羊鞍餐廳

漫無目的喺九龍城搵食，平時落九龍城都係食泰國菜，但係啱啱先去完泰國，所以今次就試吓搵其喺款式嘅嘢食。行到福老村道見到大大個招牌寫住Lamb Rack，而另一半又好想食羊，所以就二話不說入咗餐廳。見到有鐵板扒，而鐵板餐又有跟埋個啫喱，已經覺得好似細個讀中學去西餐廳食飯嘅感覺。所以就點咗火焰羊架鐵板餐；另外再點咗一份雙拼寶雞拼焗蠔；前菜點咗一份燒牛肉雜菜沙律。而餐湯就改咗酥皮海鮮湯。燒牛肉雜菜沙律嘅牛肉點了5成熟，牛肉嫩滑多汁！雙拼寶雞拼焗蠔嘅雞扒好大塊，雞皮金黃色非常均勻，表面仲撒滿芝士粉，微微焦香，香氣濃郁，而配上嘅汁帶明顯的牛油、蒜香、香草嘅香味。火焰羊架鐵板餐嘅羊架，咬下去第一啖，口腔已經感到濃郁的羊膻味，油香瞬間在舌頭上炸開，肉質不單有彈性，仲有好多肉汁！酥皮海鮮湯上面的金黃色酥皮同平時望落有些少唔同，一食落口，原來係因為加了蔥油，所以成個蓋會有一股非常濃郁的蔥香，比純牛油千層酥皮多了中式鹹香氣味。而湯內配料亦好豐富，青口、蟹柳、蝦等等，值得一試。飲品選擇咗好多年無飲嘅雜果賓治同紅豆冰，味道同細個飲無太大差別，不過紅豆冰嘅紅豆就得好少，要扣返少少分。最後上埋個甜品-啫喱，仲可以加花奶，真係中學時代嘅回憶返哂嚟！…查看更多

這間餐廳已經在九龍城開業18年，個個街坊都知道這小店，而每位店員仍然很細心又好禮貌，給食客很舒服和溫暖感覺。頂級 PRIME 肉眼牛扒鐵板餐🥩配餐湯及多士你還未見到牛扒，先聽到那「滋滋滋滋」 的悅耳交響樂，這是盛宴的序曲。肉香的濃郁香氣，隨著熱浪撲面而來，瞬間打開你的所有食慾。一塊厚切的PRIME級肉眼牛扒我點的是五成熟，內裡是完美的粉紅色，肉汁隨著切開緩緩滲出，溫度控制得恰到好處，外層的焦香和內裡的嫩滑形成絕妙對比。無需過多咀嚼，牛扒嫩肉在口中化開。餐湯係洋蔥忌廉湯，味道清香甜美又幼滑加埋鬆脆的蒜蓉多士一起吃，味道很搭配。雜果賓治🍹層次豐富的鮮豔色澤，裡面各式各樣的水果粒粒，味道非常清新鮮甜，輕盈的氣泡感在舌尖上跳躍，讓整體感覺更加清爽。酥皮海皇湯🥣熱辣辣的酥皮非常鬆化，隨著這聲脆響夾帶著牛油酥皮的焦香，從破口處噴薄而出，瞬間衝擊您的嗅覺。舀起豐富的湯料有青口🦪海蝦🍤魷魚🦑蟹柳等，海鮮味非常的濃郁。秘製Bbq燒肉汁，蜜糖芥末汁，香辣粉，配鮮嫩燒牛肉沙律🥗燒牛肉切成薄片呈現出從淺粉紅到深褐色的漸變色澤。肉片邊緣帶有微微的焦脆感，內裡則飽含肉汁，顯示出完美的嫩度。沙律菜🥗很翠綠是幾款的混合生菜，加埋鮮紅的車厘茄、麵包糠色彩非常繽紛。還有三款秘製醬汁可以隨意點牛肉吃。懷舊啫喱🍧很久沒有吃過這款兒時懷舊啫喱，吃每一啖都想起美好時光。…查看更多

