綠茶餐廳 (奧海城二期)

营业中

休息中

之前喺大陸已經成日見到綠茶餐廳，一直都好多人排隊，估唔到竟然開咗嚟香港，咁就同朋友一齊嚟試吓啦。呢間餐廳嘅環境好靚，好有古色古香嘅感覺，而且服務態度好好，成晚都食得好開心。我最推薦嘅就係呢個龍井烤雞，食落味道好特別，而且雞肉好嫩滑，份量都好多，雞味同茶味原來咁夾。呢個三色雞絲涼麵賣相好靚，三隻色見到都吸引，而且夏天最鍾意就係食涼麵，食落有消暑嘅感覺越食越開胃。粉絲果蝦都係非常值得讚賞，職員仲會喺面前煮俾我哋睇，好食之餘仲有好好嘅視覺效果。

夜晚嚟咗呢間綠茶餐廳，好耐無同屋企人食飯，加埋👶🏻總共8人，最鍾意一班人一齊食飯，可以叫多啲唔同類型嘅食物，最鍾意以下呢幾款🥰🐔龍井烤雞招牌菜之一，外皮烤得脆脆，雞肉肉質嫩滑，好多汁，好好食，竟然點咗兩隻雞😂😂 🐖面餅醬香五花肉似肉夾餅，入邊包住一嚿好厚身超級邪惡嘅五花肉🙈硬硬地🐷喉口豬肉包舊肉好食，我覺得個皮厚咗少少，但係朋友就超喜歡食🐽老肇慶蔥油腰花好香蔥油味，豬腰新鮮唔腥，清淡d 🍧西湖雷峰塔 （凍） 凍既，好精緻，仲以為係豆腐嚟，原來係牛奶淮山整嘅甜品😋溫馨提示🔔 星期六日想食晚餐既話，最好提早一個鐘去攞位，無walkin 無訂枱，我哋等咗成個幾鐘先有位。非贊助，全屬個人意見，不喜勿插

近排人氣非常紅的綠茶餐廳，以杭州菜為主環境非常舒服，以座院為佈置，讓人有放鬆心情的感覺！粉絲裹蝦 $108餐廳經典的菜式之一，用上開背蝦，鮮彈滑潤，配搭粉絲，蒜香味非常濃郁！必叫！春韭蠶豆煮螺片$158新出的菜式，春天時吃春天嘅美食，配搭當造嘅食材！主要食材有螺肉，配搭蠶豆和韭菜，鮮甜濃郁！薺菜碎肉千張包$88.0豆腐皮包住豬肉和齊菜，鮮甜美味，又夠特色！西湖雷峰塔 (冷)$28.0非常精緻的美食！以西湖嘅雷峰塔為賣相，非常推薦！主要食材為鮮山藥，配搭純牛奶和青豆泥，鮮甜美味！土豆芝士塔 (個)$44以薯仔為主要食材的，配搭煙肉焗出來的薯仔芝士餅，非常惹味呀！龍井檸檬茶 $28杭州龍井茶園的茶葉製成的非常美味檸檬龍井茶，上面更有熊啤啤的冰塊！非常可愛！

今次同老公去咗大角咀嘅「綠茶餐廳 (奧海城二期) 🍵」，唔使返深圳都可以食到綠茶！綠茶喺香港開咗好多分店，今次我哋去咗奧海城分店，環境舒服又有中式情調。我哋食咗：🍴 三色雞絲涼麵 🌶️🌶️ $48 🍜三色涼麵有綠、黃、紫三種顏色，擺盤好靚，仲好 igable！涼麵爽口，配上雞絲同特製嘅辣醬，辣得過癮但唔會太嗆，食落好開胃。我同老公都鍾意佢嘅三色設計，覺得好有創意，夏天食呢個真係好正。🍴 土豆芝士塔 $22 🥔🧀芝士薯仔撻份量剛好，外層酥脆，內裡薯仔軟綿綿，仲有好香嘅煙肉碎，食落香濃又唔膩。老公試咗一啖話好似食緊西式小食咁，簡單但好滿足，係一個唔錯嘅前菜選擇。🍴 西湖雷峰塔 (冷) $28 🥧呢個甜品好特別，係淮山奶凍，質感似薯蓉但係再滑少少，食落清清地，帶點淡淡嘅甜味。我同老公都覺得佢好清新，作為中場嘅小甜品好解膩，個造型仲好似一座小塔咁，好細緻。🍴 陳皮菜蒲頭老鴨湯 $58 🥣老鴨湯熱辣辣上枱，湯底好濃郁，陳皮同菜蒲頭嘅味道好突出，仲有鴨肉同其他配料，足料又暖胃。我同老公飲完都覺得好暖身，特別係冬天飲呢個湯真係好舒服，感覺好似屋企煲嘅湯咁有心。🍴 蝦湯泡飯 $88 🍚🦐蝦湯泡飯係老公嘅最

