翟道翟 Tuk Tuk (已結業)

想不到這餐廳的湯粉是那麼有水準的，我點了冬蔭功金邊粉，湯底濃郁並不是一般合成味粉可比，$48可選一餸另包一飲品，份量不少，同一份午餐不相伯重，又沒加一，服務員亦貼心，不用舉晒手都找不到人，實在超高性價比。下次一定再來光顧…查看更多

於openrice訂位 星期一晚上6：30光顧人流唔算好多 卡位3個人坐非常闊落叫左冬蔭功湯（2-3人份）夠哂酸 有半隻開邊大蝦 草菇等湯料 份量好夠 3個人飲起碼1人飲到3碗串燒拼盤（雞牛豬）每款有兩串 即燒 熱辣辣 點埋沙嗲醬 超正辣醬炒蜆好惹味 份量都算幾多乾炒雞肉河好味到不得了 有鑊氣 雞肉份量都夠多炭烤豬頸肉濃濃炭烤味 豬頸肉好爽 好軟冧 必叫燒魷魚筒醬汁好香濃 魷魚好爽口 唔痴牙 勁好味 芒果沙冰飲得出用新鮮芒果打成 好有驚喜仲叫左泰奶茶 同椰青叫左咁多嘢 3個人 每位$232太抵啦呢間隱世泰菜 已列入Encore必去餐廳只後悔自己知得太遲…查看更多

最近我去咗佢地既午餐，嗌左豬手飯！一上嚟，豬手已經好大份，豬手真係肥瘦適中，肉質好嫩，唔會太油膩。每一口咬落去，肉質好軟，仲有一股香味，配合上面嘅醬汁，味道濃郁，而且佢哋仲有加酸菜，令整體口感更加平衡，唔會太肥膩。可惜敗筆係碗飯度，我覺得口感無咁好有啲似係用舊米煮既飯，無粒粒分明，而且口感比較硬，仲要個飯唔係熱，係凍既，有少少失望。呢間餐廳仲送咗杯凍薏米水，呢個真係一個意外驚喜。凍薏米水清爽可口，唔會太甜。…查看更多

朋友在觀塘返工，聽她講平時午餐多時嚟呢間食抵食又好食既午餐，雖然離地鐵站遠左少少，但都吾算難找既，喜歡試新野既我一於嚟食下。多卡位是值得一讚的，座位寛敞，適合朋友優閒傾計最舒服。服務好，上菜快。柚子沙律🥗，好味😋。咖哩大蝦，蝦質素一般，但咖哩出色，用嚟夾蒜茸包一流👍。馬介休炒通菜好食。串燒一般啦，不過不失。芒果沙冰🍧好飲，味道吾假芒果🥭味👍。見OpenRice訂坐都有85折，朋友是會員，埋單75折，更抵😂😂…查看更多

朋友新公司搬去觀塘，所以約埋一齊食飯順便交換旅行手信，因為旅行食得太多日本菜所以選擇左泰菜試試，見Openrice有間tuktuk好似唔錯所以試試。 提提大家原來觀塘有兩個日升中心，一開始去左另一幢去到一樓發覺唔對路，睇清楚D原來係中海日升中心….結果行多左500米先到 餐廳裝修簡簡單單，我地試左幾道菜 冬蔭公我係泰國試個幾間餐廳做法都好唔同，呢間做法係我鐘意既(有蕃茄同椰奶所以唔係個種得個辣字) 炭燒香茅牛肋骨好JUICY，估佢唔到 串燒及黃咖哩正常發揮，個汁幾好配蒜蓉包好食，炒金邊粉也不俗 甜品方面，朋友一坐低就話最後想叫芒果燸米飯，我就一般甜食所以”痴”左啖食，芒果夠甜 最最最估唔到係個椰香班蘭千層糕，以為凍食原來係即蒸(我估，因為好熱)，但好好食，好軟熟。本來好飽我地都ENCORE左一碟 推介俾係觀塘區既朋友 PS 見佢外賣D午餐都好抵，不過無機會試會員宜家做緊75折…查看更多

