紅雞冰廳 (富峰行)

約左舊同事出黎傾下偈，揀左K11附近的紅雞冰廳，貪佢晚上唔多人好易搵位。餐牌都幾多野揀，基本上飯/麵都跟熱餐飲，凍飲+$3，價錢好親民。⭐羅宋湯丹麥多士叫左份鐵板餐，個餐包埋餐湯同餐包，是晚個羅宋湯幾足料，不過個人就覺得鹹左少少。丹麥多士勁正，暖烘烘又重牛油，好好食😝⭐原條鰻魚蛋包飯同事叫左鰻魚飯，大大碟仲係原條鰻魚黎，上面嘅蛋超嫩滑，再加上甜甜地嘅鰻魚汁好正。⭐紐西蘭羊架鐵板餐自己就點左鐵板羊架，一上枱已經聞到香味，再張個蒜蓉醬倒落去，喳喳聲正呀😍羊架大大塊厚身，邊位有羊脂煎得好甘香，下層嘅薯角同紅蘿蔔仔吸左羊油好好食🤤個餐加$10可配意粉或白飯，勁飽呀。⭐炭燒豬頸肉配冬陰功撈麵仲叫左呢份出前一丁撈麵餐，比佢個冬蔭功吸引住🤤上面份豬頸肉燒得香口，丁麵有冬蔭功醬撈過酸酸辣辣，味道唔錯。仲有碗冬蔭功湯附送，碗湯都幾辣喎😝⭐凍檸檬利賓納 & ⭐奶茶紅豆冰 & ⭐凍檸茶餐飲轉左凍飲同特飲，紅豆奶茶夠香滑，檸茶茶底夠濃味，檸賓就淡左啲都ok嘅。食飽飽又傾下偈，寫意😆…查看更多

新開的一間冰室，全白色的裝潢，有點復古的氣息，主打的都是與蛋有關係的，更有鐵板餐，整體份量都不錯。厚切肉眼扒（１３６元）肉眼扒真的很大塊和厚的，叫了五成熟，切起來肉質柔軟多汁，帶點油脂香味，配上香濃惹味的黑胡椒汁，味道更香濃。不過要注意底下的鐵板在上桌後還會不斷加熱的，要吃快點，以免過熟了！配菜還有炸薯條在下面，還有烘得外脆內軟的牛油丹麥多士，整體不錯。蔥花叉燒炒蛋飯（６６元）份量很足，叉燒大大塊，用的都是半肥瘦叉燒，吃起來肉質嫩滑多汁。蔥花炒蛋滑嫩又有蛋香。加上甜甜的醬油，非常下飯。蔥油雞扒太陽蛋撈麵（６８元）賣相吸引，煎得剛好焦嫩的太陽蛋，吃前將蛋汁跟麵一起拌勻，味道會更濃厚。麵一開始就跟蔥油拌好了，再加上了新鮮的蔥油，味道更清爽，很惹味。雞扒煎得焦香，醃得很入味，肉質嫩滑。特餐—沙嗲牛肉出前一丁（５５元）這直接用上出前一丁不用額外加錢，好評！用的是麻油湯底，加上濃厚的沙嗲牛肉，吃前再加上麻油，令整體味道更濃郁，麵條滑嫩彈牙。而且還配有烘丹麥多汁和火腿奄列，份量不錯。…查看更多

最近落堂唔知去邊到食lunch就試左附近【紅雞冰廳】，主打鐵板同出前一丁早餐。鐵板什扒：鐵板超熱辣上枱，「滋滋聲」夠晒氣氛！基本有火腿、腸仔、煙肉，另揀咗肉眼扒同雞扒，配蒜茸汁～肉眼扒厚身有肉香，熟度剛好，嫩口唔韌！雞扒外皮煎到微脆，肉質滑溜！蒜茸汁香濃惹味，撈埋鐵板上的雜菜同薯仔食超夾～跟餐有羅宋湯，酸甜多料、丹麥多士，牛油香脆同菠蘿冰。焗菠蘿豬扒飯：豬扒超級大塊，茄汁炒飯底乾身夠鑊氣，面層芝士焗到金黃拉絲，加埋菠蘿粒酸甜解膩，邪惡又滿足！跟餐奶茶茶濃奶滑，港式風味無得輸～快餐A 肉醬意配雞扒 ：肉醬意粉醬汁濃郁，酸甜開胃；雞扒煎得香口，皮脆肉嫩，快餐來講份量足、味道穩陣。…查看更多

