翠華冰廳 (已結業)

早餐時間去到12點，環境唔錯，座位間好寬闊，但食物質素無驚喜，相比起新式冰室，呢間茶餐廳質素很一般，只可說不過不失。價錢相宜，早餐時段有橙汁供應，亦有BB座椅。…查看更多

最近天氣好熱，週末去行下商場最好啦！剛在荃灣廣場買完東西，想食個下午茶，就來到翠華冰廳，見到環境幾好，乾淨明亮，座位寬敞，就來試下下午茶套餐，點了餐蛋治和西多士。下午茶餐時間雖然滿座，但送餐都幾快！餐蛋治的炒蛋好滑，仲有蛋汁，餐肉好厚，份量當下午茶剛好，凍檸茶都好飲。西多士上面塊牛油都幾大，糖漿已經淋好，我覺得夠。邊邊脆脆的，香氣十足，等牛油融化，即刻切一塊試下，幾香脆！ 在商場裡的茶餐廳，價錢都合理，值得一試！…查看更多

搭完西鐵荃灣西落車，外面落住雨未停，因為星期日關係，好多食肆都要排隊。穿過灣景廣場天橋再到荃灣廣場，路過翠華，唯獨佢唔需要排隊，仲有我最喜歡嘅卡位，加上比佢放喺門口個餐牌吸引咗… 🤩厚切豬扒🤩黑椒汁… 都係我喜愛嘅元素，可以優先考慮🤓坐低咗睇完一輪餐牌後，發現佢係無炒粉麵飯嘅，睇真啲原來佢係「冰廳」😵‍💫好啦，就決定要晚餐啦，落單吧！點知經理話「厚切豬扒賣晒，會改為兩塊薄切！」咁都得？😧😧 我真係O咗嘴！唉，早知去商場對面嘅「紅茶」，不過我見外面落住雨又唔想走嚟走去，咁就妥協咗。朋友仔係公仔麵嘅鐵粉，叫咗個炒公仔麵。落完單過咗約半分鐘，經理又走過嚟話「黑椒汁賣晒，會轉燒汁」。。。嗰刻我呆了🐦🐦🐦 咩事呀大佬？個汁好難煮咩？定係無黑椒？我心裡有好多《👴🏿❓》如果唔係食食吓見個有人嚟見工，我真係以為佢係咪想賣晒啲貨就摺。感想：#做人唔應該咁易妥協 #又浪費咗一餐quota🤦‍♀️…查看更多

我今日下午第一次去這間餐廳食下午茶，叫了一個30元的''厚''切餐蛋治餐，餐肉好似纸咁薄，奶茶追了二次才來，最激氣係我俾50蚊佢，佢第一次居然找番17蚊俾我，我問佢個餐是否30元，佢再俾多1蚊我，我忍吾住再問佢，收30蚊，你是否應該找番20蚊俾我，佢才死死氣俾番20蚊俾我，你們如果有機會去這間餐廳食要小心D，反正我就吾會再去食喇…查看更多

喺荃灣西附近想搵間好飲啲嘅奶茶大熱天時😂😂見到荃灣廣場嘅翠華就入左去因為太焗熱了😂 好辛苦😂下午茶選擇唔多食唔到粉麵嘅粉量唯有叫個餐蛋治但佢個蛋有啲失望😂好厚但唔滑係食左一舊厚蛋咁好彩奶茶都ok😂😂 不過下次真係叫其他食物好了😂…查看更多

星期日同四爺拍拖👫🏻仔去買餸行行下肚仔餓，見翠華冇咩人，咪排左一陣隊，好快有位.今次好好彩坐喺窗邊4人卡位👍👍👍研究左一陣個餐牌，最終決定同係門口想食嘅嘢完全吾同（邊個話女人善變，男人都一樣）呢個景正👍👍👍魚蛋同魚片頭👍👍👍但個米粉...😞吾係我杯茶見個餐牌推薦咪試下猪軟骨漢堡拼薯條🍟個飽超多汁，拎吾到上手食，味道同口感就是猪軟骨+漢堡冇咩特別，薯條吾好食，冇薯仔味，炸得又吾脆（除非對猪軟骨情有獨中......如果吾係可以不試）…查看更多