我發現了這家位於觀塘的泰國餐廳,它令我有意外的收穫。這家餐廳提供了一個寬敞舒適的用餐環境,適合悠閒地坐下來聊天。價格也算公道,四個人點了七道菜和三個飲品,平均每人消費約 200 元港幣,還算實惠。最令我印象深刻的是他們的生蝦刺身。生蝦肉質鮮甜,配上地度的泰式海鮮汁,讓人回味無窮。冬陰功湯湯底濃郁,食材新鮮，尤其蝦肉。另外串燒豬肉和牛肉,肉質鮮嫩,肉汁豐富,也讓人大大滿足。總的來說,這家泰國餐廳以美味的泰式佳餚和舒適的環境,給我帶來了非常愉悅的用餐體驗。對於喜歡泰國菜的朋友,我強烈推薦這家餐廳,它值得一試。…查看更多

今次選擇觀塘中海日昇中心的泰式翟道翟, 選了窗邊座位,寬敞舒適。服務好好。要求上菜的次序全都做到。柚子沙律。極之好味。超級推薦。馬介休炒芥蘭。份量大, 夠鑊氣, 惹味。太油膩的炸素春卷。泰式生蝦。新鮮,醬汁好味。泰式牛三角,有D靭, 醬汁惹味.豬頸肉。出色, 值得一試。芒果糯米飯。一小杯, 不太甜。份量剛好。…查看更多

泰式鳯瓜辣味適中冬䕃功蝦湯性價比高兩大隻大頭蝦仲可以有四大碗湯飲👍👍馬拉盞炒芥蘭比較普通，但勝在夠大碟沙嗲串拼盤肉汁鮮嫩夠Juicy炭烤香茅大尾魷，魷魚好新鮮又吾韌菠蘿沙冰最好味，因為用新鮮菠蘿鮮榨…查看更多

星期五約左同事放工一齊放鬆下, 吹下公司8掛嘢.一入餐廳環境充滿泰國風情, 店員禮貌帶我地入座. 天氣太熱, 我地三個人第一時間就分別叫左三杯唔同既飲 -薏米水甜度適中,原個椰青同青檸梳打夠冰凍至於食物, 我地每類都叫左試下. 冬蔭公蝦湯 湯底辣酸甜味好平均, 湯一直煲住🔥, keep溫度 (冬天一定更好),仲有原隻開邊大頭蝦. 鮮菠蘿海鮮炒飯大份超多菠蘿,適合share食拼盤有6種小食,加埋泰式甜酸醬 好味仲有個金柚沙律, 清甜又脆口, 夏天食一流…查看更多

翟道翟泰國餐廳位置都算方便，餐廳內坐得都尚算舒服，看見餐牌都有唔同種類嘅泰國食品，於是order左串燒，黃咖喱、牛三角肉同菠蘿飯。呢度嘅特飲都好多選擇，所以都忍唔住叫左杯美祿沙冰。菠蘿炒飯份量十足。串燒拼盤值得推介👍👍！牛串肉汁鮮嫩😋😋泰式牛三角比較有驚喜！醬汁惹味牛肋骨肉質比較靭，不過味道吾錯冬陰功湯性價比都算高，有半邊龍蝦同大頭蝦在內黃咖喱牛肉抵食，牛肉份量充足！沙冰特飲真係一試難忘…查看更多

觀塘翟道翟 Tuk Tuk.味道：7.5/10🌟抵食：7/10🌟環境：7/10🌟.突然想食泰菜🇹🇭見到咗呢間好似幾有feel😀推薦自選粉面嘅冬陰功➕船河湯底😍兩樣都食倒啱曬選擇困難症🤣河粉份量正常，好吸湯，豬頸肉都唔錯👍🏻另外海南雞飯同埋豬頸肉飯都有水準，值得一試🥰.…查看更多

