美味廚

呢間美味廚真係顛覆咗想像，由湯底到配料都充滿驚喜，有好多估都估唔到嘅組合~作為一間連續14年榮獲米芝蓮必比登推介嘅火鍋店，水準點都有返咁上下！今次個 Restaurant Week menu 又係勁抵！我哋揀咗呢度其中一款嘅經典湯底：冬蔭功 Cappuccino！！☁️ 個Foam 係用椰奶、忌廉打成泡沫，再灑上唂咕粉~令到個冬陰功湯底更加奶滑，同牛肉、海鮮都好夾，唔係得個樣！另外仲有鹹菜胡椒豬肚湯同埋英式紅酒牛尾湯 （牛尾湯入面有勁多牛尾，燉到勁腍超多膠質好正！）生猛基圍蝦（6隻) <--- 係每人6 隻，上枱嘅時候真係震撼排排企 🦐🦐🦐🦐🦐🦐肉類日本宮崎A5前肩肉，日本熊本黑豚梅肉，內蒙特選肥羊，走地黃油雞脾肉(呢度嘅丸子、水餃都是每日新鮮製作㗎！)手打粒粒鮮墨魚丸，梅菜豬肉丸，香濃芝士釀鮮牛丸，手打雞肉鵪鶉蛋丸 - 大推梅菜豬肉丸，鹹香又彈牙豉椒牛肉餃，北京填鴨餃，蜜汁叉燒甜豆餃，南乳素齋餃 - 大推北京填鴨餃，勁香鴨味，估佢唔到！反而個汁叉燒甜豆餃啲蜜豆大家一致覺得唔多夾😂仲有蔬菜，豆腐，菇菌同埋麵，食到捧腹而回~ …查看更多

呢度食打邊爐火鍋的，不過今日係餐廳周嘅最後一日，但係要食埋最後一天的餐廳就Menu啦。嚟咗食午餐。全部都係廚房煮，唔使自己烚吓烚吓。小菜嚟得好快，上菜時中式牛尾鍋和千層豆腐生菜煲都是熱辣辣的，生菜煲仲係滾有啫啫聲。食物整體而言都唔會太鹹，冇味精食完會口乾。下次嚟試吓啲午市火鍋先，有幾款火鍋選擇都幾吸引。餐廳侍應服務都好好，好快手同埋有禮貌。我哋坐咗中間圓枱，下次早啲訂枱坐邊頭啲卡位空間咁大啲、應該會再舒服啲。…查看更多

早一個星期訂午餐四位，期間餐廳有用WhatsApp聯絡我說座位安排，因為5樓裝修不開云云。到今日上去，安排好入座，叫埋飲品，睇埋菜單，就跟菜單上叫各自一人鍋。嘿，呢個時候部長才告訴「冇晒一人鍋」，要叫大鍋。我立即起身走人。咁多時間你唔話畀我哋知，完全係想焗人食a la carte，唔想你食抵食午市套餐！我都食過你哋晚市，閑閑哋千幾二千（二人）落樓嘅，點會甘心畀你叫人均二百嘅午餐套餐吖。又一間幫忙唱好大灣區消費嘅餐廳。…查看更多

單身貴族（上班族）量身打造了一人食小火鍋！有五六七八種湯底選擇【紅酒牛尾鍋底🍷】番茄濃湯的濃郁誘惑，兩塊拳頭大的牛尾直接鎮場！番茄熬到起沙，紅酒香氣鉆進每一絲肉縫～最後再用濃湯煮個粉！【5A和牛🥩】肥瘦相間，雪花誘人，大片的和牛在番茄鍋中翻滾，配上炸蒜片一口下去香味四溢，真能吃出和牛味【黑松露和牛餃🥟】皮薄餡厚，咬開瞬間黑松露香氣直穿鼻腔！和牛肉餡嫩到飆汁，蘸海鮮醬油鮮到瞳孔地震【蝦滑油條🦐】油條裏塞滿蝦滑，煮到吸飽牛尾湯汁！外軟內彈，鮮甜×濃香回味無窮～【炸響鈴卷🔔】3秒吸湯絕技！酥皮瞬間變身海綿，一口爆汁的快樂誰懂～…查看更多

