翠湖海鮮酒家

入到嚟坐低，落咗單等咗成半個鐘，惗住催下佢，問佢得未，點知原來佢唔記得咗落單...........🥲嚟到啲嘢食又麻麻地，牛肉腸粉真係唔得，而且腸粉皮又好厚，重新落單有個灌湯餃，我知道灌湯餃係要好耐，但係又等咗成大半個鐘都未有，有啲過分，到最後問佢嗰時先知原來佢又唔記得咗落單......應該冇下次。…查看更多

昨晚約了一班舊同事聚會,他們都喜歡食中菜, 荔枝角地鐵站上蓋的長沙灣廣場位置方便. 大家各自回家也方便.今次第一次去這間新酒家,雖然是星期四（平日）晚上, 想了到酒家都差不多坐滿人.我們九點半左右離開也仍有很多食客剛上菜. 可能此地區中式菜館不太多選擇. 當然我也發現幾檯12人~一家老少或者朋友聚會食圍餐. 遠望他們的菜式的份量都幾多.我們只有5人選不到多人圍餐, 只選了1份晚市孖寶餐~有一個冬瓜盅及例牌燒鵝🪿（$368）. 還有, 選了一碟蒸鳝（$168）及一份南乳齋煲🍲（$118）. 最後,加2碗白飯. 合共大約$835左右.冬瓜盅材料豐富除有冬瓜,蝦,瘦肉, 螺頭,蟹柳,蓮子,草菇,乾貝.而且是清甜不油👍🏻例牌燒鵝 ~ 皮脆肉嫩沒有肥膏.超香口.可惜例牌份量不多.豉汁蒸白鱔 ~ 白鱔鮮甜彈牙.南乳齋~正常南乳齋煲,味道不會太咸,粉絲吸收南乳的香味,拌飯一流😋總結：各樣食物質素也好味道.不過份量不算太多😅白飯🍚也夠大碗🤣. 酒家沒有限時用餐,可以放心聚會.…查看更多

近排發現長沙灣廣場好多餐廳都冇泊車優惠，對開車出街食飯嘅家庭嚟講真係唔太方便。不過佢就係少數仍然提供泊車優惠嘅餐廳之一，對一家大細嚟講，絕對係一個貼心又實際嘅選擇。🍗 燒鵝，皮脆肉嫩，油香四溢，配埋梅子醬一齊食，味道更上一層樓。🍲 冬瓜盅，清甜滋潤，湯底鮮美，冬瓜吸收晒湯汁精華，啖啖都係清香。🫒 欖角骨，欖角鹹香突出，排骨煎得香口，外脆內嫩。🌶️ 麻辣豬手，豬手皮爽肉滑，麻香中帶微辣。🥒 苦瓜炒牛肉，苦瓜爽脆，牛肉嫩滑，炒得火喉十足。🕊️ 乳鴿，外皮香脆，肉質細嫩，香氣十足。🥦 西蘭花炒鮮魷，西蘭花翠綠爽口，鮮魷彈牙鮮甜。🥘 雜菜煲入面材料豐富，暖胃又滿足。餐後仲有甜品奉送，其中紅豆沙尤其值得一試，豆香濃郁、甜度適中，口感綿滑！😋…查看更多

咕嚕肉，外皮好酥， 豬肉 juicy ，芡汁有拉絲，真係咕嚕肉嘅天花板 👍野菇雜菜，材料新鮮。椒鹽鮮尤，脆漿處理得一樣好，就係太大份量，人多先好叫。砂鍋炆魚腩，味道可以，但是龍躉不夠新鮮有 魚腥味。燒乳鴿38蚊一隻， 熱辣辣， 唔好挑剔。總括來說，酒樓吃飯必定嘈吵，但地方寬敞， 雖然沒有殷勤嘅招呼，但是服務都不算惡劣，小菜來得快，每款都好大碟，適合多人聚餐。…查看更多

