翰林茶館

餐廳名，景色，餐牌都幾吸引，但結果，係非常失望，無下次。「蛋餅」$38真係蛋加餅皮，硬到咸，單寡，索價三十八蚊，就連芝士都無，味道又唔討好，食開呢個價位，講緊會有肉鬆或芝士或吞拿魚。「紅燒牛腩新竹米粉」$88湯底味道香既，但牛腩係湯渣，又柴口又癡牙，咬到我牙都痛，啲蘿蔔又唔淋，而且又唔入味。「三星蔥貢丸鐵觀音茶麵」$58味精重兼容有內涵貢丸三大粒，口感卡住卡住粗糙茶麵一大堆，雖然佢定價係平，但真心好差。…查看更多

我叫左愛文芒果千層糕仲有熱鐵觀音奶茶，芒果雪得好硬，熱鐵觀音奶茶唔凍唔熱，唔掂。侍應服務態度好似唔想做咁，我唔係要求高的人，冇笑容，又冇禮貌，我叫左d野好遲先黎，叫佢追，佢話要等，黎到仲完全冇講sorry.唉，冇下次。。。…查看更多

海港城既lunch 時間，好多間鋪都好多人等位，見到呢間 冇人等，仲有位，所以係超肚餓既情況揀左呢間試下佢地既午市套餐都好多款揀，價錢唔貴。最後揀左，我揀左綜合海鮮新竹米粉，朋友就揀浦燒鯛魚腩飯飲品就特選紅茶，同冬瓜茶野食等左一陣就到，我個新竹米粉既貌相唔錯，但相反鯛魚腩飯既貌相一般(有d 似茶餐廳既感覺)。咁再講下佢既味道啦，綜合海鮮新竹米粉，都幾多海鮮(蝦，魷魚，蜆...), 新竹米粉食落都好爽口，唔係完全冧晒，吸左d d 湯既味，味道都唔錯鯛魚腩飯，雖然貌相一般，但魚腩都幾滑，配浦燒汁都幾夾。飲品方面，覺得個紅茶有d 偏甜，飲完仲搞到更加口渴。反而冬瓜茶幾清新。🤣🤣…查看更多

今日星期日去海港城諗住用埋啲coupon， 商場周圍都係人間間餐廳都排長龍， 見依間相對少人就排咗一陣， 入到去店員話用coupon冇得揀套餐只可單點， 食物選擇不多， 叫了一碟紅燒牛腩飯， 和芝士雞扒飯，兩杯飲品，落單等咗十五分鐘都未嚟，叫女店員跟跟張單，望都無望過我張單只叫我等等，直頭唔想應你咁，等咗四十分鐘食物還未到，一共追咗三次，女店員全程懶理不理態度，最後叫個男店員先好少少入去叫㕑房加快， 碟芝士雞扒飯無味，不似雞扒只有炸粉，食物無味， 咁既價錢咁既服務仲要收加一服務費，氣頂！ 早知上openrice 睇咗comment 先啦…查看更多

連續食左2間台灣料理 咁食法得唔得架😂今次仲飲埋珍奶🧋👏🏻🍜紅燒牛腩新竹米粉 $88主食可以揀 飯 或 麵我就揀左新竹米粉 貪佢可以吸哂D湯💕牛腩比我想像中多同埋大舊 都有5-6件可惜有D就會比較老同痴牙😢湯底濃郁 有D酸菜~ 好開胃 新竹米粉吸哂D湯 好正只係個2塊蘿蔔都太硬食唔到🧋熊貓珍珠鮮奶茶 (轉脫脂奶) $38熊貓珍珠即係黑白珍珠佢D白珍珠係細粒D既 幾好咬口此店有加一服務費📌翰林茶館📍尖沙咀廣東道3-27號海港城港威商場2樓2602號舖…查看更多

今日行過尖沙咀想搵間餐廳坐低食個早餐，但海港城好多餐廳未開，剛好見到翰林茶館，原來食台式早餐，$3x一份包海景，仲冇咩人，抵到爛！叫了蛋餅+@6肉燥米粉，再包一杯台灣茶，total $4x, 真心抵！…查看更多

朋友話想食台灣野於是去呢間試吓下午茶時間去到估唔到仲有午市套餐食佢午市套餐11:00-17:30紅燒牛腩鐵觀音茶麵牛腩 好入味 但好韌 攝牙罅茶麵 鐵觀音味真係食唔出 口感唔錯湯底好濃味凍頂烏龍因為眼大睇過龍嘅關係冇留意到原來有得揀甜度以為烏龍就係普通茶原來係甜㗎！原來有啲嘢係可以揀下次會留意揀返因為正常都幾甜下…查看更多

本身諗住行到攰攰地，搵個位坐下，就近有間食店，諗住可以飲杯野啦，坐低左叫完飲品個店員先講每人最低消費係$60😱😱🙄🙄，我哋叫唔夠野食，已經同個店員講如果唔夠話我哋知，點知佢落完單之後，佢講都唔講😡😡😡😡就咁放張單係枱上面😑😑，叫唔夠又係要比$180😱😱😱，咁我梗係叫返夠$180 啦，我個一刻真係想唔比錢。。。。。。，最後都係叫多個d 小食又無，加上無咩選擇，下一次都唔會黎呀😩😩😩…查看更多