美味廚 Megan's Kitchen 今年又獲米芝蓮必比登推介，已經係連續 14 年獲得呢個殊榮，曾經介紹過佢哋嘅真漢子，覺得佢哋係實至名歸。👍🏻雖然唔係素食餐廳，但佢哋不斷增加素食嘅選擇，令到食肉同食素嘅朋友都可以一齊分享美食。等我同大家 update 吓佢哋有咩新嘢先。🌞💚 首先係佢哋嘅午巿素食一人火鍋，由 $198 減到 $148，keep 住款式多，份量足，仲有糖水送，個個食飽都攬住個肚走。🫄🏻💚 新增咗兩款素醬：🌰 松子姬松茸醬 – 姬松茸，松子同香菇黃豆醬，食到姬松茸嘅鮮味，但唔會太重口味。🍄 菌王醬 – 香菇 ，杏鮑菇加黃豆醬，味道較濃，微辣，鮮味又帶少少咸香，食落似 XO 醬。兩款醬都非常正，試咗之後基本上唔會想點返辣椒豉油，返唔到轉頭。😆💚 佢哋嘅一人鍋換咗新爐，可以自己調較大細火力，非常方便。連細節都一絲不苟，不愧係米芝蓮餐廳。💯💚 多咗兩款素湯底，分別係「素日式麵豉豆腐魔芋湯」同「甘荀粟米馬蹄西芹素湯」，正所謂左手係肉，手背又係肉，掙扎咗好耐真漢子終於揀咗日式湯底。👘麵豉湯底夠味但唔咸，配料有腐皮，白蘿蔔，冬菇，芋絲，豆腐，夠哂正宗和風。大家可以先食套餐其他料先，等啲湯料入哂味之後再食就非常正。😋粉麵類今次試咗薯粉，屬扁身，似幼嘅河粉，晶瑩剔透，食落彈牙之餘又十分爽滑。😘散叫咗個鮮腐皮，豆味好重而且肉厚，正。😝💚 蔬菜拼盤都可以打卡？加咗兩支心型嘅紅心蘿蔔，除咗勁靚，蘿蔔味都好濃，而且好爽口，得兩粒唔夠喉呀。🙈負責人表示由於素食開始廣泛，例如坊間有 green Monday 嘅傳統，所以佢哋餐廳都加入更多素食選擇。真漢子除咗好欣賞佢哋推動素食嘅努力，亦都證明咗愈多人食素，素食係會有更多選擇㗎，所以大家記得多啲支持有素食嘅餐廳呀。☺️💋…查看更多

