綠茶餐廳 (創紀之城五期(apm))

收工同老婆去觀塘 APM 撐枱腳，發現咗有間叫綠茶既餐廳裝潢非常特別，睇過menu後價錢有公道，就入去試一試！估唔到餐廳入面更加有特色，而餐具都帶有主題感覺，畀人有個煥然一新嘅feel頭盤先來個南乳醉鮑魚，主要係畀個名吸引咗，100蚊都唔使可以食到個醉鮑魚，醬汁唔會過路而蓋過鮑魚的鮮味，廚師功夫到家，鮑魚切到薄片，咬起上來容易吃！點了個麵餅醬香五花肉，在外面吃飯應該點一些家裏做不到的菜式，五花肉炸過後香脆可口，麵餅及醬料包裹著五花肉，一咬後五花肉內的油分與麵餅結合起上嚟十分match，很有特色的一道菜！葱香脆皮烤鴨，這道菜是老婆所點的，起初我十分擔心會否像廣式燒味，吃過後原來有另一番風味，香蔥配上炸洋紅蔥醬，成為烤鴨的配料，將烤鴨味道提升！juicy 鮮嫩烤鴨，每一口都充滿著蔥香，配飯簡直一流！happy ending 來份綠茶餅，這是熱食的甜品，綠茶餅內果著芋泥，甜而不漏，飽肚感也很強！餐廳菜式特別，無論擺盤及味道，加上環境服務，以及優惠價格，必定會有下次！…查看更多

[ 綠茶餐廳 ]新派浙江菜 綠茶餐廳 全新推出🆕「秋味雅集🍂」6款香港限定秋季菜式，更有限定甜品【玉兔迎月🐰🌕】，食得玩得又打卡😍！限定甜品🐰🌕✿ 玉免迎月 $38/位兔仔造型嘅牛奶布丁超可愛，底層係楊枝甘露，食得又玩得，打卡一流。香港限定秋季菜式🍂✿ 宋宴蟹釀橙 $68/位南宋名菜，將蟹肉與蟹黃釀橙再慢火蒸，蟹肉鮮美、橙味清香。✿ 五色臘味焗飯 $88臘香、豬肉碎、鮮菇等五種食材圍繞著熱辣辣嘅煲仔飯，每粒飯都咁有鮮味。✿ 雙椒焗黃魚 $188原條黃魚切件配青椒與黃椒，兩邊配上臘豬肉，魚肉吸盡椒香精華。✿ 花膠蓮子白玉盅 $138綠茶手工功夫菜，將清心蓮子與花膠放入原個迷你冬瓜內，文火慢燉至膠質，既養身又係降秋火之選。✿ 金栗煨白菜 $88金栗軟糯香甜，娃娃菜完美吸收金湯，鮮甜無渣。✿ 柿柿如意 $58秋日香甜柿餅創意加入咸香黃油、核桃，口感豐富。甜品🍮✿ 楊枝甘露奶凍 $38/位全新推出甜品，材料有芒果、紅西柚、馬蹄爆珠，透心涼而且味道酸甜平衡。總結🫦 綠茶餐廳 菜式選擇豐富，今次「秋味雅集」菜單更係香港店，而且裝飾風格充滿江南風情，中式用餐環境夠唒典雅，座位舒服寬敞，好適合朋友或者家庭聚餐👍。✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿綠茶餐廳 分店資訊港島📍希慎廣場店地址：香港銅鑼灣軒尼詩道500號希慎廣場12樓1202查詢及訂座：3460 2252📍港島南岸店地址：黃竹坑香葉道11號港島南岸THE SOUTHSIDE L3-301號舖（英皇戲院旁）查詢及訂座：6922 9683九龍📍️APM店觀塘道418號創紀之城五期(apm)大堂高層UC-1號舖查詢及訂座：6300 6168📍️奧海城店地址：西九龍海庭道18號奧海城二期一樓105A舖查詢及訂座：6926 1618📍旺角旗艦店地址：旺角亞皆老街8號 朗豪坊4A樓 15-17號舖查詢及訂座：6922 1073新界📍圍方店香港新界沙田車公廟路18號圍方商場321A商鋪查詢及訂座：2699 8318📍將軍澳中心店地址：將軍澳唐德街9號將軍澳中心G樓27-28號舖查詢及訂座：6127 8770📍屯門V City店地址：屯門鄉事會路83號V city地層M-82號舖查詢及訂座：6922 8280🤩所有門店營業時間：星期一至日 11:30-22:00@greentea_officialhk✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿#綠茶餐廳 #綠茶餐廳香港 #米芝蓮 #新浙菜 #GREENTEA #香港限定 #秋季菜 #兔子 #觀塘美食 #觀塘必食 #觀塘好去處 #觀塘食乜好 #APM美食 #家庭聚餐 #打卡甜品…查看更多

