美胃餐室

5-10-2025（Sun）晏晝同老公唔清月餅住，出去食晏，食邊間？我諗起呢間嘅叉燒，於是走嚟，我哋嚟到時都重有位，坐低後店員即送上兩碗例湯，我哋睇menu，就快可落單時，店員又要因有一組4人嘅客人入嚟，而要我哋調位，呢種情況上次都發生喺我哋身上（上次食評係2024年10月6日提交嘅呢篇：https://www.openrice.com/zh/hongkong/review/%E5%87%BA%E8%89%B2%E5%8F%89%E7%87%92%E5%8F%AF%E5%AA%B2%E7%BE%8E%E7%87%92%E8%87%98%E8%88%96-e5714207）。轉完枱，落完單，我哋就飲湯先，一飲就係甜，睇見係綠色嘅瓜同雞腳，唔知係咪合掌瓜。4.3分而我哋要咗：2. $56.00嘅常餐叉燒忌廉湯意配火腿，雙太陽蛋同牛油多士睇見叉燒係全瘦，應該都唔會好食，但當老公食完佢嘅份量後到我食時，覺得佢雖然係全瘦，但唔係好乾好柴嗰隻，重有啲嚼頭，蜜汁味道就當然冇乜。而其他嘢都正常冇問題。3.4分3. 叫套餐加$9.00嘅抹茶紅豆冰睇見都幾多紅豆，飲落味道幾好唔太甜，紅豆都腍晒，唔錯。5分1. $36.00嘅蜂蜜叉燒脆脆豬由於我唔太餓，所以見到呢個就覺得好啱我，睇見叉燒顏色好靚，切開睇，佢重有沙律菜，食落，呢個叉燒雖然都係瘦，但蜜味夠，肉質又彈又juicy，好味。個脆脆豬都脆嘅。4.5分抵食係2.7分…查看更多

「壩王蜂蜜叉燒飯」意想不到這家茶餐廳的燒臘食品又頗OK!! 叉燒飯份量超級十足，滿滿十片又美味，老闆娘表示，只要有要求，”瘦叉、半肥瘦、全肥叉燒”都可以滿足食客，大家只要在下單時註明，廚師會依照您的要求安排，另加$3即可享受指定熱飲，不過熱奶茶有待改進。此外，「粗粒黑椒豬扒什菌炒意粉」上桌時，黑椒香氣撲鼻，配上幾條溫室豆苗作點綴，加上青椒、紅椒、什菇等配料，再搭配兩件厚切兼碎上的豬扒，入口肉嫩美味，呢餐真係滿足極了。…查看更多

餐廳因為人多安排咗一張二人枱搭枱，見我好多嘢，自動自覺拎咗張凳俾我擺嘢，好貼心。之前食過晚餐，叉燒滑蛋飯好好味。早餐食物中規中矩，早餐回鍋肉同埋肉碎公仔麵係手工炒唔係罐頭，有誠意。…查看更多

環境光線充足💡整齊乾淨，仍保留疫情間隔。 食物份量充足👌味道不錯😋略嫌茄汁豆冰冷😅。 懷舊金曲不停播📀情未了、每一句說話🎶。 服務親切👍🏻姐姐充滿笑容🧑‍🦰☺️企枱廚房👨🏻‍🍳有講有笑，氣氛融洽🥰…查看更多

晚餐同老婆去美胃餐室，叫咗鹹蛋蒸肉餅飯，配例湯同熱咖啡($63)。整體嚟講幾好食，份量夠，味道唔錯，食得滿足，係一餐穩定正常嘅快餐選擇。食品部分鹹蛋蒸肉餅飯：肉餅蒸得啱啱好，入口滑嫩又有肉汁，味道唔會過重，鹹蛋仲幫成個肉餅提升咗鹹香味，配埋白飯啱啱好。雖然肉餅冇話特別突出，但勝在穩定，加上份量足夠，感覺實在又飽肚。例湯：湯係例湯類型，清甜暖胃，飲落感覺好舒服，冇過重嘅調味，算係健康款。熱咖啡：配餐咖啡都係正常水準，夠熱，帶少少甘甜，飲落ok。⭐食品評分：4/5環境與服務餐廳環境中規中矩，係典型茶餐廳格局，乾淨企理。侍應服務唔算話特別熱情，但都好有禮貌，落單快，出餐亦都迅速，無需等好耐。⭐服務評分：4/5總體感受美胃餐室嘅鹹蛋蒸肉餅飯係穩定正常嘅選擇，唔會有驚喜但亦唔會踩雷，配埋例湯同咖啡，$63價錢合理。如果你喺附近搵簡單又飽肚嘅晚餐，呢間可以考慮。⭐總體評分：4/5…查看更多

