羊鞍餐廳

营业中

休息中

一行2人見有紅酒牛尾就入去試下，一入去待應態度都差，唔想理你甘，我哋叫左牛扒同牛尾，牛扒係燶味，又苦，第一次食苦味牛扒，仲要2百幾蚊，牛尾完全無紅酒味，得個咸字，待應收野完全唔會問你，我哋都未食完，佢全部收哂，仲要黑口黑面，完全無服務可言，大家千祈唔好去食，一入去就受氣。餐廳地面都十分油，廁所衛生都好惡劣，希望老闆見到評語會作出改善，首先改變你啲待應態度，特別係一個女待應紥條長馬尾果個黑面神，十分影響餐廳形象，其次係食物質素。另外我見餐廳有好評，唔見點解會好，因為你去到泥間餐廳就會明白我講既真實食評

環境舒服，卡位座位闊落價錢經濟實惠店員有人情味早餐就快完我哋先入到去坐低，但都肯做埋我哋食物整體風格似西式混合港式，食材比起普通茶記有特色-（早餐）煙三文魚炒蛋半角包 ＋ 意式泡沫咖啡  $52有煙三文魚、炒蛋、牛角包、薯餅、茄汁豆加 $8 升級意式泡沫咖啡-（早餐）雙餸麵餐 配 意大利雜菜湯螺絲粉 ＋ 丹麥多士 ＋ 摩卡咖啡  $50加 $8 丹麥多士，鬆脆，唔會太硬揀咗豬柳漢堡、煙肉湯粉好味加 $8 升級摩卡咖啡

某天路過九龍城，想在此搵食，發現此店門外有很多人等位，所以選擇一試。點了3個午餐，蒜蓉汁牛排配薯蓉是個人覺得最好味的一個午餐，牛排夠淋，肉質都ok，薯蓉份量足而且香味十足，而且價錢唔貴，只是$65，唔錯。另外，焗豬排飯面上有一層芝士，再配上酸甜的蕃茄汁，十分好味，飯低是炒飯低，豬排則是薄豬排，十分容易入口，價錢只是$58，連餐湯和飲品，性價比極高。小店門外有大量的泊車錶位，十分便利駕車人士去覓食。

曾經，香港有好多間港式扒房，最懷念係熱辣辣嘅鐵板餐配上一杯港式特飲，真係充滿童年回懷。依家，香港嘅港式扒房越嚟越少，但原來出名食泰國嘢嘅九龍城仲有港式扒房架。今日我哋就嚟到九龍城羊鞍餐廳，唔好以為叫羊鞍餐廳就只係食羊，餐廳仲有好多選擇呀！叫咗兩份扒餐，店員就先送上餐湯同多士。特別鍾意餐廳嘅羅宋湯，湯底濃郁，材料豐富，非常開胃。鐵板餐嘅滋滋聲確實非常治癒，淋埋黑椒汁上去，真係未食已經覺得好吸引呀！雜扒有牛扒、豬扒、煙肉、雞翼同台式腸，至於配料就有粟米、薯角同車厘茄等等，份量十足，非常豐富！除咗鐵板餐，餐廳亦有碟上嘅扒餐。呢個1855安格斯西冷牛扒襭9安士，牛扒厚身，肉味香濃而肉質軟腍，呢個價位，確實抵食。平日食鐵板餐，仲可以免費upgrade飲特飲，我哋就叫咗一杯雪糕紅豆冰，生熟紅豆比例啱啱好，非常軟綿卻又有口感，但就略嫌甜咗少少。

我去左九龍城嘅「羊鞍餐廳」食晚餐，揀咗羊鞍套餐，配炸蝦同意粉。整體上，食物性價比唔錯，味道一般但環境宜人。我試過羊鞍套餐，裡面包括炸蝦同意粉。食物方面，味道可以，雖然冇特別驚艷，但都算係合乎期望。份量方面係足夠飽肚，感覺物超所值。餐廳環境都係一大亮點，氛圍舒適，適合與家人或朋友一齊享受晚餐。服務態度良好，營造出愉快用餐氛圍。總括而言，「羊鞍餐廳」提供嘅羊鞍套餐性價比高，雖然味道一般，但整體食物質素穩定。加上宜人嘅環境同良好嘅服務，係一個適合享受輕鬆晚餐嘅地方。如果你想尋找一個價錢合理、環境舒適嘅餐廳，「羊鞍餐廳」係一個值得考慮嘅選擇。

