翡翠茶餐廳 (已結業)

未夠12：00叫外賣,apps話12：15可以取餐到12：21, 個apps話可以取餐, 12：22去到,話未有我到12：30再催,老細好很寸話“個apps話有啫, 依家係個apps整比你咩？”我等到12：42都仲未有,服務態度其差無下次各位叫呢間外賣請三思雖然係午飯時間,但入面仲有位,都不知於忙成咁…查看更多

朋友叫咗個揚州炒飯，食咗一半，先發現炒飯入面有曱甴，已拍照，但未問佢拎返張相，有機會叫佢親自寫食評再放上來畀大家睇。員工說負責人不在，冇辦法處理。暫時唔打算告食環署，但奉勸各位去食飯要小心。其實間餐廳一入去已經一大陣廁所味，但因為夜晚冇乜選擇，又真係好肚餓，就入咗去呢間茶餐廳。裝修係非常之懷舊的茶餐廳，座位都已經破爛不堪，非常之適合成為曱甴居所。其實食物味道係不錯的，有香港傳統茶餐廳的鑊氣，亦可能因為有佢獨特嘅調味料（曱甴）！…查看更多

份量正常，味道正常；唯老闆態度極度惡劣，我好聲好氣嘗試詢問外賣進度，就被疑似老闆的人士大聲吆喝＂等陣喇＂。但當時我已經是半小時前下單。然後我等左陣，那個人就將我個外賣拎出來。正當我想核對外賣單號碼時，佢就不耐煩地講＂喂？＂十分臭串。對清楚外賣單號都好正常啫，我等佢個餐都冇表現過不耐煩，佢等我幾秒對下張單就躁底。買個外賣都要受氣，大家想俾人鬧就幫襯喇！睇佢專責收銀，又手戴金錶，似乎係餐廳老闆，咁巴閉可以用咁無禮貌嘅態度對人客嘅？…查看更多

其中一位樓面，係男人嚟，暗中偷拍客人，再放上網公審，已有多名受害者，請各位小心。入座果刻已經必須留意員工行為有冇異樣，神色有冇可疑，有冇揸住手機或其他拍攝儀器等等…查看更多

外賣菜甫义燒抄飯，但返到屋企係义燒蛋飯， 這個飯已叫過無數次， 仲已落單時說了3次， 接聽電話的人士態度不友善! 再打電話去投訴時話下次雙倍奉還，非常之失望，因這個抄飯是招牌餸之一！ …查看更多

三個星期內食過兩次晚飯，兩次都好食。叫餸跟一碗白飯，叫餐跟白飯同嘢飲，加錢可以跟燉湯。第一次：燉湯：好足料好味，木耳湯好有膠質但個木耳食落口仲好爽口，冇話淋晒爛晒。椒鹽鮮魷：脆口，鮮魷大大舊，調味啱啱好，正！粗齋煲：味道都係南乳味，整體都好食嘅，只係但佢啲料有少少得意，好似雜菜煲咁，又白菜仔又粟米仔又茄子又雜菇。食素嘅話，呢個唔錯，多種蔬菜幾均勻。第二次：金湯酸菜魚（晚市套餐）：估唔到幾好味喎，黑魚片好滑，冇骨，酸菜食落口仲有味，金湯好濃味，撈飯一流。不過，佢冇泡椒嗰隻味所以唔係話好正宗，介意嘅話就唔好叫。欖菜四季豆：超好味，啲豆乾身但唔太油，欖菜同肉碎好足，好夠味，比上海姥姥或者附近嘅餐廳都好食。呢個有五星。餐廳整體都算乾淨，餐具有用熱水熨過先俾我哋，枱冇油冇水。間中有啲小飛飛，我諗呢啲好難避免。啲侍應做嘢好爽手，任何時候我都覺得佢哋有照顧緊我哋，坐低唔會催你叫嘢，會靜靜哋隔遠少少等你叫佢，但你一舉手就九秒九衝過嚟。聽到我哋話上住一碗飯先，佢哋會自動拎兩隻吉碗俾你。上個湯會提你少少熱唔好心急飲。我有少少估唔到呢間普普通通嘅茶餐廳，服務有五粒星咁周到。啲侍應有時仲會陪啲阿婆傾偈，呢part真係好正。…查看更多

