紅豆烘焙 (華美大廈)

营业中

休息中

行完朗豪坊見到呢間麵包舖竟然有布甸麵包，一於入去買早餐。🔸拿破崙 $15每日新鮮製造，只限下午供應。口感香脆，充滿牛油香氣，加上大量核桃十分足料。呢個價錢好抵食。🔸紫菜肉鬆包 $12外表似日式醬油米果，賣相吸引。充滿肉鬆嘅鹹香同埋紫菜嘅鮮味。麵包非常重身好夠飽。🔸焦糖法式布丁麵包 $15麵包店有原味同埋焦糖味嘅布甸麵包。新鮮出爐當然最好味，但用焗爐或者氣炸鍋加熱之後，麵包口感香脆，布甸質地香滑，亦好有蛋香。

經過旺角，見到呢間餅舖有法式布丁麵包，麵包選擇都幾多，決定買番去試下。🍮焦糖布丁 $18有原味同焦糖，每日下晝三點出爐，賣完就無，我好好彩趕得切。返到屋企用焗爐輕微焗返熱佢就食得！布丁口感幼滑creamy，甜度適中，面層嘅焦糖香脆，添甜度之餘令口感更豐富。後悔無買多幾個，下次要再去！🥭水果泡芙 $18有兩款，藍莓同芒果，每個都好大隻。我要左芒果，泡芙皮香酥，厚度適中，唔會食到好dry。唧咗好多忌廉，奶油香配上清甜大粒嘅芒果好味。見藍莓嘅係藍莓忌廉，好似都唔錯。🍔豬柳蛋漢堡 $13買個漢堡包食，漢堡包皮鬆軟，入面有豬柳、煎蛋同芝士。最特別係加咗麻醬，配埋面頭啲芝麻，食落有陣陣芝麻香。豬柳口感紮實，鍾意嘅話可以自己整熱個包，令芝士微融，食落更鹹香。包嘅選擇幾多，而且都幾足料，做早餐唔錯。

紅豆烘焙 📌旺角焦糖布甸包 $15而家越黎越多餅店出布甸包，呢間除咗有原味，仲有焦糖布甸🍮即刻買黎試下。我覺得佢比起另一間出名嘅餅店做得更好。呢間嘅布甸包好大個，食一個已經夠飽，而且多啲布甸，麵包亦冇法式嗰隻咁硬。布甸唔會好甜，食到有蛋香，好出色。😆拿破崙 $15見到拿破崙新鮮整起，就買咗一盒試下。佢嘅酥皮好脆，中間唔係cream, 而係合桃蛋糕，有驚喜。🥰椰賓 $14屋企人好鍾意食椰賓，就買個俾佢地。呢個椰賓大大個，夠三個人食。而且好多椰絲，唔會痴牙或者太甜，麵包都好鬆軟。

旺角新麵包店紅豆烘焙 路過去食合發茶餐廳 見到旁邊開咗間新麵包店有賣 法式布甸包 都幾多人買 但唔使排隊 試試先.⭐️焦糖法式布甸包$18 原味$15拎上手 溫度係室溫😍表面有1塊焦糖 🤔但感覺係另外加一塊上去🤔同布甸包合唔埋 可以分開食👎🏻焦糖都幾硬 如果同個包一齊食 會影響口感👍🏻布甸好爆漿 👍🏻布甸幾滑身 甜度適中包底係偏硬法式麵包 但又唔會過硬.整體其實幾好食 建議點原味即可唔洗排隊 加分.（佢哋仲有個會員程式 新會員會送$5現金券）（但 登記完 等咗勁耐都未有現金卷 感覺有少少呃人登記 扣分）.#紅豆烘焙 (旺角)旺角上海街520A-522號華美大廈地下A2-A3號舖.⭐️評分：味道：4.5/5 好食 但想扣舊焦糖1分環境：-/5 外賣服務：-/5 垃圾會員app抵食：4/5

今日經過旺角「紅豆烘焙」，見到有大熱「法式布丁麵包」，而且仲有焦糖口味，即刻買返屋但同家人分享。呢間麵包店人流幾多，可能因為位置方便，而且款式種類都幾多，有傳統麵包店感覺，但又有新款麵包售賣。由下午3點開始有得賣，下午茶或放工去買都岩，而且會不停出爐，當日7點都仲有得賣。焦糖法式布丁麵包 $18面層焦糖仲保持香甜脆口，法式布丁口感軟滑細緻，蛋味濃厚，配法式麵包一齊食，中和膩感又夠飽肚，法包都做得質感鬆軟帶點咬口，呢個布丁配麵包的組合真係好味又創新。芒果泡夫 $15泡夫超大個好吸引，粒粒芒果肉都夠大粒，果香甜美，芒果甜中帶微酸，正好中和鮮忌廉的膩感，泡夫好鬆軟，內裡有大量香甜輕盈cream，好邪惡但忍唔住想食。拿破侖 $15比坊間大件好多，個餅皮好酥脆鬆化，nuts有咬口又香，蛋糕扎實唔膩，配少少cream個組合岩岩好，呢款係大人細路都鍾意。