翠園 (形點 I)

翠園（元朗店）中秋節, 屋企人做節, 揀咗元朗形點一期商場嘅翠園. 方便就腳, 食物質素都唔錯. 抵唔抵就見仁見智啦.呢個六人套餐 $2080上湯加拿大龍蝦伊麵、翡翠帶子珊瑚蚌、香脆百花釀蟹鉗、竹笙海皇燴燕窩、原隻鮑魚伴花菇、清蒸沙巴花尾斑、鮮蟲草花銀芽翡翠苗、脆皮一品燒雞、四季荷葉飯、美心迷你冰皮月餅. 再加多一個瑤柱蝦乾節瓜筒 $128我哋八個人夠曬食, 加一後共$2517人均$315 可能係節日囉, 我覺得就貴咗少少.不過我欣賞翠園回歸本源，著重食材本質，不添加味精，引領食客沐碧蔭，品原味。憑大廚千錘百鍊的粵式巧手、精心蒐羅的當造食材、對飲食文化的不懈鑽研、及清雅脫俗的用膳環境，食客有如漫步竹林大道上，舌尖五感浸沉翠園氤氳，以心細嚐君子之美膳。講下我最鍾意嘅 ~ 百花釀蟹鉗「鮮、彈、香、脆」四種口感完美結合. 佢能做到· 外觀色澤金黃均勻, 形狀飽滿圓潤. 外皮薄而香脆, 不含油. 蝦膠口感爽脆彈牙, 絕不粉爛或過實, 鮮味十足. 蟹肉熟度剛好, 保持鮮嫩多汁, 鮮甜味突出. 整體嚟講, 蘸一點喼汁, 送入口中, 外脆內彈, 鮮香交織, 齒頰留香, 而且吃完後盤底沒有多餘油分. 超正！仲有 ~ 四季荷葉飯飯粒乾身香, 配料層次明, 荷香滲入心. 一開荷葉, 撲鼻而來的是濃郁的荷葉清香,令人食慾大振. 米飯與配料色彩繽紛（蝦仁的紅、芥蘭的綠、香菇的黑、蛋絲的黃）,呈現「四季」之感. 色香味俱全.地址：元朗朗日路9號形點 I 第二層 2039號舖電話：22593538…查看更多

人生第一次遇見片皮鴨（一隻）兩隻鴨腿擺上盤片好的部分只有脆皮沒有肉雖然是套餐（週六日390+包括片皮鴨（一隻）➕魚/蝦/鮑魚（選一）），但是⋯⋯不如不做啊店員態度都好差，聞訊是否可以將鴨腿片好，答：我們沒有片過喔，給您刀叉🍴」啊OK fine…查看更多

18：44分下單，17：30分 只來了 三個餸， 不停追單下 在等十分鐘 再有 送上 有一碟炸鮮奶及生蠔裏， 炸鮮奶是凍的，炸鮮奶還有四條及炸生蠔兩個， 要求再做，只送回炸鮮奶五條， 在要求退回，才做完整一碟補償。…查看更多

“糉" 有一款合你心意每年端午都必會吃糭，但市面上來來去去只有幾種，還沒吃膩就先看膩了！ 翠園今年“糉" 有新意！推出 7款匠心糭！5鹹1甜，包括原隻鮑魚鹹肉糉、燒鴨鹹肉糉、帶子蝦乾糉、黑松露鹹肉糉、素舞茸羊肚菌糉、蛋椰咖吔鹼水糉。款款爆餡，嚴選矜貴食材，由師傅用心包製，仲附送精美禮盒，送禮自用都超應節！我今次率先品嚐三款新糉：🔥 燒鴨鹹肉粽——濃郁鴨香與鹹鮮五花肉碰撞，經典再升級！ 🦐 帶子蝦乾粽——鮮甜帶子+鹹香蝦乾，海洋風味大爆發！ 🥥 蛋椰咖吔鹼水粽——秘製咖吔醬融入椰香，甜而不膩超上癮！ 傳統新思觸發味覺新享受！…查看更多

本人於klook 買下元朗翠園晚市套餐8份，菜式不是每位奉上，是集合在同一碟。份量嚴重偷工減料。竹笙海皇燴燕窩：沒有加上燕窩，klook 其他買家分享圖片有燕窩放上面燒鵝叉燒：用2格頭盤的碟奉上，燒鵝無可能8人份量，好小家 炒飯：只是5小碗份量，以下Klook其他買家提供食物圖，明顯有燕窩，燒鵝係一碟上，大家唔好中伏…查看更多

