美味佳

睇間舖裝煌，都預咗比較街坊路線。 而價錢亦都大致上街坊價，咁當然亦都好難要求什麼高級食材啦。試過夜晚嚟，多人都爆，直接放棄。 晏晝路過見開左門，以串燒嚟講都算早。 咁就係咁意試幾樣野。串燒即叫即燒，係要等既。 晏晝人少，照理應該好心機過夜晚做到爆晒廠既時候。串燒嚟到，都燒得幾香。 雞全翼同中翼表皮香脆，而入面雞肉仲係鮮嫩既。 孜然粉調味都唔錯。蜜糖腸，腸衣雖然未至於好脆但都爽，腸本身甜甜地幾好味。雞腎燒得好香口。肥牛韭菜卷好大串，同都有多少肉汁。整體上，街坊價串燒，食物水準交到貨有餘。 仲要晏晝時間，唔使同人迫食到串燒，都唔錯。…查看更多

美味佳喺紅磡好出名，食串燒，亦係好多PolyU人讀書青春通頂嘅食宵回憶💕 有個星期五晏晝off，本身諗住喺隔離街食咖喱魷魚花甲麵同叉燒 但冇位，機緣巧合就行咗入美味佳啦！ 🍢串燒OMW好耐冇食過啦～發現又幾好食喎！其實大部分都超juicy，肉質淋同易咬，仲灑咗少少孜然粉上去，味道岩岩好！好耐冇食過咁有質素嘅串燒，食完超級滿足💕 👑叉燒本身去隔離街必嗌都係叉燒，第一串就食咗叉燒！我覺得美味佳呢個size細啲，但平啲、好食啲喎，淋身好多，易入口，眨吓眼我就食完！美味同隔離最大分別係：孜然粉同蜜汁，細舊同大舊，淋身同咬耐啲。美味佳嘅叉燒，贏！ 👑牛肉肉質淋！味道岩岩好，我覺得唔膻好好食！ 👑台灣蜜糖腸皮脆唔韌，咬落冇咇油！味道很好！ 👑牛脷佢有少少爽口嘅質地，我鍾意！but有點少膻，我覺得係可接受嘅膻～ 👑豬頸肉唔健康嘅食物都係好食㗎🤪 口感爽爽的，but佢個豬頸肉偏肥，健康人士可以skip🤣 😱雞肉呢個有少少嚇倒我🙈 平時雞肉串燒好難整得唔好食，因為牛肉好易燒到好韌，雞肉係穩陣之選。喺度食嘅雞肉我覺得好乾，下次唔敢再叫雞肉🥲 ⭕️雞中翼/雞全翼佢哋都好味，裡面係滑滑嘅雞肉，但又冇上面果啲叉燒/牛肉/牛脷/豬頸肉咁好味，可能調味有啲分別。 📍美味佳 （堂食-紅磡）✨亮點：平日晏晝唔係好多人 會坐得幾舒服，好適合OMW呢種I人，感覺比較靜靜的，可以舒服地食好西。口痕想食有少少質素嘅串燒嘅話，呢間真係唔錯！ 💜溫馨提示：由價錢、裝修睇，呢間一定唔係日本串燒食靚肉原味、鮮味嘅果種串燒，呢間係平平地食吓肉、食吓調味。其實我自己好唔鍾意孜然粉，但會欣賞佢落孜然粉唔係厚厚咁落然後食落全個口都係粉，薄薄一層、恰到好處，ok la。💜因為好耐冇食，一口氣食咗7串，我嘅發現係$17串燒好食過$14串燒，大家可以參考吓👍🏻 🙇🏻‍♀️特別嗚謝：隔離街麵舖冇位要排隊，令我食倒好味串燒！…查看更多

美味街串燒」食嘢，但整體體驗真係一般，尤其係收銀方面好混亂。入到去地方普通，招呼都係正常，無咩特別。叫咗燒賣，但燒到燶咗，都算啦～之後我食到一半，想加單叫多啲外賣帶返屋企。點知佢話「而家加單就要等」，語氣好似我好麻煩咁，我當堂吹啤聲！加單即係幫襯多啲，仲要係外賣，有錢袋落袋都唔願做，個態度好似我屈佢咁，真係唔知咩概念。所以話香港啲食肆就係咁，越係唔憂做，態度就越差。最值得講係收銀過程： 我攞住張點菜紙，佢就咁「篤篤篤」計數，但完全無留低一張清楚列明每樣幾錢嘅單俾我對。淨係話「齊嘢啦齊嘢啦」，但齊唔代表佢加數啱㗎嘛！食完埋單，佢話$161，然後找錢時又猶猶豫豫，我再問「到底找幾多？」佢個樣好似驚我呃佢咁，真係好唔舒服。其實佢哋根本無主動提供單據，如果佢加多你$5、$10，你真係完全唔會知。收銀系統同態度真係非常有待改善！雖然食物唔錯，但如果係注重消費明細同服務體驗嘅客人，真係要諗清楚先。…查看更多

