組長日式放題 (已結業)

久唔久都搵藉口食放題buffet之類,因為咩都可以食,飽到抱住個肚嘅感覺係好好架.呢間勝在價錢平,200蚊倒就食到～種類多!加$38蚊就可以點貴價少少嘅野,例如蟹腳🦀點左嘅食物都算快上,而且最重要唔溜單:).食物就唔好期望十分好食,始終價錢平🙂但其實都唔錯架❗️最like串燒,啱啱燒起夠熱,狂encore燒雞翼,蝦,翠肉瓜仲有好like紫心香芋丸同芝士年糕。另一半話我short short they食咁多呢d飽肚野👊🏻另外刺身新鮮,三文魚仲幾厚身下.Btw,環境係細,不過都唔算迫～想止下放題引又唔想太貴⋯推介…查看更多

終於考完試了😴，梗系要食番餐好既慰勞下自己🤗而放題系不二之選啦，要乜有乜。嚟到銅鑼灣，梗係要是試下🇯🇵組長日式放題🇯🇵 係朋友介紹嘅👍🏼呢度嘅裝飾好有氣氛，掛滿燈籠，卡位都幾闊絡幾舒服。一坐低，就即刻攞晒所有嘅點餐紙，我地4個人，份量都系3-4份甘點，因為未知佢既份量系點，都吾敢太沖動😂 除左刺身🍱😍🥒酸辣手拍青瓜雖然得2條， 但佢既味道真系好入味，青瓜夠晒爽口，酸同辣比例岩岩好，好開胃, 之後又order左幾碟😝刺身拼盤三文魚🍣超厚身，好肥美， 口感脂感濃郁🤩甜蝦 真系鮮甜架，食多幾碟都得😂北寄貝肉感肥厚， 有彈性長腳蟹+珍寶帶子蟹肉結實入味，我就比較懶，食左一件就無食了！帶子口感超正，無腥味，好清甜，又大粒喔，食到返尋味😋之黎又order 左幾 round👍🏼 抵曬特大赤蝦Size 真系成個手掌甘長，淨系甘望已經好開心😍入口啖啖肉， 好鮮美👍🏼壽司拼盤食壽司點會少左炙燒類呢～火炙和牛燒得岩岩好，唔痴牙，入口咬幾啖就同飯團融為一體。火炙鰻魚同三文魚都係入口即溶😋👍🏼👍🏼👍🏼👍🏼👍🏼芝士焗扇貝一定要食x3 芝士、沙律醬、扇貝都系我至愛，三樣嘢焗埋一齊，簡直係絕配！又香又滑，超好味！串燒哩間既串燒都吾錯，份量算幾足！雞軟骨又趣又香，鰻魚夠香夠多汁，元貝都吾錯👍🏼👍🏼👍🏼👍🏼👍🏼金菇牛肉卷極力推薦！ 金菇多汁，牛肉夠曬薄，一啖擺落口口感十足，又爽口又香！多款炸物 全部都系即炸完上台，脆脆的花之戀Size岩曬女仔一啖擺落口， 哩間野都幾大方，你睇幾多蟹子😍味道絕對系中上的～汁燒一口牛份量十足， 燒得好香口👍🏼雪糕有紅豆同芝麻味，兩個都試左，紅豆味吾錯。仲有朱古力牛奶好冰棒。 總體黎講，我下次仲未黎組長日式放題。食物素質唔錯，特別係刺身。店員都好有禮貌好勤力咁幫我地換碟同埋收碟。…查看更多

