翹楚冰室

餐厅：翘楚冰室 (观塘)地址：观塘成业街11号华成工商中心地下2号舖最近返教会lunch time食饭见到呢间新开半年嘅翘楚冰室，估唔到食物质素又几唔错，无论早午晚定下午茶都有好多选择，而且价钱一啲都唔贵，之前食过佢哋嘅午餐，今次下午茶时间再过嚟坐下hea吓医吓肚仔😋呢间餐厅喺观塘成业街，星期一至日都咁多人，因为餐厅真喺超大，足足好几千呎近百个座位，而大部份座位都喺卡位，够晒阔落非常好坐，想喺度倾吓偈坐耐少少都无问题😙冰室嘅下午茶由2:30pm做到6pm，接近5点几近6点过嚟食返几个下午茶餐当晚餐就最抵😝，例如晚市烧味三款𩠌要$85，而下午茶四宝饭都只喺$46，当然四宝饭就无得比你拣咩烧味，但以价钱嚟讲就真喺抵到烂✝️烧味四宝饭 $46由经典嘅4款烧味食材组成：咸蛋、红肠、油鸡同烧腩仔，特别一赞烧腩仔皮脆肉香嫩，而且一啲都唔肥腻，仲要无骨啖啖肉，虽然油鸡就无乜肉，但整体份量唔少，除咗咸蛋之外每样都有4-5嚿，识食紧喺捞埋姜葱油一齐食，呢个先喺食烧味饭嘅精髓😎✝️招牌猪扒包配田园沙律 $42计我话喺可以拍得上澳门猪扒包嘅质素，将猪扒包预先切开咗一半，食起上嚟非常方便唔会松散，法包外松脆内松软🥖，猪扒带少少肉汁，煎香过食起上嚟更香嫩，另外再配沙律或者薯角，绝对唔使怕唔够食✝️雪山西多士 $42极邪恶但喺完全食唔停口嘅港式西多士，热辣辣充满蛋香嘅西多士够晒厚身，两层多士中间夹住经典浓郁嘅花生酱🥜，面头仲带忌廉同朱古力酱取代咗糖浆🍯，每啖都有丰腴嘅滋味🤤下午茶配特饮要加少少钱，叫咗个香港人一定识嘅雪山红豆冰(+$11)同杂果宾治(+$9)，2个人接近晚市时间叫3个下午茶餐再加2杯特饮，人均都喺60几蚊，仲要食到超级饱，咁样食法真喺好抵🤩…查看更多

老公最钟意去冰室，今晚又选佢啦~~~ 真系男人的浪漫?! 冰室环境光鲜，整齐企理，超长长方形格局，多张寛落卡座，坐得舒适。餐牌选择超多，有每周晚巿套餐、常餐、三文治、茶餐、特餐、小食、焗饭、西式风情、马来咖喱、铁板扒餐、烧味、鲜入为煮、饮品等。拣咗一客星期五晚餐精选，奉送白饭、汤及优惠价加配饮品。七选项中点了烧味自选大三元($85)，奉送郊外油菜。可在叉烧、玫瑰油鸡、脆皮腩仔、烧鹅、卤水牛𦟌、贵妃鸡、佛山熏蹄拣三款，要了叉烧、玫瑰油鸡和脆皮腩仔，呢三元卖相超吸引，亦好高质。叉烧烧得亮泽红润，半肥瘦，腍嫩油润，沾上蜜汁，香甜美味；烧腩肥瘦相间，皮脆肉嫩，满有肉香；超好彩….俾了只玫瑰油鸡脾，啖啖肉，整得非常入味，肉质好嫩滑，加埋爽滑嘅鸡皮一齐食，再点啲姜葱蓉，一流! 所配嘅油菜系菜心，粗壮爽嫩，唔油唔咸，够健康。另叫咗一道小菜柚子虾球($108)，份量好足，虾球相当大只，差唔多同我𠮶拳头咁大，外层薄微，肉质弹牙鲜美，配上甜甜酸酸酸嘅柚子汁，好开胃。罗宋汤 ($0/跟餐) 汤身浓稠，散发着酸咪咪的香气。见有红萝卜、西芹、椰菜、薯仔、洋葱、蕃茄等等，相当足料，难怪味道浓郁，酸度十足，越饮越醒胃。热柠檬可乐煲姜（$26）内有四大片柠檬及厚厚嘅姜片，味道不会太甜，很好!但姜味亦不足……热百香果芦荟（$25）暖笠笠，味道酸酸甜甜，开胃滋润，芦荟粒又香甜又滑，同杯饮品好夹。…查看更多

今次去咗观塘【翘楚冰室】，地方超大，职员话午市成日坐爆～我夜晚嚟反而好chill😌.$198 晚市餐真心抵：药膳鸡汤入面有北芪、党参、红枣、桂圆🍲，饮完暖到心入面；芝士龙虾伊面香到癫🧀🦞，龙虾又弹牙又鲜；仲有油菜、粟米猪骨汤、+$9利宾纳杂果冰🍹、+$3蜂蜜柚子茶🍯～.以呢个价钱嚟讲，质素真系唔话得。晚市人少啲，坐得舒服又静静地食，食到最后只系觉得——$198 食到咁高质，真系几开心🥰喺东广场隔离工厦入面，地方劲大，夜晚都好热闹🔥.今次食咗个$198晚市餐，真心抵食：药膳鸡汤浓郁又暖身🫖，芝士龙虾伊面香到癫🦞🧀，龙虾弹牙到唔得了～仲有油菜、粟米猪骨汤同两杯饮品，利宾纳杂果冰唔会死甜🍹，蜂蜜柚子茶仲好香💛以呢个价钱食到咁高质，难怪午市时段成间坐爆～…查看更多

今日去观塘睇家私，夜晚顺便起附近楼下食饭，见到呢间餐厅光猛，空间感阔落，而且有好多只招财猫！！✨蒜蓉蘑菇西冷牛扒🥩讲紧一个晚市都只系$80内就有西冷牛扒食，小编表示非常满足！！而且夜晚仲已经包埋餐汤以及热饮。虽然价钱好平，但系牛扒足足有前臂咁长，超大块仲要好厚肉，焗薯仔更加用上锡纸，中间加上胡麻酱，正架！✨蒜香吊烧鸡茶餐厅都有吊烧鸡食，仲要系皮脆内嫩，蒜香满满！一定要点埋佢个泰式辣酱会更加惹味。想赞一赞呢间小店连碗白饭都特别巨大！！✨热百香果芦荟天气转凉，专登叫咗杯热饮，百香果清新得来非常暖胃。✨雪山红豆冰极具份量嘅红豆冰，红豆蓉绵密清甜，加上海量嘅忌廉，完全系满足啊。见到佢而家全日外卖自取都有九折优惠！！！…查看更多

出到观塘，意外地发现这茶餐厅。入到店内，见地方很大、宽阔。而且餐牌劲多嘢食，所有茶餐厅的食物，呢度都可以揾到。晚餐都有九款选择，每个餐都有汤及饮品。晚市烧味 自选大三元（$85）呢个一定要试！所有烧味上枱时都是热的，叉烧唔肥但软腍；烧肉皮香脆、半肥瘦；烧鸭多肉有鸭香味。而且份量大。秘制海南难饭套餐（$75）配香茅鸡油饭 伴郊外油菜呢个餐有肉有菜，海南鸡多肉无骨，算几抵食。鸡油饭香口。油菜都不少。外卖可享九折…查看更多