美心皇宮 (綠楊坊)

最近開始feel 到有秋意，適時進補最適合不過。進補以滋陰潤燥為主，等我分享一下最近美心中菜既全新「適時識食」秋冬菜式！全新菜單搜羅時令嘅食材炮製，由專業嘅中西醫👨🏻‍⚕️介紹每道菜式嘅營養價值，可以根據我哋嘅體質揀返心水菜式，我成日夜瞓，原來係要清燥熱，仲有乾咳、皮膚乾燥都有推薦嘅菜式，實行愈食愈健康！🎃「有機南瓜煮鮑魚」選用本地農場種植有機南瓜，用上湯同鮑魚炆煮，鮮香入味，口感清爽而脆嫩，味道香甜，最適合夜訓同熱氣嘅都市人溫和補給。🍄‍🟫 「羊肚菌秋葵炒鱸魚球」具強效控糖降血脂嘅秋葵，搭配含豐富亞油酸嘅羊肚菌和鱸魚球清炒，味道鮮美，開胃清新，有助增強抵抗力。🍠 「鮮淮山番薯豬爽肉」鮮淮山能健脾養胃、補肺生津，低碳食材蕃薯，益氣補虛， 與豬頸肉以黃豆醬炆焗，非常惹味，適合皮膚乾燥人士。#適時識食 #秋冬至識食 #美心中菜 #季節養生 #冬日進補 #不時不食 #中西食療 #本地直送食材 #Localfood #SeasonalFoods #Eatgreen #Eatwell #Maxims @maximschinese…查看更多

同屋企人食飯，中菜總係啱大家口味，唔會太單調，菜式選擇又多，作為媽媽都想小朋友食得健康D，鐘意食得養生，食得時令😆！所以今次試一試全新嘅「適時識食」秋冬養生菜式，選用時令滋補食材炮製，味道好又有豐富嘅營養價值！.特別推介👉👉👉#有機南瓜煮鮑魚 🉐香軟嘅南瓜同鮑魚炆煮，食落特別香甜，原來用咗本地農場種植嘅有機南瓜，富含鉀離子，可以穩定血壓同低GI，仔仔都會搶著吃！.#羊肚菌秋葵炒鱸魚球高纖 No.1 ! 控糖降血脂嘅秋葵，搭配含豐富亞油酸嘅羊肚菌和鱸魚球清炒，開胃清新，鱸魚滑又易入口，小朋友都愛吃.#鮮淮山番薯豬爽肉惹味煲仔菜～以健脾養胃鮮淮山、益氣補虛蕃薯加上以黃豆醬炆焗豬頸肉，打開煲蓋超級香，好啱滋潤返皮膚乾燥.#田七當歸走地雞上菜時美味都聞到田七和當歸味～ 以田七和當歸打成粉末醃製無激素走地雞，雞肉鮮嫩香濃，有助改善手腳冰冷！.餐廳上菜速度好快而且服務好好🫶🏻🫶🏻，下次可以同屋企人試埋其他幾款新菜式，趁住轉季天氣，可以由食療入手，強化抵抗力！…查看更多

煎腸粉好像翻煎過, 亦唔夠熱. 柚皮醬料太稠,好似漿糊. 煎魚餅尚算足料但硬過石頭. 龍蝦汁汁鮮竹卷太鹹, 醬汁亦太稠.午時收費正價不菲, CP值太低. 寧願點心做得精緻一點, 保持個質量與水準.…查看更多

難得可以食到海外食材直送的粵菜。今次突破傳統粵菜，以西式食材，糅合粵式精髓。生長喺阿拉斯加水域嘅珍寶肉蟹，以濃郁咖喱烹調，但不太辣，肉質飽滿，記得用埋鬆軟嘅饅頭嚟沾咖喱汁，每一啖都感受到香濃嘅咖喱～份量仲非常豐富。澳洲虎蝦炒年糕，突出了蝦肉本身的鮮甜味，蝦肉飽滿，有蝦膏，與年糕一起烹調,帶有煙燻的質感。白酒煮澳洲藍青口，肥美鮮甜的青口，白酒烹調，清新煮法帶出酒香味。香煎紐西蘭草飼法式羊架，羊肉質地嫩滑，沒有羊腥味，配以甜味的黃芥末醬，增加層次感。餐廳裝潢簡約優雅，營造出悠閒氛圍，適合同屋企人分享滋味美食。即日起至2024年9月13日，海鮮控把握機會品嚐！…查看更多

職員態度惡劣，速度緩慢，門口知客經常沒有佩戴口罩，喺出面等位，見到入邊有大量吉枱，只是入邊職員全部拖慢黎做，變相好多張枱經常客人埋單走咗之後，好耐都未有人收拾。…查看更多