這間內地人氣連鎖中菜館，愈開愈多分店，最近更於奧海城開了新分店，裝修充滿杭州獨特風韻，氛圍不錯。餐廳主打新派江淅菜，餐點質素不錯，而且價錢合理，難怪晚市時段爆滿。.🐔龍井烤雞$138 這個招牌必點菜式，基乎每枱都有點。選用浙江龍井茶來烹調和燻烤幼年的三黃雞，令烤雞充滿茶葉清香。上桌後，店員會先讓客人打卡，再幫忙剪拆雞肉，十分貼心。雞肉嫩滑，而且充滿肉汁，外皮烤得金黃焦脆，令人吃不停口。.🐮黑醋脆皮牛腩 $118牛腩肥瘦相間，肉嫩多汁，第一次食脆皮牛腩，外脆內嫩的口感，令人一吃愛上，配上黑醋醬汁，剛好中和油膩感。.🍆江南茄子煲 $78茄子煮得柔軟，而且好入味，配上肉碎和香濃醬汁，微辣惹味。.🧀土豆芝士塔 $22酥脆的撻皮配上香濃的芝士和啖啖薯仔肉，每口都香濃惹味，更有少少流心效果，芝士控必點。.✨綠茶餅 $28綠茶餅有驚喜，新鮮整起，外層香脆，富芝麻香氣，入面還有香甜芋泥。.🍮茶香奶凍 $28奶凍口感順滑，帶淡淡茶香，上層還有香脆焦糖，甜度適中。

餐廳以風清竹影為主題，主打新派浙江菜，裝潢設計以江南美學為主軸，菜式多元而且性價比高。狀元芋頭煲芋頭煲上菜時，店員在我面前將煲蓋打開，熱氣騰騰。芋頭切成薄片，又香又甜又糯，將芋頭昇華做大菜。薺菜碎肉千張包千張包用豆乾塊包著薺菜及碎肉，同澄黃的肉汁一齊食，豆香清遠。土豆芝士塔這個創新料理將薯仔塔及芝士塔結合，味道又幾夾。酥皮做到鬆脆，面頭的芝士及煙肉香葱為薯仔蓉的塔做點綴。東坡肉東坡肉用荷葉墊底，荷香撲鼻。東坡肉肥瘦分明，有最少三層肥肉及瘦肉。咬落口一啲都唔油膩，油脂溶化在口中既滋味。雪菜黃魚麵雪菜味又濃郁又咸，黃魚微微炸過先放湯，味道甘美。配料有雪菜等好豐富。麵條有厚度，又彈口又吸收了不少湯汁。西湖雷峰塔這個甜品依照西湖中的雷峰塔而做，做得好不相似。綠色的湖水中，有一座又高又精緻的塔樓，巧妙得很。原來塔身係山藥奶凍，味道清淡而帶著奶香，口感軟軟的。懷舊米漿一入口有清清甜甜，後勁有濃郁既米香味，香甜暖胃。

江浙菜過江龍綠茶餐廳開到嚟香港之後，幾個月內迅速地開咗數間分店。早前去咗APM分店，覺得食物質素不錯。前幾日放工去奧海城閒逛，見到原來有分店，決定再訪綠茶餐廳。狀元芋頭煲 $88————————————喺其他分店完之後嚟Encore😆入口好蓉嘅芋頭🤤將芋頭切成均等嘅片狀，上菜嘅時候好整齊美觀，煲到好蓉，一夾就變芋蓉🤤加上五花肉嘅肉汁同油脂香氣已經融化到每一片芋頭，所以每一啖都好柔滑又入味😋家鄉黃魚燒豆腐 $168————————————小黃魚煎過後，外皮好香，啖啖嫩滑魚肉🐟韌豆腐好濃豆香，配上香菇同冬荀，配飯一流。西湖雷峰塔(冷) $28————————————根據杭州雷峰塔嘅造型，好精緻🪭以鮮山藥、純牛奶、青豆泥製成，營養價值高，入口清清甜甜，奶香十足。暴打鳳梨茶 $28————————————鳳梨茶夠晒清爽解膩🍍熊仔造型嘅果味冰好可愛🧸

