義達食堂 光記點心

嚟左呢區返工有幾個月，周圍都算多野食，不過同事帶我嚟呢度一定要試下。食店設係工廈，但有少少隱蔽，入面地方亦好細。 咁賣點係咩呢？就係點心即叫即蒸，仲要大大件，真才實料呀。 我地一行四個叫左蝦鮫超大粒，燒買又係勁大粒，义燒腸粉，墨西哥义燒飽，呢個我覺得一般，鳳爪排骨飯冇咩特別，粉果4大粒，餡料豐富，好味，尖椒茄子，食時要小心，因為熱辣辣會燙咀，同埋牛肉球。 個個食到飽飽又有動力去開工😋…查看更多

之前小女子同朋友嚟過食，發現佢嘅點心每樣都好大件又抵食，所以今次嚟多次食順便分享俾大家光記蝦餃皇唔好以為蝦餃一籠得兩粒份量小，但其實每隻都非常大粒係平時一般食開嘅double size ，入面包住滿滿嘅蝦仁，自然都有double口感同滿足感墨西哥叉燒包一樣係大大個，外面脆得嚟入面鬆軟，入面有熱辣辣嘅叉燒，食一至兩個真係會覺得飽飽的銀蘿脆皮腸呢樣真係唔係間間酒樓都有，而且好考功夫，佢即叫即製，所以新鮮嘅脆皮特別香脆入面滿滿嘅蘿蔔真係做到一絲絲而且好鮮甜，口感非常好，小女子寫食評嘅時候都好想再食多次雖然呢間舖頭地點唔太近地鐵站，但係食物質量幾好，性價比幾高，係想飲茶嘅時候一個幾好嘅選擇，但係舖頭座位唔多，如果想試嘅話，小女子就建議早少少嚟，因為佢開到六點咋:)…查看更多

此於紅磡聞名大件又新鮮的工廈點心食堂，確實想試很久了!  與好友特地去幫趁🙋‍♀️🙋! 店內位置不多，跟我們一起在門外等位的客人推介我倆先試點心，不要吃麵飯 (雖然該店的米線亦好食)。二人行的我倆共叫了:套餐 $48 的生煎蘿蔔糕 + 鮑魚雞絲腸 - 因見了坐近門口的客人亦叫了鮑魚雞絲腸餡料滿滿的，腸粉皮薄。餡料鮮味😋，滿分👍! 蘿蔔糕內的蘿蔔絲若多些就 perfect了! 我們掛住吃，才發覺忘了拍照😅🙋‍♀️。光記蝦餃皇 (兩粒 - 中點 $25): 實在大粒。因大粒，故皮厚少少😅?原蝦燒賣皇 (兩粒 - 中點 $25): 亦大粒，餡料滿滿的。鵝肝醬咸水角 (三件 - 中點 $25 ): 是我最讚的、最驚喜的💯💯💯💯💯!  餡料足，是我兒時酒樓吃的味道，即叫即炸 ; 皮的厚度恰好，超好食 ;  雖然鵝肝醬味道不太覺😅! 蓮藕煎鯪魚餅 (三件 - 大點 $28): 可以見了隔鄰檯的醬汁茄子拼尖椒非常吸晴，所以拍了照，有機會再試! 辣油若選用對面周記醬料的就大滿足了😅!店內較擠迫，若不想擠迫的話，可考慮叫外賣回家慢慢嘆😅!…查看更多

上課前與主內姊妹兼知心友享用超值午餐兼下午茶狹窄卻是溫情無限 巨型又經濟點心 包飽兼享酒店式服務街坊式點心店點心既巨型又抵食懷舊、矜貴、罕見 點心 俱備食物 吸引眼球 刺激味蕾 既果腹又滿足酒店式服務只是環境很擠逼宜食完即走位於 紅磡 民裕街 義達工業大厦(停車場隔離巷休行2-3分鐘)茶位每位6元…查看更多

呢間點心舖係我成日同同事一齊叫外賣食，堂食舖面比較細，所以我未試過堂食。每次都係外賣，都好方便，同埋喺公司附近。拎到返公司都係熱辣辣。講返食物先，佢午市有套餐都ok，$48蚊有得揀飯/ 米線/點心+點心。通常我哋都係全點心多，一定要食就食蝦餃、燒賣、菜苗餃！茶苗餃超級大粒，拳頭咁大，仲超多料！唔想食太多肉，真係啱晒！仲有大大隻新鮮蝦，蝦餃都係必食，勁足料㗎！芝士春卷好香口，不過就唔係好覺有芝士嘅，但都好食嘅。蘿蔔糕煎得勁香口牛肚，汁料好香濃，牛肚好淋。仲有鳳爪第一次食鮑魚雞絲腸粉，都ok，不過就唔係好食得出兩者嘅味道。整體係好食、抵食夾大件 。…查看更多