傍晚嚟到觀塘apm的《綠茶餐廳》，四位飯量不大的女士，點了四個餸：。三色雞絲涼麵：軟硬度適中，如果食到辣，可以拌勻底下的辣油，如果食少辣，就直接整個夾起，不要半辣油。葱薑蓉砂鍋焗牛肉：幾惹味，肉的份量不多，底下墊了一層芹菜。狀元芋頭煲：蔥夠多，芋頭切得很薄，很入味，但如果淨食就偏鹹，建議伴飯食。龍井烤雞：雖然食唔出茶味，但烤得還可以，不要放棄雞皮。西湖雷峰塔：香港限定，小小的一個，感覺似係豆腐的外表+大菜糕的質地，冰冰涼涼。茶位$12/位…查看更多

叫咗個新出嘅套餐 688蚊 八個菜 真係超級抵食👍🏻👍🏻芋頭煲十分綿滑 配飯一流 南乳醉鮑魚 用新鮮鮑魚切片 一個南乳溝芥末醬辛辣 口味新奇花菇豬手煮得夠腍 夠入味蛤蜊絲瓜 湯汁清甜 啲蜆肉都好多翠舟蝦劃 真係夠晒新奇將啲秋葵切半加蝦滑啱晒健康人士🫶🏻🫶🏻👍🏻仲要688嘅套餐包埋兩個招牌 烤雞同粉絲蝦都係最出名 兩個都👍🏻👍🏻🍖🦐🦐下次再叫朋友過嚟一齊食 今次漏咗喺平台上面買餐飲券 依家買餐飲券套餐好似仲送個綠茶餅 …查看更多

今日求其搵咗一間餐廳，地鐵站附近， 2點18分上到去，見到佢個餐牌寫住下午茶兩點半開始78折。 等多一陣先入坐。我哋坐喺窗邊環境唔錯。味道唔錯有啲驚喜， 我個孫仔好鍾意食，唔使人餵主動自己食曬。最好食係粉絲裹蝦， 成鍋未熟攞出嚟 喺你面前倒上醬汁煮，焗四分鐘左右就可以食得。菇菌醬肉包都好食， 筆墨酥香好特別， 整到成支毛筆咁樣，裏面係豆蓉， 點朱古力醬， 係一個好特別嘅菜式， 小朋友見到好鍾意， 味道都好食。 香窩花菜有少辣唔食得辣嘅唔好叫， 西施豆腐裏面有蝦同埋芋頭， 仲有我最唔鍾意嘅青豆， 土豆芝士撻就一般般， 好似西式嘅酥皮撻上面係土豆加芝士煙肉，味道唔係特別甲。 雷峰塔係一個甜品， 似牛奶布丁， 味道一般， 我哋每人食咗一啖就冇再食。 佢哋嘅芒果綿綿冰好味，裏面有紅豆仲有爆珠新鮮芒果，上面有個熊貓仔應該係棉花糖， 佢哋打咗一個芒果醬汁倒埋落去好好味。整體水準唔錯。 服務都好好。應該會再去。最後有少少嘢要補充就係最後埋單出去嗰陣時， 入面好多位，但係出面嗰位小姐又要收錢又要帶位，所以積聚咗好多客喺出面等， 我都等咗一段時間先可以付款， 佢應該叫入面啲人出嚟幫手帶位，唔應該畀客人係出面等咁耐。…查看更多

APM啲餐廳turnover好快，見新開連鎖江南菜，同屋企人試吓。禮拜夜晚七點拎飛walkin，等咗45分鐘有得入，其他人就直入先知有電話訂位…蘿蔔乾炒飯好一般，偏乾同埋偏硬。蓮藕片幾好食，雖然有俾佢隻色嚇親，個汁係桂花唔會太甜，有啲清新。酸菜魚熱辣辣大大兜多幾爽，魚都幾爽口，仲有啲薯粉起底，最正係個滑豆腐朔晒啲汁。相比起豬頸肉就失色咗啲，太油同太肥，淨係食到有油溢味同少少燶味，但都算香口嘅。菜煲同肉包都正正常常，普通冇乜驚喜。…查看更多