本來幾鍾意呢間茶餐廳，因為有蒸魚又有燉湯，但今日嘅經歷令我以後都唔想幫襯，感覺太差話說平時佢嘅蒸魚午餐（唔係貴價嗰隻，貴嗰種要等佢即蒸，但午飯時間有限）通常都係鯇魚，咁我都鍾意食嘅，今日餐牌多咗烏頭可選擇（請參考圖片），於是就揀蒸烏頭啦，點知個年紀大嘅女侍應即刻話冇烏頭，咁我都理解，有時餐牌寫咗都可以冇，咁我照要鯇魚。點知，大約10分鐘後，有個男人嚟搭枱，坐正我隔籬，佢今日見有烏頭，機不可失，又叫烏頭，個阿嬸竟然幫佢落單，之後真係奉上半條烏頭，喂! 咩意思呀？唔知個男人係咪熟客啦（但從對話中可知佢冇預訂烏頭㗎喎），有乜理由個男人叫就有，我係女人／唔係熟客就同我話冇？阿嬸仲係當住我面落單，若無其事咁，咁做生意點得呀？冇啲誠信。雖然呢間茶餐廳算抵食，應該繼續有好多人去幫襯，但我都係不吐不快😡烏頭食唔食都罷，重點係啲伙計咁唔老實／公道，我一定唔會再去！…查看更多

瘦叉雙燒煎蛋飯。作為一個健身愛好者，這道菜完全滿足了我的期望。首先，這𥚃的叉燒與傳統的叉燒相比，脂肪的含量極低，更適合節制飲食的朋友。它沒有過多的油脂，。每一口都滿滿的蛋白質。煎蛋是這道菜的另一個重點。它被煮到剛剛好的熟度，蛋黃鮮嫩，蛋白完全凝結。煎蛋的軟嫩口感和叉燒的香味相得益彰，組成了一個完美的搭配。最後，讓我分享一下這點道菜的趣事。在我點瘦叉的時候，茶餐廳的店員笑笑口對着我說這裏沒有叉。仿佛置身於周星馳國產零零7電影中一樣😂總而言之，這道瘦叉燒煎蛋飯符合健身減肥的需求。能讓你享受到美味和滿足感，而不必擔心增加過多的卡路里。但當然未必符合每人的要求。…查看更多

午市有提供蒸鯇魚既茶記真係買少見少，而家啲冰室午市不是豬牛雞飯就公仔面，可以午餐食到蒸鯇魚真心份外滿足欖角蒸鯇魚飯 $57舊鯇魚不大也不小，有魚腩位，亦有多骨位置，鍾意食魚既通常都會enjoy 埋揀骨既過程😆用欖角蒸亦唔會太咸，用豉油魚汁撈飯一流👍🏻簡單既蒸魚，真係好難會難食原盅炖湯 （餐加$7）加7蚊既湯，外賣盒有啲細，比我想像中既「炖湯」細，質素方面，我覺得對得住加7蚊，湯味都唔似例水既味道，湯料有雪耳，木瓜，排骨整體來講，係會encore 既蒸魚午餐…查看更多

