素之樂創意蔬食料理

一直帮衬开素之乐嘅午市点心，无试过私房菜，趁住中秋做节就会一会佢。🔸🔹🔸🔹🔸🔹🔸🔹🔸🔹🔸🔹🔸🔹Dinner Menu ($328 / person, 两位起)(精选拼盘) 酥香素鱼柳、凉拌篙笋、椒盐莲藕、凉拌彩蔬｜⭐⭐⭐⭐酥香素鱼柳 - 素鳗鱼炸得酥脆，上面沾左沙律酱，增添唔少滋味。凉拌篙笋 - 篙笋水嫩多汁，麻酱加埋芝麻粒，令到篙笋食落唔寡。椒盐莲藕 - 椒盐配所有野都无得输!凉拌彩蔬 - 普通冷盘，无乜特别。(汤品) 茶树菇炖汤｜⭐⭐⭐⭐好足料! 浓浓菌🍄‍🟫味!芦笋三文鱼米纸卷｜⭐⭐⭐估计芦笋唔当造，变左时蔬三文鱼米纸卷，d菜好新鲜，好fresh~清宫彩虹🌈卷｜⭐⭐⭐⭐⭐用腐皮卷住红萝卜丝🥕、篙笋丝同木耳丝，咬落去索索声，芡汁增添左腐皮个滑嫩程度，终于见到一道菜系有少少特色，有食私房菜嘅感觉啦!一叶酥｜⭐⭐⭐即系素春卷🫔，包D料唔多，加上点左葡汁，D汁抢晒D味，唔太食得出入面系咩馅。咕噜酸辣鸡｜⭐⭐⭐⭐食左D先发觉唔记得影相😂 菠萝🍍同素肉比例好好，大概1:3。食到呢度已经开始有D饱嘅感觉，呢个时候上一道酸酸甜甜嘅菜式去解腻，非常好。意式焗法包｜⭐⭐⭐⭐⭐好大件，好抵食! 但真系开始饱，轻轻浅尝一下试左个味就算。完全就系夏威夷风情🍕感觉，又系酸酸地甜甜地，帮手解一解腻。金汤杂菌蕃茄盅｜⭐⭐⭐原个蕃茄🍅酿满满嘅海鲜菇🍄‍🟫，配南瓜汤，味道不过不失。SOD酵素｜⭐⭐⭐⭐⭐酸酸地，唔识形容个味道，功能性一流👍🏻! 服务员话饮佢会帮手消化，饮左佢真系无咁滞，化到d胃气!日式炖饭｜⭐⭐⭐⭐⭐个样望落好普通，本来打算原个打包就算，但服务员强烈建议我地试少少先打包。一𢳂落去，原来内有干坤，炖饭藏左喺入面，有D蕃茄茸🍅、素肉酱等湿湿地嘅食材，配埋外面层白饭🍚，感觉啱啱好!鲜磨合桃露｜⭐⭐⭐奶味重左D，有D粉粉嘅感觉，似加左奶粉落去煮合桃露而唔系用鲜奶，唔够滑。🔸🔹🔸🔹🔸🔹🔸🔹🔸🔹🔸🔹🔸🔹整体感觉：食物以煎炸物为主，味道中上，惜创意同手工略为欠奉，唔太显现到私房菜嘅特色；但餐厅以价钱同份量搭救，只系本人重质多过重量😆。服务员态度殷勤。…查看更多

致各位关心饮食体验的朋友：近日在素之乐（香港北角渣华道56号胡日皆大厦）经历一次极不愉快的体验，实在不得不公开事件，让广大消费者知识餐厅的待客之道，以免更多人受害。是缘本人星期曰（14号）中午与朋友前往用膳，我们按时到达，并在指定时间点餐。然而最后一次食物刚刚送到卓上，不足五分钟，我们还未用膳完毕，餐厅职员竟以｛需要交枱｝为由，强烈要求我们立即离开，同时把餐具收起。更令人气愤的是，当时职员声称［外面有客人等这张枱］，但我们发现门外根本空无一人，完全无人轮候。这种明目张胆的谎言，纯粹是为了赶客而编制藉口，对顾客极度不尊重。此外，我们亦注意到餐厅的食物质素下降，与以往水准相差甚远。综合以上经历，该餐厅的服务态度可说是［差到无伦］—不但没有尽力为客人提供舒适的用餐体验，反而用欺骗和催促的方式对待顾客。我们原本期望享受一顿愉快的午餐，最终却在愤怒和失望中离开。因此，本人强烈呼吁各位如你重视用餐品质和合理对待，请避免光顾此餐厅！…查看更多

回顾返早前同一大班素食朋友嘅聚餐，今次拣咗北角嘅「素之乐创意蔬食料理」，亦系我最爱嘅素食饮茶酒楼，有冇「之一」呀？冇 😆（以下如冇讲明就系纯素）☘️我睇返我上次话佢哋肠粉系世界级㖞，上次食嘅系叉烧肠，今次试虾肠，个肠粉仍然系好高质，啲素虾又爽口。讲开虾当然唔少得虾饺，睇啲相都知有水准，胀卜卜咁，隔咗咁耐睇返都饿。😂 食厌咗传统口味肠粉，又可以试吓松露杂菌肠粉，菇味好香浓，唔使点太多豉油都好好味。有咩好得过食一笼好食嘅烧卖呢？就系食两笼喇 ✌🏻，仲要唔同口味，分别系鱼翅烧卖同松露烧卖（都系奶素）。鱼翅烧卖接近传统口味，黑松露 fans 就必试松露味啦。🍄满足完对点心嘅渴求，试吓啲小菜先。个炖汤好鲜味又足料，饮落感觉好滋补。蜜汁脆鳝我觉得必叫，其实系菇嚟，但食落真系几似鳝，非常有特色。👍🏻招牌糖醋咕噜（奶素，可改纯素）同黑醋猴头菇（奶素），简直系哈林同庾澄庆，好少一齐出现，今次竟然同框，真系好难得。咕噜肉口感好似真嘅版本，而且好爽口。另外嘅鱼香豆腐，属于「味来免治肉」系列，系结合咗鱼香茄子同麻婆豆腐于一身嘅创意料理。🌶️除咗嘢食好味，值得一赞呢度嘅员工服务超好，有去过食嘢嘅朋友都会知道啦。💚…查看更多

港岛区少有高质环境舒适CP值高的素食餐厅，一定会再帮衬，餐厅格离位置仲有好多款即食素食产品发售，素啲罐头午餐肉，即食素猪脚姜，素肉丸，素鱼旦价钱唔贵又多选择，可买返屋企再encore…查看更多

已经食过好多次，佢系私房菜模式，定期会转菜单。餐厅装修系靓及有令人好平静嘅感觉，最岩同朋友或家人倾偈。每次食都觉得食物好有心思好好食，即使唔系食开素食都会觉得好食。之前同亲戚去食，食肉兽亲戚都大赞好食及好饱，最后仲系外面嘅素食超市买几包冰鲜素食番屋企自己煮。自己最中意食佢嘅炸鱿鱼圈，南瓜汁波菜，大虾沙律同麻辣手撕鸡🤗而且店员全都十分有礼及热心，绝对推介畀大家的餐厅！…查看更多