美味屋

呢間印度餐廳， 位置吾算方便， 鄰近林錦，荃錦公路， 但如果揸車， 門口就可以泊車。佢由印度人主理， 老闆， 侍應， 廚師都係印度人， 老闆會聽廣東話。由於味道 ＆ 食材都正宗， 所以味道相當吾錯， 種類亦好多， 印度薄餅已有好多款， 咖哩亦係。我尤其喜歡佢既燒雞， 肉質鮮嫩， 咬落帶汁， 仲有各種咖哩， 都各有特色，用來配薄餅或白飯， 都係一絕。 佢仲有多款美味飲品， 例如芒果沙冰， 就係我既至愛。 如果吾嫌交通麻煩， 絕對係一間吾錯既印度菜。…查看更多

呢排多左到元朗區做野同事介紹石崗呢間印度菜小店唔算偏 旁邊有巴士站/油站不過除左附近居民/ 工作/ 行山人士一般應該唔會經過既位置今次同事車我地去lunch店外就係停車場 幾方便有Lunch set提供送汽水或印度奶茶4個人點左......BBQ燒烤雞肉配烤餅 $65雞肉燒得微微焦香入口依然JUICY嫩嫩的每一件都充滿獨特香料味大概是店家的印度配方濃烈而唔會反感薯仔菠菜正宗咖哩配烤餅 $65薯仔同菠菜都煮得半溶化同咖哩融合一體比另一碟咖哩多一份蔬菜既香甜口感亦更濃稠有驚喜 要試咖哩雞肉配烤餅 $65正常發揮個人更喜歡食薯仔印度炒公仔麵(牛肉) $58好似食緊牛肉版既煙肉經調味 偏乾身 有咬口 切得細細粒入口咬開 油脂輕輕滲出成啖麵都充滿牛肉咸香除左牛肉 仲有少少蛋白粒同菜絲一齊炒成盆烤餅一齊上都幾震撼烤得好香 夠乾身 唔會成手油趁熱食 手撕脆脆的烤餅沾上咖哩一齊食 好味*餐紙都有小心思*店內一直播住印度MV應該係店主個人喜好(因為會見到佢轉歌)我就覺得幾有氛圍感*店員姐姐識聽少少中文不過講英文或者指菜牌會更好*無+1服務費*小店式食店「點菜後無單，食完直接去收銀位比錢 都無單」*真心覺得要再去…查看更多

難得去到大帽山腳，就梗係要去美味屋食咖喱同薄餅！呢度嘅咖喱好出名，唔使多講，咁唔知大家有冇食過嘅烤雞呢？佢嘅烤雞都好好食，有特別嘅烤雞醬，覺得唔夠，仲可以問佢攞一隻青色嘅醬，食落好fresh好好食。烤雞大大份雞肉好嫩滑，好味到一個人都食得晒。薄餅一如既往香脆鬆軟，如果好彩食到佢新鮮出爐嘅仲正！另外咖喱唔會好辣，咖喱羊嘅話怕羊臊味都可以食！係一啲都唔騷嘅不過呢度嘅員工都係唔識聽中文嘅，最好指住要食咩話佢聽。…查看更多

今日就流流地去咗間呢間餐廳試吓道地嘅印度菜，真係唔錯呀！第一樣洋蔥烤餅，香氣撲鼻，夾埋唔同嘅dips真係驚喜滿滿；每一啖都充滿驚喜，洋蔥的甜美拌埋脆脆餅皮，咀嚼之間好似Idol劈啪響，心情都跟住開心起來😄。燒烤雞腿仲要讚下，其實一眼望落真係以為會好乾身，但咬落去超級濕潤，肉汁多得滴，完全over我嘅預期，啲肉嫩得黎又有彈性，嗌口架！👍印式烤魚都唔錯，佢哋用嘅魚肉新鮮，而且烤到啱啱好，滿口都係海洋嘅鮮味。至於飲品，我呢個mango lassi控就實要讚下呢杯mango lassi，酸酸甜甜，芒果味濃郁到似大自然嘅擁抱，真係飲完之後覺得世界都美好咗。總之，今次嘅食評體驗就係正🌟！下次一定要再嚟試埋其他啲菜，諗住已經覺得期待！這裏嘅菜唔單止美味，仲可以感受到好濃嘅印度風情，開心過癮！…查看更多