大壩街呢邊好多美食，中午時段由於鄰近有學校及工廠區，間間餐廳都差不多坐滿，呢間美胃也不例外，環境仲好擠迫，原本坐四人的吧枱要坐足五人，食得好唔舒服。🍎 叉燒滑蛋飯$62叉燒比較瘦，蛋炒得很嫩滑，不錯呢個應該係招牌，所以全間快餐店都好多人order呢款🍎 焗咖喱薯仔豬扒意粉$70一粒薯仔都冇，好在我唔鍾意食薯仔，意粉發得脹脹的（一般快餐店都是這樣，明白的），豬扒唔算鬆軟，但都好大塊，很少咖喱汁，唔辣的，整體唔值呢個價🍎 餐飲加$3有熱飲、加$5有凍飲…查看更多

本來都有黎食開野平時食肆有飛飛都無諗住太苛責一入到黎坐低就發現周圍有飛飛同啲店員講，基本上完全無反應，比幾張紙巾等我地自己搞掂就算即係我黎食野比錢你仲要幫你打埋飛蟲？都算啦，叫左兩個早餐加碗公仔麵同一碗公仔麵可以有兩隻蟲同個店員講仲要態度好差咁反問返我「咁你想點啊？」一句「同你退左佢啦」迅速收走左一句對唔住都無以後都唔會再嚟食衛生有問題、店員態度有問題、服務又差、成日想趕人走咁忍唔到走人要打埋呢篇野公之於眾先…查看更多

門口掛咗幾隻燒鵝係用嚟裝飾的～話說路過門口…老闆話燒鵝啱啱燒起仲滴僅油…睇真D的確係啱啱燒起無幾耐…就俾呢句大話吸引咗入去…本身係燒鵝控..都算係1位食燒鵝嘅專家…即管坐低再睇下午茶餐牌..燒鵝米$53包一杯熱飲..就決定食燒鵝米…上枱後發覺完全食唔到燒鵝油香味…只食到鴨so味….米粉亦唔似米粉..好有化學嘅質感..走果陣再睇吓燒味檔D鵝有無斬過…是原封不動的裝飾品…追究都係浪費時間…無結論嘅嘢都無謂爭拗….！…查看更多

噚日（5-10-2024 Sat）晏晝，同老公送完回收物資後，去搵Dough Bros Pizza & Doughnuts（https://www.openrice.com/zh/hongkong/r-dough-bros-pizza-doughnuts-%E8%8D%83%E7%81%A3-%E6%84%8F%E5%A4%A7%E5%88%A9%E8%8F%9C-%E8%96%84%E9%A4%85-r817323）堂食，搵到喇，但堂食枱對上嘅簷篷有工程做緊，喺咁嘅環境下，係唔適宜坐喺喥食，但我哋又唔可以外賣拎走，因為要去宜家傢俬攞咖啡渣，所以唯有放棄，向前行搵嘢食，呢條街特色嘢食唔多，是但搵間茶餐廳啦，都係揀幫趁過嘅呢間（食評係2023年11月14日刊登嘅呢篇:https://www.openrice.com/zh/hongkong/review/%E5%98%A2%E9%A3%9Fok-e5118615）。入到嚟都9成滿，有張卡位咭咗，但都同上次一樣，唔俾坐卡位，由店員安排坐邊，我哋都係被安排坐上次嗰啲枱，睇完menu，我就決定要$60.00雙拼叉雞飯，老公就要$65.00嘅拿破崙車打芝士雞肉意粉，加$5.00要熱薑蜜奶茶。我聽到後都跟住要呢杯嘢。其實一坐抵，店員即刻遞上兩碗例湯，撩吓先，見到有豬骨同好多豆，飲吓先，味道清淡似蓮藕湯，但豆味重啲。4分之後兩杯熱薑蜜奶茶到嚟，又攪吓嚟飲先，由於蜜糖嘅黏性，所以攪嘅時候都要用啲力，飲落，薑蜜嘅辣同甜度啱啱好，奶茶口感滑，但淡咗啲。然後我嘅叉雞飯到嚟，睇見排得好靚，叉燒係全瘦，先食件雞，有少少鹹味，口感都可以唔太嚡；微暖嘅瘦叉燒蜜味啱啱好，口感亦唔係柴皮，而係鬆軟，好好味，好耐冇食過咁好嘅叉燒喇：至於啲飯，我覺得乾咗少少。3.93分老公嘅拿破崙車打芝士雞肉意粉呢？睇到啲芝士係唧上去，而雞肉係用雞扒切開，食落，味道偏酸，雞扒同意粉口感正常冇問題。3.2分食完後再攪勻杯熱薑蜜奶茶嚟飲，發覺好辣，薑絲太多喇。2.5分服務：由於就嚟要開餐時，有一組客人係5個人，而我哋隔離枱嗰2個客人都走喇，店員執好枱，就請我哋轉枱，將3張枱拼埋俾嗰5個客人坐得舒服啲，我哋緊係冇問題，店員都好識做，見我哋飲晒啲湯就問我哋要唔要多碗，我就答要。今次佢俾呢碗嘅湯渣就有蓮藕。攪到我唔敢問佢哋攞水飲，不過唔緊要，我哋去宜家傢俬都可以買任飲嘅汽水解渴。而我都見到佢要求坐卡位嘅兩個客人調枱，佢哋都合作，店員就話唔收佢哋外賣盒錢。環境係2.8分…查看更多