係附近返工，平時都有係呢間酒樓同同事食lunch. 今次同屋企人食晚市，食物係真係好食，基本上無一樣野唔好食，7個人叫左半席（6人用）加一隻長腳蟹，長腳蟹個個長輩都話好新鮮鮮甜，燒雞，蒸魚，大蝦伊麵都好出色好入味。唯一唔好就係等位等好耐（由1915等到2000），平時同同事食有book位都要等，不過無等咁耐，期間有張9位walk in遲過我撳飛，但佢地等左15分鐘就有位（可能識得門口個帶位），等位既時間已經睇定食咩，一入座即刻落單半席，再跟另一個職員去揀長腳蟹，點知等左半個鐘都未有野食，原來漏左單。好彩另外叫左個長腳蟹，都叫有野食比長輩食住先。個部長重新幫我地落完單，過左10分鐘又話無燒鵝叫我地轉另一個餐係乳豬，但轉另一個餐龍蝦伊麵就變左大蝦伊麵，同埋個鮑魚變左炸牛奶卷（兩個餐只係差$100），但因為真係等得太耐就唯有轉。到最後差唔多2100個餐先上。埋單$4000左右。廚房同食物對得住呢個價錢，都算係我去過咁多酒樓最好食一間，但服務都係我見過最差，得帶我地去揀長腳蟹個職員同幫我地剪長腳蟹個姐姐係有禮貌。…查看更多

這間酒樓價格相對冇咁貴，食物質素同份量都唔錯。 但樓底比較矮，入座時盡量唔好坐大廳，尤其是近收污糟杯碟嗰啲手推車，嗰啲撞擊聲嘈到你根本唔想食嘢。所以有位揀的話，入細房會好d。…查看更多

純粹因為近所以去幫襯一下。大概12:30唔使等位，去到就可以入座。攞位嘅時候已經講明係5位大人，1位小朋友（兩歲）問侍應攞BB櫈好快就拎咗俾我哋。點咗一碗雞米線、叉燒包、叉燒腸，酸菜魚味道中規中矩；其他基本嘢冇特別；鮑汁鳳爪，有色無味；椒鹽白飯魚，應該係即炸熱嘅；燒賣有粒大蝦算係足料；炸鮮奶，脆但係唔熱；原本冇諗住寫食評，所以本身冇影相。但係態度實在太差，所以需要同其他食客分享一下。坐低點咗幾款點心之後覺得唔夠，所以諗住加單，就問職員拎多一張點心紙落單，佢嘅回應係「頭先冇俾你咩？」（講嘢好大聲，而且係用質疑嘅態度）我回覆：加單 （係咪唔想做生意呢？加單都唔得？）跟住兩個阿姐（職員）企喺我隔籬傾偈，其中有議論其他客人麻煩⋯而且隔籬枱上坐點心嘅時候，有即時跟進㗎，但態度都唔係幾好，又係質疑人哋係咪自記落錯⋯我哋聽到呢啲說話，快快脆脆食完就走啦。到埋單俾錢，過程都算順利。之後睇單發現佢連小朋友茶位都有計（朋友之前嚟過係唔計嘅），所以去咗隔籬個收銀問咗一聲，又係用啲好惡劣嘅態度回應。其實飲餐茶食個lunch，都係一班人傾吓偈輕鬆吓。點解成個過程要咁勞氣呢？唔係一個人態度唔好係接二連三幾個人都係態度都好差，呢間酒樓發生咩事？竟然到而家都唔執笠。…查看更多

今日中午諗住飲個茶之後行下街去到睇門口都多人等，心諗冇死啩，入去話即刻有位，原來門口啲人等下午茶，好啦入去坐低點野食都好地地…點知一上菜，果個上菜呀姐態度差到一個點，我3個人坐一張枱，明明仲有個走廊位上菜，佢係都要喺我隔離上菜，仲大大聲叫我「睇住！」，之後仲大大力將啲野食抌上枱面！我問佢：「你咩意思？」佢話：「咁你阻住我，我咪叫你借開，睇住！」我直坐喺度睇緊電話，明明仲有個吉位你上菜仲要係走廊位，我一直郁都冇郁過，到底邊度阻到你？ 咁嘅服務態度！真係冇下次到底我嚟食嘢？定係嚟睇住佢？…查看更多