位於灣仔❣︎美味廚❣︎已經連續1️⃣4️⃣年奪得🏆米芝連指南推介食府啦👏🏻最近仲推出左午市火鍋升級⬆️大放送😋一人火鍋套餐$148起，仲有午市二人火鍋添，有海鮮，A5和牛🐄熊本黑豚肉等等選擇，食材超高質👍🏻呢到環境亦十分舒適，亦設有獨立房間，超推薦比大家🫶🏻❣︎二人午市火鍋套餐❣︎$398♥︎湯底♥︎湯底有成十款選擇👍🏻我地揀左蘋單粟米雪耳塘排湯同英式紅酒牛尾湯，湯底用料十足，一人一鍋夠晒衛生。♥︎日本熊本黑豚梅肉♥︎🌟必食推薦😋👍🏻油花分布平均，鮮嫩多汁，肉味甘香。♥︎美國高級雪花三角肥牛♥︎雪花非常均勻，大理石花紋豐富，色香味美，香嫩可口。♥︎北京填鴨餃♥︎呢到餃子好有特色👍🏻味道亦非常創新，內餡用上北京填鴨，肉質柔軟多汁。♥︎鹹牛舌芝士餃♥︎牛舌好淋，加埋芝士呢個組合超邪惡😋味道好夾。♥︎梅菜豬肉丸♥︎肉丸肉質鬆軟，加埋梅菜鹹香味，咸香彈牙。♥︎香濃芝士釀鮮牛丸♥︎牛味濃郁👍🏻輕輕一咬，芝士漿爆流出。♥︎蔬菜拼盤♥︎😍拼盤砌到盤花噤靚❤️內有粟米，冬菇，金菇，娃娃菜等等⋯⋯紅蘿蔔同紫色蕃薯仲設成心形用竹籤上😍超有誠意，睇見都非常開胃，超讚👍🏻♥︎基圍蝦♥︎基圍蝦用冰鎮上👍🏻已切開左個頭，蝦殼都清理埋，用竹籤拮好晒比你，淥完即食得😋非常貼心，蝦亦相當新鮮彈牙。♥︎粉麵飯♥︎有成6️⃣款噤多比你選擇👏🏻🌟必食推薦米線😋👍🏻非常爽滑彈牙。♥︎酸梅湯♥︎呢到酸梅湯係自家製，酸甜度適中😋👍🏻生津可口。♥︎糖水♥︎每一位來食飯嘅人客，都會有糖水送👍🏻👍🏻今日係紅豆沙西米露，紅豆入口軟腍，西米Q彈，味道唔會太甜，有埋糖水做結尾😋👍🏻呢餐超滿足。…查看更多

最近我哋有機會去到灣仔樂基中心，試咗一間相當出色的私房菜。呢間餐廳環境優雅，氣氛舒適，非常適合家人聚會或朋友聚餐。我哋呢次叫咗16位用嘅套餐！首先，我哋試咗「八星報喜」，這道菜色彩繽紛，擺盤精美，味道清新，開胃得來又有吉祥意味，為整餐打下好基礎。接住嚟嘅「萬壽果燉鮮鷄湯」，湯底清澈，雞肉鮮嫩！「蛋白蒸大花竹蝦」係另一道必試嘅菜，蝦肉鮮甜，蛋白蒸得剛好，保持咗蝦肉原有嘅鮮味，搭配上少許醬油，簡直無敵！再嚟就係「翡翠炒原隻帆立貝花之片」，鮮貝煮得恰到好處，口感滑嫩，配上青菜嘅清香，平衡咗味道。「糖醋匈牙利攣毛豬」色澤誘人，豬肉外脆內嫩，糖醋味道剛好，不會太甜，令人一口接一口。至於「豉椒蟶子皇煎米粉」，米粉吸收咗蟶子嘅鮮味，豉椒香味十足，食起來特別開胃。「霸王蔥油海老虎」則係一道有嚼頭嘅菜，海老虎肉質彈牙，蔥油的香味令整道菜更加出色。而「瑤柱扒菜心苗」則帶出清新嘅蔬菜味，瑤柱嘅鮮味亦提升咗整體口感。最後，甜品方面，我哋選咗「羗茶芝麻湯丸」，湯丸外皮軟糯，內裡嘅芝麻餡香濃，搭配香茶，令人心滿意足。呢間私房菜嘅每一道菜都好有水準，無論係味道、擺盤都讓人驚喜，絕對值得推介！下次有機會再嚟，試下其他菜色！…查看更多

今晚約朋友食生日飯， 安排左卡位， 每張卡位有獨立電視， 及可拉廉有獨立空間當晚2個待應招呼一流，有向我地推介食物， 經常走過黎加湯及問食物味道如何火鍋湯底有好多選擇， 今次揀左雙拼： 碗仔翅湯+疏乎厘蟹皇蕃茄忌廉湯好特別， 個翅湯超足料👍🏻牛肉選擇多， 梅菜豬肉丸， 黑松露和牛好好食 。丸， 餃大部分係自家制係出面係食唔到😋新鮮竹笙好大條超爽一分錢一分貨，餐廳走中高價路線， 不限時環境舒適坐得舒服，服務食物質素都係中上，有時想食好d ,都會選擇再黎…查看更多

