經典廚房

平時來開飲茶都很唔錯，想試晚市好耐但預唔到時間。今次同爸媽來做冬一試，實在美味😋不過平時我要自己加茶，唔通有老人家佢會幫手，佢地今次好主動加茶水爸就大讚炸子雞肉質非常嫩滑，同超大隻。。之後叫咗金沙海鮮豆腐煲，呢個我好滿意，又係大煲美味，入邊唔止有豆腐，仲有帶子仔同象拔蚌，鹹蛋黃調出個味很好再叫咗鮑魚，話6頭都頗大，林滑很好，鳳爪都美味之後嗰啲忍唔住要即食無影相😅再叫咗菠蘿肉排，一樣係多肉嫩滑。同叫咗大班兩味，魚肉非常鮮嫩總之一定會再嚟啦，好食嘅酒樓真難搵…查看更多

本以為這店是有誠信的商家，就沒有看賬單便結賬，回家後才發覺賬單不對，我便在openrice上看看我點的菜單價錢，一經計算，發現多收了80多元，翌日早上便到店了解，回覆是要等經理下午12點上班才可以查單，我等到下午致電餐廳，經理說openrice的價錢是外賣價，堂食是貴一些，我便問堂食價是多少，再經計算還是多收了11元。相信大家都知道發生甚麼事啦！香港經濟這麼差，真是要多謝這些黑心商家，以後不會再光顧！如大家都想去光顧的話，記緊看單據。白飯16元， 乳鴿50元一隻這都是跟openrice有出入，看看大家都是不是這個價。…查看更多

一心想嚟食鴨紮，但轉左餐單，極失望。熟客話經典逢1號&15號就轉餐單。生客同熟客嚟呢庶飲茶完全係兩個待遇。感謝同枱同隔離枱嘅街坊教路，不是因為朋友推介，相信都唔會嚟食，因網上都睇左人講呢度服務有幾差有晒心理準備嚟到，果真係咁。自行搵位呢D好基本無所謂喇當然，搵到位要再搵職員開點心咭都順利。要自己去門口搵職員講要咩茶葉，佢會俾一包你。我見隔離位個婆婆未有水杯水壺用，讓左俾佢用先。跟住搵左職員三轉才搵到套水壺杯俾我。不過見D店員唔係唔做嘢，似係人手唔夠。熟客到來，職員主動取茶壼過嚟幫佢個壺淋埋熱水消毒添，呢D真係叫做有服務囉。我生客就感覺係自力更生&自生自滅，但依然要收加一囉。鳳爪排⻣飯，確係好味嘅，廚房部確係整嘢好嘅。真係要讚廚房師傅喇，如果嘢食唔得此店都消失左喇。雞紮&腐乳通菜都唔錯。一支公嚟點左三碟嘢。服務真係經典嘢食又真係好味嘅嚟唔嚟幫襯，真係睇各人造化。真心覺得街坊好正，好幫忙希望我下次成為熟客對我好返少少囉。一次生，兩次熟，都係好想試埋佢嘅鴨紮好唔好味，因見朋友食過睇相覺得似正囉。收銀都OK喔，正正常常。…查看更多

推住個老人家，一個服務員叫我搵位坐，無人執台，叫人執台，佢又叫番我去前台攞茶，我話有個老人家，佢拒絕幫我攞，點知我發覺原來有啲人個袋度都有袋住啲茶，根本願唔願意去攞，超級差仲要唔使排隊…查看更多

