美味餃子店

营业中

休息中

今次去左 美味餃子店 食餃子，當日就算３點左右先到，都依然需要排隊。店舖所賣的餃子都係常見的餃子款式，賣的不是特色，而是平實的美味！白菜肉餃 - 湯餃10隻 ($57) 印象最深刻，係10隻同7隻餃子價錢都只係差幾蚊，明顯店舖想客人叫10隻！本身以為10隻都係正常份量，點知依間餃子店一隻的大小，好似其他店舖兩隻的份量！如果細食的朋友，應該可以打包返屋企繼續食！餃餡非常飽滿而有汁，雖然唔會有D咩驚為天人的特點，但佢賣的，就是一種平實的美味！辣菜圃都幾重豆豉味，亦都幾辣下，所以加少少係餃子上面一齊食就剛剛好！不過，豆漿就一般啦～以下係我的評分（滿分為５分）：味道：5分環境：3.5分服務：5分價錢：5分推薦程度：4.5分美味餃子店網址: https://s.openrice.com/QrbS01lK200~uKZISBA地址: 太子大南街74號地舖電話: 23097308

每隻餃子都飽滿又大粒，食完10隻都已經好飽～食湯餃嘅話，個人鍾意配埋佢嘅辣菜莆，非常惹味～煎餃都好多汁，不過油左少少，食多幾隻可能會覺得有啲膩，所以適合配返杯凍豆漿😆

相信尼間餃子店大家都唔陌生，平日晚市去到都有好多人排緊隊，個晚白菜豬肉餃就賣曬，我地叫左雲耳椰菜餃（$49）同煎韮菜餃（$48），食得出用料好新鮮，粒粒都係好大粒，又好飽滿😍😍記得配埋佢既辣菜圃，個味道又即刻提升左，兩種餃子黎講，我比較仲意湯餃，食落去都無甘油，唔係好特別既口味，但係普通得黎都幾溫馨既感覺，有少少家既味道，難怪有甘多人支持❤️

📍大大粒足料餃子‼️• 辣菜甫係精髓😍 -- 美味餃子店🥟•Follow @pigfoodiexhk for more food!🐷💛#pigfoodiexhk_港式#pigfoodiexhk_太子=======================Bookmark咗呢間餃子店好耐啦！前排終於去咗試～餃子可以選湯餃或者煎餃，今次小編就揀咗湯餃雙拼‼️😛------------------------------⭐️ 雲耳椰菜肉餃拼白菜餃 $53配野葛菜生魚豬骨湯餃子份量十足，大隻足料😍‼️雲耳椰菜清甜爽脆，豬肉鮮味而且唔會好多肥肉，加埋辣菜甫夠晒惹味😛😆白菜餃同樣飽滿鮮甜，好清新😍👍湯底無味精，順口清甜，唔覺唔覺就飲晒成碗🤣------------------------------賣相：3.5/5味道：4.4/5性價比：3.5/5推介度：3.5/

聽朋友介紹話呢間係大子嘅美味餃子店好好味，見今日星期一應該冇咁多人，所以放工就過嚟買外賣返屋企食啦。我係openrice app 落單，預設好個時間，一去到就拎得，真係好方便。係太子站c出口行過去幾分鐘就到。夜晚未夠7點已經差唔多坐滿人但未見到人龍排隊。門口阿姐好快就係廚房拎咗袋外賣出嚟。叫咗個煎雲耳椰菜豬肉拼韭菜餃試下，$59共10隻。未打開已經聞到好香嘅韭菜味。個餃子皮煎到脆卜卜。好大隻好足料。食咗兩隻先記得影相仲有2杯仔辣菜脯，非常好惹味

專登黎呢間美味餃子，試左韮菜煎餃子同埋韮菜湯餃，煎餃新鮮食係好食嘅，好大食好飽，略嫌有點油，不過煎餃就係咁架啦。至於湯餃，湯好飲不過好似有少少味精，值得一提個菜圃好好食

門口排隊排左半個鐘 終於排到我 佢話我未齊人 比左後面入先 叫我齊人先話佢知 （奉勸大家一句未齊人唔好排隊）我入到去起碼再等多半個鐘果二碗餃子先到 又唔係真係咁好食 仲要咩都話賣晒 前後仲要等成個鐘頭 唔值得嘥時間等😡😡😡