公司「尾牙」食午飯，到附近的美味廚午餐。平時經常路過灣仔道都見到餐牌，非常吸引，只是一直未有機會試一下。今日到店後，店員服預殷勤，經理還很風趣。餐廳環境企理，經理知道我哋「尾牙」，推介了幾道好意頭菜式。鍋貼小棠菜今餐午餐的最好食第一名！初初聽到菜名，還以為是餃子加菜，上菜時店員介紹才知這道是鍋貼小棠菜。底面紫菜，夾着蝦膠脆炸，脆口得來蝦膠又彈牙。撈起本來以為到新年才有，但經理話而家已經有，實在太好了！這個撈起顏色繽紛，素翅很搶眼，也有我喜歡的海蜇。撈起配了芝麻醬，也很夾的。味道不錯而且好意頭。煎金蠔姬松茸金蠔肥美，煎得很香，蠔味更香。醬汁滲入了姬松茸又沒有掩蓋姬松茸本身的香味。這個餸菜送飯一流。紅燒東坡肉今餐午餐的最好食第二名！東坡肉炆得夠淋又入味，唔會過鹹，又係一道好的送飯餸。旁邊的西蘭花也爽脆，中和一下東坡肉的肥膩感覺。椒鹽魚塊不得不讚一讚裝飾，整條魚上。椒鹽魚塊香脆而魚肉軟棉，魚味香濃，非一般的美味。發財好市髮菜蠔豉是最常點的好意頭菜式。蠔豉硬度適中，汁不是太鹹，剛好配搭菜底。希望吃過這道菜，來年公司發財好事，人人賺多點。今日埋單時送了一張$300優惠券下次使用，新年應該會再嚟一次。總結，美味廚食物質素高，價錢合理，服務抵讚。下次會再幫襯。…查看更多

美味廚已開多年，我就第一次來打邊爐我哋就點左沙嗲湯拼胡椒豬肚湯底好好味因為D味道好濃郁👍🏻 而D火鍋料樣樣都好新鮮⋯⋯最正係只需加＄198 就可以Free Flow 飲酒，有紅酒🍷、白酒、sake 🍶及sparkling wine👍🏻👍🏻👍🏻👍🏻…查看更多

位於灣仔嘅「美味廚」最近推出咗一系列全新嘅火鍋選擇，叫做「豐味共嚐」。呢間餐廳多年嚟都獲得米芝蓮嘅好評，今晚約咗幾個好姊妹去打邊爐，真係好期待！呢個火鍋系列最特別嘅地方，就係將經典嘅香港美食變成火鍋風格，讓鍾意火鍋嘅朋友唔單止可以享受湯底嘅溫暖，仲可以品味到香港各式各樣嘅特色風味。特別推薦佢哋嘅「港式豐味碗仔翅湯」。呢款湯底係經過精心熬製，選用咗新鮮嘅鮮雞、雲腿絲、雞絲、各種菇類同埋冬筍，仲加咗日本人造魚翅，呢個搭配重現咗碗仔翅嘅經典味道，絕對會令你食指大動！如果你係素食者，仲可以選擇「港式豐味素碗仔翅湯」，同樣可以感受到滿滿嘅風味。除咗湯底有特色之外，佢哋嘅火鍋丸子系列都好有特色，非常推薦！例如沙嗲菠蘿牛肉丸，呢個真係一個經典嘅香港味道。將濃郁嘅沙嗲醬同嫩牛肉結合，再加上菠蘿嘅甜味，真係令人驚艷。而洋蔥蕃茄豬肉丸就好似一碗暖心嘅家常菜，甜美嘅洋蔥同清新嘅蕃茄，搭配上嫩滑嘅豬肉，令人回味無窮。如果你係芫茜之友，千祈唔好錯過芫荽山竹素肉丸同南乳素齋餃，呢啲都充分體現咗新鮮同健康嘅理念。尤其是芫荽山竹素肉丸，佢獨特嘅口感一定會打動你嘅味蕾。喺餃子部分，豉椒牛肉餃同雪菜火鴨絲餃都係必試之選，將經典嘅香港風味以全新嘅形式呈現。呢啲餃子唔單止外皮Q彈，內餡嘅豐富口感更加令人一口接一口。今晚呢個打邊爐經驗我哋個個都好滿意，快啲去試下啦，呢份火鍋盛宴真係唔可以錯過！…查看更多