Lunch想食港式冰室，係荃灣廣場入口見到呢間就試下佢。環境都寬敞，雖然得2個人但都可以坐一個卡位，今次咁岩係坐到窗口位，大大嘅落地玻璃望住街景好寫意🌞而且食物款式都算多，揀左陣先揀到～🔸板上乾炒黑椒牛扒即食麵 (HK$68)其實本身order個陣應該係xo醬炒豬扒，但黎到發現佢落錯單，驚再整會黎唔設所以就照食呢款啦😅公仔麵份量都尚多，黑椒味適中。牛扒好嘅係佢已經幫你切成一塊塊，不過可能因為本身已經煎過，再放係鐵板上就會變得老左啲，肉質鞋身左🤥最鍾意嘅位係最底有一層蛋，撈返同麵一齊食都唔錯。🔸濃厚鮮茄雞粒通粉拼火腿炒滑蛋牛油多士 (HK$52)湯底嘅鮮茄不濃不淡啦，雞粒份量還可以，就係好普通嘅一碗通粉。炒蛋都滑滑的，成個常餐最好食嘅就係牛油多士，有陣陣嘅牛油香，咬落去外脆內軟😜餐飲熱奶茶唔洗加錢，但凍奶茶就要加成$13，本身以為咁貴係因為有特別包裝。點知黎到就係平時餐廳好嘅普通凍奶茶，唔係好明個價錢係貴係……😖😖…查看更多

新年過後, 見限聚令放寬了, 於是同同事一行三人去食LUNCH。當日唔算多人, 我地登記好資料後就入座。我記得以前嘅翠華都幾貴, 所以都好少去食。今次去食, 以而家個物價嚟計, 又唔算好貴。我點咗常餐 - 濃厚鮮茄生滾牛肉米粉拼火腿炒滑蛋牛油多士同熱咖啡。等咗大約5-10 分鐘就上餐, 算快!火腿炒滑蛋牛油多士都係幾好, 唔係HEA 。多士脆而且牛油都抹得均勻。濃厚鮮茄生滾牛肉米粉個湯好似一個好濃嘅蕃茄湯, 加上鮮牛肉, 但係鮮牛肉就冇乜牛肉味。不過大多數食店都係咁, 所以冇特別失望。總括嚟講, 以呢個價位嚟計, 仲可以有其他選擇。…查看更多

其實有時都唔係好明點解啲人成日話翠華唔好食 我自己覺得佢嘅早餐冇80分都有90分！淨係睇佢嘅煎雙蛋加厚多士已經值回票價 煎得金黃色 火候控制得啱啱好 呢個先係標準嘅早餐個荷包蛋 係我夢寐以求嘅熟度！有少少脆邊 蛋白蛋黃比例一比一可以加入個面度食 令到麵條更加幻滑呢度嘅早餐已經延長去到12點 平時星期六日瞓晏咗都唔使驚順帶一提呢度嘅出餐速度夠快 好啱返工一族上班之前充充電 為你迎接每日美好嘅早上！佢塊多士係金黃色㗎！仲有又香又滑嘅牛油…查看更多

又到一個星期唔使返工的日子都係果句啦，想唞吓唔想煮早餐，一家人開開心心落街吃早餐🥣今日嘅餐廳係翠華餐廳睇吓我哋今日食咗啲咩好嘢妹妹最鍾意食嘅早餐就係通粉啦如無意外，妹妹去到邊度都係會嗌返通粉食。通粉都係正正常常啦，不過我覺得啲牛肉有啲老，有點過火。個湯都麻麻哋，因為我鍾意濃湯多啲，你個湯比較浠。可能個人口味嘅原因啦。我個評分係6分呢個米粉唔係我平時食開嗰啲。平時食開嗰啲比較煙韌，反而呢個比較軟身，好淋，不是我杯茶，再加上個味都好淡，最終都要撈辣椒油先食到🤣唔介意我俾個評分在低啲，呢個我會比5分唔知是否我今日個心情特別唔靚覺得每一味餸都唔係好啱胃口呢個厚多士佢應該係事先牛油煎過，不過可能落得牛油太少，冇乜香味，個炒滑蛋都好似有點老，都係冇乜味，評分再更低4分味道同甜度都算正常，啲紅到好大粒都唔錯，可能又係個人口味嘅問題，我覺得啲紅豆有啲硬🤣🤣🤣成個早餐最滿意就係呢個收皮蛋撻啦酥皮夠酥，蛋漿夠晒滑，甜度都OK.。所以我對呢個酥皮蛋撻都算好滿意。希望下次去食，師傅廚藝會改進少少啦…查看更多