同朋友食飯，食到一肚氣😤😤😤😤😤朋友用會員優惠，送燒鵝一隻，去到點菜，我哋都有嗌其他餸，本來食得好開心，點知好戲在後頭……收錢嘅時候先至同我哋講，原來隻燒鵝係要照收加一服務費，總共$59.8$59.8唔係貴，但奇怪嘅係，半隻燒鵝原價$248 ，呢隻送嘅燒鵝點解會抬高個價，標價$598 ？更激氣嘅係，我地本身禮貌地問經理點解燒鵝講明係送嘅，但原來要俾$59.8 ？陳經理用好惡劣嘅態度問返我哋「咁我有冇講過唔收你服務費啊？冇講過唔收，就即係收啦！ ！ ！我哋不嬲都有收嘅！ ！ ！你唔俾嗰$60我就報警！ ！ ！」我哋好聲好氣問個經理，可唔可以攞個條款出嚟俾我哋睇清楚？如果真係有寫我哋可以比，但佢話：「我唔會俾你哋睇！我哋不嬲都有收，所以今次都一定要收！！！」今時今日咁嘅服務態度，再加暗黑條款，真係好離譜！個經理仲恐嚇我哋，話要報警，又話我地唔滿意就去消費者委員會投訴，但點都要俾錢先走！本人已中伏，警惕各位街坊……🥲🥲🥲…查看更多

上星期日去左食野，約2:45到門口，個阿姐未帶位就不斷同我哋講要叫嘢食，但又冇比餐牌我，入咗去坐低好耐都冇人理，上手嘢食繼續擺喺枱面15分鐘，佢3:30已經截單唔會有嘢食，而我3:00前明明叫咗幾樣嘢，轉頭又同我講話冇，又要再叫過第二樣。食咗唔夠一個鐘，可能佢會落場，所以叫我哋埋單，買完單之後居然開始熄燈，完全無視乘食客，4個人食左$3xx，又貴又唔好食，又冇服務，真係食到成肚氣，我發誓以後唔會再去 …查看更多

中秋做節，地方由親戚作主，一行七人到了一間街坊酒樓晚膳。入席時還有吉枱，吃著吃著不經不覺間酒樓已差不多坐滿。我們沒有叫套餐，都是散叫的食物。因為鵝皮帶些肥脂，燒鵝都幾香。燒腩仔的肉鹹香而爽，然而皮不夠脆。粟米魚肚羹非常大兜，可惜味道過淡，兼且太杰。分開兩輪叫餸，因此重複了又龍躉又西蘭花。蒜蓉蒸龍躉不知用的是不是金銀蒜，總之蒜味不夠突顯，龍躉肉尚可，不算很滑但起碼不靭。另一道龍躉炒西蘭花，屬正常發揮之作，問題是整碟菜餚極油，這樣子魚肉及西蘭花怎會不滑，不過當吃了一肚子的油，感覺很不舒服。蒜蓉炒西蘭花蒜味較佳；可是一樣的油膩不堪，我們沒有清碟。蝦球伊麵賣相奇特：就是一堆蝦放在一大箸麵上面，無韮王無其他，完全切合主題。蝦球至少沒有雪味，伊麵卻是太腍，還要浸在一兜湯不湯、芡不芡的汁水中，是一碟難食的伊麵。到底是否街坊酒樓就是如此的水平，真是不得而知。…查看更多

今日大暑，所以要飲冬瓜盅😂1. 燒汁煎焗鮑魚 味道微辣，用呢款煮法都幾特別2. 蝦球伊麵味道唔差，而且蝦球算多！3. 海皇白玉燉冬瓜盅 冬瓜盅$10真係好抵食嘅！街坊酒樓，真係唔好要求太高，填飽肚就算～ P.S 真心覺得呢間職員嘅態度差，做野好求其！…查看更多

我地尋晚去食晚餐。待應態度差，問餐牌，乜都話無。經理行過黎，見我地唔叫佢d 71折餐，就show都唔show我地。d呀姐仲圍埋傾計，唔駛做。水又我地自己斟，不知所謂，唔會再幫襯。…查看更多