家住付近，間唔中會來買外賣。今次第一次lunch time 黎食 ～ 原來有 Lunch Menu 🤩 平日午市仲好多人黎食添😮😮Lunch set 平均 $58-$65。平時晚市一個餸都已差不多價錢，lunch 仲配飯/Nan Bread + 野飲，好抵！🥳▪️Chicken Tikka ▪️Chicken Curry▪️Beef Curry Garlic Nan 有3塊，正👍🏻 但奇怪Chicken Tikka set 細份左d, 配飯比 Beef Curry 少一半😂😂❤️ 呢間真心推介，鍾意食印度野既不妨一試😉 佢既Chicken Tikka 烤得剛剛好，肉質juicy 👍🏻 Garlic Nan 好香，麵質又好味。😉 如Al La Carte 可試下佢個 Lamb Shank Masala ，烤倉魚，Chicken Korma。…查看更多

－直聽朋友講石崗有間十分地道的咖喱，今日專誠開車入嚟搵呢間隱世小店，估唔到星期五晚未到七點已經差不多爆滿。幾個店員都係南亞人士，態度親切，仲畧懂廣東話。我哋3個人試咗咖喱牛肉、菠菜芝士咖喱、素菜炒飯同鉄板炸雞；除咗個芝士咖喱稍咸外，其他菜式都好野味。特別推介佢哋嘅 nann bread,鬆軟美味，加埋3杯飲品埋單都係$400，絕對超值👍🏻…查看更多

小弟鍾意食印度野，依間位於石崗既「美味屋」係一次機緣巧合下行山經過發現既，係我第二間典藏級印度餐廳。辛辣牛肉 (Beef Vindaloo) HKD88Vindaloo係印度咖喱之最，正常用兩至三種辣椒粉去調製，但依度既辣度屬於適中程度；牛肉肉質極之鬆化柔軟，有啲似燉肉，濃濃既牛味略有膠質帶有極香既番茄豆蔻黃薑味。芝麻烤餅(Plain Naan) HKD15蒜蓉烤餅 (Garlic Naan) HKD 18Naan Bread我偏好簡單口味，今次刻意唔叫有芝士/餡料，想試下Naan既質感原味，出乎意料打低晒重慶大慶任何一間餐廳😂因為即烤關係，比較遲上，但一上枱係熱既！有小麥香但唔係成口粉，酥香鬆軟，個人終於芝麻款式，味道較清爽；而蒜蓉口味帶酥油香，單食都惹味。馬沙拉雞肉(Chicken Masala) HKD72食得出由蕃茄和多種香料做base 色澤帶橙紅色，雞肉帶溫和辣味，主要係奶油香，滑而唔鞋口。「美味屋」性價比甚高，比重慶平仲免加一，食物夠熱夠新鮮，味道絕不輸比「Gaylord」，但位置隔涉，鍾意捐窿捐罅搵食既朋友就絕對要去試下😌…查看更多

朋友想去元朗食印度菜，即刻諗起要帶佢嚟呢間位於石崗的美味屋，搭屯馬綫在錦上路站落車，搭64K巴士就可以嚟到餐廳門口，雖然車程比較遠，但沿途欣賞風景，時間好快就過！我好鍾意食佢嘅蒜香烤薄餅，薄餅熱辣辣，用嚟點咖哩真係冇得輸！另外重點咗個牛肉咖喱角，比想像中大粒，個皮非常香脆，裏面有牛肉仲有薯蓉，其實都幾飽肚！特別推介佢附送嘅醬汁，有印度香草味，同咖喱角一齊食，是一個很微妙的配搭，一定要是！😋😋😋😋😋😋😋今次仲叫咗Mango Lassi，芒果乳酪飲品，真係好好味，芒果味好濃郁，雖然係乳酪，但一啲都唔酸，好味😋…查看更多

