美味餃子店

营业中

休息中

個湯係唔錯，但水餃太大隻韭菜餃竟然無乜韭菜味，餃皮直頭無味無質感（真正做得好的餃子，連餃皮都特別香特別好食）叫左十隻，食到第六隻已經覺得好滯$57  其實一 d 都唔平

太子老字號餃子店，開業貼近20年，喺區內無人不知嘅餃子店，更有區外客人都慕名而來🤭因為美味餃子店嘅餃子出名大大隻、夠足料🥟 而且湯底仲要係無味精，有時未到晚飯時間已經有一、兩款餃子賣曬沽清📈🥟 韭菜肉湯餃子（10隻） $57餃子真係大大隻，有成半隻手掌咁大😱而且餃子飽滿，餡料十分足料💯韭菜塞滿成個餃子皮，餃子皮十分順滑，韭菜香味濃郁😋但豬肉比較比較少。🥟 雲耳椰菜餃拼韭菜肉餃（10隻） $60食完韭菜餃，再食雲耳椰菜餃，相對味道上比較清淡健康，雲耳椰菜口感爽脆易咬☺️餡料夠曬新鮮👍🏻✨ 湯底 - 野葛菜煲生魚豬骨湯無味精湯底之餘，仲要無浮油🫧味道鮮甜濃香，養陰清熱‼️✨ 特制菜脯一落單後，侍應就會遞上一隻豉油碟，可以擺菜脯，或者加香醋、豉油。湯餃可以配埋辣菜脯一齊食，味道上就更突出豐富🥰菜脯混合埋辣椒🌶️、豆椒、辣油等，口感豐富啲之外，仲有少少微辣，提鮮吊味😋⭐整體︰8.5/10⭐食物︰8.5/10⭐環境︰7.0/10⭐價錢︰9.0/10

去美味餃子店，只有兩個原因第一個係為咗佢啲菜脯而嚟第二就係為咗飲佢個湯呢度最出名係白菜豬肉餃所以外賣最快賣晒都係佢每次我嚟都會叫一個湯、一個煎老實講湯係好食啲嘅首先佢個魚湯真係好濃味而佢嘅餃子都好大隻食餃子嘅時候，一定要點菜脯食你堂食嘅時候食菜脯就無限refill 外賣嘅時候只會比一個細樽你，完全唔夠食就係因為咁所以我多數都堂食而煎呢因為佢個皮唔算薄所以變相都冇咁脆同埋食多一兩隻已經好油膩真係食唔得多所以我建議係食湯嗰款好食啲環境方面就唔好有期望為咗做生意一張枱可以坐幾多個人去都會迫埋一齊坐所以我試過一張六人枱坐八個人真係好迫，隻手都唔好咁大動作

位處太子橫街，唔係狗屋果邊，而係近大角咀果邊既舖頭，呢邊可以話餃子店既陣地，美味餃子店次次黎都有人排隊，但未食過就點都要試下既，特登行到過黎，等左一陣就入得，傳統舊式冇裝潢既舖頭，圓枱膠櫈簡簡單單！點解我會形容比上不足比下有餘呢，因為佢既餃子係大隻又足料，而味道係OK，但比起同區一啲更好既舖頭又唔夠佢地好，甚至連配菜辣菜莆同醬料都係煎韮菜肉餃(十隻)$55大大隻油香撲鼻咁黎到，賣相係吸引既，肉質還好，但油份過多，而食後韮菜味唔夠濃，冇左食韮菜就口臭果種快感雲耳梛菜肉餃(十隻)$56湯餃既湯底好清，都幾好味既，但唔係話好吸引到要Encore，而呢轉餃既肉唔夠新鮮食落口感馬馬，我同女友兩個人都係食左就唔會再幫襯了，因為同區有更出色的了配料辣菜莆未夠辣同香，好鬼普通，而醋就太稀，味道不足

太子非常有名氣嘅餃子店，長期要排隊，作為餃子控嘅我一定要試下！店舖環境簡陋，大部份都要搭枱，餐廳主要食餃子，都設有車仔粉麵，但當日就未見有人食，而辣菜脯口感爽脆，辣度適中，唔鍾意食辣菜譜嘅我都覺得不錯！—————————————————————煎韭菜肉餃 ($50) 煎餃非常香口，餃子皮唔會太厚，煎得好香脆，煎岀嚟油比較多，餃子放咗一陣就會比啲油浸林咗，每隻餃子都好大隻，而餡料方面都算多，只係肉就比較少，整體來講唔算話十分驚喜，但價錢真係好抵嘅🥟😋 美味指數: 7/10—————————————————————白菜肉餃 ($52) 湯餃會配上野葛菜生魚豬骨湯，味道清甜，而餃子同樣都係大大隻，白菜肉餃就比較普通，似灣仔碼頭餃子嘅巨大版，可能對佢期望太高，但只係覺得一般般😋 美味指數: 6.5/10

自兩年前初次光顧，便愛上這店，大大隻餃子、香口菜脯及無味精湯底配搭得宜。即使疫情期間不便堂食，也習慣了買她的外賣(我習慣了叫分湯)，也是區內少數外賣仍能維持水準的餃子店。今天心血來潮想來個堂食，中午1點到達不用等位可以直入，點了7隻雲耳拼白菜湯餃，一如以往，係要搭枱，不過大枱坐6個人都坐得鬆動。點餐後店員隨即遞上小碟(我見如果點煎餃還會俾小碗)這店的菜脯是教人念念不忘的，襯未有食物前先𢳂點菜脯，菜脯香口而不太辣，略嫌油咗少少。至於餃子，也有一貫的水準，大隻飽滿。食完餃子把湯都飲完了，唔知係咪冷氣太勁定我食得慢嘅關係，最後湯有點放涼了。我諗堂食同外賣最大嘅分別係堂食可以任食菜脯，但外賣無論係叫7隻定10隻都只會跟2小份菜脯。Anyways, 今次堂食再次確立美味喺我心目中number 1嘅地位。

