翡翠拉麵小籠包

第一次寫食評，到這間菜館多次，每次都覺得滿意。這裏的職員服務親切，非常有禮貌。食物水準都OK。我最喜愛是擔擔麵，花生味濃郁，拉麵可口。近來有新菜式香酥鴨，鴨肉不跟傳統做法，酥炸得很香口，再配上青瓜蔥絲海鮮醬及傳統薄皮，口感一流。點心方面蔥油餅和春卷亦是我必叫食物。蔥油餅一層層的酥皮非常鬆脆，中間包着蔥花很惹味。春卷的皮很薄，素菜餡料亦做出水準。甜品方面，綠茶餅和豆沙窩餅亦是不錯選擇，甜味適中。希望這間餐館一直保持水準😊…查看更多

下午食得飽，想食碗麵做晚餐又一餐，所以想起這店，上網找找，附近有一間就去吧！一碗菜肉雲吞湯拉麵，另一碗五香牛展拉麵。一送上嚟就飲啖湯，超熱，正！菜肉雲吞大大粒，皮好薄（就係like皮薄，但容易爛），食粒雲吞，肉汁流出好味道，麵條軟硬適中。整體而言，keep得住水準，讚尤其就係喜歡湯夠熱辣辣，在冬天的時候飲啖超正。五香牛展麵，牛展都算多。這店在商場內最高樓層（搭扶手樓梯氹氹轉幾個圈），地方大，但果晚得四五枱客，所以可以任揀坐位，坐得自在，還有靠近窗邊的位置添。茶水每位$12算不便宜，因為有湯飲，又不似飲茶坐得咁耐，所以飲得少。前餐小食$8，好似係梅菜豆腐乾，沒食到（也照付款）。服務方面，坐低時一杯茶後，自己沒有要求什麼，所以沒有什麼服務（似茶餐廳服務），但要加一埋單。地方整潔。…查看更多

每次到灣仔翡翠拉麵小籠包都很滿意，員工服務態度很好，環境舒服 食品一直維持水準員工友善親切幫助人客拍照，又耐心協助幫忙解決翡翠Apps問題，推介食物鍋貼、小籠包同炸春卷都保持水準，酸辣麵同宮保雞丁都很惹味，還有新出的甜品綠茶芋泥餅非常美味😋食物體驗非常好值得推介！…查看更多

晚上6:00上去、大把位揀、有窗口位、裝修簡潔、窗明几淨、侍應都好有禮貌，有推介招牌菜及椰子菜式，點左鎮江肴肉、醉雞、小龍包，椰香雞，芋頭排骨煲，擔擔麵、醉歌好滑，小龍包好多汁，口肉好新鮮，椰香雞好味，芋頭排肯煲D芋甜好食喎，係芋奶仔，最後，擔擔麵D擔汁好香，好重花生，花生醬，麻醬，D麵人手拉，系唔同D，幼滑得來有勒性，呢餐全部都好好味. 值得推介，最後，想讚吓D樓面，佢她好有禮貌及好友善，同埋，提大家，經 OpenRice 訂座，有8 8折。…查看更多

食物水準下降，服務態度九流。叫了一碟賽螃蟹，一碟鍋貼， 三碗麵。賽螃蟹不需要3分鐘就已經送到，但是要等20分鐘後三碗麵才陸續送到。等到差不多吃完三碗麵，鍋貼才送到。還有一早已經透過OpenRice預訂一張四人枱，更比預定時間提早到達。到達時餐廳內只有幾枱客，而窗邊位有兩張空枱。當提出想坐近窗邊位時，店員就話兩張枱已被預訂了。在用膳一個半鐘頭內，那兩張枱仍然是沒有人佔用，甚至埋單離開後那兩張窗邊枱仍然是空的。整個用餐時間，店內佔用率不足一半。侍應服務態度惡劣！…查看更多

今日同屋企人嚟食午餐，叫咗個海蜇，唔係好夠麻油味。另外叫咗個小籠包，但係個皮比較厚，味道普通。我哋都叫咗個烤麩，都係唔係好夠味，偏淡。同埋個蔥油餅都唔夠蔥好似食緊一舊粉咁，唔推薦。不過個松子魚就幾好食，冇骨，個汁酸酸甜甜咁幾開胃，保持水準，為咗個松子魚，我會再幫襯呢間餐廳。…查看更多

以前在灣仔區返工，耐唔時都會去翡翠食午餐。呢間舖應該都有廿年。今次帶住BB在灣仔出外晚餐，就想起翡翠，因為需要多少少空間放BB車，所以細餐廳較不方便。BB 有時會大叫一兩聲，影響到其他食客，真係唔好意思。侍應很好，把我們放到較遠位置，盡量減少影響其他食客。同時服務真的很周到及很細心。食物方面，覺得依舊美味😋從太古城舖到今天廿多年，依然係一家人晚餐的好地方👍👍今次點了小籠包，嫩雞煨麵，砂鍋雲吞雞，奶油津白，簡單美味😋同時很喜歡他們加多了很多小圓枱，一家人圍住食飯，感覺更開心。…查看更多