餃子、湯同辣菜脯都保持水準環境同員工服務就唔要求太多，都係街坊小店。1. 雲耳椰菜肉餃拼白菜肉餃 每款食材比例剛好，每啖都食到每款食材嘅味道 湯依舊清甜，飲完無口乾 辣菜脯係精髓所在，令到餃子更出色價錢（$53）, 夠曬滿足。氣球高飛指數食物味道 ⭐⭐⭐⭐⭐餐廳環境 ⭐⭐⭐員工服務 ⭐⭐⭐出餐速度 ⭐⭐⭐抵食指數 ⭐⭐⭐

已經第N次食啦😆（小編太鍾意食🥟啦🫶🏻）。禁岩係附近，無理由唔食埋啦😆。 ▪️雲耳椰菜肉餃：一份10隻大大粒🥟😉皮薄，餡料豐富，好有飽腹感。蔬菜清爽，豬肉感覺唔多肥肉。 每啖都好紮實，唔會覺得好肥膩。餡料調味岩岩好，味道唔會覺得好鹹。仲有鍾意食辣既朋友一定要試埋佢地既菜脯啊，口感爽脆惹味。雖然油左啲，但配搭埋餃子係越食越想食啊 同埋豬骨湯底鹹淡適中，無乜油同無味精，好似屋企煲既湯禁🫶🏻食完餃子飲埋湯，好滿足啊😋 美中不足既係餐廳座位空間狹窄（小編通常外賣😝）。除左坐得唔舒服外，亦冇多餘位置置物。（溫馨提示🫶🏻：一袋二袋嘅朋友，會食得好狼狽😂）想悠閒坐低傾偈嘅朋友建議乖乖地去Cafe啦😂 🫶🏻🫶🏻🫶🏻🫶🏻題外話🫶🏻🫶🏻🫶🏻🫶🏻好耐之前啊姨俾漏嘢，話之後過黎既時候退返💰。因為今次都係外賣，唔想再重蹈覆轍，所以今次輕輕禁提左下件事。😆其實預咗佢地唔記得嫁啦，點知啊姨竟然肯退，果然有口齒啊👍🏿

和朋友工作後想吃一點不太heavy的食物，她推介了自己的‘飯堂’，這家美味餃子店是老字號，現在到兒子來經營，依然有高人氣，主要是性價比高，而且每一隻餃子都真的很飽滿足料！其實餃子店的選擇不多，餃子主要是白菜和韭菜口味，不過要提醒大家白菜經常很早就賣完，所以大家想吃就要早點。份量方面有小的（7隻）或大的（10隻），如果有5隻選擇會更好，因為我真的吃不了這麼多。哈哈。餃子可以選擇煎餃或湯餃，它的魚湯湯底非常醇厚，不會有魚的腥卻又魚的鮮甜，有點喜出望外，因為我是不喝魚湯的lol煎餃的話皮不算厚，但外層煎到一邊金黃色，咬開裡面依然保持到豬肉的肉汁，每一隻都豐富飽滿，所以吃5隻已經很飽，加上餃子是每天人手包製，這份新鮮感讓餃子更入味，聽老闆說他們每天最少要包上千隻餃子！（不過他一直跟我開玩笑，所以我都不知道是不是說笑哈哈）其實這裡還有麵食，不過大家都是吃餃子，希望大家去的時候有白菜吧T.T （還有要喝豆漿喔）

叫左煎雲耳椰菜餃+韮菜餃 十隻$56送上枱已經哇一聲煎得好靚，金黃皮脆！不過明顯見到好多油雲耳椰菜個餡明顯清淡左啲，無乜味，加過菜脯有啲辣就好好多韮菜餃餡料好香，食到停唔到口全部餃都皮薄，外層香脆，內層煙靭有咬口😛😛見到好多人會買生餃返去煮，期待下次試下水餃😋😋😋

作為重度餃仔控既我，呢一間不得不推薦俾大家❤️呢間餐廳得三款味嘅餃子，分別係白菜餃、韭菜餃、雲耳椰菜餃，每款都食過好多次❤️每次嚟親我都會叫湯餃，一定係雙拼同埋10隻🤣🤣佢個湯底係自己專登熬製既野葛菜魚湯，鮮中帶甜，建議大家試餃子嘅時候試埋碗湯！辣菜脯入面有埋啲豆豉，我每次都會淨食幾粒先，本人極鍾意佢嗰隻辣味🤣然後搭埋餃子一齊食，雖然菜脯食多幾粒都幾辣但係連埋餃子一齊食既話，會提升埋餃子嘅味道😍😍溫馨提示：白菜餃好快就賣曬，有興趣記得要早去啦～

