！我地見咗兩個晚餐，仲有中湯同西湯揀。中湯有紅蘿蔔同青紅蘿蔔，超級鮮甜，唔覺有味精。而仍叫咗一杯凍飲，雪山紅豆冰。超級大滿足，而且價錢好優惠，餐廳亦好乾淨，晚餐時間又有一好食飯地方推介！柚子燒汁雞扒意粉伴鵝肝柚子燒汁呢個組合又唔錯，酸酸甜甜十分開胃。而且個雞扒勁大塊，真係有我塊面咁大呀。鵝肝先係成個主菜既重點，超好juicy！大大件，必試呀！雞肉嫩滑，再配個西湯，忌廉湯。中湯好似優勝D。另外，都有再要多杯凍飲，雪山朱古力略有D甜，但整體都OK。…Read More

翹楚冰室 (觀塘)觀塘成業街11號華成工商中心地下2號舖味道指數：⭐⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐服務指數：⭐⭐⭐⭐⭐食物推介：蒜香吊燒雞(半隻) $85，雪山紅豆冰 +$11蒜香吊燒雞：這道蒜香吊燒雞無疑是燒味中的典範之作。經過「吊燒」工藝的處理，雞皮呈現出迷人的棗紅色，口感極度酥脆，且皮下脂肪已被烤乾。雞肉內部則保持了令人驚喜的嫩滑多汁，醃製時滲入的蒜香既濃郁又不嗆口，完美襯托了雞肉本身的鮮味。隨餐奉送的郊外油菜清爽解膩，搭配晶瑩鬆軟的絲苗白飯，構成了豐盛且平衡的一餐！😄😄😄雪山紅豆冰：底層是煮得軟糯起沙的紅豆粒，帶著恰到好處的甜度。冰鎮的花奶與碎冰混合，形成了冰涼順滑的基底。最畫龍點睛的是頂部那層厚厚的忌廉，如雪山般覆蓋杯面。這層奶油的輕盈奶香與底層紅豆的甜蜜沙質感形成了美妙的對比，使得整杯飲品口感豐富，甜而不膩！👍👍👍…Read More

蜜椒薯仔牛柳粒（配飯）$108薯仔外酥內糯，蜜椒醬均勻裹住食材，肉香同薯香混埋幾夾，平時配白飯食好飽腹，係道好實在嘅家常餸～藍莓蝦球（配飯）$108呢道菜幾有創意😂蝦球幾大粒，藍莓醬帶點糖醋肉嘅感覺，但多咗份果香，酸得更清新，整體口感幾特別同有新意！紅豆冰$9杯冰賣相幾清新，鋪滿嘅紅豆同潔白冰沙襯埋好睇，擺喺枱度好搶眼，食完飯嚟一杯，幾解膩同清爽！雪山朱古力$11奶油上面仲有朱古力醬裝飾，賣相幾吸引，好打卡able！不過朱古力味可以濃多小小，但淡淡地唔驚話好肥🤣🤣…Read More

今日同朋友喺觀塘餐廳食飯，試咗幾款菜式，真心有驚喜！蜜椒薯仔牛柳粒係必點之選，牛肉粒煎得啱啱好，外層香口，入面keep到肉汁，薯仔粒沾滿蜜椒汁，甜甜辣辣好開胃。XO醬小炒皇鑊氣十足，蝦乾同腰果炒得好香口，韭菜鮮嫩，鮮蝦爽口，送飯一流。熱百香果蘆薈好特別，酸酸甜甜嘅百香果味好清新，飲完成個人舒服晒。熱冬瓜龍眼茶清甜潤喉，飲完成個人都暖笠笠。例湯係粟米紅蘿蔔，冇味精，飲到食材本身嘅清甜。整體食物質素唔錯，店員態度友善，今餐食得好滿足，一定會再嚟幫襯！…Read More