終於考完試，決定同班friend食餐好，要對⾃⼰好啲！朋友話試過”組長”放題覺得唔錯，⼀於去試下。 成⽇去旺⾓食，今次轉下場去銅鑼灣試下。$208 ⼀位 加多$38可以加多幾野，有最想食既特⼤赤蝦、 珍寶帶⼦、安格斯⽜柳，咁⼀定要加la！ 食放題第⼀round緊係食刺⾝！ 三⽂⿂好新鮮⽽且夠肥美，唔係邊位幾⾼質，有時其他放題會比邊位，覺得冇咩味，但組長唔會值得 ⼀贊！北寄⾙我⾄愛，夠爽⼝，食多廿塊都得。甜蝦細隻但都鮮甜。 呢碟刺⾝⼀上即刻哇左聲，好⼤隻赤蝦，真係”極⼤”，即刻⼼⼼眼。 赤蝦超鮮甜⾁質爽⼝，正！超滿⾜！珍寶帶⼦都唔差，⼤⼤粒⼜鮮甜。再嚟係壽司。叫左4款，鰻⿂、火炙和⽜、火炙三⽂⿂、帆立⾙。 壽司細細舊唔驚食得多好快飽。火炙和⽜同三⽂⿂好香，忍唔住食多幾舊，饅⿂都好食。 安格斯⽜柳、花之戀同三⽂⿂籽海膽花之戀。 ⽜柳有驚喜，估唔到咁好食⼀啲都唔un，⽜味濃。 花之戀已經係必叫，細細粒勁多蟹籽可以⼀啖⼀個，估唔到仲有升級版有埋三⽂⿂籽同海膽。2款都好 食，海膽唔腥。 到爐端燒。 有鰻⿂、⽜肋⾁、雞⾁元⾙、雞軟⾻。 元⾙雖細但夠彈牙，鰻⿂熱辣辣好食，雞軟⾻同⽜肋⾁都正常，唔錯。 仲有芝⼠焗扇⾙。 芝⼠好香，有煙⾁同沙律醬係入⾯好開胃。 點少得天婦羅。 蟹棒正常，呢到有香蕉天婦羅，香蕉味好濃，可以當係甜品。 另外加錢叫左2⽀sake⼩酌⼀杯！ 都幾順⼝⽽且夠凍，好啱成班friend或者幾個知⼰嚟食。 出⾯有⾃助甜品、汽⽔果汁、熱茶仲有啲熱食。 最後嚟個紅⾖雪糕做完結！ 呢餐都係⾼質放題 …查看更多

有2間組長既其實, 我頭以為一樣既,但後尾先發現,原來cwb呢間多好多野食下!唔知係時間過左改左定咩, 多左個極上既紙,angus既牛柳, 煮得好野味, 主要係落左d汁, 食落去比較重味,口感約7成熟左右, 我覺得全店最好食係呢樣@@壽喜鍋湯底比較似日本風d ,姐係更咸, 一般如果想岩香港口味會淡返小小, 因為日本人比香港人更中意食咸味. 壽喜鍋主要係湯底比較正, 其他料係正常.sushi, 牛係正既, 口感好味, 一向呢d半生熟既牛口感好都彈牙+好軟, 好多人都中意食呢到既芝士蟹柳唔錯, 個芝士味容左入去, 味道中和左之後帶小小甜既cheese咁,幾好食.呢到熱飲有我中意既柚子密~ 熱飲healthy, 記得唔好只係拎凍野飲.串燒黎講, 燒既水準不錯的, 但我覺得差咁d調味粉, 串燒都係要點d粉 or 有d 沙爹醬先好食.刺身黎講, 呢到算係新鮮, 都係主打之一, 絕對可以一試的!食到會有小小鮮甜既味道既~ 刺新最緊要新鮮處理先會好味.整體價錢正常 , 比較mk店我更喜歡呢到~選擇都比較多!…查看更多