早幾日朋友帶我去九龍城一間餐廳食扒，係佢由細食到大嘅餐廳餐廳燈光光猛，大部份座位都係高背卡位，呢度選擇好多，除咗有鐵板餐，仲有晚餐、廚師推介、焗飯、吉列豬扒飯，咖喱雞扒飯等，仲有小食、特飲同甜品蛋糕我哋叫咗鐵板雜扒餐、份量好多，除咗有豬扒、牛扒、雞翼仲有煙肉同腸，我揀咗薯條，鍾意佢粗薯條嘅質感，炸得夠脆，跟餐仲有蒜蓉包，紅湯非常足料，星期一至五做免費升級做特飲，叫咗雪糕紅豆冰牛扒蟹鉗意粉，牛扒肉嫩好淋，配上黑椒汁，蟹鉗炸得好香脆，再配千島醬汁原片菠蘿牛扒焗飯，可以自選不同醬汁，面頭鋪滿芝士，再加上菠蘿酸甜味更開胃解膩田螺焗薯蓉，田螺肉配上秘製醬汁，開埋薯蓉一齊食，面頭有芝士拉絲，多了一份鹹香味估唔到九龍城除咗泰國菜仲有咁好味嘅西餐…查看更多

九龍城嘅老字號小店，一入去就有種回到八、九十年代茶餐廳的懷舊味。桌面配上鐵板滋滋聲，滿滿煙火氣，當晚很想一試鐵板套餐 和 燒牛肉沙律，非常治癒，好有驚喜。田螺芝士焗茨蓉就係經典西式風味，芝士濃香撲鼻，田螺熱辣辣上枱時啖啖香滑。燒牛肉沙律沙律健康最吸引，牛肉建議五至七成熟，外層微焦帶香，內裡依然嫩滑，配上蜜糖芥末汁或秘製BBQ 燒肉汁，香辣粉配鮮嫩燒牛肉，每口都充滿層次感。懷舊鐵板餐美式雜扒鐵板餐 懷舊鐵板餐選擇多，美式雜扒份量十足，鐵板吱吱聲加上油香四溢，最啱運動後補充能量。配餐湯及多士星期一至五免費升級特飲升級特飲：西班牙咖啡平日仲可以免費升級特飲—西班牙咖啡（咖啡＋朱古力粉＋雪糕），甜滑得嚟又帶層次。送懷舊啫喱餐後啫喱甜品有趣又有懷舊味，令人想起童年。星期二晚餐精選是日餐湯及多士星期二的精選晚餐，超抵食！是日餐湯暖胃濃郁，多士香脆金黃，開胃一流。蜜糖芥末汁珍寶蟹棒，雜錦海鮮焗飯芥末汁清新微辣，蟹棒彈牙鮮甜，汁味層次豐富。雜錦海鮮焗飯熱辣上桌，海鮮新鮮彈牙，芝士拉絲香濃，飯粒裹滿醬汁，每啖都好滿足。配升級特飲，完美收尾。羊鞍餐廳九龍城隱世之選，CP值爆燈！藍莓芝士餅作為甜品酸甜平衡，口感綿滑。 整體而言，餐廳氣氛溫馨親切，食物質素穩定，價格合理，係九龍城一個食鐵板餐放鬆嘅好去處。…查看更多

今日同老公嚟到朋友推薦嘅港式西餐廳，裝修懷舊得嚟又乾淨舒服，果然無令人失望😊西蘭花忌廉湯：口感綿滑，飲到淡淡蔬菜清甜完全唔膩！羅宋湯：材料有牛肉、椰菜、紅蘿蔔熬到入味，配埋烘到金黃脆身嘅蒜蓉包，蘸湯食真係絕配👍🏻凱撒沙律：新鮮爽脆，煙肉碎同芝士粉落得夠大方，開胃剛剛好。芝士煙肉焗蠔：蠔肉飽滿juicy，拉絲芝士夾住煙肉鹹香好正😆鐵板火焰羊架：上桌就點火，火焰圍住羊架勁香，羊架外層微焦內裡粉嫩，完全無羶味，黑椒汁係靈魂所在，辛辣惹味同羊架出奇地夾！配菜薯條粗身脆口，粟米清甜解膩，連西蘭花都煮得翠綠爽脆👍🏻香煎巴西牛柳配燒汁帆立貝：牛柳叫咗7成熟，切開見完美粉紅色，肉質鬆化得嚟保留肉汁！照燒汁帆立貝大隻厚肉，表面煎到微焦，咬落鮮甜彈牙，照燒汁甜度剛好，送飯一流👍🏻熱柚子蜜：柚子香而且有果肉，消滯一流👍🏻凍檸賓：酸甜平衡，飲到底仲有滿滿檸檬香😀整體而言呢間港式西餐質素好好，係九龍城想食高質港式西餐嘅話，呢間絕對係心水推薦👍#九龍城美食 #港式西餐 #火焰羊架…查看更多

