美心皇宮 (愛丁堡廣場)

营业中

休息中

食咗咁多次美心集團的菜館，最差係尋晚大會堂這間。平時飲茶不是太差但係晚上晚飯極差。第一上菜一次過嚟好快趣上晒。😅😅第二啲餸好鹹。特別係海蜇非常之鹹，師傅太重手亦有投訴，樓面經理好快趣取消了亦都知道做得太鹹，全部海蜇都取消今晚唔會再賣。😅😅第三服務不是太好。昨晚亦不是什麼節日但係他們做得比較亂。🙃🙃今次係極之差的一次。😅🙃😒🙁但係平時美心集團其他菜館都可以的👌👌

上次在信德中心的美心領教過，這次來到大會堂美心，打死都唔叫大路的點心，估計那是中央厨房的出品。等了 20 分鐘，點心車推來推去都是那些貨式，於是改變主意，下單叫現製的小食。XO 醬炒腸粉与椒鹽九肚鱼。结果都幾好，祗是腸粉鹹了一點。這是一個世纪後的重逢。 千禧年後，從來没來過大會堂美心。以前那種墟冚法，想起都驚！現在全面升级，貴了起碼一倍，這樣定價才對。客人唔似以前咁辛苦，賓主皆歡。中環畢竟是繁華之地，怎可能“賣大飽”？12:30 pm 之后，這裡也陸續滿座了。

去到中環一定去自己心儀的酒樓，很喜歡看見推點心車的姐姐，有時坐著發呆等人，與她們搭訕來打發時間，挺好。這間酒樓燒味很吸引，亦是我必吃的菜，今次我點了一碟燒鵝，肉質很鬆化，咬落有口感。看見點心車內有百花釀魚肚，取了一籠，很好味，彈牙的蝦 膠無得輸。再來了一碟銀芽雞絲脆麵，麵咬下去咯咯聲，配了銀芽雞絲汁，濕中帶脆。

親戚結婚。一心覺得美心出名，大家都覺得食物同服務有保證。這𥚃的服务真是非常差。兩位副經理廖x同孔xx完全唔似經理。我地五位，逼我地分兩檯（無禮貌地）。當我們一坐低。就好似犯人咁。你哋要立刻分檯。語氣有點不禮貌。之后人地五位就可以安排装塊板隔開。我地有一位小孩，被迫要点两餐，其实都不是问题。後来問反佢地，就話一早叫左你地任坐。但一開就話一定要分兩檯。態度好似係我哋問題。有如去咗茶餐廳。失望。以後不會再去。

我地五個人當中係一個小朋友，五點幾去到，無乜客人，但佢哋安排我地五個人兩張枱，副經理解釋因為而家限聚令關係須要四個人一台，小朋友亦當係一個人，我理解限聚令，所以亦配合。結果當我哋已經為兩張枱落咗兩個套餐並埋單嘅時候，結果我哋見到人哋其他枱係坐埋一齊、可以用膠板隔開。然後我地搵返嗰一位副經理對質嘅時候，嗰一位副經理黑晒面狡辯話係我哋自己要求、又話係我哋自己要兩個套餐，仲串七七話佢俾咗我哋揀可以一齊坐或者唔一齊，係我哋自己揀嘅。但其實我哋只係有一位幾歲小朋友，如果佢當初有俾我哋揀，我哋唔會夾硬搵個大人要坐開一台。

如果係中環食lunch, 真係幾難揾位，𣎴過係愛丁堡廣場嘅美心皇宮就比較易d。今次我哋唔係食點心，因為美心皇宮燒味係幾出名，所以今日要試下中環呢間係咪一樣。中環美心皇宮環境唔錯，面向維港，空間寛敞，無柱位。坐低後先叫鐵觀音，呢度茶葉特別香，唔知係唔係同區份有關今日叫左叉燒同燒腩仔，果然名不虛傳，中環呢間質素都非常好蜜汁叉燒色澤鮮豔，肉質美味多汁，食落時軟熟。而燒腩仔每件肥瘦均勻，外皮香脆。呢兩款燒味當然要配白飯一齊食先好味

Arrived the restaurant around 12 noon on Sunday to see full house. Fortunately it only took us 10 minute waiting for a table. Instead of picking dimsum from the trolleys we decided to go for the a la carte menu. We ordered the roasted goose for starter and the fried noodle with shredded chicken and bean sprouts. Frankly the roasted goose was only acceptable but the braised beans with oyster sauce as side dish was surprisingly good. We ended up finishing it all up. The fried noodle was much bett

音樂會之前解決晚餐問題，沒有地方比大會堂美心餐廳方便。本來是想去二樓的美心西餐廳，各自修行，毋須顧慮他人口味，也緬懷舊式西餐的風味。可是疫情之後，西餐廳仍然重開無期。反倒是三樓的美心皇宮搶先如常運作，放眼所見，也大概有七、八成人客。例牌的油雞叉燒就不說了，今次值得推薦的是蟹肉薏米燴金瓜和金菇瑤柱炆鮮竹。首先是南瓜浸透在蟹肉薏米的湯汁中，鮮甜入味；金菇瑤柱炆鮮竹就更是香濃惹味，若非潮流興「低卡」，三碗白飯是完全沒有問題的。飯後嘆兩杯香濃普洱茶，差點兒誤了入座的時間！