一坐低飲返杯熱既龍井綠茶🍵真係好潤喉，座位超舒服😌，整個環境都好有中國風格，周圍都有竹及樹葉🍃，好有文青氣息。侍應穿著特色的服裝，令我頓時置身杭州。最特別係「綠茶」特意整左幾味「香港限定」既燃手小菜俾香港顧客，真係超驚喜。［香港限定］內地分店食唔到架🥰🥰麵餅醬香五花肉--有d似片皮鴨。外面有層「外皮」包住塊肉。依款「麵餅」麵皮會較為厚身，內餡塊五花肉味道惹味又juicy。土豆芝士塔：類似芝士撻🧀，新鮮焗起熱烘烘，正👍！芝士味濃郁，土豆+肉碎餡鹹香好食！西湖雷峰塔（冷）打卡之選！成個「微景」西湖雷峰塔就呈形係你眼前，造到咁細緻，果然係驚喜之作！［熊仔🐻特飲］西柚茉莉茶龍井檸檬茶因為餐廳係喝茶為主，所以連同熊仔🐻‍❄️特飲都係加咗傳統嘅茶底，好香茶味🍵好特別。熊仔好嘆咁坐左係飲品內「浸溫泉♨️」，休閒！［春饗滋味］春韭蠶豆煮螺片--螺片夠爽口，沾滿惹味醬汁既蠶豆好味！杭式片兒川（麵食、位上）--一碗小小既麵已經足夠，湯頭濃郁而且有餡料配襯。茶香奶凍--甜品作個完美句號，甜絲絲！

內地人氣食肆，主打新派浙菜的「綠茶餐廳」，近年在香港大展拳腳，短短時間已經在開咗四間分店，而且非常受歡迎，基本上每晚餐廳外都大排長龍，全因食物和食材有特色，香港少有，而且真心真係好抵食，性價比超高👍👍▪️龍井綠茶每枱先奉上餐廳特色龍井綠茶，味道甘香茶味濃厚，未上菜已經飲咗幾杯，而且能夠解油解膩▪️龍井烤雞綠茶餐廳招牌菜之一，外皮烤得脆脆，雞肉嫩滑多汁夠晒入味，而且充滿龍井茶葉的香氣，差不多每台客人必點菜式▪️三色雞絲涼麵夏日炎炎最啱食涼麵，三款涼麵分別以紫色、黃色和綠色作為主題，睇見已經透心涼，配合嫩滑嘅雞絲和靈魂麻辣醬汁，超級惹味▪️東坡肉東坡肉為江浙菜的一道名菜，家家戶戶都會做，半肥瘦嘅豬肉切成正方形，用店家特製調味慢火紅燒而成，口感軟腍非常入味，而且肥而不膩，一口豬肉、一口米飯，簡直係人間美味▪️土豆芝士塔呢個係我私心必須推介，大人小朋友都啱食，酥脆嘅蛋撻皮，包住軟綿綿嘅芝士和薯蓉，面層仲有煙肉和香蔥焗至焦香，新鮮焗起熱辣辣，真係超級好食，唔食一定走寶▪️香炒菜心我們點了烤雞和東坡肉，必須要有蔬菜來中和，這裏的香炒菜心與別不同，用上豬油粒爆炒，香味四射特別甘香油潤好食▪️紅寶石琉璃賣相一流，最

今次試下香港較少有嘅新派浙江菜❗️餐廳在內地已超過420間分店，以綠色為主調🟢內裡亦有綠色植物點綴，環境柔和舒適～三色雞絲涼麵 $48涼麵醬汁似口水雞醬，拌勻雞絲、花生同吃🥜麻、酸、辣🌶️同時衝擊味蕾🥵爽口嗆辣勁開胃🔥食開BB辣嘅二小姐都食到🧛🏻‍♀️唔食得辣朋友仔都可以試吓👻薺菜碎肉千張包 $88菜式用雞湯浸泡🐔碟底有蠟燭保溫，唔怕雞湯變凍油脂凝固🔥千張包裡面有肉餡、大量薺菜🥬配熱雞湯 暖胃清淡，吃到食材原味😋龍井烤雞 $138打卡必點招牌烤雞📸 上枱已散發出濃厚茶香🤤原來燒雞竹籠下層另放有茶葉🫖雞肉嫩滑有油份，食得出有做風乾過程🤫雞皮香脆且入味，鹹香十足👍🏻$138 好抵食❗️蔥香脆皮烤鴨 $128香港限定菜🇭🇰蔥油惹味，烤鴨香軟帶酥🦆外皮超脆…口感似食乳豬🙈烤鴨周圍滿佈新鮮蔥油，重口味之選😈邪惡至極西湖雷峰塔 $28甜品造精緻😍用山藥加鮮奶造成，綠色河水為綠豆蓉汁📸$28 健康又可以打卡🤡冇投訴食物上枱速度驚人💨據說餐廳內有限時25分鐘內上菜指引🍲夠專業

