素年 (高安閣)

是日下午茶，簡簡單單第一次係素年光顧便有很大驚喜由於下午茶時段過咗所以我決定食一件開心果蛋糕冇諗過畫碟咁靚夾埋用黃原膠粉做蛋嘅感覺佢打到個開心 果碎做醬好特別咁加上少量開工開心果碎滿足咗呢個鍾意食開心果甜品嘅為食貓…查看更多

素年太古城最近新加咗早餐時段 (大拍手)供應 Vegan Pastry 同輕盈早餐到訪呢日朝早陽光充沛店面樹影婆娑特別靚特別有詩意太古店紅白裝潢簡潔清爽又帶點活潑感品牌最近仲同 Rockit 合作蘋果圖案同店面完全無違和感之餘仲有聯乘推廣送贈 Rockit 可愛小蘋果攞返去當做健康小茶點剛好🔖 香草磨菇薑黃豆腐Bagel坊間少見嘅配搭磨菇切大大粒非常有口感加咗薑黃嘅嘅豆腐望落真係好似炒蛋呢芝麻Bagel外亦可以配Sourdough、Brioche🔖 Latte🔖 蘋果山楂洛神花茶❣️早餐為實驗性質供應安排以店家公佈為準…查看更多

今日專程走到太古的「素年」，試咗佢哋呢期招牌嘅椒絲腐乳通菜意粉，真係大開眼界！將中式腐乳通菜同西式意粉crossover，仲要加埋蟲草花同雞髀菇，聽落古怪但食落竟然出奇地夾～意粉煮得al dente，腐乳醬濃郁得嚟唔會過鹹，仲帶淡淡酒香。通菜保持翠綠爽脆，豆卜吸盡醬汁精華，蟲草花同雞髀菇增加咬口同鮮味。最驚喜係紅尖椒嘅微微辣度，令成個味道層次昇華！餐廳環境走文青簡約風，水泥牆身配木系家具，感覺舒服自在。雖然價錢唔算平，但份量十足，食材配搭有心思，絕對係素食界嘅一股清流。如果你都想試吓突破傳統嘅素食，素年值得一訪！…查看更多

素年係一間唔錯嘅素食店，雖然每間分店餐牌都有少少分別，但總括嚟講都係唔錯嘅，而今次就係我第一次叫熊貓外賣送嚟。🤗今晚嗌咗以下呢啲🤗素年經典不可能芝士漢堡🍔番薯條🍟十九幾種蔬菜藍莓鬆餅全日早餐🥗🥧熱京都宇治玄米茶🍵斯里蘭卡伯爵茶🥤我覺得叫不可能漢堡俾男士食係最適合嘅，因為像真度夠高，而且又夠飽肚。🤭🍔番薯條送到嚟，雖然係淋咗，但都一樣又香又甜，好過食薯條。😃🍟而十九幾種蔬菜藍莓鬆餅全日早餐就真係有19款蔬菜喎！😆 而個藍莓鬆餅同埋士多啤梨果醬，其實都幾好味，不過佢就咁放咗喺沙律面，就整淋咗一半，否則當然更好。😜🥗🥧熱京都宇治玄米茶有玄米味嘅香味，正常水準。😀🍵凍斯里蘭卡伯爵茶就出乎意料地香濃，吞咗落肚個香味仲逗留咗一陣。☺️🥤總括而言：質素維持，會繼續支持香港食肆。😋💪🏻…查看更多

近年來，越來越多人開始重視健康，傳統素食似乎變得平凡無奇，甚至有很多人將素食視為無趣的粗糧。然而，這次在朋友的介紹下，我發現了一間素食餐廳，令我對素食的定義有了全新的看法。雙層芫荽不可能芝士漢堡 $138 麵包鬆軟，Impossible植物肉的口感更是柔軟多汁，幾乎可以以假亂真。再加上大量新鮮的芫荽，不僅增添了清新的味道，還帶來了脆爽的口感。川味芫荽花椒香辣意粉 $88 這道意粉用什菌和金針搭配花椒油炒香，麻而不辣，讓人回味無窮。每一口都帶有獨特的川味魅力。這次的素食體驗，讓我重新認識了素食的多樣性和美味。…查看更多

今日少人，來太古店試吓，一心期待，個個19幾種菜，難食到一個點係你以後都唔唔想嚟呢間餐廳，最貴嗰個，但係最求其整嗰個，其實諗唔到咪冇整囉，入邊嗰個牛油果仲要係爛嘅黑色…查看更多