唔講大家都唔知，我係一個超鍾意打麻雀嘅人🀄️☺️ 早排又有雀局約左我入大西北，我就出發去朋友屋企打個靚牌，打到夜晚，朋友就話最近食左間幾好食嘅印度/土耳其餐廳。我自己本身唔太食得辣，但我都要同大家講，真係好好食！😋不過餐廳位置唔算方便，位於元朗村屋，所以揸車入去會比較方便，而且附近亦都有泊車位置美味屋 (元朗)元朗石崗上村6A地舖味道: ⭐️⭐️⭐️⭐️⭐️價錢: 💰抵食指數: ⭐️⭐️⭐️⭐️⭐️鐵板串燒雞肉(6件) $68 👍🏻👍🏻👍🏻佢呢個烤雞外表睇雖然全紅，望落去好似好難，雖然的確有少少，但係都係我接受範圍之內。佢呢個烤雞個人極力推薦大家去食，因為每啖雞肉都充滿着雞油同辣味，而且肉質非常之鮮嫩。蒜蓉薄餅(4塊) $18 👍🏻👍🏻👍🏻呢個蒜蓉薄餅超超超級好食‼️，新鮮嚟到一定要馬上溝咖喱醬一齊食。佢所有薄餅都係新鮮即整，所以每一塊都係熱辣辣同脆卜卜送上，我同啲朋友食完馬上再order多轉！😋😋蒜蓉炒生菜 $38普通蒜蓉炒生菜，相反呢啲中式菜就比較遜色少少，比起其他印度同土耳其菜的確係有比較傷害濃汁牛肉 $72 👍🏻👍🏻濃汁咖喱牛肉，每一舊牛肉都煮得好淋，食完唔會黐牙就係我一個嘅標準，喺order之前我預先同個侍應講要小辣，咁先啱啱好符合到我食辣嘅標準，如果唔係應該會辣到我死。如果呢碟菜以小辣為標準，我覺得佢係非常之好味，因為佢可以同薄餅夾之餘，而且本身自己同牛肉都好夾咖喱雞肉 $55 👍🏻👍🏻個人嚟講，我其實最鍾意食雞肉，其次係牛肉。而呢一碟咖喱雞肉，每一舊雞個份量到適中唔會過大或者過細，而且都係啖啖肉，唔係骨頭。但係佢呢個咖喱汁就會比較淡味比起濃汁牛肉，所以鍾意潭尾少少嘅朋友仔可以嘗試呢個咖喱雞肉😋烤雞腿 $25👍🏻👍🏻👍🏻呢個烤雞腿其實就同上面串燒雞肉一樣嘅肉質，但係佢就自己一隻雞髀，因為我自己唔會食飯，所以自己嗌左一個雞髀去填飽個肚，但係估唔到喜出望外，本身雞髀下一個非常鮮嫩嘅部位，再加埋佢嘅調味手法真係完全衝擊左我對雞髀味道嘅認知‼️…查看更多

周末同朋友行山，行山至石崗，當然要揾食，朋友話呢度有間印度風味小店，推介烤餅系好好味，果然，無令我失望 🤩.店舖簡约，店内座位不多，也有露天座位。.menu 有 十幾款 口味🙄 的印度烤餅揀，價錢平均一款口味 $20-28，咁抵食，無理由只食一款口味咁少 😆 我哋刚巧一張麻雀枱腳，人多有口福，可以食多幾款口味，於是求其的…… 就揀 呢五款 😂😂😂芝麻烤餅、芝士烤餅、克什米爾烤餅、洋葱烤餅、牛油烤餅 😁 .见到成枱烤餅，未食已有大滿足的感覺 😆.推介口味 : 芝麻、芝士 👍.芝麻烤餅 口感略帶点脆口，濃濃芝麻香味 😋.芝士烤餅拉絲口感，芝味濃郁 😋.烤餅本身有味道，再加配埋特色咖喱，更加味美，同埋印度風味更十足 👍.食物好味😋 價錢經濟，絕對抵食 👍👍👍…查看更多

有次同我個friend約埋一齊郊遊遊,心諗點解要去到咁遠食飯,一試就知果然值得去咁遠！咖哩雞配薄餅 咖哩唔算太辣，但絕對唔係日本甜咖哩味，雖然唔算太辣，但食得出東南亞正宗地道嘅咖哩味。雞肉同薯仔都係中上水平，唔算太嫩口，但都唔鞋口。薄餅係十分推介！唔油，唔會太膩，但又唔會冇味，口感好好 👍🏻。真係推介(◐‿◑)Bbq 雞配飯 呢個嘅雞肉去咖喱雞更加之嫩口同埋有味。佢係大有少少甜味但係又唔會好似KFC嗰啲燒雞咁樣有浸好明顯嘅蜜糖味。佢嘅甜味，鹹味同埋雞味配合得好好，唔會話好奇怪。實在唔知道點樣形容但係真係好好食 同場佢配埋少少菜加一支另上嘅沙律醬，菜就係普通生菜嘅味道，至於個沙律醬就有浸青瓜味。係甜甜地嘅小清新再加少少草青味，並唔係大家食開嗰啲西式嘅沙律。呢個我都覺得唔錯幾解膩。 泰式奶茶佢杯奶茶明顯同坊間港式茶餐廳嘅奶茶唔同，有浸好明顯嘅香料味，我自己個人唔係咁接受得到，但係我個朋友就好鍾意，呢個就真係好睇個人。凍檸檬茶喺未篤檸檬之前就已經好酸好酸，好怕酸嘅朋友就要注意一下。我個人來講就好鍾意啲好酸好酸好酸嘅檸檬茶，個人而言就非常之喜歡了！…查看更多