又同一班鐘意食日本野既朋友聚會，今次揀左去銅鑼灣既組長，都係朋友介紹話唔錯既一間。 一入門口已經見到個清酒櫃，我地都鐘意飲清酒，所以有額外點一枝獺祭。 獺祭在日本是很有名且大衆的清酒品牌，精米(研磨掉一粒米外面61%，剩下精米39%)程度有23%、39%、50%。 我們今次喝的是50%， 也是一般清酒都做到的。 熱飲清香順口，酸味不會太重，暖身又暖胃。 之後再望左一陣價錢牌， 7點半時段價格為HKD198+1，如果加38元可以再升級額外刺身，咁就決定升級啦……刺身盤來到，好豪華既feel，有種以為去左酒店食自助餐， 升級刺身有長腳蟹、特大帶子、蠔、特大蝦…… 不得不講，長腳蟹蟹腳粗身，易剪，味道又唔會太咸，好鮮甜，食完一條又一條 我地都有點普通刺身個張點餐紙因為仲有好多唔同既刺身，三文魚腩好肥美，北寄貝有咬口好爽。貝柱同特大刺身比顯得好嬌小食完超大2盤刺身，好滿足之後點左好色熱食來暖暖胃壽司做得唔錯飯團細細那種，女仔都做到一口一件壽司。壽司飯好軟熟。牛旁牛肉卷，健康之選牛旁比較有咬口，超爽，幾特別。各種串燒選擇都幾多雞軟骨惹味，又脆又香口我最愛既燒鰻魚都幾大件，食落好滋味餃子好韓式，個餡都幾足料。 我地仲有打邊爐，4人同行餐廳有個北海道花膠海鮮鍋， 邊食其他邊打邊爐，恰恰下都幾過隱。 入面都幾足料，最正食完生冷野又可以斟碗暖既海鮮湯飲下。 總括成晚食左唔少野，種類多質素高 …查看更多

組長之前一直都有聽過呢間日式放題，今次終於約佐朋友黎試下😆 一入座，店員就話每台會有一個鍋送，仲可以叫材料打邊爐。我地揀佐濟洲牛肉鍋。值得一讚係啲牛幾有牛味，脂肪比例岩岩好👍🏻係等野食既期間走去試佐佢自助區既水蟹粥。鮮甜得黎唔似係味精粥，入面仲有好多原隻蟹，我同朋友忍唔住添佐兩次☺️之後就當然係刺身、壽司同炸物啦！刺身方面，由其係三文魚都幾新鮮，肉質唔會太梅或者一咬就散。熟食方面大推佢個羊架！易咬之餘有好香羊脂味！唔怕騷既人值得encore！…查看更多

基本上自從中學畢業之後 都已經有五六年冇食過日式放題 今日就突然間想懷緬下中學嘅回憶所以就去咗銅鑼灣搵下有冇日式放題點知就比我見到呢間價錢相宜嘅放題知啦依家啲放題閑閑地都成二百幾三百蚊先落得樓 見到呢間只係需要百幾蚊 就當然入去試吓啦入到去除咗普通放題點餐紙之外店員仲留低左一張火鍋點餐紙原來除咗日式放題之外仲有火鍋食但因為我哋得兩個人 胃口唔大所以最後都冇叫到火鍋但係佢就有一張叫極上嘅點餐紙見到入面有珍寶帆立貝同埋蟹腳 勁抵呀加＄38就可以點到極上嘅美食…查看更多

今日同友人黎食放題，個價錢已經包埋火鍋架 。牛肉壽喜燒火鍋，湯底尚算濃味，配上了大量蔬菜，吸左湯汁，味道更好，另外仲有其他火鍋料可以自己加。另外店內有優惠，加$18就可以任飲清酒一口牛，估唔到又幾有驚喜，牛燒得好稔好香芝士年糕，煙韌控必食，有流心芝士，食個陣要注意入面係好熱安格斯牛柳，呢個更重牛味，牛味香濃且多汁，而且一碟既份量已經好多，有一大塊刺身方面都尚算新鮮，蟹腳重海水味各種火炙壽司🍣推介黑松露火炙帆立貝，黑松露份量好多而且好香另外出面有多款甜品野飲雪糕任拎，但因為太飽所以無食到。…查看更多

今晚輪到老公要ot:(，咁辛苦！就去食好d 啦，揀左駱克道間組長放題。價錢中間$208再加一，另加$38就可吃到極上美食，都ok ar!每台仲有鍋物送，有韓牛壽喜鍋、芝麻雞鍋同埋海膽花膠鍋可選，另外配料仲可以任叫添。我地揀左壽喜鍋，韓牛肉與脂肪均勻，肉味鮮，湯底濃！不過我地都唔叫配料喇，留肚吃其他鵝肝雖少，但煎得恰到好處，其實是塊面包大姐刺身要來了！首先當然要吃極上長腳蟹啦，我就好鍾意啦，另外珍寶帶子都好好食嫁！好鮮唔腥嫁！我老公最欣賞呢就係個安格斯牛柳，encore再encore!係揀野飲隔離仲有花膠元貝水蟹粥同粟米魚肚羹可以任飲添，我當然就係揀水蟹粥啦！材料咁豐富！都好多元貝嫁！我就最欣賞芝士焗帶子！芝士好rich！仲有燒鰻魚小薯仔同燒菠蘿！最特別有香蒜豬仔脾，食放好少見呢。當然唔少得壽司🍣啦，我就鍾意食火炙，鍾意濃味野😬😬整體黎講都幾好食，會再encore!…查看更多