一來到以為係台灣野，所以門口帶位果個阿妹有鄉音都唔出奇呀，但點解好似唔係好想客人入去既！開始呼叫我要安心出行碼，我問佢可以填寫個人資料嗎，嘩🥺🥺一句完全係叫我走的態度“去填表呀！” 來到問佢有下午茶定需要叫晚餐，佢依然保留了原來的態度，一個字惡劣。甘樣俾menu個客問完佢，佢講左我呢一生都聽唔明白的句子，因為佢係一邊行一邊講架呢個飯完全係不能隨便放入口，有部份好濕，但有部份係硬，肉碎完全係極劣質。呢個麵係正常，但點解牛腩勁硬，好似放左好耐，成個湯只係微暖，但都係好難食。尖沙咀劣食應該係佢啦…查看更多

not worth the money you are paying . the rice is too soggy. food is so tasteless.i would not recommend at all to eat here. the noodle is to salty.The only thing I can say is the service and cleanliness is superb.…查看更多

🌸海港城美食🌸翰林茶館🇹🇼光顧了2客午市套餐，於海港城商場食肆當中屬性價比之選。1️⃣紅燒牛腩茶麵午餐配凍珍珠奶茶 $103紅燒牛腩口感豐富😋美味指數：⭕️⭕️⭕️❌❌賣相指數：⭕️⭕️⭕️❌❌抵食指數：⭕️⭕️⭕️❌❌2️⃣厚切豬扒茶麵配凍奶茶 $98厚切豬扒肉汁彈牙🐖美味指數：⭕️⭕️⭕️⭕️❌賣相指數：⭕️⭕️⭕️❌❌抵食指數：⭕️⭕️⭕️❌❌💸今次用左2張海港城美食券（扣減了$100）= $121.1😜…查看更多

因為有海港城現金券半價，最後一日，所以11點半便去到海港城，每一間食肆都大排長龍，我同朋友一路行一路搵，見到呢間輸林茶館完全沒有人排隊，而且環境都幾優雅，於是就入去試下。入到去人都唔多，得兩三枱客，因爲我鍾意飲珍珠奶茶所以入到去即刻點咗一杯國宴珍珠奶，聽侍應講呢杯茶味香濃D好飲D，真係期望越大失望越大，呢杯$58的國宴珍奶，普通過唔普通。都唔明點解可以值得呢個價錢。再嚟講下佢嘅厚切豬扒鐵觀音茶麵，清湯搽麵淡而無味，但唔食又可惜。豬扒雖是厚切去炸除了調味過的炸粉有味之外，豬扒係完全嚡口而且冇乜味。總括嚟講係清淡冇乜味。反而干貝蔥油拌麵就濃味得多喇。師傅都算重手落得唔少干貝醬同油，油多到浸咗一半麵，雖然油膩但總好過沒有味道。另外仲點左兩個小食，心諗滷水雞腎應該不會失手的，點知真係出事，雞腎硬到不得了食到我牙鉸都軟，仲要冇乜滷水味。還有一碟臺灣鹽酥雞，都唔記得咗拍照，師傅太重手落好厚嘅粉包住細細粒雞肉去炸，所以只食到炸粉的香脆沒有什麼味道。成餐飯最好食就係呢個甜品黑糖麻薯，糯米糍皮極香黑糖味而且仲煙煙韌韌，包住花生餡都幾特別。1好彩有半價現金券，折咗之後連加一實付$180如果冇折扣要$330，以呢個價錢可以喺出邊食到好多更美味嘅食物，我以後都會貪方便，如果冇人排隊真係要諗清楚。…查看更多

果日行到行到攰諗住食少少同家姐一日嗌咗一個set一個芝士炸豬扒飯個飯勁淋 好似比冇牙嘅婆婆食咁豬扒食落都唔脆 好似怪怪地咁真係好似唔知食緊乜咁🥴另外嗌咗個肉操撈麵一樣好似冇乜味咁只係比個飯好少少. . .連個賣相都真係一般般我諗成餐飯最好味嘅應該係個冬瓜茶🤥…查看更多

心血來潮想食台灣野，咁啱經過想入黎試下直入主題喇：紅燒牛腩新竹米粉，牛腩味道似五香肉丁，應該係罐頭嘢，牛腩好散好乾。米粉普通。要價$99。（套餐連飲品）無諗過咁難食，所以無影相。小食：芝士雞扒。完全無雞扒成份，食落係雞扒蓉+薯仔，夾塊芝士&火腿喺中間。味道完全係麥樂雞！！不過係比較新鮮既麥樂雞。歡迎試伏。…查看更多

係Openrice 見佢幾吸引，又係海港城 應該差極有限啦。入座因為唔多人 所以坐得都幾舒服嘅，同陽光充足。我係點餐紙剔咗要 日式麻醬拌麵，跟餐，飲冬瓜茶，見佢可以加鮮奶茶，就有剔埋鮮奶茶。過一陣，待應生上咗一個麵去隔離枱，而隔離枱話唔係佢。 待應生拎住碗麵來回，就上咗去我面前。一嚟碗麵上面係有類似肉燥同酸菜係上面，我就問待應生：請問係唔係麻醬拌麵？佢睇完張單，就話：係啊 係麻醬拌麵。咁既然佢話係，都唯有食啦。食緊佢就放低張單，就發現原來佢落單落錯咗炸醬拌麵，咁點解佢要指鹿為馬 話碗炸醬係麻醬。不過，平心而論 碗麵唔差，雖然唔係好好食，但不過不失，都可以一試。只係食唔到自己相食嘅嘢，有啲失望。同埋冬瓜茶係冇得加鮮奶茶，呢方面 建議點餐紙可以寫返清晰啲。…查看更多