去到好彩唔洗排隊入面嘅環境就唔好太大期望喇都係啲大圓枱/方便搭枱✨煎韭菜肉餃 - 大碟（10隻）$55餃子真係好大隻，餃子皮算適中同餡都算多有啲煎到有濃邊係幾香口/咬落都仲食到小小肉碎但係款款式選擇真係比較少/得韭菜肉餃，白菜肉餃同雲耳椰菜肉餃三款用煎或者湯上總括嚟講你話好好食咩？又唔係/唔好食咩？又唔係只能夠話係一間對得住價錢/叫做紮紮實實嘅餃子店🌟提提你有機會要需要同人搭枱另外冷氣都幾凍幾大/如果怕凍可以同姐姐講/要求坐門口嗰啲位/會比較冇咁大風🥟美味餃子店 (太子)🇭🇰太子大南街74號地舖

椰菜雲耳肉餃(湯) / 10隻💰$56韭菜肉餃(煎) / 10隻💰$55豆漿 💰$10·🍲 #湯底野葛菜煲生魚豬骨湯🐟順口清甜👍🏼可以當湯飲嘅湯底·🥟 #餃子 作為餃子fans，我地去過好多有名嘅香港餃子店，個人覺得始終都係呢間好食😋內餡紮實飽滿🥟餃子皮亦唔會太厚煎餃兩面都卜卜脆⚡️⚡️食禁多次都冇出現皮同內餡分開嘅情況(個人堅持🙂分開咗會無胃口食)·🌶️ #辣菜甫 口感爽脆🌶️辣度啱啱好令一個本身唔鍾意食菜脯嘅我每次嚟都會食2碟

今日經過太子見到好多人排隊，原來係太子名店美味餃子店。所以就同女朋友入左去食。雲耳椰菜餃（大碗）10隻$56湯餃大大隻，餡量充足，多肉汁，而且湯底無味精。煎雲耳椰菜肉餃（大碟）10隻$58煎餃非常香口，一咬開肉汁就流哂出黎，而且口感脆卜卜。墨丸油麵$42墨丸非常彈牙。最與別不同無每一粒墨丸都有𠝹開十字。油麵好彈牙，比坊間車仔麵既油麵彈牙。豆漿$10📍美味餃子店地址：美味餃子店 (太子)太子大南街74號地舖

見到都嚇親!叫左兩溝湯餃超級大隻,好似酒樓啲灌湯餃咁!個人就覺得唔錯嘅入口食到滿滿嘅餡料~但係食落就係好普通嘅韮菜餃😂湯底都唔太特別,有啲似自己屋企煮出黎咁 不過不失啦

經過入去試吓啦，心諗簡單款式可以唔使左諗右諗。叫咗碗兩溝，餃子🥟太大隻，其實餃子唔使太大隻，中型size 會好啲落單時，明明叫三餸一面，跟著話我哋叫咗5個餸，講多次俾佢聽，就話我哋叫4個餸，再講多一次加埋數手指俾阿姐睇，先扮嘢話聽錯。每逢有人攞外套，就話人未俾錢；有枱客帶咗細路嚟食，食唔夠數要人俾多啲，其實可以酌情處理！仲話多人排長龍等食，名不符實⋯⋯味道麻麻地，仲衰過灣仔碼頭水餃🥟！一句講晒……唔掂！！！

雲耳椰菜拼韭菜湯餃🥟餃子超大隻！韭菜餃不錯，韭菜幾香。雲耳椰菜餃就不過不失，雖然口感飽滿但偏淋，味道上也不太特別。湯底正常，但應該不是老火湯，不是那種會覺得很好喝的湯。（個人認為手作餃子專門店和甜記餃子的湯底更好。）總括來說，餃子大隻抵食，性價比高，一定食得飽。但款式選擇比較少，只有幾款餃子，只能選湯餃或煎餃，不能合併。

放工時間過去例牌要排隊，不過唔算排好耐。所有座位都係圓枱，需要搭枱。店員友善細心，見我哋有袋，就主動俾多張櫈我哋放袋。點咗雙拼（雲耳椰菜肉餃及韭菜肉餃）湯餃及煎餃各一，餃子非常大隻，兩人基本上order一大一細已經好飽肚。個人比較鐘意湯餃配辣菜脯，味道更有層次，又有湯飲下，不過留意個辣菜脯真係幾辣。煎餃可配豉油同醋，香口爆汁，但食多幾隻會感覺油膩。每枱必點豆漿，普普通通，甜度適中。餃子味道不過不失，味道都較啖口，無太多調味，不過勝在大隻足料，啖啖肉。另外亦可買生餃返屋企煮。

雲耳椰菜肉餃,韭菜餃著名野葛菜生魚豬骨湯底,飲落其實唔係話好濃味,餃子size好大,不過味道冇咩特別.同埋食落d肉有幾粒硬硬地. 環境就真係好污糟,接受到嘅可以一試,但真係冇咩特別.HKD$56 10隻

Less is more果然係金句！簡簡單單～店內只係提供三款味道嘅餡料，餃子可以煎，可以放湯，可以要雙拼。餃子大大隻，調味非常之好！👍🏻👍🏻👍🏻🥰嗰日去食時已經幾晏，冇曬白菜餃，唯有食韭菜餃同埋木耳餃～都非常好味，豆漿都好濃郁～濃濃嘅豆味！有機會一定會再去食😍🥰👍🏻👍🏻