在尖沙咀，中午來到這裡食，這裡款式多，價錢親民，抵食夾大件！✨ 紐西蘭羊架個羊架一上枱就聞到香，羊架外層煎到金香焦脆，一刀切落去，裡面保持住誘人嘅粉紅色，肉汁多到瀉出來。完全冇羶味，得濃濃嘅羊油香，點埋個秘製洋蔥汁，甜絲絲咁同羊鮮味夾到絕，食完成塊都仲掛住陣餘香！仲有丹麥多士，羅宋湯也料多湯濃！🍜 泰式冬蔭公面配豬頸肉個湯底夠酸辣，好開胃，飲到底仲有淡淡香茅味。塊豬頸肉燒到邊位少少脆，份量都唔少，夾埋個麵一齊食，好滿足！😋 吉列西多配搭春卷：西多士炸到金黃色，外脆內軟，切開牛油即刻流入去，裡面夾住花生醬，好味！春卷餡料熱辣辣，脆口非常！· 鹵水雞翼配咖喱角：雞翼滷得好入味，食落好淋。咖喱角個皮酥化，入面咖喱薯仔餡香濃！🍴 扒面餐個瑞士雞翼滷得個色水好靚，甜甜哋，肉質好滑。出前一丁煮得啱啱好，好彈牙！🥤 紅豆冰的紅豆好多，同淡奶好夾。菠蘿冰就清新啲，食到啖啖菠蘿肉，解膩一流！…查看更多

今次推介呢類港式扒房嘅鐵板餐，一上檯個滋滋聲，啲醬汁喺鐵板度滾吓滾吓，聽覺同嗅覺都超級滿足！嗰種懷舊Feel真係冇得輸，係屬於香港人嘅浪漫！😎🍽️ 鐵板餐厚切肉眼扒：愛牛之人必點！厚切肉眼扒份量十足，熱到爆嘅鐵板一上檯，仲可以自己控制生熟度，夠晒彈性！肉質好有口感，配埋黑椒汁/蒜蓉汁，嗰種鹹香真係超正！🍽️ 鐵板餐雜扒：如果乜都想試啲，雜扒絕對係貪心之選！可以揀肉眼扒配雞扒，一次過滿足兩個願望！肉眼有肉味，雞扒嫩滑，煎到外皮微焦，一啖肉眼一啖雞扒💪🍞 丹麥多士：鐵板餐嘅靈魂配角！塊丹麥多士烘到金黃，牛油味香濃，烘得夠脆口，通常一邊等扒一邊就食晒！🥣 紅湯與中湯：餐湯可以任君選擇！想開胃少少就揀紅湯（羅宋湯），酸酸甜甜夠晒醒胃！…查看更多

紅雞冰廳（尖沙咀）裝修懷舊，氣氛超有Feel。門口見到佢哋招牌係多款傳統港式冰飲同甜品，例如絲襪奶茶、鴛鴦、凍檸茶，再加埋各式簡餐同小食，好適合下午茶或輕鬆聚會。價錢親民，感覺好地道，今日經過尖沙咀行完街可以去打吓卡 chill下。鐵板什扒有火腿、腸仔、煙肉組合，鹹香誘人，配合微焦鐵板香氣。 肉眼扒＋雞扒中肉眼扒多汁嫩滑，雞扒香嫩，配黑椒汁提味，香辣中帶胡椒香。 用左黑椒汁濃郁微辣，帶黑胡椒獨特香氣，令扒類更有層次。 羅宋湯酸甜番茄味重，帶豐富蔬菜香，開胃又暖胃。 丹麥多士外脆內軟，黃油香濃，甜甜鹹鹹平衡得好好。 配左意粉 簡單蒜香或番茄味，配扒好配搭。 奶茶絲襪奶茶香滑順口，茶味濃郁帶微淡甜，港式經典。焗菠蘿豬扒中豬扒香嫩，菠蘿微甜帶酸，焗得外層微焦，香氣撲鼻。 飯軟糯配扒類剛好中和濃味。 蔥花叉燒炒蛋飯中叉燒香甜唔膩，炒蛋嫩滑，蔥花提味，飯粒香軟。 完全係傳統港式冰室味道，味道豐富，份量足夠！…查看更多