Bookmark咗好耐嘅素年！試咗佢哋嘅幾款菜式，每個dish都配搭紅茶或者玄米茶～烤野菜牛油果中東鷹嘴豆泥碗配意大利香草包 $118呢兜應該有半個烤過嘅椰菜花，略嫌西蘭花苗份量太少，得一條，如果同椰菜花嘅份量balance下就perfect啦～蔬菜好香烤過嘅味道，個醬好香又好thick，用咗唔同香料同埋鷹嘴豆泥，搽落香脆嘅香草包 ，好夾！整體味道清新，適合想食健康嘅朋友～夏威夷三文魚豆腐牛油果蓋飯碗 $108畀呢碗嘅份量嚇親！好colourful，食材包括蒟蒻三文魚、百頁豆腐、枝豆、沙律菜、牛油果等等。每一啖都好滿足，蒟蒻三文魚望落真係呃到人，口感好特別！自家製純素千島醬味道比正常千島醬淡。食落唔漏。飯嘅份量好多，絕對對得住個價錢！素年嘅菜式都非常新鮮同健康，適合各種飲食習慣嘅人，無論你係素食者定係想試下輕食，素年絕對值得一試！…查看更多

周末午巿時間，叫咗兩個main，一個係 “夏威夷三文魚豆腐牛油果蓋飯碗”，另一個係牛油果跟酸種面包（忘記左餐牌上嘅名係乜）。跟餐叫咗兩個小食，一個係番薯條，一個係炸魷魚圈。番薯條同魷魚圈都炸得幾好，夠熱，而且魷魚圈真係做到好似，問咗職員話係蒟蒻，佢跟嗰個醬都好味。 餐飲加咗個雜莓smoothie （好似叫抗炎寶寶 ）正常味道，唔會太甜，幾清新，賣相幾好。最後加咗個甜品，係開心果蛋糕，但我覺得個蛋糕太“漿口”，唔知係咪因為佢要用全素材料嘅關係。味道嚟講我覺得算中上，太古呢區黎講有呢種cafe有啲靚靚食品算唔錯。…查看更多

本身是素年粉絲多年，在港島未有分店前，經常去深水埗分店食，好欣賞佢哋可以將素食都做得咁有新意，又會用上本地菜等新鮮食材，令每樣菜式都健康有益，同會期待下次再去！除咗灣仔姊妹店wanaka，太古here亦係我哋經常幫襯嘅餐廳，食物一貫好味，仲不時轉餐牌，每次去都有唔同選擇，可以試到唔同嘅時令食材！今日侍應幫我落完單後，主動幫我睇吓有咩優惠，發現我有$50 coupon，幫我扣咗$50，超好人！食完飽飽嘅一餐，臨走先記得自己要食中藥，大膽問店員可唔可以買一杯熱水，佢哋笑笑口話唔使買，知我冇自備杯，就幫我攞咗佢哋隻靚靚紙杯斟一杯熱水俾我，仲細心地冇裝到全滿同俾埋杯蓋我（怕我倒瀉），出門口時仲俾多張紙巾，我包住隻杯隔熱，會不會太sweet呀！🥰…查看更多

成日都懷疑素年係咪真係素食餐廳 點解煮素都可以煮得咁好食🥹真係好食過唔少食肉餐廳～次次lunch time去都大排長龍 今次平日夜晚去，容易小小搵位 但其實都幾乎爆滿，好誇張😝————————————————————➱ ✨日式六式伴菜茶漬飯料理 $158➱ ✨雙層芫茜不可能芝士漢堡 $138➱ ✨川味麻辣不可能肉醬闊條麵 $98————————————————————好鐘意茶漬飯料理嘅6款伴菜，特別係花椒牛油果豆腐同三文魚卷，食落真係以為食緊真嘅三文魚卷，好味得好驚艷😍呢個set唔止好睇，有埋日式拼盤，打卡一流 茶漬飯配埋脆口紫菜，口感好豐富😋麻辣不可能肉醬意粉都係經典料理之一，蕃茄、番茜、洋葱做base加埋紅尖椒芫茜蒜蓉，純素巴馬臣芝士，仲有一定辣度，食得好過癮😋…查看更多

第一次試左素burger ,今日同同事一起食「素bowl 」點左二個三文魚沙律碗要左半飯半菜，本身內心會諗「素三文魚」會唔會好奇怪，但意料之外佢扮魚扮得幾似，夠凍，有陣魚味同埋口感都做足魚既質感，仲有點日式醬油風既口味，但只係得三片有啲少而菜同飯量都好足，幾鐘意佢地配左火龍果酸酸甜甜好開胃，菜仲分左唔同類，有酸椰菜，雜椒青瓜，高蛋白質既毛豆，水果有牛油果火龍果，仲有幾片小蘿蔔同紫菜，不過男士食就可能量唔夠啦，見到旁邊食麻辣炒意大利粉好似好香努惹味下次再試下…查看更多