餐廳位於奧海城, 古色古香嘅裝修, 園林景色予人清雅閒逸感覺。主打江浙菜, 菜式設計有特色。野菜腐皮卷腐皮腍身幼滑, 野菜甜酸, 口感清新。三色雞絲涼麵三種顏色幼麵,充滿色彩, 涼麵麵條爽滑彈牙, 酸酸辣辣好醒胃, 麻辣中帶後勁。蘿蔔燉牛筋腩牛筋腩炆得好腍滑, 膠質豐富, 蘿蔔爽脆鬆化, 新鮮清甜, 醬汁好惹味, 送飯好合適。蛤蜊絲瓜絲瓜已去皮, 肉質清甜幼滑, 加上蛤蜊和蝦米海鮮香味, 湯汁味道鮮甜, 令人回味。高湯蝦乾小青菜白菜仔鮮甜爽脆, 沾滿蝦乾高湯, 清新可口。整體來說, 食物選材優質, 賣相精緻, 予人清新口感。

江浙菜餐廳#綠茶餐廳 最近系奧海城開咗新分店 ，即使閒日到訪已滿滿人氣，餐廳以江南風為主題，柔和的燈光，配上竹林庭院場景，逐步進入食客眼簾，手藝正宗，品味綠茶每道菜式。滿足了每人願望。🏅椒辣鴨掌🌶️鴨掌肉質軟腍，富含膠原蛋白，實屬開胃前菜亦可得進補。🏅太雕糟黃魚大一條已分二邊黃魚上菜，底下一直有蠟燭暖碟保鮮，黃魚肉質之鮮嫩超乎想像，入口即化，如同雲朵般輕盈，每口都系舌尖上享受。🏅東坡肉食入口好棉好化，直頭系即溶，甘香可口，底吓啲汁用來拌飯，簡直一流，嗌多碗白飯送!!🏅高湯蝦乾小青菜這道菜較為清淡，青菜份量也很多，伴隨蝦乾咸香味，整體味道可口。🏅西湖雷峰塔(冷) 創意爆燈，入口冰涼!!🏅龍井綠茶（兩人$24），茶味濃郁。

排著隊，明明拿著比較前面的單，結果門口迎接讓後面的人先進。非常火大，欺負講國語的人。 和她說我先來的，還和我說，她先收了我後面人的票。食物份量少。炒米飯，米飯感覺沒煮透，有點夾生，小炒肉味道還行，份量好少，也就來嚐個鮮，再也不會來了。

之前喺內地已經有食過呢間綠茶餐廳，今次嚟到香港開分店咁以後就唔洗特登去深圳食喇，餐牌仲有唔少香港限定菜式。粉絲裹蝦 $108原煲砂鍋喺枱面煮，除咗粉絲，都有唔少蝦。店員會幫忙計時同煮熟d蝦。新鮮滾熱辣第一時間就可以食到爽彈嘅蝦肉。粉絲吸收晒d汁都非常入味。三色雞絲涼麵 $48用咗三款唔同顏色嘅冷麵嚟整，色彩繽紛非常吸睛。麵夠彈牙，底嘅醬汁除咗辣亦帶d酸，食落香辣開胃。蔥香脆皮烤鴨 $128烤鴨皮脆肉嫩，鴨肉香得嚟唔羶，伴埋啲蔥蓉一齊食就更加之香。麵餅醬香五花肉 $108餅皮入面包住五花肉、脆片同鹹香嘅麵醬，一啖咬落去有唔同嘅口感，味道豐富。冬菜鮮肉包 $38鮮肉包有幾款口味，我哋就叫咗冬菜，熱辣辣用蒸籠上枱。包夠軟熟，入邊嘅肉餡亦都好多汁。土豆芝士塔 $22我哋仲叫咗個土豆芝士撻，酥脆嘅撻皮入邊有用薯仔同芝士做嘅餡料，有少少流心嘅效果，非常有特色。。。綠茶餐廳 (奧海城二期) (大角咀)大角咀海庭道18號奧海城二期1樓105A號舖。。

第一次食江浙菜，上網睇係少調味較清淡，幾欣賞餐廳裝修成大自然環境，有曬草草樹樹*南乳醉鮑魚 $98微淡酒香，鮑片爽口，約有16片，作為涼伴小菜唔錯*龍井烤雞 $148招牌菜之一，原隻上枱打卡影相後，職員會幫手剪開，木盒底有茶葉一直燻住，雞隻烤到外皮色澤均勻，油脂出曬黎，入口香燻味清淡，仍保留少少肉汁*三色雞絲涼面 $48如果雞絲份量多返啲更加好*土豆芝士塔 $22用薯仔蓉代替撻底，雖然無港式薯蓉咁綿密、牛油感咁重，但顆粒感豐富，食起都唔太膩