細個嘅時候我唔鍾意去酒樓飲茶因為酒樓都係污糟，唔似得而家大部份酒樓都比較乾淨光猛。而當時我最鍾意嘅係去大會堂美心酒樓飲茶，因為啲嘢好食之餘最重要係地方都好舒服。拆卸左皇后碼頭之後我都冇再去過大會堂嘅美心皇宮，而家呢度真係好冷清，晚飯時段都係得大約10台客人。上湯龍蝦味道唔錯，但唔算好大隻，份量我覺得比較少。肉質都結實，兩個人分享還好，三個人或以上我就唔建議了。蒜蓉蒸扇貝都叫做好大隻，蒸得亦都剛剛好，粉絲都幾多，對於夜晚唔食飯嘅我哋，有啲粉絲幫忙填一填個肚都係好事。值得讚嘅係呢碟薑汁芥蘭，芥蘭淨係用菜遠部份，而且比較厚皮嘅地方都已經批左，所以入口更加覺得鮮嫩爽口。清清淡淡一餐，同朋友傾吓計，回憶下兒時嘅點滴都係一件開心嘅事，可能我真係老喇。

We chose to eat here because there is no time limit which was great because it allowed us to dine more comfortably!The architectural design inside was very elegant and there was an amazing view of the Victoria Harbour! This was my first time going to a cart dim sum place which was very unique. The food was exquisite, the bao was soft, char siu was a good fatty cut and the various dim sums had a nice flavour. I especially enjoyed the special deep-fried custard-filled sesame balls.

一眨眼已經過咗4年, 上次寫呢度已經係2015的夏天, 來這裡會是一種情意結, 中環大會堂! 由從前的婚姻註冊處到那圖書館, 現代人叫"集體回憶" 2019年尾茶位由18 升至19蚊/位, 我們來是週六, $41/小點, $49/中點, $61/頂點, $54/腸粉/大點, $56/蝦餃午市炒粉麵飯加約20%, 都係屬於正常嘅,推介嘅有春卷, 金錢肚, 粉菓, 义燒飽, 不過這裡嘅义包係兩個一籠, 但义燒餡係一疊疊咁並沒有用一個醬去充塞空間, 的確係有點貴但唔係每日來還可以接受吧！

與朋友大會堂音樂廳看節目，朋友臨時相約7 點大會堂先吃飯，朋友建議吃中菜，如果無位就西餐吧！一切隨緣！中菜就只有美心皇宮，無所謂啦！我們早了 15 分鐘，不用等位，坐下看到一本懷舊餐牌，設計幾得意！茗茶每位 $18, 叫了最穩妥的普洱，節目 8 點開始，4 位就叫了 4 個小菜，比較快嘛！！除了餐前小食味道比較正常，其他 4 個菜幾乎都是差不多的味道，不是誇張，真的，而且味精很重，味道也偏咸，尤其是那個魚香茄子，男士們齊齊叫了白飯！也要不停喝水！真的不懂用什麼評語！除了豆腐煲，其他都是差不多的味道 ！不吃不是損失 ！埋單有個笑話，簽賬後服務員忘記還我hubby 信用卡💳！正在猶豫的時候, 幸好等了一會就回頭

中午飲茶，來到這裏人流很多，若不是早點來的話，恐怕要等位的時間會很久，叫了很多點心，燒賣，大大粒燒賣味道不錯叉燒腸腸粉是滑滑的滿滿的餡料，口感也不錯棉花雞，分量充足，有蘇建雞喎和魚肚，未到剛好，不會太鹹，也不算油膩菠蘿叉燒包，脆脆的皮配上很入味的叉燒，這個10分推介魚鬆炆鴛鴦米，份量也足夠五至六人，每人一碗，不會太油膩鹹水角，也是屬正常的紅綠豆沙，沒有很特別的味道，正常味道蛋白杏仁茶，這個最失望，只有很少的只有談談的甜味，沒有蛋白在內，也沒有杏仁味總括來說，若不是在這裏工作，也不會來到這裏，因為這裏無論是點心和茶錢也較其他區分為貴，這點值得留意

一年前同個朋友lunch 尼過飲茶，嗰次我地兩個一見到有點心車推埋尼，就咩都話要食，結果兩個人食左成700蚊，食到捧住個肚。一年後，我地係上星期五嘅lunch再尼飲茶。我地係12:10pm用app拎定飛，12:40pm行到尼，12:50pm入座。今次我地好謹慎，只會拎真係好想食嘅點心，d點心車係我地枱前經過兩次先出手灌湯餃（頂點$60），一人點左一個，好足料，又多瑤柱，好味牛柏葉（中點$46），好入味菠蘿叉燒包（中點$46），好正，又熱又香脆，好好味蛋撻仔（中點$46），暖暖地，蛋漿好味，唯一唔岩我嘅係我唔鍾意食酥皮。楊枝甘露（中點$46），一人點左兩個，唔太甜，好味今次控制住點心份量，只拎大家都鍾意食嘅點心，但咁樣都食左$423連茶錢同加一（每位$211）都幾貴，而且唔算多野食，但嗰下食完都飽嘅。

黎大會堂美心飲茶有放題的感覺😍😍😍一去到就作戰狀態 唔可以錯過任何點心車佢有好多款點心～最愛奶皇包，去其他地方食唔返咁多味，因為真係感受到佢真材實料的奶皇！