翠湖金閣

好多謝(翠湖金閣)所有同事幫手，令我孫女有一個好開心嘅百日宴！食物水準一流！一定要讚大廚廚藝了得。所有賓客讚不絕口。都要讚吓公關同事貼心照顧。講解流程同我哋夾時間敬酒，之後會再來幫襯希望貴公司，祝生意蒸蒸日上。🍲燉湯連湯渣都食晒🍲🐟魚米之鄉🐟所有賓客都從未試過飲宴上試到令屋企人及賓客都有驚喜，味道更加唔使講讚不絕口！🦞龍蝦🦞非常彈牙伊麵又好好味連🥦西蘭花🥦都好好味，平時飲完係需要點醬汁佢居然乜都唔使加已經好好味！🐔燒雞🐔個皮好脆又好好味！最後附上桃膠糖水，甜度剛剛好！🎊🎊🎊🎊🎊🎊🎊🎊🎊🎊🎊🎊重點介紹大廚威哥嘅威哥單腳炒飯賓客食到舔舔脷仲問可唔可以拎埋個鑊走？🤪🤪🤪🤪🤪🤪🤪🤪🤪🤪🤪總之嗰句所有嘢都好好食！…查看更多

新開酒樓，屋企人話想試吓，咁就出嚟飲下午茶。應該新開都有一個月，但知客入座安排同埋樓面服務都有啲混亂。同埋人少嘅話，有心理準備佢係需要你搭枱坐。講返啲嘢食先！正餐點心都未食，一上就上咗個芝麻菲林卷同埋桂花糕。嗰芝麻卷唔算香，另外桂花糕就被椰汁同紅豆㗎甜度蓋過咗。另外尖椒都有少少微辣，反而個鯪魚球唔夠彈，冇蜆蚧醬可以配就係有啲失望。蝦餃還好，比較薄蝦肉都熟。本來個叉燒夠腍係唔錯，但係個豉油實在有啲濃口，不過有懷舊嘅豉油豆，都算有啲心思。成餐最失望就真係個豬手，完全係白烚再淋啲辣汁落去就算。其實點心選擇唔算多，所以飲茶嚟講唔係我嘅首選。…查看更多

8月底，坐完鴨靈號維港遊，在尖東落船，就在附近一帶覓食。結果在新開的翠湖金閣試吓，點了幾款餸，普遍水準不錯，味道幾好：1. 自選孖寶：魚米之鄉龍躉班 + 燒鵝2. 蒜蓉蒸蟶子皇3. 日式燒汁牛柳粒4. XO醬天下第一炒特別要提他們的招牌菜“魚米之鄉”，除了那條鮮美嘅魚，還有香脆炸米，上枱時再淋上濃香魚湯，吃那脆米湯飯，驚喜好味道，都不用再叫白飯了。吃畢，送了杞子雪耳糖水給我們。4人共吃了~$1200，人均~$300又多個食飯好去處，日後可以再來，試試其他菜色。…查看更多

同姑姐飲茶來到尖沙咀翠湖金閣，佢哋嘅388午市二人套餐唔錯💖 有精緻點心有椰皇湯有小菜有炒飯點心：✔️ 翠湖蝦餃皇＆鮑魚燒賣皇 - 蝦餃皮薄餡多，燒賣上面仲有大粒鮑魚✔️ 芋蓉天鵝酥 - 造型滿分💯外層酥脆，芋蓉香甜綿密 ✔️ 原個椰皇灌湯餃 - 湯汁清甜又有椰香，餃子蝦餡料足✔️ 百香果脆脆大蝦球 - 蝦球炸到外脆內彈，搭配百香果醬同胡麻沙律，偏甜，個人覺得可以淡啲✔️ XO醬翡翠炒帶子 - 帶子大粒又鮮甜，XO醬香辣惹味 ✔️ 迷你威哥單腳炒飯 ，其實唔迷你，我哋食唔晒，係瑤柱黃金蛋炒飯，唔知點解叫做威哥單腳炒飯最後甜品係個靚花瓶，出邊透明係啫喱，中間係芒果粒可能新裝修嘅原因，環境舒適，服務態度好好好整體來講食物質素高、擺盤精緻，算係「食得又睇得」…查看更多

翠湖金閣之前係銅鑼灣分店已經試過覺得食物非常美味😋原來佢哋係尖沙咀新開左分店所以同屋企人再去試食😚今次點咗冬瓜盅🍲味道非常清甜👍🏻乳豬同燒鵝都好好味！我哋今次仲叫咗長腳蟹🦀大廚幫我哋做咗一蟹三食！蛋白蒸阿拉斯加蟹，簡直係不得了😍好味道要俾一百分👏🏻！擺盤非常精緻真心覺得色香味俱全🩷蟹身做咗椒鹽送酒又係一流🤤最後仲有個蟹蓋焗飯都係非常美味！咕嚕肉同魚米之鄉都係同樣出色😎我覺得鍾意食中菜嘅朋友們呢一間酒家真係值得一試😊非常推介🫰🏻…查看更多

魚米之鄉真係勁推薦！之前去過銅鑼灣分店已經覺得好好食，今次嚟尖東新店一樣水準超高。魚質鮮嫩滑溜，入口即化，龍蝦湯底濃郁鮮甜，加埋脆米一齊食，每一啖都充滿層次感，勁香脆口，完全停唔到口！最驚喜係咕嚕肉，酸酸甜甜外脆內嫩，絕對可以封為“世一”，超級正，無論大人細路一定都鐘意。仲有期間限定嘅阿拉斯加長腳蟹，一蟹三食好抵食：蒸蛋滑嫩帶鮮香、椒鹽炒惹味十足、蟹肉焗飯香噴噴又足料，啖啖鮮甜，食到停唔到。尖東位置方便，鄰近日夜都熱鬧，泊車喺安達中心仲有優惠，對開車嘅朋友真係好貼心。環境舒適，燈光柔和，成班朋友或者家庭聚會都好適合。最重要係服務態度非常好，店員細心有禮又主動，令人食得更加開心，一定會再返嚟！👌🏻…查看更多

同朋友搵場地擺百日宴朋友推介新開上嚟試吓雖然商場比較舊，但係入到酒樓好光猛侍應招呼特別周到今晚嗌咗個好特別嘅魚🐟魚米之鄉🐟啲脆米加咗魚湯非常好食大廚值得一讚每一碟都有特別擺盤令每一個人都會打卡留念所以我就決定咗百日宴喺呢度舉行希望到時一樣咁好味，再同大家分享😋😋😋😋😋😋😋😋😋😋😋…查看更多

同同事試吓公司樓下新酒樓，全部食物合格，味道唔太濃，調味適中少味精👍🏽 我哋5個人叫左午市4人套餐：一碟燒味拼盤，4籠點心，一碟瑤柱蛋白炒飯。另外散叫一份炸鯪魚球，份量都多燒味拼盤份量多，叉燒，燒腩仔不錯，油雞燒鴨比較多骨點心有蝦餃，燒賣，流心奶黃包，海皇千絲春卷，蝦餃燒賣好味足料，流心奶黃包要熱食，凍咗會唔流心，海皇千絲春卷餡少，只有細隻蝦一粒同埋唔知咩味嘅橙色醬喺度，炸千絲都比較要聽油膩。瑤柱蛋白炒飯夠乾身，多瑤柱👍🏽 足料好味唔會太鹹…查看更多