第一個post 想介紹一間由中學食到出黎做野既小店☺️ 唔知開業實際係幾時，但最少15年+ ，見住佢由細鋪搬到大鋪， 太子街坊都一定識 😄 湯白菜肉餃 10隻 $55 3 個靈魂， 餃子， 湯， 同辣菜脯 🌶️ 餃子： 有三款，白菜，韭菜，同雲耳椰菜。 白菜係我嘅最愛，用既係小白菜唔係包心個種。 通常最快賣哂， 有時下午6點幾就冇得食。 原因係因為白菜處理工序比較多，一黎多沙，二黎煮完再揸乾水先可以包餃子，店舖人手有限，所以每日供應都有限。 餃子皮薄、煙韌又飽滿， 煮完會喺外面會透到啲菜嘅翠綠色，食落會咬到新鮮蔬菜應有嘅爽脆，唔會覺得自己淨係食緊一舊冇層次嘅肉團。 野葛菜煲生魚豬骨湯： 鋪頭唯一一個湯底，味道好特別，鮮甜順喉， 唔係雞湯/蕃茄湯咁常見，而喺出邊搵唔到嘅。以前唔覺得呢個湯底有咩咁特別，但後來發現佢係令人最懷念，最令人想番轉頭嘅味道。所以我每次都會飲晒！辣菜脯： 菜脯調味辣度適中又有油香， 加埋豉油，咸香辣既組合會令到一碗清淡簡單嘅餃子，惹味10倍！ 所以無論重口味定淡口味嘅人都可以滿足得到 ☺️除左湯餃之外， 都有脆卜卜煎餃，但因為太欣賞個湯，次次都會叫湯餃😋 男士黎到怕唔夠飽

3年前係太子返工已經俾同事介紹過個陣好中意食 但之後返元朗就一直冇去過🥲前幾日去旺角 特登兜去食🤤味道同之一樣咁好食煎雲耳椰菜餃味道會清少少，對比起韭菜，但係雲耳爽口 口感會好過韭菜少少，但搭配菜脯食就岩岩好。煎韭菜本身唔係好中意食韭菜嘅，但依個韭菜餃好香，肉汁全部鎖住係皮入面，一咬就會bit出黎。比起菜購卜，點醋會冇咁搶韭菜嘅味。除左野食好食之外，店員都好好人，有個哥哥見到我地醋滴左落件外套到都即刻拎紙巾俾我地，臨走打包都送左一細樽菜脯俾我地，唔知係原本就送定見我地係咁食菜脯🤣我地叫埋佢嘅豆漿飲，不過不失，但建議都係叫野飲，20隻煎飲食完會熱氣🤣🤣總結： 餃子都係一如既往嘅好食又大粒，因為好大粒所以食量唔大嘅人可以叫7隻，或者食唔曬再打包都得，我地2個人叫左20隻煎餃，最後都剩左7隻打包返去，但下次可以10煎10湯，比較冇咁乾同冇咁熱氣。菜脯絕對係神隊友，單食會咸左同辣左啲，但夾埋餃子食就岩岩好絕對可以無限encore 呀🥟

一直心心念念美味餃子店嘅野葛菜生魚豬骨湯同佢嘅豆豉辣菜甫。平時好少會經過又冇乜經會特登過去食，所以對上一次食都應該係半年前了。3種餃入面最濃味係韮菜餃，口感最有層次係雲耳椰菜餃，所以揀左韮菜餃拼雲耳椰菜餃（$56）。如果10隻餃$56的話其實唔算抵，我會寧願食雲吞麵店嘅雲吞/鳳城水餃。不過個湯同辣菜甫真係水餃嘅靈魂，缺少左是但一樣，都唔會完美。啲餃子真係好大隻，餡料好足，食到第6隻其實已經飽，因為成碗湯都俾我趁熱飲晒。不過食晒啲野係對廚師基本嘅尊重，所以最後我係食晒嘅。