今日嚟到荃灣講一講吓個lunch先，呢間係喺荃灣大壩街63號美胃餐室嘅茶餐廳。今次食呢個lunch係嗌咗兩個午餐，一個係咖喱雞扒煎蛋飯另一個係香蔥XO醬滑蛋蝦仁飯。直落嘅質素我覺得係茶餐廳嘅質素，味道OK可以接受嘅， lunch跟餐我仲叫咗個凍檸茶飲都係冇乜特別兩個人去食個lunch total $125即係每位$60多少少正常雞扒煎蛋飯個雞扒就一般啦唔算話太鮮嫩嘅。總體嚟講就性價比唔算特別突出，但係茶記嚟講就價錢一般味道一般一般普通嘅茶餐廳啦。…查看更多

有誠意的一間餐室，燈火通明，入到舖的感覺都是舒服的。美胃其中馳名的就是燒味。我點了個燒鵝叉燒飯試試。一開始先送例湯，合掌瓜眉豆花生，正路表現。然後就是主角燒味雙併，一見到叉燒就知好味，每塊都大大舊，不會太肥，食落爽口，值得一讚！燒鵝正常表現，不過食落都唔算差，再配上梅子汁。整體都是滿意的，值得捧場！…查看更多

今早第一次來呢間餐廳食早餐，有哋驚艷到，終於可以食到一個唔會”死咸”既雪菜肉絲米，而且係鮮制雪菜👍👍👍，而且播住歌來食早餐，好開心呀！餐廳唔大，但感覺溫馨呢！<好後悔之前經常去隔離嗰間比較人氣既茶餐廳食早餐，講真野食普通，服務差勁> 都係要好好推薦美胃呢哋有誠意嘅餐廳！❤️😀…查看更多

荃灣大壩街有好多小店，呢一間美胃餐室係沄沄之中勝出，回頭率極高✋🏼😍下午茶比較大識，但係全日餐牌都好好味。佢哋有薑蜜奶茶，比想像中更加出色餐牌係全日供應，只要點算套餐就會送例湯😎例湯完全係飲得出已煲左好耐，仲要唔肥膩😆有家庭嘅感覺！燒味飯都係必點！份量超多，叉燒燶邊仲有半肥瘦😍蕃茄焗豬扒飯亦都係我嘅至愛。💛豬扒超鬆軟，勁厚實。焗飯係炒飯底，勁香蛋味，仲有勁多芝士🤤📍 美胃餐室 (荃灣)荃灣大壩街63號地舖…查看更多

4-11-2023 (Sat) 朝又同老公送環保物資後食早餐,行到呢頭,見到有間新開嘅大壩冰室(https://www.openrice.com/zh/hongkong/r-%E5%A4%A7%E5%A3%A9%E5%86%B0%E5%AE%A4-%E8%8D%83%E7%81%A3-%E6%B8%AF%E5%BC%8F-r824081),原本想試,但老公冇興趣,於是繼續行,行到呢喥記得上次冇試嘅呢間,於是入嚟,老闆帶位搭枱,坐低後睇menu,由於我唔餓,所以就算見到$60.00嘅意式風情早晨全餐都唔可以叫,就要$46.00嘅K8香煎蜜味雞扒餐,要熱奶茶,老公都要$46.00嘅K11香煎厚切豬扒餐,飲熱檸水;兩個餐都配燴汁,腸仔,火腿,煎或炒蛋同牛油多士, 我哋都要炒蛋.冇耐所有嘢都到齊,睇見我嘅香煎雞扒顏色好深,係炸龍?先食雞扒,個皮係脆,雞肉juicy唔嚡,係有蜜味;炒蛋係嫩滑juicy;腸仔同火腿係正常來貨;牛油多士脆, 牛油份量啱啱好.4.67分老公嘅香煎厚切豬扒一切都正常,不過唔係厚切但稍為大件.3 分最後嘅熱奶茶我冇落糖飲,茶味唔太濃但有少少澀味,而且我竟然一飲就即刻有痰.2.8分環境:喺唔full嘅情況要搭枱唔緊要,但中間通道唔係咁闊,迫迫地,而老公張凳嘅坐面面積細好多.不過冷氣係開得啱啱好.2.8分抵食係2.7分…查看更多

本人今天行街加上大雨，所以經過美胃見無乜人，入去無坊，見有枱入去坐，服務員話隨便坐，野食未叫服務員，唔知什麼神經突然用圍板圍住，我問他們什麼事，他們話坐位緊張要用板，但餐廳數埋10人都無，點解要咁做，他話怕人客太多要應付不來，我于是不帮襯喇，咁服務態度，唔好怪人客北上同去其他地方消費啊！…查看更多