今晚想咗好耐都唔知去灣仔邊度食，後來諗下好久沒有吃小籠包，便想起大有大廈的「翡翠拉麵」。估唔到去到發現都有7乘客，食物水準尚保持，價錢算不貴，服務態度非常好，但惟一2個人吃不到太多種類，而且上海菜偏膩、重味，所以我們只吃了小籠包、兩個頭盤，一份點心和一碗麵，已經頗足夠，埋單三百幾，都算合理。…查看更多

以往住在附近的時候經常惠顧這間食市晚飯，但已是多年前了。最近再次惠顅是有點失望的飲食體驗。前菜叫了烤芙及鷄絲粉皮，是兩道以前經常吃的前菜。價格約六七十元，與各款湯麵主食的價格相約，但份量卻少得很，與其價格不成正比。味道方面也大不如前。烤芙只有甜味，口感過硬。鷄絲粉皮的粉皮則做得太淋，欠口感。小籠包，此食店的主打，仍然是皮薄多汁，但肉餡有欠鮮味，稍為失色。麵食方面，依然做得出色。湯夠熱，麵做得好煙靭。擔擔面仍然係此店一絕，醬味十分濃郁可口。整體嚟講食物質素不如前，性價比底，特別係前菜，是令人失望的。服務員十分有善及殷勤，值得一讚。希望稍後食物質素會有所改善⋯⋯…查看更多

相約了一班多年老友出來飯聚，大家不約而同地選擇在灣仔飲茶Dinner。正當彼此考量了好久，未能作出地方決定之際。住在港島區的朋友提議位於大有商場3樓翡翠拉麵小籠包。於是我們一行六人一起前往。 剛到步。即有職員上前迎接，禮貌周到。隨即便可以入座。我們座下沒多久，就點選了HSBC 六人套餐，餐種項目選擇不算太多，但口味頗多元化，味道合適大夥兒。 最另我印象深刻的食品莫過於椒麻酸菜魚。份量充足，味道十足。麻得黎又不會太辣。辣程度適中。樓面同事非常熱情有禮，用餐體驗滿意，實屬難得，確實好耐沒試過咁多老友聚會，而用餐體驗會這麼良好。使我渡過一個愉快晚餐時間。 下次食飯我一定會再選擇灣仔大有商場翡翠拉麵餐廳。…查看更多

這家店開張不久，在大有商場頂樓，可能被人忽略，因此在午餐時間很容易有座位🤭我已造訪過幾次，但每次仍然點他們的牛展拉麵。這款牛展燉得極入味，味道絕佳，每次光顧必定不會錯過。至於小食，今次要了鍋貼。可能是剛煎好，所有端上來的鍋貼都熱辣辣，且充滿肉汁，絕對值得一試。…查看更多

幾好食，不過真係好貴，性價比唔高，所以可能隔幾個月先至嚟一次。唔知係咪生意難做，店員啲態度好好，間鋪好似乜嘢優惠都冇，收錢先知比指定信用卡咭有八八折，不過折原都要接近$500（3個人）。個糖醋魚塊必叫，好食，啲魚一共有9 舊，好似多過之前(?)小籠包同埋鍋貼都好食。(不過如果小籠包都唔好食就真係執得)叫咗個春卷，好一般，下次唔會再叫。最差就係個欖菜炒飯， 啲飯未熟咁樣，超級硬，𡁻極都係好硬，食完驚胃痛🫠個豬扒上海麵，啲豬扒炸到好窿，啲肉都好實，個面冇乜特別🫠…查看更多

侍應服務非常好，比得上六星級飯店，食物亦非常美味，由入餐廳侍應帶位已經感覺到他們服務態度非常好，點餐時其中一位女侍應還主動提供意見，又提醒我們不用點太多菜，侍應會主動添茶！而且餐廳環境非常闊落，誠意推薦給大家…查看更多

喜歡去灣仔店，因為環境舒適，侍應Kimmy熱情招待，每次都主動介紹店內優惠和時令菜式，我最鍾意雞火炒飯，炒得乾身不油膩，火腿甘香，上枱時還熱辣辣。小籠包夠熱多汁，也是每次必叫之選。高力豆沙軟熟不太甜，美味可口。芒果愛玉特飲略嫌冰太多，少芒果肉，不夠味。…查看更多

遇正七人欖球賽，2:00pm都唔少人加上落雨，唔想再走圍搵食又想坐得闊落舒適，唔會比人趕走，揀左翡翠《酸辣湯麵》一黎到，好大碗，食落似碗仔翅咁，杰身、多料（冬菇、肉絲、粉絲），辣辣地，夠酸《雪菜肉絲麵》麵冧，清淡，唔似菜餐廳咁，好油好化學味《小籠包》熱辣辣上枱，肉鮮，咬落有湯汁，配埋個醋，更加鮮甜雖然好飽，但都叫左《高力豆沙》都係熱辣辣上枱，好味加倍服務好，食物上枱會同你講聲係咩野，又提醒醋擺左係枱面上甜品時，咁岩我遠望到男侍應行緊過黎，拎住高力豆沙，佢醒目見到枱面收哂我地餐具，即刻轉身，攞埋餐具，先一次過上餐…查看更多