即叫即蒸，點心美味。 我試了义燒腸和牛肉球， 茶錢加起來HKD 54 的套餐，熱辣辣的剛剛蒸起便額外美味。中午12點到已經坐無虛席，幸好我一個人容易遷就，2個人或以上使要早些來吃。 空間感當然比較狹窄，土生土長的我們還算可以接受…查看更多

一直都有光顧，食物質素都可以，大大份。初初光顧員工有禮貌，但係最近兩次去光顧，對上一次叫OpenRice 外賣自取，叫2個蒸飯加1個蘿蔔糕，當中蘿蔔糕無晒，店家話打我電話無人聽，但我好肯定我有聽，我仲聽左2次，果2次我喂左幾聲都無人岀聲仲有飛線聲，所以無理，然後去到餐廳就有個女店員好串咁話你自己無聽電話，我話係你哋無岀聲，咁都算。今次自己行落街買外賣自取，明明話15-20分鐘，買完去買完野，返去問話一樣野都未有，當時係13分鐘，繼續等到20分鐘，剩係岀左排骨，我就已經知中伏，同店員講已經20分鐘，一句話咁快20分鐘，我話你自己睇單，之後一路催，門口亦有其他人等緊外賣，堂食不斷入，其實接唔到係咪應該要諗下點解決，我係門口等嘅時候，有幾個熟客都話人太多，無以前咁好食。我都覺，真係無下次了。…查看更多

叉燒腸好食好多叉燒 皮比較煙韌唔厚👍👍👍👍粉果 覺得有別於出面酒樓 佢比較多主要係粉葛 唔見有花生, 但因為自己本身鍾意食粉葛所以覺得ok 蝦餃 非常一般 味道普通 酒樓好啲馬拉糕 傳統馬拉糕 比較鬆軟同埋有彈性 佢呢個比較 唔似傳統中式鬆嘅感覺 不像我童年吃的 佢嘅孔比較密同比較實 不太推薦銀蘿腸粉即係蘿蔔絲腸粉 我本身係蘿蔔控 見到超級多蘿蔔絲喺入面 但味道不過不實啦 ..墨西哥叉燒包 麻麻啦, 覺得添好運好食好多......暫時我會encore 叉燒腸下次一定會再嚟食 到時會再叫下其他嘢食睇下有乜嘢ok 仲有佢嘅枱面有 腸粉嘅豉油自己加 唔錯因為我鍾意多豉油🤣比較速食嘅一間 點心店 食得需要比較快有少少壓力 因為阿姐會問 仲有冇嘢叫隔一陣 啲嘢到齊未 再隔一陣 啲嘢係咪全部收得.. 因為出面有人排隊間舖 嘅枱唔算多. 如果打算要慢慢坐嘅人或者傾下計 建議去返酒樓…查看更多

當日三人入座, 因為其中一位唔飲茶葉茶, 所以先叫O左一壺滾水, 一壺普洱,  之後我想叫多一壺鐵觀音, 接應O既伙計(男工), 回應:嘩你叫O甘多壺, 會俾老闆鬧, 當時同座的屋企人, 馬上答咀問 : O甘可唔可以將壺普洱(我地已經飲用過)換壺鐵觀音呀? 其後有作配合(好奇怪咯, O甘呢壺普洱系倒O左佢定系俾下一個客呢?), 當時我心裡疑問(沒有收我茶錢嗎? 假設我自己一人入座, 不是也要個別開茶壺俾我嗎? 何況我3個人叫2壺茶, 1 壺滾水不合理?) 不過未有說出口,  心裡已知道香港的服務性行業就系變成O甘, 所以都沒有當場爭論, 心想都系想嚟食下O野, 同屋企人見下面傾下計, 唔好俾呢啲劣質伙計影響自己心情.分享埋當日仲有一女員工表現(長髮)工作表現, 我地後加點心, ORDER 紙交俾佢, O甘佢將ORDER入完機後, 出O左張新O既飛仔(列出客戶已ORDER O既點心清單), O甘我地發現佢入錯O左, 跟住立刻同佢講, 佢對完手寫ORDER同飛仔後, 仲大聲O甘回答我地, 你地要改返蝦腸呀, O甘我重覆一次俾佢聽, 我系話你落錯脆皮腸, 系你要改返, 大家有無留意到, 員工唔好因為自己攪錯而推在客戶身上, 感覺好差.此次不良服務我有講俾身邊O既同事, 朋友知道, 也想在此跟大家分享.又一食店服務質素令人失望及不快, 就算系廚房做得幾O甘辛苦O既點心師傅, 就俾前線O既員工破壞食店聲譽, 如該食店老闆有留意此評論敬希改善.幸好仲有兩個伙計(戴帽男工, 嬸嬸)有善服務<--- 老闆要珍惜他們呀~最後, 我系該食店附近上班, 曾經經過店外有看到 *米奇老鼠* 在店外擺放出來O既箱外走動, 因為店舖旁都經常擺放大蒸籠, 食用油罐, 雜物等系渠道上, 感覺不衛生. 大家經過可以留意一下, 希望大家食完唔會出現腸胃問題喇.…查看更多