今晚約了大食朋友晚餐，放題當然是最佳選擇！來到組長，見到這麼多落單紙，真是未食已經先興奮!想再豪d，可以加$38，可以升級任點極上的蟹腳、鵝肝多士、赤蝦、珍寶帶子、黃金焗蠔和安格斯牛。第一round先來刺身! 極上和普通刺身都很吸引，不是平價款式，看到鄰枱的刺身拼盤很壯觀，可是我們還想吃天婦羅和串燒，所以先點了珍寶帶子、赤蝦、劍魚腩、象拔蚌、油甘魚，打算一會熟食後再試其他刺身，可惜後來吃了太多，結果沒試到希靈魚，和雪場蟹腳！但厚切鮮味的帶子和手掌大的赤蝦就忍不住encore了然後點了一個鍋:北海道海膽花膠鍋!!有海膽、花膠，其他海鮮如帆立貝、蝦、青口、墨魚仔，加上蔬菜菇類，連湯都好鮮甜然後就開始吃其他小食!天婦羅炸得香口，不厚粉!串燒選擇多，款款都不錯最愛小甜薯，encore了幾次!沙律味道就一般，而且我覺得不夠凍。黃金焗蠔和芝士焗扇貝都不是太大隻，但加上薯蓉和芝士煙肉焗得很惹味三文魚籽海膽花之戀，花之戀的三文魚籽飽滿鮮味，海膽滿瀉，如果可以走飯，應該會encore蟹肉蟹膏軍艦就比較普通。另外再點了幾件壽司，蟹棒、自家製玉子、天使蝦壽司。天使蝦壽司係必食推介，味道鮮甜，口感又爽!吃甜品前再吃了碗熱粥，花膠元貝水蟹粥，意外地鮮甜而且足料，未影得切相已經消滅!最後不能錯過甜品環節！甜品多選擇，侍應還說明天會轉款! 她推介我們吃新到的蜜瓜雪糕，質地煙靭，很香蜜瓜味另外，值得一讚的是上菜快、無漏單！所以真的食得曬先至好嗌，咪做大嘥鬼~…查看更多

今日和朋友往銅鑼灣組長食放題聚舊, 一入座原來現在有優惠送韓牛壽喜鍋, 韓牛新鮮牛肉味濃, 壽喜鍋湯底甜度適中, 配菜有生菜, 冬菇、金菇和紅蘿蔔等, 配菜新鮮爽口, 食落美味；食完火鍋我們於去助吧取水蟹粥食, 水蟹粥粥底好綿, 水蟹肉汁鮮甜, 帶子彈牙；之後我們點刺身, 刺身有馬刀貝, 劍魚腩、油甘魚、帶子和有頭甘蝦, 刺身大小適中食落鮮甜新鮮, 尤其是帶子食落彈牙；串燒我們點了雞軟骨, 五花腩、起司雞肉、鰻魚和牛肉等, 雞軟骨和五花腩食落乾身爽口, 起司雞肉芝士味濃, 雞肉肉質鮮嫩；鰻魚肉質鮮甜味美；牛肉串燒得好腍；天婦羅我們點了大蝦和三文魚, 大蝦炸得乾身彈牙, 三文魚肉質鮮甜；炸物我們則選了芝士年糕, 章魚小丸子和黃金安康魚條,, 芝士年糕食落芝士味濃, 章魚小丸子食落彈牙惹味, 黃金安康魚條炸得乾身香脆, 肉質鮮甜；炒野菜炒得乾身爽口；芥茉涼伴秋葵芥茉味道適中, 秋葵食落鮮甜；火炙壽司我們點了三文魚, 鰻魚、和牛和黑松露帆立貝, 火炙壽司大小適中, 火炙三文魚壽司燒得熱辣辣, 三文魚有油花；火炙鰻魚壽司肉質鮮甜味美；火炙和牛壽司和牛肉質好腍；火炙黑松露帆立貝壽司黑松露味道香濃, 帆立貝食落彈牙；最後我們試了芒果雪糕, 芒果雪糕甜度適中, 雪糕好香滑。餐廳座位舒適, 食物豐富美味, 款式多,而且食材夠新鮮,價錢合理, 值得三五知己聚會好去處,好我和朋友都很滿意今晚的放題…查看更多