美味屋係錦田一個巴士站旁聽,基本上除左附近既居民,其他人係唔會黎到呢度,但偏偏美味屋既生意一直都幾好,而且除左本地人外,東南亞既客人都唔少,個人非常推介佢地既烤瞿炒飯,同烤餅,日日食都唔會厭…查看更多

雖然唔係食得好辣, 但就好中意食印度,尼泊爾餐廳, 今次元朗朋友介紹呢間位於石崗, 雖然餐廳裝修樸實, 但五點都有唔少人, 外面四五張枱已經坐滿左,   睇左菜單都有唔少選擇, 叫左最愛Mango Lasi($20), 雞肉餃子($40), 鐵板燒雞腿($52), 芝士洋蔥烤餅($25)另一款系炸包.全部野都系唔錯, 有意想不到既水準, 價錢貼地Mango Lasi好好味，之前飲過幾間印度餐廳都系覺得呢間好味. 板燒雞腿唔會太燶, 最重要系唔會有雪味, 調味又唔算太重手. 雞肉餃子諗住同本土餃子差不多, 但裡面既肉餡特別好味, 不是行貨. 烤餅同炸包當然都無令我地失望, 唔油但鬆軟. 希望可以再黎會叫埋咖喱送烤餅…查看更多

晚餐去食3個人食左305左右食左5樣嘢叫左個東巴雞髀🍗入面d肉都幾滑，唔會好似其他店咁乾到柴皮仲好貼心會每髀上面都有錫紙包住食既時候唔洗整污糟第一次食咁凸既香蔥烤餅🤣好有口感，好好食。單食都正。帶有微微既麥香味，上手唔油，係健康既feel?!🥰😚😚❤️❤️咖哩係唔辣的。配牛腩係好正😍如果有得皮辣就正叫左個炸MOMO擔心我哋用叉吉唔到，好貼心有埋個夾上枱另外仲有配個淺色醬，雖然唔知係咩黎旦又幾夾😂MOMO入面有好多豬肉料，似我哋既小籠包芒果乳酪$20已經係成個菜單最貴個款飲品另外仲有原味同唔記得乜嘢😂飲得出芒果🥭係用鮮芒果打出黎。仲食到少少芒果肉絲😍😍其他飲品都係$12左右係普通既檸茶檸水之類最後仲叫多左個羊肉串，一串一粒肉，用牙籤串起，食落都好方便。不過覺得有啲騷味，唔係太鍾意🥲。加左咖喱就好好多(我平時都食羊)見到店外有好多車位，仲有巴士直達到門口食完8:15左右外面已經full曬無位泊車要食就早d黎拉見到仲有好湯麵同鐵板都好似好好食😋BTW 推芒果乳酪同烤餅…查看更多

嘢食正唔正宗，睇有幾多local 去食就知！前後去咗兩次，每次都撞到一班local 去幫襯！舖頭都頗大，可以坐入邊，都可以坐出邊，兩次都係開舖冇耐就去到，坐一陣間就full 晒咁滯！嘢食選擇多，價錢都相當公道！Naan: 食親印度嘢必食，嗌咗三隻味，plain, garlic，好高質！Kashmiri 就怪小小，佢似plain naan上面加咗青紅椰絲咁，甜甜的，但味道都唔差！咖哩雞: 超足料，夠味得嚟又唔會太重味，有啲辣味，大部分人應該都接受到，同naan係perfect match!!!Lamb kebab: 呢個好得意，嗌之前我哋都冇concept 佢係咩樣，估唔到又唔差喎，食落有小小酸酸的，唔會太乾，食落唔係普通啲kebab味，係特別嘅！雞咖哩角: 大大粒，超足料，入面有雞粒同雞蛋，入邊啲餡係乾身嘅，有香料味但唔重，食唔晒留番第日，叮完都仲係好好味！羊串: 失望！調味係ok嘅，但好乾好鞋，食唔到嘅鞋，最尾食剩好多！總括嚟講，嘢食好高汁，價錢又公道，經開一定要試！…查看更多