見open rice 評分高所以入嚟試下，叫左burger 同日式烏東，烏東個湯好淡無味，其他配菜都係一般，好淡味。Burger 個醬好甜，味道怪怪又無層次。呢個價錢真係覺得好伏, 去食羅漢齋飯好食得多。…查看更多

星期六同朋友到太古既素年食lunch補祝朋友生日。十九幾種蔬菜有機本地野菌全日早餐擺盤幾精緻，食材都新鮮既，始終係蔬菜，所以都唔會好難食，就係蔬菜本身既味。素年經典不可能肉醬意大利粉呢個整到幾似真既肉醬意粉，味道唔錯。夏威夷三文魚豆腐牛油果沙律碗呢個同全日早餐既材料非常相似，好似食緊差唔多既野甘，比較重覆，三文魚都整得幾似既。香芋番薯波波原來無影到相，熱辣辣好食。飲品各自叫左2杯西柚咖啡湯力、黑豆黑芝麻燕麥奶、檸檬金盞花桂花茉莉花茶。…查看更多

隔左兩年 再幫襯素年有驚喜！🤩記得兩年前左右幫襯過素年另一分店，嗰次食完記憶中感覺係比較好普通。近日因為外出食飯多，食得比較少蔬菜，事隔兩年，又提起興致又想再試試。一睇menu，有好多選擇，我同另一半簡左呢兩個主食。十九幾種蔬菜本地野菌全日早餐 （$158）食材包括：本地蘑菇,薑⿈⾖腐,薯⻆,福花,羅勒番茄莎莎,茄⼦,雙⾊意⼤利⻘⽠,翠⾁⽠,⻘⽠,菠菜苗,沙律菜,紅菜頭,⾞厘茄,珍珠粟⽶,波⼦蘿蔔,紫椰菜漬, 松⼦仁,⾹草軟包見到有呢個選擇即刻二話不說簡左佢，因為可以同一時間食到唔同健康元素。大部分食材都好味道，只有薑黃豆腐口感味道係無咁好，但似終薑黃都有好處-最為人廣知便是消炎抗氧化。最後，我地都將成碟全日早餐清盤了😋田園本地有機莧菜青醬薄餅（$128）食材包括：野菌,西蘭花苗,枝豆,意大利青瓜,藤處子蘿蔔,車厘子,合桃,純素水牛芝士薄餅一上枱面熱辣辣，焗得香噴噴，配料怖滿整塊pizza👀 放入口，味道好夾，冇肉但都好有層次。跟餐有玄米茶/凍伯爵茶飲，綜合全晚食好多蔬菜食材，補充左唔少平日少食嘅元素，大滿足啊，同另一半食到捧住肚子走😚😋…查看更多

Weekend與家人3位去食lunch，覺得呢間野無論食物質素同服務態度都與收費不乎！1）食物質素差！與家人點了兩份impossible burger及一份avocado salad，首先burger塊扒居然係燶到黑炭咁，仲要食到苦味！廚房用超厚嘅蛋黃醬想蓋過燶味，唔老實！再離譜嘅係麵包皮都可以煎到黑炭咁燶，收百幾蚊一個set唔會expect係呢個質素掛，比狗食仲差！另外，avocado salad居然牛油果都係變壞、黑嘅，平價蔬菜都無辦法用好少少嘅料，可見餐廳對食物質素完全無要求！過分！2）服務態度都係差！無book檯weekend去要等位，係預計之內。但係喺店員安排入座上，好有問題！店員不斷叫排後面幾組兩位的食客入座，直到排我地後面的食客全部都入哂座，先叫我地入座！等多左超過20分鐘。安排上唔係應該等到有3人檯叫左3位食客入先咩？另外，餐廳連蝶都無，隔離檯serve餐具係連蝶的，我地要問先有餐具，仲要無蝶，喺要求下，店員居然問我地小朋友碗用唔用！同家人歲數加埋都過百，會唔會係用小朋友餐具呀？店員毫無常識！3）價高、唔值餐廳聲稱有優惠啦，咁問店員有咩條件可以用，店員竟然答我自己睇條款！之後食完俾錢就識收加一！憑咩？講真3個人食個lunch近400蚊係值呢個質素咩？呢間餐廳簡直垃圾！再無下次！…查看更多