鼓勵香港人返大陸既臭服務酒樓，特別係收銀，9/10m晚更既收銀，西到你唔信，香港飲食業玩完總有原因，最悲哀係缺人到要請埋呢啲西人，投訴無門，除咗呢度發洩下諗唔到。…查看更多

今日同屋企人嚟歎個下午茶一點半到咗拎位 排緊第四張枱都幾多一家大細排隊飲茶一點十左右就開始放人入去✨優惠孖寶嗌咗下午茶special 腩仔米線+牛肉腸粉腩仔嘅皮燒得好脆 幾出色 好抵食✨陳皮牛肉球牛肉球大大粒正常發揮✨沙嗲金錢肚金錢肚幾爽 沙嗲味濃 同埋唔會冧哂 件件都大舊 唔錯！✨薑汁雞包仔包熱辣辣 食落好鬆軟亦都有薑汁味道餡料十足 有晒雞肉同冬菇✨豬骨湯鮮竹卷一咬落去爆哂汁 餡料豐富配合埋豬骨湯 好有層次weekend一家人飲茶抵食之選😽…查看更多

翠湖海鮮酒家荔枝角長沙灣道833號長沙灣廣場2樓202A號舖score 分數：A/70+位置： 好方便，係荔枝角站A出口，長沙灣廣場上，全程有蓋唔怕雨。除非你行路或搭巴士價錢： ～HK$150-250/人(晚飯價)味道：味道係標準囉～好食但又冇咩大驚喜服務： 酒樓阿姐服務咁，還想咩要求清潔： 大致乾淨環境： 晚巿酒樓囉特色： 廁所係出面（算方便）、 茶水無限添飲（吹水好去處，唔怕缺水）以我去過咁多間晚巿酒樓嘅經驗，講真嘅，我覺得冇咩特別。唔難食，又唔係特別好食，好標準嘅傳統中式酒樓。午巿嘅點心我就未試過啦，但今次係佢裝修後第一次去，都係算咁，因為成個環境算新。…查看更多

一個聽電話態度惡劣前台,我只係打電話book位個前台直頭好似想食人廿態度,大大聲及兇惡叫人阿姐大聲D,一間新開酒樓做前台做成這樣惡劣態度,酒樓老闆請著個態度廿差員工,簡直不知所謂,真係未食都一肚火😡🤬…查看更多

飲咗二次，點心質素可以。但衛生差啲，第一次飲待應鋪枱布，枱布完全未洗過。二次飲茶枱布都係勁有油益味，張枱有油又有水唔抹下，照鋪新枱布落枱面。第三次都要考慮吓去唔去…執枱待應手套有油又有水，就去拉椅背。…查看更多

今天是星期日想打去詢問下午茶時間，第一次打去，我說請問今日有沒有下午茶？一名操不流利廣東話的阿姐用很不耐煩的態度回答有。我想再問幾點開始，她已經cut了線。之後我再打同一個電話，又是同一個人聽，我說我仍有問題問為何你cut了我線？她仍是用很不耐煩的態度回答我，因為好多客我好忙，仍然沒有比機會我問問題。終於明白為何香港飲食業結業？希望相關管理層能看到這篇文章，你們的食物質素價錢是非常抵的，但員工的態度強烈建議需要培訓。…查看更多

久久沒有去飲茶，呢間酒樓無論款式同點心嘅味道，都係中上。椒鹽魷魚鬚無諗過係咁大碟、乳豬飯好好食對得住個價錢！今時今日原個蒸馬拉糕已經唔係到到都有，鹹水角一般都係3件，呢度就係4件；個皮外脆內軟好好食。👍🏻👍🏻個 乳豬飯真係冇得頂吖！😋😋 …查看更多