今天晚上，我到位於觀塘成業街的翹楚冰室用餐。這間餐廳的環境舒適好大間餐廳，讓人感到放鬆，服務員也非常友善。我點了面醬蒸黃花魚晚餐，魚肉鮮嫩，面醬的味道恰到好處，完全沒有過鹹，而且很開胃。晚餐還附有一碗紅蘿蔔湯，湯底清甜，喝下去讓我感覺精神了不少。白飯一碗則是必不可少的，搭配魚和湯，簡直是絕配！特別是熱檸檬水，喝上一口，瞬間清新，消除了一整天的疲憊。整體來說，翹楚冰室的晚餐讓我十分滿意，無論是菜式的味道還是服務的質素都讓人讚不絕口。下次有機會我一定會再來光顧，試試其他的美食。…Read More

今日喺觀塘工作完之後，順便同朋友去咗翹楚冰室食晚飯。呢間冰室裝潢懷舊又有格調，帶點港式茶餐廳融合西式餐館嘅感覺，坐低就已經感受到一份悠閒氣氛。🍗 吊燒雞配自家製甜酸醬我叫咗吊燒雞配甜酸醬，一上枱就聞到陣陣香氣，雞皮燒得金黃微脆，肉質嫩滑唔乾柴。甜酸醬係重點，唔係坊間嗰啲死甜死酸，而係有層次感，酸中帶甜，仲有少少果香，似係用新鮮番茄同菠蘿熬製，同吊燒雞好夾，令成個味道提升咗一個層次。配菜方面有少量沙律同薯角，簡單但唔失誠意。🥩 鵝肝拼豬扒朋友就叫咗鵝肝拼豬扒，睇落去好似高級扒房出品。鵝肝煎得外脆內滑，入口即化，油香四溢但唔膩口。豬扒切開肉汁豐富，味道濃郁。配搭一齊食有種中西合璧嘅感覺，鵝肝嘅濃郁同豬扒嘅香氣互相補足，真係有驚喜。💬 總結翹楚冰室今次嘅晚餐體驗非常滿意，食物有水準，價錢合理，環境舒服，服務亦都親切。…Read More

翹楚冰室 (觀塘)觀塘成業街11號華成工商中心地下2號舖呢餐喺翹楚冰室食得好爽，叫咗兩個套餐，推介！🥳～柚子蝦球唔單止賣相靚，蝦球🦐有七、八大隻，炸得金黃香脆，柚子醬帶啲微酸甜，好開胃又提味！🍤🍋 ～蜜椒薯仔牛柳粒超正！牛柳粒嫩滑多汁，蜜椒味香甜微辣，薯仔鬆軟，襯得啱啱好，好有驚喜！🥩🔥 ～雪山朱古力大大杯朱古力加cream，味道濃郁，朱古力滑順甜度啱啱好，飲完好滿足！🍫❄️ ～熱百香果蘆薈清新醒胃，百香果微酸配啲甘甜蘆薈，好解膩，夏天飲最啱！🥤🍈 今餐總共$233，坐得好舒服，性價比高，份量啱啱好，啲味道係水準以上，值得再去食過！👍…Read More

又係工業區買完野，拎住一袋二袋，就係附近食埋飯先返屋企。見到呢間門口幾光鮮，又有卡位放野，就佢啦。成個餐牌清楚易明，晚餐時間就睇呢一面。“鮮入為煮”即係一系列即叫即煮小菜，再細分小炒，煲仔及蒸餸類。清清地叫咗個羅漢齋煲($78)，配白飯。原煲上，食到最後都可保持熱度。材料有豆腐卜，支竹，木耳，冬菇絲及白菜仔。醬汁調味豐富咗素菜嘅淡味，少D油就仲好。友人叫咗呢客紅酒燒汁雜扒意粉 ($78)。肉類代表有牛扒，豬扒，煙肉加腸仔，入口無梳打粉味，食得放心; 意粉有少少茄蓉，味道酸甜好開胃，單食都幾好味道。跟餐轉特飲，大大杯夠成餐飲用。加($9)轉凍冬瓜龍眼茶，飲落順喉解渴; 加($11)就有雪山朱古力，香甜朱古力再有香滑忌廉嘅加持，變成液態版甜品咁樣。呢餐二人晚餐，有中有西有特飲，每人唔駛$100，超值。…Read More