今日又同老公去食下午茶，選擇咗荃灣廣場嘅翠華冰廳。幾好喎冇乜人，坐咗喺玻璃窗旁，感覺好開陽，好光猛。🤩坐低諗咗一陣，見到「淚光麻辣鹹牛肉深海爆蛋號」個名咁有型，就諗住試吓。個包黎到，覺得個名真係改得幾好😂😂佢啲鹹牛肉蛋勁多，未食已經聞到好大陣麻辣香，咬落去個包好鬆脆❤️❤️，再配埋咁多鹹牛肉蛋感覺好豐富，而且又夠麻辣，真心覺得正！🥰而且薯條係粗薯，炸得香脆可口，份量夠多。😋最後叫咗杯凍奶茶，茶味唔係好夠，冰有太多，變得有啲淡，下次要試吓佢個支裝奶茶！🤪…查看更多

好耐冇食翠華餐廳，今日去了翠華冰廳吃個常餐，有個濃厚鮮茄生滾牛肉通粉拚火腿炒蛋牛油多士，整個餐都唔錯喎。火腿炒滑蛋牛油多士兩樣都做得好，滑蛋真是滑滑的，多士烘得夠鬆脆，質素唔錯。我真係好喜歡這個蕃茄通粉，蕃茄湯非常好味而且又有新鮮蕃茄在內，牛肉鮮嫩無比，非常好食，簡單的食材高級的享受。…查看更多

今日行完山時間尚早，所以去食返一個下午茶，忽然諗起邪惡的法蘭西多士，口水都流出來。法蘭西多士樣子極為漂亮，多士淡金黃色，整件多士都好挺身，上面有一塊厚厚的鮮牛油和糖漿，真係想一口將佢吞落肚。整件多士都充滿蛋汁，邊邊還很脆身，好味，明知這個是邪惡的下午茶所以要配返一杯熱檸檬水。雖然行完山消耗了卡路里，但我相信回家都要多做少少運動下次才可以繼續食我喜愛的法蘭西多士。還買了翠華的原味蛋糕，只用日本產的小麥粉造成，香軟有蛋味，不錯。…查看更多

十一點多，好多餐廳都仲未開，行過翠華，見裝修幾靚，於是入去試下。點了一個A餐，豬扒配薯菜。賣相幾吸引餐湯是周打湯，有薯仔粒、洋蔥粒、碎椰菜，同埋好似有少少火腿肉碎，不太鹹如果可以杰返少少就更好。主菜是煎豬扒，好腍同有肉味竟然有兩大塊 差點食唔晒。個汁有很多碎本菇，感覺幾新鮮同健康。粗薯條好正大大條，熱辣辣，但唔油膩，又夠薯仔味。而且佢冇落鹽，可以自己調校鹽的份量，或者伴茄汁食又得。奶茶夠濃夠滑，可惜我食得太慢，擺凍了，嗅不到茶香順帶一提，門口有麵包賣，係自家即埸焗製，現時買二送一，好抵，所以買埋麵包，又食又拎…查看更多

其實我唔知佢餐廳同冰廳有咩分別菜式新穎d?  裝修舒適d?之前只係響佢門口買麵包, 買2送1抵嘛但咪話wo, d麵包好高質我買菠蘿包放到第2日先食, 塊菠蘿皮仲係脆, 個包仲係軟熟!今日要入內試下其他野!!個名長得好痴線打番出黎有D痛苦, 之唔係麻辣咸牛蛋包初時考慮緊走唔走辣好, 但...走辣既自己炒都得啦, 所以照去份量大得驚人麵包烘到外脆內軟只有微麻唔太辣, 越食越停唔到口 (利申:三哥我食中辣的)咸牛有先炒過, 所以粒粒分明又香口, 唔會食到有肥騰騰既patpat肥膏炒蛋嫩薯條係粗薯條, 有薯味, 但略嫌不夠香脆醬汁份量只掛響肉, 唔會整濕個包, 酸酸甜甜好開胃包都有烘過, 脆中帶軟豬軟骨煮得夠腍, 軟骨位食落暢快略嫌薯條不夠香脆, 豬軟骨不夠熱抵食好食夾大件~~~決定好下次要食焗豬飯…查看更多