緻素坊

夏天天氣炎熱，個人都係想食清淡啲，清淡自然諗到食素菜，朋友特別搵咗呢間中式素菜館，餐廳主打中式素菜，並且以天然食材入饌，少鹽少油，適合著重健康的人士。餐廳裝條帶古式古香，座位舒適，而且所有熱點心都係熱辣辣上枱，大讚👍🏻。🌟筍尖蝦餃皇飲茶必叫蝦餃，素點心當然也要。蝦餃皮皮薄煙韌，內裏的餡料用上筍尖及素蝦，口感爽口，尖筍鮮味出晒嚟。🌟黑松露野菌餃飽滿的黑松露野菌，一打開已經滿滿的黑松露香，加埋野菌香味，濃郁好味。🌟竹笙素翅灌湯餃大大隻湯餃，餡料滿滿，而且湯餃好夠熱，湯頭清甜，竹笙吸收湯汁，爽口清甜。🌟齋滷味（三寶）食素菜當然要點齋滷味，這裏的齋滷味是熱食的，酸齋、豉油及咖喱齋，熱食又是不同的滋味。酸齋夠味，但鍾意再酸啲；而最好食係咖喱齋，有咖喱的濃香味。🌟甘筍鹹水角可愛造型的鹹水角，皮軟熟煙韌帶甜，內裏餡鹹香，鹹甜相配，好味😋🌟香酥咖喱角酥皮非常的香，入口鬆脆酥香，配惹味咖喱餡很不錯。🌟春風得意腸腸粉皮包著脆春卷，腸粉皮細滑，內裏包著菌菇菜粒爽脆，口感豐富。🌟雪山叉燒包店員推介的叉燒包，果然美味😋麵包熱辣辣又鬆軟，帶牛油香，內裏素叉燒惹味香濃，配埋一齊食超正👍🏻🌟山珍酸辣粉朋友想食酸辣粉，酸辣粉配料充足，用上薯粉夠煙韌及掛汁，湯夠酸辣，且帶花生香，十分惹味，內裏有大量配菜如大豆芽菜、椰菜及香菇等，口感多層次。🌟特色芒果布甸傳統芒果布甸，但做成花盆的樣子，可愛又好食，兒時回憶返晒嚟☺️🌟原隻椰皇燉桃膠又係必點推介，即叫即燉的椰皇燉桃膠，椰皇清甜帶椰香，而桃膠大大份而且好乾淨，清甜滋潤👍🏻…查看更多

呢間主打新派手工素點心嘅中式餐廳，綠色環境，舒適又有格調。我專程嚟係因為朋友推介話佢地啲得獎素菜口味超特別，啱哂想試素食又怕悶嘅我！最推介秘製鎮江骨，外層腐皮包住豆乾同蓮藕，香脆有層次，配自家鎮江醋酸甜惹味，真係令人一試難忘。筍尖蝦餃皇餡料用筍尖同「素蝦」炮製，口感彈牙鮮甜；脆皮蘿蔔糕外脆內嫩，完全無油膩感。春風得意腸腸粉皮滑，裡頭菌菇、菜粒豐富，夠鮮味又爽口。甜品芒果布丁造型討喜，用上雙重芒果打成特滑布丁糊，味道自然果香每一道菜都突出手工和創意，味道自然果香味道唔單調，非常值得嚟嚐新。…查看更多

母親節晚餐 book 咗 8pm，諗住試新餐廳，見食評唔錯試吓沙煲，結果令人失望。叫咗3個餸：鎮江骨、松子魚、片皮鴨片皮鴨：同正常片皮鴨嘅味道毫毛關係，只係食種程序同感覺。“片皮鴨”偏硬，味道唔似，無咩特色。松子魚：普通炸芋頭，個甜酸汁似單純茄汁，都係無特色，好一般鎮江骨：本身對佢好有期望，但係就令人大失所望。整體偏鹹，鹹到要狂飲水。過咗火喉，好部份有燶味，燶到苦。裏面有豆乾，但係豆乾本身好乾，又硬又實。表面塊皮又係太乾。整體完全唔合格。可能趕收工，雖然無態度惡劣，但係你知佢催緊你走。book 枱嗰陣同我講可以坐到9:45pm，9pm 未夠叫 last order，跟住收晒野上糖水。。。食過一次唔會再食系列。…查看更多