好耐無食過放題，今晚收工就約左朋友去銅鑼灣食組長放題輕鬆下因為係平日兼時間尚早，店舖都唔算好多人。座位亦相當寬敞，起碼我可以放手袋喺隔離位店員先簡介一下，其實同其他放題都差不多。枱面提供了多張點菜紙，而野飲、甜品就可以出去自助吧拎我地加左$38追加極上放題，咁就可以有多一張紙點菜，有我最鍾意既鱈場蟹腳飲品有好多款選擇，除左平常都有既仲會有韓國Hite啤酒先上火煱，三揀一，我地就選擇左芝麻雞鍋，無諗過真係會原碟雞件上 湯底一啲都唔淡，本身煲內有大量蔬菜，勁入味:)魚生就緊係必點咖啦，整體質素都好高，三文魚係厚切咖 北寄貝、馬刀貝同珍寶帶子都好鮮甜兼厚肉特別推介就緊係鱈場蟹腳，平心而論就當然無酒店級數，但係一啲都唔un喎，又唔會過咸，我都encore 左幾轉壽司都唔錯，特別喜愛火炙三文魚牛舌都係厚切，安格斯牛柳一啲都唔靭芝士焗扇貝好creamy，真係食到扇貝咖甜品除左雪糕，都仲有好多款選擇款式多到我都未試食，下次有機會再試埋其他…查看更多

一般銅記放題都要預約，撞啱大食王得閒食飯，我地就撞入左組長放題一入門口就有隻小朋友咁高布甸狗歡迎👏👏，歺廳佈置日式。每枱送一個小火鍋，有三個湯底選擇。有刺生壽司、串燒、鐵板燒、天婦羅🍤、麵食、冷熱飲品、湯水好多選擇真心推介刺生，新鮮肥美！吞拿魚帶子是最愛。天婦羅好味道！個蟹粥鮮甜同柚子喬麥麵柚子味清新特出係特色之作，值得加分！另一推介係一大個雪櫃嘅mini 甜品，有brownie、tiramisu 、朱古力mousses 多款的式，啱哂女仔第二個胃。驚喜係價錢當晚有8折😅…查看更多