星期五晚第一次選擇去此處用晚膳慶生，叫了個$688的套餐，食物外貌看了也十分可以，吃下了各種菜式的味道也算不錯，但食到60分鐘，餸菜還未食完，便有人過來說幫我們上生日蛋糕，被我們拒絕後不久，又說幫我們換碟，動機明顯不過，所以一定要有心理準備，90分鐘用餐的明顯壓力很早及會多次感受到。…查看更多

餐廳位於商場大堂高層，地點幾方便。侍應姐姐都幾有禮貌，帶位同落單速度快。我們點了$688 8 個餸，有幾款招牌菜，好味😋以 APM 商場餐廳來講，價錢還算合理，人均大約一百蚊左右。…查看更多

呢間應該係大陸品牌的綠茶餐廳，來港開了幾間分店，見話下午茶有八八折，入去試試先。餐廳環境及裝修佈置都不錯，充滿內地感，座位亦見闊落。入店時已是4:50，食客不多，由於下午茶時間於五時截單，我們匆匆忙忙點了以下菜式：龍井烤雞（138）：烤雞原隻上，可請店員幫忙分件，雞是熱辣辣的，皮有輕微的脆，肉醃得夠入味，肉質尚嫰，略帶茶薰香，可以啊。盛載烤雞的盤底層裝有茶葉，但茶葉是涼的，裝飾用吧，有點多餘。筆墨酥香（48）：為打卡用而點，賣相有創意，它是炸蕃薯蓉酥，少少油，味道不過不失。南乳醉鮑魚（98）：不點亦不覺有遺憾，點了自覺有點笨。鮑魚片得薄薄細細，味道清淡得連酒味都消失了，南乳是後加的，店員會協助為碟邊淋繞一周，er....我唔識欣賞。西湖藕韻（58）：粉紅的賣相，味道可以，但蓮藕的質感不是爽脆的，而蓮藕外的脆層亦沒有脆感，普普通通的涼菜。蛤蜊絲瓜（78）：好食，絲瓜清甜，湯中見蝦米和蛤肉，調味沒有過咸，算好食啊！麵餅醬香五花肉（108）：話係香港限定，以為會帶來驚喜，點知沒有帶來驚喜，而帶來驚訝！碟是熱熱的，麵餅是微溫都沒有，我估內夾有五花肉和一塊脆片，但五花肉和那塊脆片的特點是硬和靭得咬不開，不知是不是下午茶時段的尾聲而送上來的尾貨，他是我點餐後，餐廳以快速的速度送上枱的，真的讓我感覺它是在我點菜前已預製，還擺放了一段時間的食物🤨甜品點了一個西湖桂花藕粉（28），只可以話味道讓你感到它係健康之選。埋單有88折，但加返一都要$595，OMG，呢個質素係大陸食應該無咁失望，因大陸收既價錢起碼會令我明白唔好要求咁多。…查看更多

餐廳的宋嫂魚羮像一碗生粉水, 一點材料也沒有, 兩粒魚碎, 兩條粉絲. 侍應還辨說宋嫂魚羮是這樣的！最终取消了, 回家看了十多條视频, 無一種做法係冇材料的生粉水！侍應的回應是, 我們冇問題, 係你咁識野！醉鲍鱼完全無味！是一片凍的無味可咀嚼東西！不會再有第二次機會了！…查看更多

同朋友經過呢間綠茶餐廳，覺得装修好特別就入嚟試吓，點知除咗環境優美，菜式味道仲極佳👍👍呢間餐廳嘅裝修主要以🍀園林🍀為主，彷彿進入大自然世界，門口以🌂雨傘造型的射燈仲好特別原來呢間餐廳之前喺深圳都有，而家唔使返大陸就可以喺香港食到啦，聽店員話已經開咗有七間分店😍😍人均消費百幾蚊就可以食到咁高質素嘅食物，呢間中式餐廳係我食過咁多間特別想推介的。👏👏三色雞絲涼麵擺盤靚，幾種蔬菜麵又養生又健康，喉口鮮肉包都係佢哋嘅特色，呢碟菜心炒嘅鑊氣好足，好香，黃魚燒豆腐嘅豆腐好嫩，好餸飯呢度每一碟菜都可以食到不一樣的驚喜，下次介…查看更多