這間餐廳的食材質素確實值得稱讚，從新鮮的蔬菜到精選的肉類，食材不但豐富，而且能感覺到店家對食物品質的重視。火鍋的湯底十分足料，味道濃郁，多種選擇能滿足不同口味的顧客，這讓我們在食物方面的體驗相當愉快。然而，服務水準卻讓整體用餐感受大打折扣。當時我們一半的朋友還未到齊，但侍應已經多次催促我們下湯底，說當天人多需要加快，但事實上餐廳內只有幾台客人，遠遠達不到忙碌的程度。這種不斷催促的行為讓我們感到非常壓迫，原本想好好享受一頓輕鬆的聚餐，反而因為這樣的服務態度變得煩躁不安。這種不恰當的催促不單影響了我們的心情，還讓我們覺得這家餐廳對顧客的尊重和用餐體驗並不夠重視。最令人失望的是，在結帳時我們發現了一些帳單上的錯誤。如果不是我們仔細查看收據，可能就被多收了不少錢。我們只點了一碟椒鹽鮮魷，卻被收了兩碟的價錢；同樣地，上了三碟牛肉，卻被算作四碟。這些錯誤讓人覺得不單只是服務粗心，更有一種欺騙顧客的嫌疑。作為顧客，我們絕對期待餐廳能夠保持帳單的透明和準確，不應該讓我們為未點的食物買單。雖然這裡的食物的確不錯，特別是食材的品質和湯底的選擇都能帶來不錯的味覺享受，但服務上的問題和結帳時的粗心大意讓我們非常失望。這樣的經歷讓人對餐廳的專業度產生懷疑，尤其是當我們感到自己可能被多收了錢時，這種不信任感更是加劇。即使食物再美味，我們也不可能在這樣的情況下再次光顧。希望餐廳能正視這些問題，提升服務質素，並確保帳單的準確性，讓顧客能在這裡享受一個愉快且放心的用餐體驗。…查看更多