食左好多年，佢一直都冇乜點加價，我覺得都幾良心🤣 （以前一個lunch都係50幾蚊，而家都係60蚊左右，其實好合理）今日過黎食下午茶，如果想少食既，我都幾推薦，如果太餓，可以叫返午餐，都係60蚊左右。今日叫左2個餐，一個T2，一個T6。T2，係焗豬扒飯，我覺得有啲偏濕，芝士味唔算重T6，雞脾不過不失，配喇沙湯，我揀左意粉整體上，我覺得對得住價錢😂餐廳係下午茶時間都多位，舒服，鍾意可以坐多一陣，冷氣又夠大，啲位多數係卡位，私隱度都高，傾計又舒服。想食下午茶既人可以黎呢度食，九龍城既朋友推薦🙋‍♀️🙋‍♀️大概人均40-50蚊，冇加一，有粉麵飯同麵包沙律餐。

今日第一次同個仔去食早餐，服務態度極差，嘢食一般略少，，食完好似等於冇食過，價錢略貴！不值得再試，你請我都唔會嚟！完！建議就算全世界得返佢一間餐廳。大家就算餓死都唔好去食！！！！

因為冇服務可言，所以冇辦法評價佢嘅服務。張檯仲油過十年未洗嘅抽油煙機，甚至未上菜已經附贈上一檯客食剩嘅意粉，叫waiter幫手清檯過到泥聽完就走完全唔打算清理，之後照上餐湯。落單落兩次都可以錯兩杯野飲，泥食飯好似比錢受氣一樣，完全唔推薦，會建議落黑名單唔駛試伏。野食嘅quality只可以話係普通茶餐廳質素，唔建議食客抱有太大期望，甚至茶餐廳都比杯熱水你自己清潔下，呢間餐廳簡直係失敗之中嘅失敗，希望其他人唔駛中伏。餐湯淡而無味，餐包係一塊overcooked嘅多士，最後正餐嘅牛排唔覺有牛味，質素甚至差過大快活啲扒

男朋友話帶我去中學同學間餐廳度食飯佢以前中學係個邊 ƪ(•̃͡•̃͡ ƪ 可以順便懷緬一下連間餐廳都可以懷緬 因為佢好耐無黎過有好多卡位可以坐 可以眼中只有對方( •͈ᴗ⁃͈)ᓂ啲位唔窄都幾好坐(•̤̀ᵕ•̤́๑)ᵒᵏᵎᵎ⤩ ⤪ ⤭ ⤮ 𝒪𝓇𝒹𝑒𝓇 ⤱ ⤲ ⤯ ⤰ 美式雜扒鐵板餐 $128星期一至五唔洗加錢就有特飲 叫左涼粉◔.̮◔✧   有羅宋餐 蒜蓉包 仲有啫喱做甜品上鐵板前 員工有問要唔要幫我地落左黑椒汁先 好貼心 ૮₍♡>𖥦< ₎ა 唔會驚彈到件衫周圍係雜扒又有薄牛扒 雞翼 煙肉 豬扒 同台灣腸 加埋薯條同雜菜 件件大份 唔慳皮 2個人分甘同味 好好食⁽ ¨̮⁾♡⁽¨̮ ⁾ 澳洲西冷牛扒 $148雖然唔係鐵板餐 無個渣渣聲 但都無阻塊西冷牛扒軟嫩又肉厚 我話整6成 佢煮既時間真係啱啱好 ૮₍ ˊᗜˋ₎ა 忌廉汁芝士焗西蘭花 +$35 （升級優惠）蔬菜一定要食多啲既 雖然啲扒係有雜菜提供 但唔夠既 (*¯︶¯*)要識健康飲食呀麻 最後仲有啫喱做飯後甜品 係我最鍾意既紫色啫喱 加埋花奶 雖肥但超好食୧⍢⃝୨    

現在我在餐廳點了龍蝦汁海鮮天使麵，但是我非常失望地發現這道菜的品質遠遠不符合我的期望。首先，菜品的味道很差，龍蝦汁的風味並不濃郁，而且海鮮的鮮味也不夠突出。更糟糕的是，蘑菇的口味酸餿，除了菜品的品質問題，我也非常失望於您餐廳的服務態度。當我向侍應生反映這個問題時，他們的回應讓我感到非常冷淡和不專業。他們只回答了一句「哦」，並且看起來完全不關心或不在乎這個問題。