今次係午餐時間去買外賣，叫左個芝士焗豬扒飯同個乾炒叉燒意粉餐，配埋兩杯嘢飲盛惠$115。芝士焗豬扒飯焗豬扒飯熱辣辣，因為佢係即叫即焗，所以就要等耐少少，不過都係大概10-15分鐘就有，算快手。上面啲芝士好似焗太耐有少少燶左，不過影響唔大。入面有一大塊豬扒，啲肉都好軟。餐廳已經切好曬一塊塊，所以食起上黎都好方便。飯係炒底，幾香口，而且好多汁唔怕會太乾，不過我地覺得個汁好濃味好甜，如果唔鍾意咁甜嘅可能會麻麻地。乾炒叉燒意粉話就話係乾炒但其實唔洗怕乾，佢個底都有啲汁可以撈下，同一般乾炒牛河無咩分別，都係幾油嘅。配料方面有蔥、洋蔥、芽菜同啲芝麻，都幾香口。叉燒有好多塊，而且係半肥瘦！好味！整體黎講兩份嘅份量都幾多，啱曬驚午餐唔夠飽肚嘅朋友，不過茶餐廳嘅食物多數比較濃味，所以食完會幾口渴。…查看更多

今天要到太古坊上堂，經過呢間餐廳，叫咗個酸辣米缐，豬膶加扎肉，包埋飲品要$51，個米缐賣相已唔靚，個湯同蘿蔔仲唔熱，個酸味只係好似加咗白醋，又唔辣、另配菜話有肉碎，但搵都搵唔到，除食物差外，環境尚算淸潔，員工尚算有禮的。…查看更多

翡翠茶餐廳鋪頭唔算好大，早餐時段好受歡迎，好多人去食早餐，啲野都抵食。間舖頭啲人都算好勤力，做野落單都好快手。我breakfast,lunch and dinner 都去試過。 Breakfast 水準最高又抵食。lunch and dinner meal就差啲，唔岩口味，但勝在夠快，quick lunch之選，又唔洗點等位。我今次試左個梅菜炆腩肉，OMG， 我覺得好鹹又好肥。 不過口味個個唔同，我同事覺得啲食物都係一般茶記水平，冇特別差。…查看更多

成日嚟食早餐，都比下午茶menu嘅流心朱古力西多誘惑著我，但下午茶時間基本上係冇可能鼠到出嚟食呀😖 今日趁住米豬返學校玩，就算得一個鐘都唔可以錯過呢個機會💪🏻💪🏻💪🏻個patpat都未坐落就落咗單🤣 等咗5分鐘度，呢個史上暥邪惡下午茶終於出現！朱古力夾心，再加鍊奶，牛油同朱古力粉！身為一個朱古力控, 見到D朱古力醬不停咁响西多中間流出嚟, 真係開心到癲咗~!!最癲係....... 我一D都唔覺得漏!! 以一件西多嚟計, 我唔覺得佢油不停流出的朱古力溶岩, 直至我成晒成件西多, 都依然成碟都係朱古力醬~!! …查看更多

湊完仔返學，梗係同其他媽咪一齊食早餐啦～ 行咗落呢間試吓，唔好成日食連鎖店吖嘛～ 同學仔媽咪介紹大家嚟呢度～因為佢個奶油豬好得㗎～我今日食C餐，配炸魚柳，炒蛋，熱茶走魚柳size比想像中慷慨～ 加埋炒蛋～ 又係一個good morning雖然係炸魚柳，但係唔係好油㗎咋，好邪惡呀～ 但最邪惡係個脆豬！！！！！！！平時响連鎖嗰啲食脆豬，例牌括損個咀，但係呢個係 超。鬆。軟 㗎！！！！！！！！搞到而家差唔多日日都嚟食，就快變肥婆喇🤣仲有杯茶走，都係呢啲茶記先夠滑～…查看更多

I happened to be in the neighborhood @ 9am, & felt like a quick & simple breakfast.  I ordered the instant noodles with beef in tomato soup as set F.  I did not take any picture of the menu or the noodles.  It was a total disaster. The beef was cooked separately but tasted weird & did not go along at all with the soup.  The soup was too thick.  I asked for the "ding" noodles but was not given the pack of sesame oil neither though I can't really tell it was not "ding."  I ended up not eating any of the beef.  Fortunately, I did not throw up nor had any diarrhea.  My review was rejected earlier & so I need to make it longer to get pass the filter.  Excuse me there.…查看更多