翠亨邨 (新世界大廈)

营业中

休息中

在中環的幾間酒樓一向都較貴和少食物選擇, 特別是點心的選擇是少得可憐, 翠亨村亦不例外沒有什麼特別出眾的美食, 即使是其招牌炒米亦只是普普通通但亦沒有什麼難吃的食物, 只可以說是普通水準「沙薑手撕雞」味道不錯, 全枱沒有人願意吃雞皮, 我義不容辭為大家擔此重任, 雞皮簡直是極品埋單超耐, 間中亦有漏單的情況出現, 真不明白為何這麼多中環人光顧

六個人翠亨村食lunch，見點心$26一籠，咁喇俐，唔敢叫太多，另點幾味小菜好過。點心其實冇乜特別，小菜質素反而唔錯，相對較為抵食，其中我覺得最正係鎮江排骨煲同「?」杯雞：前者味道調較得好，排骨亦幾淋；碟雞(半隻)好滑，淨係嫌酒味輕。服務方面，無論樓面或者傳菜態度都好好。

大家有冇試過﹐想寫食評的時候﹐但係唸極都唔知點寫呢。我呢個食評就係咁喇。個日我原本訂左皇上皇﹐但遲左﹐去到要等﹐於是轉去第二度。好朋友說了幾次唔好意思﹐我心想﹐係咪你說句sorry 就冇事呢﹐有些事情唔係一句或幾句sorry 就可以彌補到的﹗我都唔知邊度會有位﹐經過一論掙扎﹐決定試試好耐都冇去過的翠亨村。當時都全場滿坐﹐不過有幾張應該係剛剛走左。坐下發覺原來點心只有五款左右﹐而小菜亦只有十款選擇。點心不是普通的蝦餃、燒賣﹐而是什麼翠肉蒸餃、芥末蝦餃呀﹐小菜都好離奇﹐有幾款係你完全看不明白﹐不是那些改成好意頭的菜色﹐而是用些特殊的詞語。例如我地叫了一個上湯津苗﹐來到原來是津白﹐我唔鐘意食津白的﹐想叫佢換過﹐不過都沒有其他像樣的選擇了。至於點心﹐叫個樣冇個樣。我同好朋友講﹐淨番冇人叫個D點心﹐應該唔好吃喇﹐好朋友話未必﹐冇人叫=少人叫﹐但不對於唔好食窩。結果點心來到﹐真係冇人叫果個芥末蝦餃﹐以我一向嚴格的標準來說﹐係唔好食的。不過好朋友的標準同我唔同﹐佢咪野都食﹐我將我食淨的芥末蝦餃淨雞雞放響佢個碗度﹐睇下佢點。佢竟然又冇出聲﹐過左一陣﹐發覺佢個碗果半件點心無左﹐碟邊又冇﹐又冇人收過碟﹐咁

今晚阿sir請食飯, 與一班長輩晚宴, 當中有政府高官、鋼琴家及誇國公司老闆, 話題是樓市、長毛及田北辰, 幸好尚可搭得上話題其中部長推介的招牌菜, 不知菜名是否如此\"沙薑手撕雞\", 但味道與之前在京華國際唐宮所吃的\"中華第一雞相\"相似, 岩哂我呢類唔願食骨的懶人此店OX醬尤其美味, 買走每樽$88, 下次買來回贈長輩先~

重要話只係有野飛左落去, 收左碟有'小強’架食物就冇人理! 服務清潔極之差, 食物幾靚幾好食都無用啦!!!

六個人來吃晚飯，平日晚市都幾滿坐。點了燒味拼盤($144)，Ｄ乳豬皮好脆，肉又好味又唔肥，Ｄ义燒半肥瘦好好味！鎮江骨($78)酸酸地咁，Ｄ肉好夠林，正！香芒鱈魚卷($120)，魚卷炸得夠脆，個汁酸酸甜甜咁幾醒胃，但魚肉不夠鮮味。竹笙紅燒豆腐($68)，清清地，豆腐大大件咁，唔錯。甫魚炒飯($80)係招牌菜，必食。訂位時還預訂了蓮茸西米焗布甸($22一客)，好夠熱又香滑，不太甜，吃完好滿足，只是布甸略晞一點。

星期四訂位吃午飯，坐下來侍應才告知沒有點心供應（訂位時沒有說明，否則不會去），原因竟然是師傅要包粽子！迫我們吃貴小菜！上菜又慢．．．．．．好彩有個男侍應服務態度好好，很落力給我們追菜．

午市點心比較小, 只得五款, 但糖水選擇多. 半肥瘦的叉燒非常可口.