人唔算多，想搵個地方同長輩一齊食飯。元州商場選擇不多，就在這間坐下。先是幫長輩用滾水洗下碗筷，好些碗邊有乾左既硬物漬（懷疑是飯漬），洗完後D水有少少油。之後上菜，上既時候侍應係咁同我講恭喜發財，平時我都會俾，但佢又不停打手勢做V字動作（示意要兩封？還是20元？）感覺有點奇怪。飯餸水平還可以，除了侍應幫手舀湯時跌左d刺出嚟，部份碗中只有羹冇刺外，其他還好。公平D咁講，食物裝修還可以的😌乳豬挺有特色的…查看更多

第一次來呢度飲茶，都知道應該紅假去飲茶應該都會好多人同要等好耐位，所以我地就早左去拎籌等位（08:45），等左10分鐘左右就有位，好彩早左，遲多半小時左右就好多人係門外等位..呢度既茶水係自己負責返既，一入坐時會俾包茶葉你，如再想要茶葉就要拎點心卡同門口位職員再登記拎一包茶葉。每枱會有一個熱水壺同兩個白茶壺，自己沖茶。先講茶水先，茶味唔太濃，同埋茶杯茶壺好細，成日要酙來酙去，好麻煩..點心就正常發揮，正正常常…查看更多

唔知食咩搵到呢度，就嚟試吓成間，冇生意叫個服務員都叫咗半日都嚟唔到，問佢啲餐加飯嗎？佢話全包宴就加，使唔使咁串呀，咕嚕肉菠蘿呢唔知咩味？真係只有一次，不會有下次…查看更多

假期的早上本來同家人諗住飲個茶。入咗呢間之後就一肚氣，自問EQ高嘅話可以挑戰下。叫左開茶，等左15分鐘都未開到。再叫阿姐過嚟佢就好無禮貌話: 知㗎啦家人們都嬲了，有甩漏仲咁無禮貌到啲點心黎喇，賣相已經唔吸引，仲要唔熱🤢🤢🤢凍嘅煎蘿蔔糕，食咗半舊已經唔想食鮮竹卷，d腐皮有油益味。真係未食過咁差嘅鮮竹枝諗住蒸陳村粉會好啲，無味，唔熱👎🏿👎🏿👎🏿我哋本來叫叉燒腸，黎到蝦腸個阿姐放低果時已經話 我哋唔係叫蝦腸阿姐 唔理你，放低就走。同第二個阿姐講，佢話唔關佢事叫我哋搵經理經理經過話: X (粗口) 係咪落錯單呀？講完就走左，無處理過件事最後亦都無人同我哋調返。大家都一肚氣，唔想再食落去，走人了。真係未去過態度咁差，上至經理下至開茶阿姐都咁無禮貌嘅餐廳。一定無下次!!!!!!!!!!!…查看更多

呢間酒樓係屋企附近，經常都會去幫襯，同啲伙計都好熟，夜晚都幾抵食，有5選1既優惠，今次簡左金沙蠔，平日會叫$68既蒸魚，都好新鮮好抵食。另外叫左$98既龍蝦麵，一樣好新鮮。每次黎到必叫燉湯，魚味好濃又補身，份量又大份，一定環預早黎叫，因為燉湯一日只有一兩份，比人叫晒就無啦！平日都會黎飲茶，下午茶都幾抵，我好愛佢地既炸乳鴿，炸得好香脆，味道又適中。以街坊酒樓比，佢性價比都算高，以長沙灣既酒樓質素比，覺得佢都算係咁…查看更多

今日同屋企人黎到長沙灣做d嘢，順便附近飲茶就近近地黎左黎間嘢，但係真係好唔掂。入座無人帶，問嘢無唔回答，上菜慢到爆，d菜黎左係pat係度，食完又無人清，服務差、態度差🤦‍♂️點心質素好普通，出左流心奶黃包真係做得唔錯之外蒸排骨d排骨肥到完全食唔到；除左指明需要20分鐘果d，其他註明果d都係一樣至少20分鐘😓環境非常麻麻地，餐台無台布，餐具勁多油，衛生程度一般...雖然附近飲茶選擇唔算好多，但係我都寧願行遠d甚至去其他地區幫襯，盡量避免再黎。…查看更多