今晚同幾個朋友去咗荃灣美心皇宮食晚餐，當中有好有唔好。好味😋嘅小菜首選 皇宮小炒皇份量十足，炒得有鑊氣又惹味，如果配啤酒應該超正。韮菜炒得爽口，腰果夠脆，蝦乾鮮味，加埋魷魚同蒜粒，十分好味！客家釀豆腐煲原煲上，除咗豆腐外，湯入面還有魚，肉丸同埋蜆，令到湯底超鮮甜，而且份量滿滿的，豆腐面仲有魚肉同魚香味，連湯都飲晒，好滿足！香酥荔茸鴨芋茸軟糯香甜，面炸得好脆口，鴨肉一啲都唔肥唔酥，好夾，值得一試！仲有個特別醬汁，味道不錯！唔好食嘅菜式係 羊肚菌生炆班頭腩班頭腩沾得太厚太厚粉炸，不是生炆的，咬落全口都係粉，班頭腩冇味的，而且份量少，價錢又不平，要 $198/碟，唔抵食！…查看更多

今日喺一個飲食群組見到有人中伏,投訴如下：“今日去荃灣美心皇宫(近綠楊新邨)飲下午茶點咗個下午茶套餐$75，一盎鳳爪排骨飯加一碟牛柏葉，食食下發現點心紙如果分開叫只係$71，問咗個女經理佢竟然話消費者應該自己要留意價錢，各位谷友出去食要留意下。當然，我已要求佢計番清楚條數先埋單”…查看更多

鍾意飲茶, 但星期六日真係貴好多, 平時又冇時間, 無計都係要俾錢人賺.今次嗌少啲, 必叫鮑汁花生鳳爪, 面頭嗰啲浸下佢口感會再冧啲, 好好食灌湯餃我麻麻地, 朋友好鍾意食, 倒晒啲醋落去會好飲啲:)鵪鶉蛋燒賣都係每次都會嗌, 鵪鶉蛋好味, 燒賣都好大粒蘿蔔糕普普通通茶係普洱茶, 有時飲壽眉, 鍾意佢茶味濃, 飲極都未淡, 好多酒樓其實都無咩茶味, 呢間算唔錯…查看更多

感謝何副經理為長者及小朋友安排了合適的位置，而桌面亦放置了印好的預訂菜單。食物質素不錯，沒有想吃的美點雙輝，但咖啡糕亦比預期好吃。龍蝦🦞雖然沒有如某些酒樓註明足三斤，但份量尚算足夠。整體來說，是滿意的壽宴。…查看更多

很久沒有去這酒樓飲茶，因為點心價格偏貴，所以當年祈望點心質素應該有別於其他酒樓，當年吃過感覺點心質素一般。今次再來飲早茶，發現點心味道和以前差不多，味道都是一般。酒樓樓底十分高，坐在廳堂飲茶是舒服的。檯旁有一部自助煮水機，可以自己動手加水入茶壺內，做到水滾茶靚。茶葉的質素就不錯，選了鐵觀音茶，經多次沖泡依然保持濃郁茶香和色澤。用手機掃碼即可點餐。今次點了五款。五柳炸雲吞，上檯時食物不熱，三隻雲吞，有一隻沒有蝦肉在內。有蝦肉的兩隻還好，皮也算炸得鬆脆。瑤柱雞包仔，包內有少量瑤柱絲，雞肉份量正常，包的口感軟熟。潮州蒸粉果，皮層厚，餡料普通。乾蒸牛肉賣，雖然吃起來容易，但牛肉味少。四季荷葉飯，飯量適中，口感濕潤，飯粒不夠乾身，配料也少。五個點心沒有一個覺得最滿意，所以日後應該也少去這酒樓飲茶了。…查看更多

廳房設於酒樓2樓，環境闊落，除了一席12位枱外，還可放置一枱麻雀枱，並設有電視琵琶豬肥瘦適中，皮脆肉嫩，火喉平均翠綠豆苗配上髮菜瑤柱和大大隻的蠔豉，常用的冬菇終於退場，讚蝦球炒西蘭花，蝦大隻爽口，以黃紅椒同炒，色彩豐富久違了的蟹鉗，有點過火，雖然沒有神還原兒時味道，但也不過不失，伴以清新的沙律菜是一大加分位足料的仿翅不稀不稠，味道剛好鮑魚在巨型的鵝掌下顯得份外細，鵝掌很硬，打包回家要用壓力煲加壓花尾斑滑魚肉鮮嫩，可惜豉油有點過鹹燒雞正正常常糯米飯不夠軟糯，偏硬、乾水餃飽滿，滿滿的蝦肉和幼細的香菰絲，超滿足芝麻味湯圓紅豆沙甜味適中，不會有糖精味整體：環境、味道、份量、服務俱佳的晚餐…查看更多

點都要抽出時間配下屋企老人家去飲茶，見美心間酒樓幾靚就諗住試下。裝潢設計好豪華，的確有皇宮的風格，而且仲有一個好似舞台既地方被紅色幕布遮住，唔知係咪會有表演，抬頭望盞吊燈都幾華麗。講起酒樓其實腐竹卷、馬拉糕等都中規中矩冇乜特別，味道尚可；牛肉燒賣足料，雖然有少少過鹹，炒米粉份量唔多而且料好少，味道都係平時食開既感覺；排骨同八爪魚都唔算出色，兩者份量都好少，不過味道唔會好重，都算好吃，但兩者份量都幾少。感覺就係同其他酒樓冇乜分別，唯一唔同就係環境幾好，服務衛生都一般般。…查看更多