服務差就緊，最怕美心啲所謂promotion, 咁又唔得，這個又唔用得，食物質素都係預制！ 點心有返蒸！這個價錢，你自己去埋！ 太興茶餐廳個質素同服務仲好過翠園！員工質素真係有待改善…查看更多

今日食評✍🏻翠園@Yoho mall帶兩米同公公婆婆飲早茶1️⃣豉汁鳳爪好入味柚皮係精髓所在2️⃣牛栢葉大大碗好抵食味道都唔錯3️⃣牛腩腸粉有啲伏原來係手腩同腸粉分開煮再放埋一齊我哋最後要用混醬食腸粉4️⃣蘿蔔絲酥外型有驚喜不過我鍾意食傳統嗰款酥皮多啲5️⃣牛肉球冇乜驚喜味道一般加單再點6️⃣蛋撻仔都係一般冇乜驚喜酥皮底7️⃣流沙包就好正放咗一陣間嗰心都仲係熱辣辣8️⃣最好味係呢個煲仔飯好多雞肉嫩夠二人份量最重要係抵食，好似53蚊咋3大1小共441無論大鋪小店我哋都會盡試盡講Follow我哋bw.foodie…查看更多

性價比極低，服務欠奉，踢一下動一下. 食物質素差，出品賣相差，味道垃圾級數. 一品炒飯味道欠奉，叉燒瘦如咬柴，牛肉腸粉粗糙. 咖哩土魷更尤如一堆嘔吐物. 服務態度有大空間去改善. 簡單講，去翠園係貼錢買難受！…查看更多

今日去親戚百日宴啊！佈置得唔錯！雖然飲宴間間都差唔多，但係都做個記錄先！影咗大部份餸菜嘅相，可以俾大家參考吓！餐牌（13味）紅雞蛋加子薑（子薑好甜好食）金豬海鮮西蘭花玉環瑤柱炸鮮奶蝦球（蝦球唔錯）🥈鵝掌鮑魚片(鵝掌滿分）🥇甜點（中間嗰款好脆好好食）🥉侍應極力推介，上菜嗰陣係咁話好食！百日宴裝飾（QQ)兔仔做主題，再加埋氣球裝飾！今日唔係影晒全部相，因為影影下唔記得咗🤣但係都照頒獎啦🥇🥈🥉…查看更多

同朋友流水圍坐墮胎翠園，食落去真係正喎🍴！首先，個豉油雞超級入味，啖啖肉嫩滑得嚟少咁死鹹，拎啖蔥油拌吓真係叫人食指大動。跟住搞個上湯龍蝦伊麵，見到個波士頓龍蝦澎湃得滯，咬落去彈牙新鮮，咸香湯底同伊麵嘅夾擊令人忍唔住多撈幾筷！至於清爽田園蔬，跟住嚟一下清光盈口，有我至愛嘅小椰菜同馬蹄，啱啱好平衡返成餐嘅重口味。嗱，海蜇頭爽口得黎筋道，真係一開胃佳品；咕嚕肉就嘟嘟好食，炸得外脆內嫩又唔油膩。至於珍菌手搣豆腐，同埋那些平常口味的菜式，有料之餘又唔會抹煞其它風味，咁樣搭就係得意啦！帶咗家人來食幾次，依家開心到要俾心口好評👍！金沙䱽魚球真係創意滿分，魚球內外都掂，而家諗起都仲想再鬆一鬆口水。花雕雞同海參蹄筋炆鵝掌都係翠園必試，特別係個湯，夠晒養！嘗勻這幾款美食，仲有啲嘢諗吓下次仲要返嚟試啲乜好呢🤔！…查看更多

放假同屋企人飲下茶，揀左黎Yoho mall的翠園，貪佢地點方便。平日的早市都幾多人，雖然未使等位，但都九成滿座。開左壺香片🫖，茶味幾好，但個熱水壺太細，想搵人加水又難😮‍💨🥢粟米魚肚粥茶樓嘅粥品唔好抱太大期望，無味又無料，勝在有舊油炸鬼送下。🥢鳳爪排骨飯飯都幾好夠乾身，鳳爪排骨調味唔錯。🥢雞絲春卷炸得香脆的春卷，但餡料偏少。🥢蔥花炸兩腸新鮮包的炸兩，油炸鬼仲脆，腸粉滑得黎有韌度，多蔥正喎。🥢蠔皇鴨腳扎等左半個鐘先到嘅鴨腳扎，一度以為漏單，問伙計都係老馮一句蒸緊…芋頭綿綿的，醬汁好味。抵讚係十半前埋單有優惠價，伙計會預先埋單，然後可坐到夠鐘先走，每枱有90分鐘用餐時間嘛。…查看更多