秋意襲來，又是火鍋四起的日子‼️ 今晚來到灣仔這家米之連推介餐廳，近日推出了港式豐味火鍋，火鍋控絕對不能錯過😌這裡環境寬敞舒適，更設有卡位，每個卡位均有獨立電視，吃之餘可以同時觀看電視，絕無冷場，而且服務態度殷勤，令人吃得輕鬆愉快💫先點了飲品，再慢慢點菜😌▪️自家製酸梅湯清新醒胃，微酸解渴，打邊爐飲這個可以消滯解膩，必點之一💫港式豐味火鍋套餐 $688/ 位▪️港式豐味碗仔翅湯先說湯底，滿滿香港特色，用了深受港人愛帶的碗仔翅做湯底，極具特色，而且材料也非常豐富，除了用上新鮮雞熬製之外，更配上雲腿絲、雞絲、菇類及冬筍，再加入日本人造魚翅，風味十足，未開始打邊爐前要先喝兩碗💫🍂餐前小食 等待上菜之前，先來些小食開開胃，這裡的小食絕對令人回味 💫▪️溏心皮蛋伴子薑溏心皮蛋蛋黃半融，呈流心狀皮蛋，獨特風味和子薑的清香，一同吃口感鮮美💫▪️醒胃醃小黃瓜醃製過後沒有我討厭的草青味😂 味道酸甜爽脆，非常開胃💫🍂火鍋料▪️ 日本宮崎A5前肩肉和牛肉質非常細膩，脂肪分佈均勻，放湯灼一灼後即食，後口感極柔軟多汁，入口即化，而且牛味濃郁，不點任何醬料已經非常好吃💫▪️西班牙黑毛豬梅肉肉質鮮嫩，脂肪分佈均勻，肉味濃郁，真的豬有豬味，而且肉質較鬆化，肉味也較濃，不點醬可吃出原味💫▪️走地黃油雞髀肉餐廳選用走地黃油雞，肉質結實，嫩滑有彈性，脂肪更比一般雞種低，但入口嫩滑，肉味更濃，放湯後配上湯汁，味道更精華💫▪️海鮮拼盤（+$289）美國響螺片爽脆花枝片橄欖油浸基圍蝦本地海蜆北海道珍寶帆立貝海鮮非常豐富，而且新鮮，這個價錢絕對超值，海鮮爽口彈牙，鮮味十足，螺片、花枝、基圍蝦爽甜彈牙，帆立貝肉身豐厚，爽口彈牙💫▪️ 港式丸子 火鍋不能少的手打丸，這裡的手打丸新鮮、口感彈牙，而且充滿特色💫沙嗲菠蘿牛肉丸洋蔥蕃茄豬肉丸生根鮮菇雞扎丸🔹嗲菠蘿牛肉丸，將沙嗲醬跟牛冧肉菠蘿混合而成，入口爆出陣陣菠蘿味及沙嗲醬味道，非常特色💫🔹洋蔥蕃茄豬肉丸，也滿特色，豬肉丸混入洋蔥蕃茄，口感更鬆化，入口酸甜💫🔹生根鮮菇雞扎丸以生根鮮菇雞扎丸，以生根包裹著鮮菇跟雞肉，有點飲雞扎，生根煙韌💫▪️港式餃子餃子餡非常特色，充滿港式地道美食風味💫豉椒牛肉餃雪菜火鴨絲餃蜜汁叉燒甜豆餃🔹豉椒牛肉餃，內餡用上牛腩、豉椒及青椒，牛腩嫩滑牛味濃郁，加入豉椒青椒味道更特色💫🔹雪菜火鴨絲餃，平日吃湯米會吃上這個配搭，用來做餃子也很配💫🔹蜜汁叉燒甜豆餃，蜜汁叉燒蜜味香甜，肉質軟腍💫▪️健康時蔬拼盤娃娃菜、白菜、唐生菜、牛肝菌特，款式非常多，而且爽脆新鮮，一大盤都可以吃掉💫▪️自選粉麵米粉龍口粉絲…查看更多

黑白大廚令到小編去留意多啲米芝蓮嘅餐廳，咁啱呢幾日秋風來臨，當然要打邊爐✨港式豐味碗仔翅湯打邊爐最重要當然係個湯底，呢一間餐廳全港首創碗仔翅湯底相當有特色，亦都突顯到本港風味！以鮮雞熬煮多小時成爲高湯，再加入雲腿絲、雞絲、鮮冬菇絲、雞脾菇絲、冬荀絲，搭配日本人造魚翅，呈現出碗仔翅經典口感，小編最怕就係太多粉太結身，但係呢個湯底絕對會令你另眼相看，念念不忘！而且單單醬料就已經有12款咁多✨海鮮拼盤只係需要追加$289 ，就有美國響螺片、橄欖油浸基圍蝦、北海道珍寶帆立貝、爽脆花枝片同埋本地海硯。我以為係物超所值，而且海鮮都係非常新鮮，極具份量！✨手工餃子🥟丸子絕對絕對亦都係特色之一：豉椒牛肉餃、洋蔥蕃茄豬肉丸、蜜汁叉燒甜豆餃、生根鮮菇雞扎丸、芫荽山竹素牛肉丸、雪菜火鴨絲餃、沙嗲菠蘿牛肉丸、南乳素齋餃！全部聽到個名已經好有幻想，仲要連繫本土風味！特別喜歡雪菜火鴨絲餃，鹹香適中口感爽脆；沙嗲菠蘿牛肉丸有驚喜，沙茶味道特別香口，都咬到少少嘅菠蘿碎粒；朋友就讚雞扎卷口感層次好豐富，配搭非常巧妙～✨肉類日本宮崎A5前肩肉和牛完全超出打邊爐嘅牛肉質素，勁大片勁香勁軟嫩；西班牙黑毛豬梅肉花紋勁靚，食落去油花充足～另外仲有內蒙特選肥牛同走地黃油雞髀肉揀。✨健康蔬菜拼盤裏面包含豆腐、腐皮、菇菌以及各款類型嘅蔬菜，真係名副其實嘅拼盤，就連蔬菜都做得咁有誠意，真係抵佢拎米芝蓮！✨爽滑生面最怕嘅鹼水味完全冇喺呢一間餐廳出現，口感爽彈，加入去呢一個碗仔翅湯真係最佳配搭。…查看更多