今天同老公去了荃灣美心飲茶，現在美心已經不用再用點心紙了，全部都改用電話QR CODE 落單，都好嘅可以慳返好多紙夠環保，發現新春期間原來美心出了一些新春點心，這個點心我覺得非常抵食，性價比超高，點心名字叫「四喜臨門」，就是在乾蒸燒賣上面各放置了鮑魚、乾瑤柱、帶子及發菜，每籠$50，其實新春點心還有其他選擇，食材普通的也要$40，只是多付$10就可以吃到海味點心太值得了。平時在中式酒樓吃燒賣一般都是乾蒸燒賣，不過有一些舊式酒樓還有各種各樣的廣東燒賣: 例如有透光皮包裹的鵪鶉蛋燒賣，也有無皮的豬潤燒賣，但兩者都與乾蒸燒賣的賣相很不同，正常乾蒸燒賣外面包上黃色的皮，較高級的會把一隻明蝦搭在肉餡上，最後點綴魚子，一般用蒸籠上枱。但這一個「四喜臨門」雖然用了乾蒸燒賣，但是因為在肉餡上棄用了蝦仁，因應新春期間而改用了鮑魚、乾瑤柱、帶子及發菜，為了配合以上的食材又避免太乾，所以應該是打了一個獻汁，再以小碟上。鮑魚雖然是比較細小，但是入口足夠淋也有一點咬口，而且更帶點鮑魚味；乾瑤柱更是入口即化開；帶子也相當鮮味，比較起鮑魚，乾瑤柱和帶子相對大粒，而發菜應該是最弱的一件，但最重要是好意頭。還有我最喜歡吃的香茜餃，不是每間酒樓都有得吃的，原來是屬於精點收$40，只有上午去喝茶才可以吃到，因為很快賣完。香茜餃內有蝦肉，肥瘦均勻的豬肉滑和最重要的莞茜，口感鮮、香和爽，很回味， 所以屬於精點呢！另外我們還叫了一個灌湯餃，灌湯餃有滿滿的熱騰騰的湯而且湯很清甜，餃是滿滿的肉，湯內還有一粒燉很綿的乾瑤柱及一些娃娃菜，同樣$50，可惜我沒有拍照，「四喜臨門」及灌湯餃這兩個點心我覺得最值得吃。今天有六百幾人確診，聽說政府很快就會有新措施， 但願不會連午市堂食也禁止🚫！GOD BLESS！🙏…查看更多

今日除夕，打算同老公去赤柱chill下，出發前當然要醫下肚仔先啦，12:00pm在GULU取了票只等十張檯也要等約一小時才進入酒樓，無計啦，地點方便而且每張抬都有得玩自己煲水，嘻嘻！😜這間酒樓前身是一間很大的戲院-凱旋戲院，所以還保留了戲院的銀幕位置，而原來的超等座位即2樓座位就變成了現在酒樓的二樓包房位置。其實酒樓點心冇咩好俾食評，食來食去都係腸粉蝦餃之類的東西，二個人更加難點嘢食，傳統酒樓一籠四件，食二籠加碟腸粉都都飽左一半，唔似得龍景軒、嘉麟樓、明閣或新同樂呢d高級酒樓可以按人頭計件數，畢竟街坊生意，美心皇宮既水準其實都算中上。我們點了牛腸、蝦🦐餃、香茜餃、叉燒餐包、瑤柱柚皮及蜆芥鯪魚球，但是每次點香茜餃最後服務員回覆都是已經賣清，我有d懷疑其實一向係冇提供香茜餃，只是美心不想重印點心紙，who knows?。😅我們點瑤柱柚皮，是因為這是一個功夫菜，自家很難做到，美心皇宮提供的瑤柱柚皮有4塊不是太厚的柚皮，墊底的有大約四五棵銀絲菜，瑤柱柚皮很淋還可以，但是味道不是我想像中的好味，欠缺一些蠔油味，糖下得太多，銀絲菜也太多亦太硬，我們不會再試。而我這次推薦的就是蜆芥鯪魚球，鯪魚球炸過是當然的，放入口中竟然是有酥脆的感覺，外皮酥脆內裏軟滑，加上蜆芥的鹹香味，出乎意料的好吃，就是道蜆芥鯪魚球讓我寫了這個食評，我認為這個鯪魚球是值得一試。👍…查看更多

諗住開開心心同家人提早慶祝冬至食飯！本來已經訂了枱起初見到帶位職員好有禮貌！滿心歡喜今晚應該食得好開心！詢問一位中年女員工有關食物嘅問題時一啲都唔識答，無心推介亦無心向客人介绍食物,叫了一個三百幾蚊羊腩煲但係一啲都唔淋。同經理講！行過嚟一啲解答客人原因都沒有,懶理之下就行開一啲都冇向客人去解釋。取消了事。唔怪得之餐廳在繁忙時間都冇咩客。。…查看更多