綠茶餐廳再次造訪綠茶餐廳，見到menu又唔同咗，所以叫佐啲新菜式試下珍珠土豆燴三鮮 $88 - 細細粒薯仔好可愛，口感有啲啲軟糯，用佐咸肉同少量海鮮一齊炆，咸香鮮味夠，幾好食綠茶蔥香烤豬頸肉 $108 - 淡淡嘅茶香，豬頸肉烤得香口，微辣幾惹味香菇醬香焗目魚仔 $128 - 目魚仔其實就係小魷魚🦑，依道菜有啲啲失望，上碟時見到啲小魷魚煮完後縮到好細隻，而且下面全部都係蒜頭乾蔥頭鋪底，肉醬唔多，除非真係喜歡用蒜頭乾蔥頭肉醬汁撈飯食，否則依碟餸勁貴又唔抵食😩但客觀啲講，肉醬味係幾香濃，但我地都係唔喜歡用蒜頭乾蔥頭肉醬汁撈飯，所以除佐小目魚其他都無點食過翠舟蝦劃 $88 - 因為個名好有詩意所以特別叫嘅，其實有啲貴，就係秋葵蒸鮮蝦滑淋上豉油，味道方面唔算特別，就係家常菜嘅感覺西湖盛蓮 $38 - 上面一粒粒嘅係柚子爆珠，有少少微甘，我自己唔太喜歡，紅色嘅花朵凍糕帶點酸味，最下層係好香濃嘅杏仁豆腐，整體嘅味道配搭一齊食有啲怪，分開一層層食哂就好啲埋單個時見到隔離枱叫佐碟毛筆酥，每枝酥都好大個，造型幾可愛🤣有機會下次試下…查看更多

星期六下午茶三點入座有88折，價錢上算合理，但可惜食物種類不多，如果有下午茶餐類供應會更好，飲品打卡一流，毛筆番薯酥特別，煙燻雞皮脆可惜有點鹹，炒飯不建議叫有點淡而無味…查看更多

同朋友路過APM 諗住食埋lunch 再去飲杯咖啡傾下計 甘岩見到我成日系深圳都會食既綠茶餐廳 就邀請朋友一齊入去試嚇原來佢哋有套餐 以為係單點 不過大眾點評就冇券可以買，可以買套餐試一下翠舟蝦划和鮑汁燒年糕都喺個套餐入邊 我以為蝦滑下面係辣椒 原來係秋葵 整體賣相都幾靚 不過嫌佢味道唔夠 同侍應反映之後 拎咗個豆瓣醬俾我哋 鮑汁燒年糕 年糕好煙靭 可能我哋兩個食得比較重口味 年糕個汁都係比較淡 可能多啲汁會好味啲？最後點埋個麵包誘惑 大致上同深圳都差唔多 價錢都唔貴 可以再試…查看更多

呢間綠茶成日都喺深圳食 好鍾意佢個麵包誘惑 同埋綠茶餅 咁啱嚟觀塘傾保險 無意中見到原來佢喺APM開咗 咁就同朋友一齊入去試吓 睇吓同大陸嘅有咩分別本身以為剩係得出邊嘅座位 原來入邊都好大 有幾張圓枱 仲有幾張窗口枱 可以望住地鐵入站 都幾特別 所以我哋都揀咗窗口坐餐牌比起我哋喺深圳食嘅種類少啲 但比較符合香港人嘅口味 因為冇咁多辣嘢 多咗好多菜🤔 價錢就梗係會貴啲 但係都好合理既試咗兩款新菜式 一個係蝦滑 另外一個係紙片荀仲有佢嘅招牌烤雞 同埋麵包誘惑！呢個蝦滑一上枱 同事就忍唔住拎咗相機出嚟打卡 好似一條條龍舟wor 個賣相都幾靚 就係蝦滑再加秋葵 食落都幾夾另外一個紙片荀 仲有五花肉喺上面 未試過紙片筍 所以食得比較少 同事就好鍾意烤雞同埋麵包誘惑同我喺深圳食嘢一樣 都係咁好味 食完埋單下午茶仲有七八折 三個人每人都係$100左右 都算幾抵食…查看更多