既然係去懷舊餐廳，咁一定要食懷舊鐵板餐，無論係豬牛羊魚雞都有齊，總有一款啱你。我就要左頂級 PRIME 肉眼半扒鐵板餐，配蒜蓉汁，好大塊牛扒🥩肉質好嫩滑又淋，蒜蓉汁配意粉一流，呢個套餐性價比好高，配餐湯及多士及咖啡或茶，仲有甜品懷舊咕喱😋啫喱入面仲有雜果，仲可以加淡奶，而且套餐係免加一添。原片菠蘿厚豬扒鐵板餮，巨型豬扒啲肉都淋，配咗燒汁，不過都係覺得蒜蓉汁好味啲，配咗個薯蓉，薯蓉得都好多，就算好大食都唔會唔夠飽。如果平日星期一至五可以免費升級特飲，好抵呀，不過我星期六都可以+$8升級特飲，但其實奶茶香濃質素都唔錯。…查看更多

上星期第一次經過，就揀左一個鐵板雜扒，同2份正餐牌既牛扒～因為有小朋友，以為鐵板係得薯菜，點知嚟到～有個笑容滿面既服務員問我地夠唔夠食～唔夠食可以免費加一份意粉/飯🍚⋯😱😱以佢依個價錢有咁既質素同服務態度～喺第2度真係搵唔到～臨走嘅時候先見到個羊扒好靚仔。。所以今次去到一定要試下🥰真係無令我失望👍👍服務好～味道👅唔錯～啱晒一家大細同2人世界既親民餐廳🍴…查看更多

同男朋友去食飯，嗌咗個鐵板餐，個侍應問我使唔使喺我面前淋火，我話要，我想睇。。之後，咁啱去咗小便2分鐘，就已經淋咗。。。之後我哋要求麻煩整多一次！極差嘅態度拒絕！其實淋一淋有幾難？之後我話我唔介意塊把熟啲！其實去到最初點餐我都話係要睇㗎啦！佢先勉為其難幫我淋！餐湯極難飲！見佢對其他食客的態度都麻麻！除咗扒餐我哋嗌咗個意大利飯！咸到阿媽都唔認得！…查看更多

羊鞍餐廳是九龍城地區的知名西餐廳，主打歐洲及西式料理，特別以羊架及焗豬扒飯聞名。餐廳環境簡潔，座位闊落，服務友善，吸引許多食客。配餐湯及多士火焰羊架鐵板：上枱後羊架經過火焰洗禮燒香，肉質入口不帶羶味，配黑椒汁香濃而惹味。此外鐵板燒火焰呈現的過程也帶來煙燻香氣，使羊架味道更加層次分明。整體口感鮮嫩多汁。原片菠蘿厚豬扒鐵板：菠蘿新鮮酸甜，帶有清新自然的口感，厚切豬扒肉質鬆化且有嚼勁，邊緣微微焦香但不柴，整體搭配起來酸甜開胃且肉香濃郁，十分吸引。鐵板套餐跟意粉逢星期一至五套餐飲品免費升級特飲。雪糕涼粉冰入口奶香清甜交融，涼粉口感嫩滑，味道清涼爽口，配埋雪糕層次更豐富。雪糕紅豆冰味道甜而不膩，紅豆帶有自然甜味，雪糕部分增加了濃郁乳香與柔滑口感，整體吃來冰涼消暑。懷舊啫喱帶有啫喱果肉的口感，加入花奶後味道變得更濃郁綿滑，奶香加強了果味的鮮明，整體口感柔滑。…查看更多

朋友話想食懷舊鐵板餐，特登上網搵咗呢間喺宋王臺嘅西餐廳食物選擇都幾多，主餐牌入面有多款焗飯、意粉、鐵板餐選擇，晚餐嘅時候仲有多幾張餐牌可以睇，套餐都幾抵食，仲可以揀埋特飲添餐湯方面，可以揀紅湯/白湯羅宋湯都幾好飲，好多蔬菜配上蒜蓉包，個胃就已經ready好可以盡情進食啦！😆😆我揀咗廚師推介餐牌上面嘅：鐵板巴西牛柳拼照燒汁帆立貝如果唔鍾意鐵板嘅話，可以揀用碟上我自己就最鍾意鐵板！啲汁倒落去嘅時候炸一聲，香噴噴！成件事好開心㗎嘛！ 牛柳比想像中好食！出色！厚身得黎中間仲有啲軟熟嘅感覺，配埋醬汁就更加滋味！仲有要讚吓佢哋嘅薯條，新鮮炸起，就係香脆！見到佢哋嘅焗飯，都非常吸引，所以忍唔住叫咗😆😆有芝士嘅焗飯，芝士份量超多，超香濃！套餐仲送一個啫喱仔加少少花奶，真係超級懷舊整體嚟講，同朋友開開心心輕鬆食餐飯，依間餐廳係非常好嘅選擇，好食、懷舊得黎，坐得舒服…查看更多