平日食個early dinner，大約晚上6點，沒有訂位，都可以直接入座。餐廳環境唔錯，設計上有花心思，看看餐牌，其中一張晚餐餐牌上係免加一，其他就要加一。🔸冬陰功湯底河粉+豬肉丸無冬陰功味道，撇除冬陰功的話，湯底都可接受，與河粉夾，賣相係靚嘅，而且配料唔差，豬肉丸拉回好多分，爽口彈牙，肉質新鮮好味又有口感。🔸青咖哩飯配豬扒第一口青咖喱汁唔錯，可惜越食越甜，而且單一甜，感覺好膩，青咖喱汁味道唔夠豐富。豬扒都係另一失望點，豬扒肥肉多，肉質韌。唯一有驚喜就係豬肉丸，食物嘅賣相係有心思的，但味道有待改進。…查看更多

好耐無食泰菜，就約左個朋友黎試下新野，都幾有驚喜。甘兩個人都唔係好餓，就淨係叫左個金邊粉and 雞牛串燒，share 黎食。首先金邊粉份量正常，無好多花巧既野。味道黎講係多左dd 酸味，金邊粉好靚，幼身得黎仲keep 到彈牙，唔錯👍串燒就出乎我地意料地好食👍👍 燒到恰到好處，雞串係係有汁水既，而表面有焦香，一啖吃落係享受！好食！ 而牛串仲更正，佢表面都係焦香而入面係粉嫩既！口感似5~7成牛但佢係串燒👍👍 好食。 今次黎淨係吃左少少野，下次會再黎試其他👍推介！…查看更多

翟道翟 Tuk Tuk 聽個名都知係食泰國嘢啦，有一次就去咗試吓食lunch一行三人嗌咗三個lunch set揀咗2碗自選粉麵雞中翼金邊粉配冬陰功湯底$62湯底都幾濃味唔錯唔錯雞翼炸得啱啱好，金邊粉都唔會煮得太腍豬頸肉金邊粉配船麵湯底$62豬頸肉烤得幾好食，不過本人就唔太鍾意呢個船麵嘅湯底:(可能係本人口味嘅問題加$21加咗個炸蝦餅做小食呢個都做得幾好食，幾有風味仲嗌咗個香辣煎蛋肉碎飯$69肉碎炒得幾惹味，都夠獲氣呢個商場都好多小店可以選擇，今次揀呢間食lunch時間唔需要等位，你哋下次都可以試吓…查看更多

今次選擇咗喺翟道翟食午餐，由於想搵個地方可以傾下計，坐耐啲😗地點比較格攝，但係環境好闊落，三個人晏晝冇咩人佢都比張六個人卡位我地，坐得好舒服，店員好好禮貌我哋去嘅時候啱啱好係午餐，我地揀左個乾炒牛肉寬河粉 同 鮮蝦炒金邊粉，餐飲佢送熱飲或者有得揀薏米水，我地揀咗凍熱泰式奶茶。泰式奶茶我係飲熱飲，選擇方面我揀咗濃，個感覺就係偏向重甜味，茶膽亦都唔夠香濃，似係一杯普通餐飲，整體嚟講唔會特別覺得好飲，亦都唔算難飲到唔飲。乾炒牛肉闊河粉賣相幾吸引，但係河粉炒得比較碎，但整體嚟講都係入味同埋好食鮮蝦炒金邊粉因為我預期係偏向辣嘅，但係食出嚟係偏向似用茄汁去炒，偏甜，唔係我預期嘅金邊粉。但係亦都唔排除有人鍾意呢個味道。只能夠話想食辣同埋有鑊氣嘅金邊粉就唔好揀依個。整體環境真係幾高分坐得好舒服，但係嘢食方面就唔算特別出眾。…查看更多