好耐無同朋友食放題了，就相約收工後係銅鑼灣食返餐。雖然係WALK-IN客但都好快就安排到入座，朋友都覺得幾好彩。呢度環境好有居酒屋嘅感覺，見佢加錢食埋火鍋同極上食物都唔係咁貴就同朋友一齊升級埋食豪啲。先黎第一輪食左極上紙嘅帶子／長腳蟹／赤蝦先。赤蝦有成隻手掌咁大食落都黏口同甜，長腳蟹都飽滿多肉。但最鐘意都係帶子，大大粒又厚身同鮮甜，最重要係成粒食唔使拆殼，啱晒我地呢啲食肉獸所以不停REFILL同REFILL。因為極上紙嘅選擇有限，所以我地就轉攻刺身壽司紙了。刺身質素都有返咁上下，三文魚／油甘魚／劍魚腩都夠肥美加上厚切，所以好夠食。而幾鐘意佢嘅原隻八爪魚仔，因為好爽口點上芥辣醬油食好開胃。既然加左錢當然唔會錯過佢嘅火鍋啦。我地揀左濟洲韓牛壽喜燒，個壽喜燒湯汁味道都可以不過就偏甜左啲，不過淥多幾樣食物同蔬菜就可以溝淡返個味道。不過牛肉就幾好食，薄身但牛肉味幾濃淥完十數秒就食得，肉質都算滑同壽喜燒味道幾夾。之後我地都食左兩轉肥牛，但口感就被比下去了。之後轉下口味食串燒，每樣都試左啲後發覺質素都唔錯喎。醬汁唔會用死一樣所以各款嘅味道都唔會咁單調，燒肉類又唔會因為腌得太耐而變腍，失去肉類嘅彈性。燒鰻魚／煙肉卷／帶子雞肉串／五花肉都係值得REFILL嘅心水，燒得香口同唔算特別油膩，食多幾串都無問題。不過一定要點安格斯牛同汁燒一口牛，因為兩個都好惹味，朋友一上枱就同我清左佢搞到相都影唔切，呢兩款牛起碼食左三輪先收口。因為食得都多熟野，所以天婦羅都係淺嚐左大蝦／南瓜／同一口炸雞幾樣，覺得炸粉都算薄唔會食兩舊就成口油。炸雞絕對值得點，因為加左少少芥末落去所以好清爽，味道都唔錯。壽司方面都食左唔少，味道比起刺身都唔輸蝕，同埋啲飯都算適中所以細細粒咁，食多兩件都無咁快飽。但我地都係鐘意食刺身多啲，所以壽司都無食到咁盡。最後食多兩輪刺身同安格斯牛之後就都夠飽了，所以點左個柚子蕎麥麵黎消一消滯，貪佢味道酸酸的同黎清空味蕾就啱啱好。…查看更多

朋友生日，又是放題日！主角今次揀左「組長」，話之前食過唔錯，所以又再encore！ 店員話4人入座可以免費🆓叫刷刷鍋，鍋料都係任叫我地就揀左「北海道海膽花膠鍋」！店員推介，每人加多$38就可以任叫雪場蟹腳、鵝肝多士、黃金焗蠔、安格斯牛柳、珍寶帶子、特大赤蝦等等！黎得食放題既，打頭陣必定係刺身啦！嘩嘩嘩！好大盤，排得好靚呀！睇到呢盤極上，發覺加多$38真係物超所值！ 首先雪場蟹腳已經冇得輸！大大隻好多肉，豐有海水味，正！ 點一點廚師特製既汁，酸酸地真係幾好味！珍寶帶子珍寶同普通帶子既size真係差好遠，帶子口感好爽口，又鮮甜，正特大赤蝦好大隻好有質感，口感爽口彈牙，而普通的刺身蝦口感比較黏，同樣鮮甜好味！飲品有果汁、汽水同埋啤酒任飲！想飲熱的，仲可以揀抽子蜜同玄米茶因主角生日話想叫Saka，所以我地另叫左支「獺祭」！呢支「獺祭」熱飲都唔錯，熱飲飲落冇凍飲咁搶喉，口感潤滑，清甜！卷物叫左花之戀同埋三文魚籽海膽花之戀好多蟹籽，好滿足食完生冷野，又係時候食返啲熱野！蟹棒、南瓜、紫薯天婦羅，皮夠薄，又夠熱，唔錯！安格斯牛柳有驚喜！呢個牛柳肉質幼嫩，牛味濃，調味剛好，好食！北海道海膽花膠鍋內有花膠、蝦、尤魚、扇貝、大量蔬菜等等，食完咁多生冷野打返個邊爐都唔錯仲可以再加肥牛、黑毛豚肉片、蔬菜，不過食到呢度已經飽飽，我地都冇加邊爐料！食左咁多野食返個燒菠蘿串菠蘿🍍清甜多汁，可以中和返剛才既油膩感，感覺好fresh！最後梗係留返個胃食甜品啦！有啫喱、雪榚等等！雪榚都有幾種，有雀巢同日本雪榚！而我就揀左日本雪榚，都幾重蜜瓜味，香滑總括黎講，「組長」食物質素唔錯，選擇又多，上菜速度快又冇漏單情況，食左咁多野叫埋saka都係三百五左右，幾抵食…查看更多