為紅磡食串燒必去呢間 老實講，間間串燒燒出嚟都差唔多 冇話大分別 但呢間維持到質素之餘 性價比極高，可以放心任叫 唔使就住就住 必點招牌雞全翼 秋葵同韭菜 可以打定電話去叫外賣 咁就唔使等咁耐 …查看更多

今次俾local朋友挾左去食宵夜，呢度夜晚9點仲逼滿港碩學生同街坊👫價錢豐儉由人，就算學生黨都可以食到飽到扶牆走~😉一坐低就聞到陣陣花生焦香，原來每枱都有兜 「秘製花生沙爹醬」 🥜濃郁嘅花生香混合住沙嗲獨特嘅香料味仲帶少少顆粒感，呢兜嘢蘸鞋底都好食啦🤣直頭想打包返屋企全部即叫即炭燒我哋嗌左少辣都已經好惹味啦~食得辣嘅記得落單嗌加辣！保證噴火爽爆夠曬喉🌶️🌶️燒烤 盲點都唔踩雷🍢 ✅ 燒雞翼 ✅ 燒茄子 ✅烤菠蘿 ✅燒賣 ✅烤娃娃菜蛋炒腸粉🥚鎮店之寶腸粉軟滑雞蛋炒得金黃鬆軟，蛋香混合住醬料嘅鹹甜味道，份量超大份又抵食✨一上枱已經香到流口水🤤雞蛋同腸粉真係天生一對🤩…查看更多

朋友推介呢度嘅蛋炒腸粉，幾好食。串燒種類都幾多，肉類叫咗雞翼，雞肉。都有叫啲典型嘅，例如煙肉包車厘茄，芥蘭，墨魚咀，麻吉燒，焗金菇，等等；整體都好食嘅，不過調味比較重手。臨尾再加個燒菠蘿當甜品。…查看更多

入門口個位姐姐態度係good 嘅，只不過廚房個位就好趕客，我係睇影片分享平台過來試下，只可以講，好普通，翠玉瓜係苦嘅，重點係…我等一次嚟依間店，我拎咗支嘢飲入店內，我飲左一啖，有位姐姐走過來跟我說不能攜帶外來飲品，然後食到中途不小心我飲咗一啖，廚房那位白頭姐姐，立刻啤住我跟我說如果俾佢見到我再飲一啖即刻加我錢，我作為一消費者真係好無奈，我有消費平均都$100一個人，另外想講一講佢間店並沒有好明確貼出告示不可攜帶外來嘢飲！或者你可以貼喺當眼處或者門口玻璃門，如果你哋間店係咁緊張的話。作為消費者被佢咁對待真係俾佢嚇親。另外最搞笑係佢張紙係無飲品選擇…不會再幫襯距。…查看更多