羊鞍餐廳午市套餐經濟抵食，$14追加沙律好味，員工服務OK，清水入面加幾片檸檬，有檸檬清香，環境清潔光線適中，音樂好聽，下次可以試忌廉汁，L7吞拿魚配天使麵日式蝦餅$65，或是L10香煎羊假（兩支骨）芝士煙肉焗大啡菇$102

我同一般foodie好唔同，其實我好鍾意食早餐🌞。我都希望日後同大家多啲分享早餐🍽️！今次呢我朝早就嚟到九龍城，見到一間開業多年嘅羊鞍餐廳，一於試下佢個早餐啦！我已經好多年冇幫襯，裏面嘅裝修同我印象中嘅都唔同。佢早餐嘅餐牌同一般港式餐廳都係差唔多🇭🇰，都係粉麵餐扒餐。我就決定試下佢嘅大男孩早餐🙆，呢個餐包咗薯餅、大啡菇、黃豆、粟米、丹麥多士同芝麻沙律，另外可以再揀兩個餸。我就揀咗雙太陽蛋，同吉列豬扒。比較令我覺得驚艷嘅係個大啡菇🍄，好有香菌味！比起好多餐廳都做得好食。吉列豬扒都外脆內軟，好有水準。其他嘢都係正正常常。呢個早餐我絕對會再嚟食！😉

在尋找九龍城一帶美味的晚餐選擇時，我們偶然發現了羊鞍餐廳，位於福佬村道的這家小餐廳，以其親民的價格和出色的菜品在當地小有名氣。當晚，我們點了炸豬手和雜扒餐，這兩道菜都給我們留下了深刻的印象。首先要提的是炸豬手，這道菜的亮點在於其外皮的絕佳口感酥脆可口，與傳統炸豬手的期待完美吻合。豬手肉質鮮嫩多汁，與外皮的酥脆形成了鮮明的對比，每一口都是滿足感和幸福感的結合。這種獨特的口感和風味，讓人難以忘懷。接著是雜扒餐，這道菜將多種肉類烹饪得恰到好處，每一種肉類都保持了自己的特色，而且調味均衡，既能品嚐到各種肉的原始風味，又能感受到作為整體時的和諧。這道菜的多樣性和豐富性，使其成為了桌上的明星。除了食物本身，羊鞍餐廳的價格也是一大亮點。在如此合理的價位下，能夠享受到這樣品質的美食，實屬難得。這讓我們的晚餐不僅是一次美食之旅，也是一次物超所值的體驗。總的來說，羊鞍餐廳以其實惠的價格、優質的食物和舒適的用餐環境，為我們提供了一個難忘的晚餐經歷。特別是那炸豬手的酥脆，是我們將來還想再次光顧的原因。對於那些在九龍城尋找美味又實惠晚餐的人來說，羊鞍餐廳絕對值得一試。

今日去到九龍城食午餐，點了一個田螺雞扒焗飯，附上餐湯、餐包及凍奶茶。白湯濃郁，我用麵包沾上白湯食用，口味更佳。午餐竟然都可以食到田螺，田螺鮮甜，上餐時熱辣辣，食完個人暖笠笠。

喺這個港式鐵板燒餐廳，頂頂正嘅羊架鐵板實在太吸引！一上桌，羊架嘅香味就四溢，賣相一流，仲有啲火焰表演，好有戲劇性。啖啖肉，煎得金黃，外皮微焦，裏面肉質鬆軟滑口，香而不膩，真係勁正👌！嚟到雜扒，佢量多質優，份量真係滿滿嘅滿足！菜單話有雞扒豬扒雜三寶，食落發現，每件扒都保持住自己嘅特色 — 雞肉扒腍合住調味醬汁，鹹香得嚟唔會太重口；豬扒肉嫩汁多，一口咬落去，真係滿足感爆棚🤤。配菜方面，陣陣麵包香氣撲鼻嚟，忌廉湯滑溜溜地，入口感覺好似至尊享受咁，令人一啖又一啖！最後講吓甜品🍰，後續扒餐飽肚仲勇敢撳咗個甜品俾自己，畀個甘甜味道完美收官。總括嚟講，果汁清新，服務都跟得上。對於想飽肚嘅你我佢，呢間焗得嚟又唔會令你荷包大出血嘅鋪頭，真係值得推介！💯