幾次想試尖沙咀店，每一次都book唔到，full。今日中午12點先至打電話嚟問有冇位，回答要去到2:30 才有位結果1:30沖咗上嚟，都可以安排到入坐，店員相當配合，服務算殷勤，食品出品相當唔錯。大嚿的點心，如雞扎，服務員會主動用鉸剪展開讓我們容易分。亦主動問需唔需要辣椒醬，店員年紀比較大，但反而覺得他們服務殷勤工作態度非常良好。點心食品方面，味道不錯。點心精緻，推介椒鹽茄子。食物用料方面，比較少用偽素肉假素肉，算是比較原汁原味的素食。這間可以再次幫襯，是他其他的點心及食品。讃👍🏻…查看更多

我同媽咪都鍾意食素菜，見銅鑼灣新開緻素坊帶埋媽咪一齊去試吓，大約一點半左右到，店員問我哋有冇訂枱，我哋話冇喔，店員話一個鐘頭要交枱，👌🏻入座金邊帝苗餃即叫即蒸，皮薄餡靚煎素菜鍋貼好香脆，入面係菜冇咁罪惡感蘿蔔絲酥餅新鮮熱辣，食嘅時候小心燙口入面一絲絲蘿蔔絲，巧手點心山珍酸辣粉酸酸辣辣好過癮，配上薯粉好好食素菜燴淮山麵湯頭鮮甜美味，好似飲緊魚湯咁呢度有點心又好多其他選擇，下次可以叫多幾個朋友一齊試多啲…查看更多

今次真漢子嚟到新開嘅銅鑼灣緻素坊分店，我今次試咗：🍄 靈芝菇素腸 $42餡料好爽口，腸粉夠滑得嚟唔會過份煙韌，好食。其他三款腸粉係齋腸粉，叉燒腸同春風得意腸，我覺得比較 common 所以唔揀，果然冇揀錯。✌🏻🥟 素翅灌湯小籠包 $48賣相覺得有點怪，點解搵錫紙盤兜住，仲要得三粒。食落唔夠熱，又冇乜湯，唔係好得喎。🥲🟨 香菇燒賣 $42都係有唔夠熱嘅問題，味道食落普通。🆗🐤 四寶滑雞扎 $42用雪耳代替魚肚，有冬菇同粟米芯，而用猴頭菇代替雞肉呢，可能已經有冬菇所以感覺有啲重覆。我最有意見嘅係，點解要加啲芡汁落去呢？真係唔係太鍾意，我都係第一次食雞扎食到有芡汁。留意一陣呢個汁會再出現。😅👐🏻手撕杏鮑菇 $72有大排檔椒鹽白飯魚嘅感覺，夠香口惹味，亦唔算太咸太熱氣，其中一道今次滿意嘅菜式。😋🍜 金針雲耳蒸陳村粉 $48咦，頭先見過嘅百搭汁又見返，真係麻麻哋呢個汁。感覺只係將啲材料煮埋一齊咁，唔覺得特別好食。🙂🥭 特色芒果布丁 $48呢個幾好味，又靚靚可以打卡。不過唔知點解我記錯佢係有啲扮泥沙嘅响個花盤入面，但問過其他素友原來不嬲都冇個喎，真係孟加拉效應喇呢次。😆未嚟之前都幾有期望，因為問過好多人，一面倒都覺得緻素坊好食，我唔肯定係新店唔同味道，定只係我去果次差啲，所以有機會我都想去尖沙咀店食一次，但聽講要有位都唔係咁易呢。有冇素友係兩間分店都食過，可以分享吓你哋覺得點？🤔🤨…查看更多

緻素坊係銅鑼灣開咗分店，我哋年廿九去咗飲茶。環境比尖沙咀店大，坐得比較舒服。食物質素同尖沙咀店差不多，都係咁好食。A005 素翅灌湯小籠包 ($48)A006 香菇燒賣 ($42)A0012 四寶滑雞紮 ($42)每次嚟都必食雞紮，所有食材都煮得好入味，有雪耳、粟米仔、猴頭菇同冬菇。A0015 竹笙素翅灌湯餃 ($42)E002 香菇叉燒腸 ($42)S007 黑松露炒麵 ($128)黑松露味香濃，質感比較乾，似豉油皇炒麵。配料主要有芽菜同芹菜。…查看更多