隨著日本著名串燒品牌「鳥貴族」進駐香港，坊間對高質日式串燒的熱潮不斷升溫。但對於追求高性價比的食客來說，黃埔的「美味佳」無疑是更親民的選擇 🌟👍🏻👍🏻我與朋友看完電影後，已是晚上九點多，但店內依然座無虛席，人氣相當旺盛。「美味佳」的串燒以平價取勝，平均每串只需十多元，讓人可以輕鬆嘗試多種口味😋 以下幾款特別值得一提：1. 雞翼拼盤 ($30/3串) 🐔❤️這款拼盤包括雞全翼、雞中翼及雞翼尖，絕對是店內的明星菜式，幾乎每桌都會點上一份。雞翼經過炭火燒烤，外皮烤得香脆，並帶有濃郁的孜然香味，十分惹味。🔥其中雞全翼的分量尤其豐滿，但因帶骨、進食時需要些技巧。整體而言，這款拼盤不僅味道出色，而且份量充足 👏🏻2. 肥牛卷 ($17/串) 🐮❤️肥牛卷系列絕對是心水推介，尤其「肥牛京蔥卷」和「肥牛金菇卷」。每串都有四小件，分量剛好。肥牛的油脂在炭火的烘烤下滲入食材中，與京蔥的清香或金菇的鮮甜完美結合 👍🏻😋3. 金沙骨 ($18/2件)、豬大腸 ($15/串) 、雞脾菇 ($11/串) 金沙骨烤得焦香、加了一點孜然辣椒更添風味，內裏則保留了豬骨的鮮嫩多汁。但由於每份只有兩細件，稍嫌意猶未盡 🙈 菇和大腸兩款為較不推薦的選擇。脆皮豬大腸經過烤製後縮得很小，雖然口感尚可，但分量實在偏少，性價比不高。至於雞脾菇，味道平淡。總體來說，「美味佳」作為平民串燒店，無論是味道還是價格，都對得起食客的期待。這間小店串燒種類繁多，還有其他值得推介的食品，例如車仔麵和豬頸肉串燒。如果你正在尋找一個既親民又能滿足宵夜需求的地方，不妨考慮「美味佳」！ 😉😉…查看更多

睇食評又話：點好點好，打算去試下，原來真的是到爆！1. 豬仔髀：鹽到痴晒線，又干身唔知係咪師傅唔識燒。2. 花甲：好伏-得幾隻痴線，牛油上枱中仲一舊舊未溶。佢餐牌係寫住錫紙焗花甲冇諗過係幾隻花甲加大量粉絲。3. 雞軟骨 燒到勁干搵笨！超級搵笨，沒有性價比可言。打算俾小小意佢，佢d職員仲好串甘話：點燒呀，你黎燒啦呀姐！感覺上餐廳都唔係好接受意見。真心祝佢生意興隆蒸蒸日上！希望老腦睇到。一定一定，唔會食多一次。:(:(:(:(…查看更多

係舊舖嗰時有幫襯過，以前夜晚去食通常都要等位，今日睇YT見到有人推介美味佳做必食紅磡宵夜，勾返以前d回憶所以走去食。首先叫咗碟蛋炒腸粉，幾好味，外脆內軟。跟住再叫幾串串燒，雞翼、雞腎、雞髀菇、豬頸肉、豬大腸……雞翼幾好食，仲keep到以前嘅味道，其他就一般般，肥牛包韮菜，有進步空間。…查看更多

成日聽Fd話食美味佳，舊舖都未去過就已經搬左，咁岩夜晚約到食飯，就去啦！一開始入到去都冇乜野，帶位個姐姐都好客氣好好人咁。叫左蛋炒腸粉都可以；串燒不過不失，亦唔係話好食，明白係咁嘅價位，要求不能高；再叫左個花甲粉，仆x個街，上到黎乾爭爭，冇湯系入面，d花甲得幾隻，又細隻又有沙（本身冇諗住寫comment，所以冇飲相）。最嬲嘅係，有個一直系廚房個炒腸粉短髮阿姐出嚟對野食黎齊未，仲有個炸大腸未到，咁我就同佢講如果未整就唔要啦，個阿姐一野勁惡咁西埋黎：整緊啦！如果個個客都好似你咁唔要，使乜做生意啊？比佢咁樣西埋黎即刻著左，使唔使咁串呀？你話整緊啦，就快有架啦，都冇咁燥底，Cls！你啲嘢又唔係好好食，你d菜上唔齊，我都未燥底，你燥返我？本身一路都覺得仲有下次可以再戰一下，出面個姐姐又好禮貌，真係比你一個搞彎曬！人又西，野又唔好食，環境又窄！比錢受氣呀～～～～…查看更多

回憶返晒嚟，以前讀Poly嘅時候成日食嘅肥婆雞，真係勾起咗好多回憶。曾經為咗食佢等咗兩個鐘，今次好好彩，一嚟就入到去唔使排隊。今次啲味道都仲係一樣，冇令我失望。蛋炒腸粉，超級無敵好食，香口彈牙。一定要叫個淨米線，個湯係足料靚湯，好正好令人懷念。其他串燒都係正常嘢，性價比超高，絕對抵食。唯一係燒茄子冇之前食嗰啲咁Juicy，有啲可惜。不過總括嚟講，依餐飯真係好正，滿足一百分！雖然而家畢咗業冇咁多時間嚟食，但一定會搵機會再嚟，帶埋啲同學仔一齊回味下當年嘅青春味道。…查看更多