响香港食素，有時就算捨得食貴啲，選擇都唔係好多，尤其想打邊爐，靚嘅食材都集中哂响牛肉同海鮮。想食好啲？真漢子今日就同大家睇下 Megan's Kitchen 美味廚 - 一間連獲 13 年入選米芝蓮必比登推介嘅餐廳，最新推出嘅素食火鍋套餐有幾吸引先。😍打邊爐最緊要係個湯底，佢哋新出嘅「港式豐味」碗仔翅湯同時推出素食同非素食版，用咗日本人造魚翅，唔似粉絲咁淋，有真魚翅果種口感。素食版係純素湯底，配料有冬筍同各種菇類，令到個湯非常鮮甜。😋芫茜山竹素牛肉丸用咗 Beyond Meat 嘅素牛肉，味道同外觀都勁似鮮牛肉造嘅肉丸，牛味好濃郁。能夠用一啲現成素肉做到個肉丸咁精緻同高級，不得不佩服廚師嘅創意同功夫。👨🏻‍🍳三款素餃分別係南乳素齋餃（甘筍皮），雜菌洋蔥餃（上海皮），同素菜餃（菠菜皮），都冇蛋奶成份。我最鍾意南乳素齋餃，咁細嘅餃子入面當然唔會有平時南乳粗齋嘅材料，餡料係粟米同雲耳，肉眼見唔到有南乳，但非常離奇地一入口就成個南乳齋嘅味覺出哂嚟，究竟係點做到嘅呢？😂雜菌洋蔥餃嘅洋蔥味都好濃好有特色，素菜餃就比較接近我哋平時食到嘅素餃，餡料以菜為主。🥬如果肉食嘅鮮味來自肉類，咁素食嘅鮮味當然來自菇菌啦。呢個套餐精選咗好多新鮮同高級嘅菇菌類，包括日本黑松茸菇，福建白玉木耳，新鮮雲南野生牛肝菌同姬松茸，仲有羊肚菌。我嘅最愛係黑松茸菇同姬松茸，因為味道勁濃郁，而牛肝菌我第一次打邊爐食，估唔到鮮味之餘，仲要係入口溶化㗎。👅豆腐類亦都係非常精彩，你諗到嘅有，諗唔到嘅都有 😆。山水豆腐，蜂巢冰豆腐，炸支竹當然唔少得，最驚喜嘅係潮州五香豆腐，有少少似鹵水豆腐，本身已經有味，放湯淥一陣已經好好食。生根嘅 fans 呢個套餐可以揀迷你生根，過到癮之餘仲可以留肚食其他嘢，非常欣賞佢哋嘅心思。👍🏻粉麵類可選生麵（蛋麵），伊麵，油炸鬼，龍口粉絲，米粉。生麵本身已經煮好，淥番熱就食得喇。油炸鬼可以就咁食，識食嘅梗係淥兩吓索少少湯，襯佢仲脆放入口食啦。😜套餐仲包括時蔬拼盤同飲品一杯（竹蔗馬蹄水或酸梅湯）。以上提到嘅素食湯底或食材都可以散叫，所以同非素食者嚟聚餐都可以各自享受美食。👫👬👭而家幫襯佢哋火鍋仲可以即場扭蛋抽獎，其中有現金獎㗎。🎇…查看更多