羊鞍餐廳九龍城區平民化西餐嘅選擇，今日去左呢度食早餐，兩份早餐都係$44，份量夠飽肚，配嘅係丹麥多士，比普通多士更香脆，薯餅熱辣辣而且脆口，炒蛋上有黑松露醬，撈均左成份炒蛋都有黑松露味，奇餘的都係罐頭開左黎，沒咩特別，飲品叫左咖啡同朱古力都係正常，閒日早上餐廳唔係太多人，可以慢慢享受早餐。…查看更多

一行2人見有紅酒牛尾就入去試下，一入去待應態度都差，唔想理你甘，我哋叫左牛扒同牛尾，牛扒係燶味，又苦，第一次食苦味牛扒，仲要2百幾蚊，牛尾完全無紅酒味，得個咸字，待應收野完全唔會問你，我哋都未食完，佢全部收哂，仲要黑口黑面，完全無服務可言，大家千祈唔好去食，一入去就受氣。餐廳地面都十分油，廁所衛生都好惡劣，希望老闆見到評語會作出改善，首先改變你啲待應態度，特別係一個女待應紥條長馬尾果個黑面神，十分影響餐廳形象，其次係食物質素。另外我見餐廳有好評，唔見點解會好，因為你去到泥間餐廳就會明白我講既真實食評…查看更多

環境舒服，卡位座位闊落價錢經濟實惠店員有人情味早餐就快完我哋先入到去坐低，但都肯做埋我哋食物整體風格似西式混合港式，食材比起普通茶記有特色-（早餐）煙三文魚炒蛋半角包 ＋ 意式泡沫咖啡  $52有煙三文魚、炒蛋、牛角包、薯餅、茄汁豆加 $8 升級意式泡沫咖啡-（早餐）雙餸麵餐 配 意大利雜菜湯螺絲粉 ＋ 丹麥多士 ＋ 摩卡咖啡  $50加 $8 丹麥多士，鬆脆，唔會太硬揀咗豬柳漢堡、煙肉湯粉好味加 $8 升級摩卡咖啡…查看更多

某天路過九龍城，想在此搵食，發現此店門外有很多人等位，所以選擇一試。點了3個午餐，蒜蓉汁牛排配薯蓉是個人覺得最好味的一個午餐，牛排夠淋，肉質都ok，薯蓉份量足而且香味十足，而且價錢唔貴，只是$65，唔錯。另外，焗豬排飯面上有一層芝士，再配上酸甜的蕃茄汁，十分好味，飯低是炒飯低，豬排則是薄豬排，十分容易入口，價錢只是$58，連餐湯和飲品，性價比極高。小店門外有大量的泊車錶位，十分便利駕車人士去覓食。…查看更多

曾經，香港有好多間港式扒房，最懷念係熱辣辣嘅鐵板餐配上一杯港式特飲，真係充滿童年回懷。依家，香港嘅港式扒房越嚟越少，但原來出名食泰國嘢嘅九龍城仲有港式扒房架。今日我哋就嚟到九龍城羊鞍餐廳，唔好以為叫羊鞍餐廳就只係食羊，餐廳仲有好多選擇呀！叫咗兩份扒餐，店員就先送上餐湯同多士。特別鍾意餐廳嘅羅宋湯，湯底濃郁，材料豐富，非常開胃。鐵板餐嘅滋滋聲確實非常治癒，淋埋黑椒汁上去，真係未食已經覺得好吸引呀！雜扒有牛扒、豬扒、煙肉、雞翼同台式腸，至於配料就有粟米、薯角同車厘茄等等，份量十足，非常豐富！除咗鐵板餐，餐廳亦有碟上嘅扒餐。呢個1855安格斯西冷牛扒襭9安士，牛扒厚身，肉味香濃而肉質軟腍，呢個價位，確實抵食。平日食鐵板餐，仲可以免費upgrade飲特飲，我哋就叫咗一杯雪糕紅豆冰，生熟紅豆比例啱啱好，非常軟綿卻又有口感，但就略嫌甜咗少少。…查看更多