美食軒點心皇

(荃灣如心酒店周边心皇）解锁一间好吃的点心啦（性价比超高重点量大）一日之际在于晨，再加上阴阴的天气，吃上烧卖的点心， 这里据说也是这里的老品牌了，点心选择也不少，蒸点炸点和包点加起来大概50种。也不会越吃越腻那种，家里的长辈也都喜欢吃。而且个人觉得价格很合理一下。友谊包茶点-皇后6.30am开始营业…查看更多

呢幾日天氣凍，諗好耐都諗唔到早餐食咩好，咁岩經過呢間餐廳，行過聞到好香嘅蒜香味，又見到熱熱嘅蒸氣係咁噴，所以就忍唔住入咗呢度食。☺️☺️開頭諗住買外賣，因為自己食唔得多嘢本身淨係諗住叫一籠點心。但係問完坐低價錢之後，知道茶介只係$4.就咁入咗去食😆😆點心啱啱出爐，我就叫咗一籠燒賣。燒賣大大粒，而且好足料，蟹子鮮蝦同豬肉夾埋薄薄嘅燒賣皮。夠熱夠香夠好味👍🏻👍🏻因為我真係食唔得多嘢，一個人真係叫咗一籠，只係$22連茶。而且店內嘅職員態度好好，冇見你淨係叫一籠就趕你走。 之後咁就食咗一個暖暖嘅早餐！滿足。👍🏻👍🏻…查看更多

荃灣要食一盅兩件，好多選擇，想懷舊，上山有，屋邨有，其他區嘅過江龍都有！但評價好似都麻麻，賣特色為主。依間我唔敢講歷史，真係搵唔到，但網評已可追朔十年，係附近打工仔間亦少有人氣。每日返工時間都有打工仔嚟買包、買飯，全部都外賣，相信唔係個個都無時間，而係入面過幾將枱一早已坐滿，好似係固定班底，就算遲嚟都有熟客幫霸位。一早食飯多唔多？唔一定多，但我識人買定做午餐，一來中午唔洗出嚟迫，二來早市盅頭飯平午市六蚊，肉比出面都多，返叮都抵過買叮叮。叉燒包一籠三隻，正常大細，叉燒口感同調味無特別，重點在於個包鬆軟，又實用，無粉味，甜味出哂嚟！其他點心都標準大小，最欣賞燒賣，絞得天然起膠，又帶點蝦肉粒，無加到粉，口感天然彈牙，本身對好多化學物過敏，而冰鮮蝦經常用化學物增加口感，做到所謂玻璃蝦嘅感覺，一般餐廳係冲洗同煮嘅過程已大幅稀釋，但做點心通常都無，直接加工，直接蒸，食完依類食物我都會感不適，但依間嘅出品，唔單止無事，試過有次凍咗食，味道竟然完全無影響！蝦餃皮薄，內有幾隻完整蝦肉，夾起無事，包裝時個盒太滿有隻壓破皮，餡仍完整無散開；粉果皮通常好粘，但依間唔粘之餘亦無油臭味，口感足，各方面都控制得好。飲茶特色就係攞吓攞吓攞太多…其實買嘢食通常都係，同大型酒樓比真係無嘜款，但基本野都有，唔洗睇餐牌。留意只做早、午市，雖然係街市附近，但買得菜可能已關門。…查看更多

有冇人同藍妹一樣，好鐘意食排骨😋基本上叫排骨飯就一定岩食。呢間排骨飯勝在夠多料，排骨都有10幾舊嫁👍—藍妹對鳳爪麻麻，比哂人食。😅豉油又係要多，如果唔係點好食😆—另外叫多幾個點心，鮮竹卷，蝦餃同燒賣。😁蝦餃大大隻，皮有啲厚。燒賣大粒，冇乜特別。鮮竹卷，頭一次食都OK嫁，唔知點解再食變到好難食，有陣唔新鮮既味道，食完好想嘔。🤢—食個飯，再加點心，真係好飽。…查看更多

依家香港食乜早餐都要過＄20😟今日小弟早上路經這店，發覺自己也好久食點心，不過早上也不想超支，所以就在外賣處賣過蒸飯。北菇滑雞飯不會因為蒸太耐而太乾，雞也很滑^_^此方面很多商家都講大話😐但這裏沒有😂最緊要他的價錢是＄18也算是比較超值的早餐絕對是平價早餐裏的好選擇。…查看更多

路經此地，聞到飯香， 望下望下，驚喜見到庵春蛋烧賣，好開心見到這款點心，因為很久沒有吃過，而有得賣的地方也買少見少。原先只是想買個滑雞飯，見到這款"庵春蛋燒賣"，就算不太肚餓，也要點下這款試一下味道。雖然咬下後，發覺味道已和以前大大不同，但這款懷舊點心的感覺還在………… :) :) :) 而雞飯的雞十分滑，一粒一粒的蒸飯配合豉油街非常好味………查看更多