第一次係openrice寫評論真係嬲到貼錢買難受係冇錯全部野要自己嚟 拎水壺拎新碗我地不停舉高手都冇人理 有啲staff直程見到扮見唔到 坐咗15分鐘 落單紙都冇 要行到埋去話仲未有落單紙先慢慢拎過嚟 究竟呢啲係咩服務態度 知道平時星期六日人多 可能staff會有啲吃力 不滿 懶散 但今日星期六等位嘅人唔多 12點呢個鐘數都未坐滿 如果真係話忙得滯嘅理由 我唔接受 相信依家香港人嘅六日都係返深圳所以人冇以前咁多 但呢間酒樓都俾人投訴好多次 依然係咁嘅服務態度…查看更多

今日難得放假，咁就約下男朋友仔屋企人去飲茶啦。最近好多人北上去左玩樂，所以香港茶樓都算係少左人，今日好好彩無派好耐就入左去食 。首先點左個叉燒燒鵝拼盤黎食下，佢叉燒都幾入味下，不過就有少少筋，但整體上來講都算係半肥瘦幾好食下。然後男朋友仔好鍾意食叉燒，所以就點左叉燒腸同埋叉燒包食下，兩個點心都好足料，尤其係叉燒腸，好滑，值得一試！不過叉燒包本身可能以為有三個，點知黎到先發現得兩個（以前明明細個食有四個！！）可能太耐無飲茶，問返Uncle先知原來最近都係兩個一籠。:(個椒鹽豆腐都幾好食，佢出面幾脆口入面豆腐就軟綿綿，夾埋效果幾好。仲有點其他點心試下，個人最推介係古法馬拉糕，佢好鬆軟好絲滑，搞到我地都忍唔住點多籠。但係比較失色就係個蘿蔔糕，有一兩舊係唔夠脆（可能係我個人口味問題，唔夠脆嘅蘿蔔糕唔好食！）不過整體黎講，佢蘿蔔唔算好散，食落都係唔錯的。同埋燒賣，大大粒嘅魚肉燒賣，好適合一家人去食。個叉燒瀨粉都唔錯下，叉燒同上面拼盤一樣優秀，瀨粉個湯底幾好飲而個啲瀨粉都幾有彈性幾爽口下。點心黎講有甜品食真係唔錯，本身以為茶樓點心都係個幾味，不過果然有驚喜，佢紅豆豆腐花，豆腐花比出面街上面嘅滑好多，第一啖食落好清新，好甜美。然後咖啡糕黎講都好唔錯，食到濃濃咖啡味，份量黎講好足料。…查看更多

細個記得成日去銅鑼灣間翠園飲茶。而家就多數嚟元朗yoho呢間。今次同屋企人食晚飯。好耐冇晚市嚟呢度。今次覺得整體上都唔錯。呢間翠園佢分兩邊的，分別在於兩邊的座位會有啲唔同。左邊嗰邊嘅座位比較新派啲，有梳化位。右邊嘅就係平時正常嗰啲座位。呢間翠園都幾大，好多座位。食物方面，今次叫咗幾道餸菜，樣樣都幾好味😋👍嗰晚我哋係星期日去食晚飯，唔使點等位，好快就可以入去。比起午市飲茶時段，容易搵位好多。翠園我覺得係好啱一家大細，同埋爸爸媽媽長輩一齊嚟食飯嘅好地方。…查看更多

29/9/2023 中秋節晚宴認真唔掂，套餐$4880另加一，員工態度極不專業，叫加－個茶，女待應回答極不禮貌，用大聲高音回應「有」！食物水準極低，炒飯如貓撈飯，濕濕的，龍蝦伊面只係得一舊尾肉，其他全部都係頭同埋殼😡餐單寫明有冰皮月餅，最後話只可糖水及冰皮月餅二選一，之後我哋選擇冰皮月餅，佢又話只有糖水，冇冰皮月餅，完全不符合餐單上寫的，最後我們很不滿意與經理爭論之下，他們才給我們冰皮月餅，不知是否有人私下用糖水換咗我們的冰皮月餅，中秋節一家人開開心心食飯，變咗一肚氣🤬🤬🤬…查看更多