番工時lunch time想飲茶, 但附近無咩好食的酒樓, 好彩畀同事搵到附近有間隱世飲茶食點心的食堂, 每逢大家想飲茶就會黎到光記!聽講D點心全部都係即叫即蒸!! 而且粒粒都份量十足，我地照舊都係叫蝦餃、燒賣、腸粉個D, 另外見到有期間新年限定 – 韭菜餅同生炒糯米飯!!!一如既往燒賣都幾乎係拳頭size, 應該等於出面酒樓的2粒!你可以逐2粒咁樣叫! 豬肉不肥, 實淨, 上面有隻蝦, 十分足料!韭菜餅外皮煎到酥脆, 韭菜應該係非常新鮮, 韭菜味濃! 鐘意食韭菜的人應該會好like呢個餅!生炒糯米飯份量都充足! 同埋都算多臘味!食落暖立立好滿足! 其他食物都好食! 雖然環境有D逼, 但重點係平又好食, 埋單先每人60蚊!!! 遲D再encore!…查看更多

中午同同事黎飲茶，鋪面較細，大約7張四人枱到。自己畫點心紙，牆上面仲有冬季精選可以點。我地叫左冬季精選既臘味糯米飯，鮮蝦韭菜餅。兩樣都好食又大份。其他點心方面，我哋叫叉燒腸粉，燒賣，蝦餃， 蘿蔔糕，春卷，雪山叉燒包。全部都唔輸出面酒樓！我地多人share，仲可以問佢拎鉸剪添，好方便！另外，值得一提嘅係佢哋嘅辣椒油，好香！記得問姐姐拎黎點啦！最後除返都係每人$60，抵啦👍🏽…查看更多

隱藏喺紅磡小巷裏面嘅點心食堂絕對係紅磡街坊，知道嘅隱藏寶藏呢度啲點心全部都即叫即蒸而且粒粒都超級足料蝦餃菠菜餃潮州粉果，全部都超級巨型食一粒等於喺出面茶樓食緊兩粒嘅感覺所以普通如果兩個人食，其實嗌四碟已經非常飽大大推薦牛肉球唔單止因為佢體型夠巨大而且因為整得啱啱好而且有牛肉味(明嘅人就明)另外都推薦雪山叉燒包雖然冇影到但係雪山叉燒包喺其他酒樓食係會比較貴嘅呢度係價錢非常之相宜而且好味雖然好多人覺得有啲甜但係我自己都覺得啱啱好.食物質素係非常之好嘅而且好抵食不過環境就真係有啲迫絕對唔係可以舒舒服服坐好耐嘅但老闆娘同員工服務都唔錯會同你有講有笑值得推薦…查看更多

逢星期六帶小朋友嚟紅磡學魔術，每次經過都滿座，今堂改咗星期日，終於見到有位。裏面裝修比較舊，我哋兩個點咗八款點心，點心質素好有驚喜，全部都大大件好足料，每件點心都比平時食開嘅點心大三份一，而且味道亦非常唔錯。流沙奶黃包，第一次喺出面食點心見到全手工搓嘅包，雖然甜咗啲，但真係夠大個，流心效果亦唔錯。光記蝦餃皇，好大粒，裏面好多蝦肉，好滿足。原蝦燒賣皇，上面嘅蝦仁唔細粒㗎，可以睇得出好大粒燒賣，裏面包住嘅肉係一塊塊咁組成:)。沙律雜果鮮蝦雲吞，又好大隻，上面好多雜果。鵝肝醬鹹水角，食唔到鵝肝醬味，不過裏面嘅肉醉亦同平里食開嘅唔同，紮實啲同埋蔥都新鮮啲。銀蘿脆皮腸，好新鮮，裏面仲好脆。山竹牛肉球。四寶雞紮。…查看更多

一家五口叫好多野食，加單仲俾老闆娘話出面咁多人排隊，唔想加俾我地…….！咩料？我地加完食完，一齊入嘅隔離檯都未走，憑咩趕我地走？真係過份，星期日開開心心食飯，搞到心情極差，差評，唔關味道事，態度有問題.0…查看更多

店門的推介點心，年藕餅，當我想放入口之際，突然間發現年藕餅內有毛髮，好嘔心，點解呀？推介點心都咁？通知食店但冇回覆冇反應。這是我的問題嗎？作為食店，不應是這樣吧？失望，真心不會再去，祝各位好運！…查看更多