物價高漲，以前十幾蚊的大排檔蒸飯，現在已經要二十幾蚊，今天路經此地，諗住懷念一下蒸飯的味道，雖然價錢貴左，但以往的味道還在！！！今日吃的北菇蒸雞飯 ，本人習慣多色，配合滑滑的雞肉，非常好味。加上十幾度的天氣，真係重拾高年的味道！！！這裡出色在滑雞的伤量非常多，原來十幾蚊也非常抵食！！！！…查看更多

難得附近有間點心鋪，行入去嘆番一盅兩件先。叫左一隻糯米雞及鶉蛋燒賣，先講糯米雞可能係就收工唔夠熱，糯米唔夠荷葉味，材料沒有處理過雪藏味，麻麻地的糯米雞。至於鶉蛋燒賣一樣唔夠熱，肉材太實，蝦食左都唔覺，因沒有蝦味，完全唔掂。…查看更多

鳳爪排骨飯..好足料.鳳爪都有兩隻..排骨.肉林好入味.又唔無過咸..豉油.少少甜.味唔太重.....唔錯..但今次D飯硬佐少少..羅宋湯....唔夠濃..甜味過重...凍檸茶..出奇好飲喎..茶味夠.又唔澀口..睇色都係清而不濁...整睇嚟講.都唔太甜..好..32元一個外賣餐...算過得去..蒸飯.好新鮮..唔似蒸佐好耐個D..…查看更多

天氣寒冷...返工前行過這裡香噴噴...出晒煙咁..點可能唔買返d做早餐呀....聽講 e到係家庭式既鋪頭...要佐.一籠雞扎.一籠蝦餃一籠燒賣....係用個同事share架先講雞扎..有兩隻..入面有冬菇都幾大舊,,一條.火腿.一舊雞.好滑..魚肚應該真係魚肚..唔係豬皮..,,喜歡佢既味道.係比較家庭feel..味精唔太多..仲係佢剛剛出爐.我就買佐..仲有好多肉汁...蝦餃就一籠四粒.皮呢就真係厚佐d..不過都係新鮮蒸..餡料就當然無酒樓個d蝦咁大粒隻啦.不過我數過..入面d蝦雖然細..不過都有成.5-6粒.可接受架啦....燒賣比酒樓個d..大粒少少....好實肉..真係無呃稱...43元兩個人..ok啦..仲有.我朋友之前都食過e到d蒸飯..外賣..好新鮮..好香/又唔太貴...好值得推介..e d家庭小店..…查看更多

今(19-5-2011 Thur)朝同男友起身後食早餐,我好想食點心,所以同佢行o黎呢邊,原本想去隔個舖位o既姊姊店美食軒茶餐廳,但冇乜位,就行o黎呢邊啦.前線只有一男一女serve,坐低後佢o地忙到唔得閒理我o地,咁我o地先諗吓食咩,然後就叫人喇.我o地叫o左:1. $11.00o既鴛鴦燒賣鴛鴦燒賣係蟹子燒賣同牛肉燒賣各兩粒.我開頭以為後者會係鵪鶉蛋燒賣,原來唔係.開餐喇,蟹子燒賣味道正常,內裡o既蝦仁唔大粒,但男友覺得豬肉有啲硬.牛肉燒賣OK,冇問題2. $9.00o既鮮蝦香茜餃一籠四個,食落,皮都幾硬,內裡o既芫茜亦唔算多.男友話呢個似潮州粉粿o既走花生版.3. $9.00o既山竹牛肉呢個亦都冇乜問題啦.4. $12.00o既叉燒腸呢個皮厚o左啲喎,o衣o家諗返好似食唔到叉燒乜滯.死啦,呢o度o既點心係平,而且原本諗住o係呢o度中,西式早餐都可以食到,但點心都係麻麻,如果只為過點心癮就可以o既.環境:冷氣唔多夠,不過都因為大開中門同入面廚房都係開住門.食完返到公司都好口渴,係咁飲水,可能o個時啲茶太熱,冇乜點飲啦.呢餐連$3.00, 位o既茶水共$47.00.其實味道o既平均分係2.6分.…查看更多

之前係附近返工, 食過一次, 一試難忘燒賣勁足料, 好食過好多地方!! 一定要試, 仲有雞札... 勁大個東菇, 多料又新鮮...未食過咁正的, 其他點心都不過不失, 見到好多人叫蒸飯, 流量勁高.成日返工都諗住再食..…查看更多

2010年6月7日 ( 美食軒點心皇 - 1 ) 今天在美食軒點心皇選購了潮州粉果作早餐，每籠售價9元，共有3隻。潮州粉果：外表脹卜卜，皮薄也算是晶瑩通透，亦不黐牙，餡料有花生、菜甫、沙葛、九菜及肉碎，也是一般潮州粉果的配料，味道ok，但餡料過腍，影響口感。…查看更多

每次經過都聞到熟悉的蒸飯味,早餐和午餐都堆了一羣外賣點心的人。最愛仍是鹹魚肉片飯,經濟又美味…查看更多