🔹 蛋炒腸粉 ($20)💯一定要叫 極重鑊氣超香口！！！下次嚟食會想自己叫一碟獨食🤭🤭<$11一串>🔹 串燒雞脾菇很juicy的厚切菇菇🔹 燒菠蘿多汁香甜🫶🏽但應該有搽糖水🤣🔹 串燒韭菜正常發揮 份量有誠意<$13一串 $30三串>🔹 招牌燒雞全翼燒得啱啱好 雞皮焦脆加埋蜜糖點都無得輸(˶‾᷄ ⁻̫ ‾᷅˵)<$16一串>🔹 燒燒賣煙韌但無搽蜜糖燒差咁d🔹 豬頸肉、牛肉肉類全部都高水準 隨心叫就ok!🔹 煙肉腸中學小賣部回憶的味道🔹 牛油粟米麻麻地 燒得有啲燶▫️總結食物質素幾好 CP值高 夜晚10點幾去都要等位但為咗蛋炒腸粉 我願意排🤣🤣🤣┄┅┄┅┄┅┄┅┄┅┄┅┄┅┄┅┄…查看更多

它非常老的商店。10年前就吃了它。我不知道它多大了。需要問問問我的笨蛋朋友。它剛搬到新的地方，裝修和佈局完全一樣。座位現在增加了1/3，非常大。可以容納更多的人。老闆是一個胖女士。就像我們的瑪麗亞·科德羅一樣這就是為什麼我們叫她肥婆❤️但請記住，不要在她面前叫這個名字。她會生氣，給你做一個骯髒的食物（我相信）只是不要叫她這個脖子名字。但所有polyu學生都喜歡這個名字，我不知道他們為什麼幾十年來一直侮辱她。也許這很有趣。那裡的食物又便宜又大份。平均100$會讓你吃飽。飲料是分開的會回來的❤️…查看更多

尋晚去咗黃埔練水，走嘅時候已經夜晚11點半，飢腸轆轆嘅情況下，去呢間位於紅磡，🌃開到夜一夜嘅串燒店。街坊老店，勝在有老街坊風味。追求嘅好多時都唔係用👅舌頭品嚐嘅味度。食物足料，價錢街坊價，透露出嘅都係濃濃嘅人情味。聽聞呢度嘅「蛋炒腸粉」🍳好出名，但半夜三間又唔係好想食澱粉質。所以就略過唔試。有興趣嘅朋友記得叫下～一拎起點餐紙，不得了，$30有三串雞肉🐣，就算係3串雞全翼都係$30!對我嚟講...剩係食雞肉都可以食飽...而家係香港地要搵到10蚊一串雞真係有啲難😢。至於其他串燒都唔貴，普遍都係平過唔少串燒店🍢。特別係通街都莫名奇妙地貴嘅燒茄子🍆，佢原條都係$25!!去邊都要叫燒茄嘅我就緊係點返一條。串燒夠火候🔥，食落夠香。小辣嘅辣度足夠，過癮得嚟又唔怕過份。底層仲食到有少少蜜糖味🍯。以為佢30蚊三串雞肉會縮水啲, 點知都幾大舊，抵食!🐷豬腩都值得一提, 咬落有肉香，腩膏燒到烟靭又唔怕太漏，幾唔錯。出面食嘅燒菜🥬，隨便串兩塊就收你十幾蚊。佢$11一串仲大大舊，兩串已經滿咗一碟。唯一俾我詬病嘅係碟錫紙花甲粉🐚，餐紙到冇寫到「粉」，我仲奇怪燒花甲點得嚟咁平。上桌見到大量粉絲自然係有少少失望(咁都係我本身太奢望)，但其實佢幾好食，粉絲夠冧，而且好入味🤤，仲吸收咗花甲水。只係花甲本身就被抽乾到冇咩好食，咁當然，花甲粉主角係粉而唔係甲~所以都合格👌~一邊食，一邊聽到舖頭播啲勁舊嘅老歌🎶，羅文徐小鳳王菲等等...伙記又同啲熟客傾下計，老闆娘一口一句「阿女」「細佬」咁叫下你，有種小區老店先俾到你嘅感受🫶🏻。最後叫到一枱都係嘢，兩個人埋單都係二百蚊。買到嘅⋯除咗係又抵又唔錯嘅嘢食，仲有一份買少見少嘅老街坊感覺。真正嘅味濃、情更濃❤️❤️。…查看更多