紅豆烘焙 (華美大廈)

营业中

休息中

最近超級多人食布甸麵包，旺角呢間紅豆烘焙法式布甸麵包有雜誌報道過，最近都好多人排隊買，今日經過見到冇乜人排隊又啱啱新鮮出爐，即刻買返三隻味試吓先🤤🍞法式布甸麵包 $15 (9/10)麵包外脆內軟，燉蛋嘅比例比較多🤩燉蛋超嫩滑，咬開係流心㗎！味道好香濃雲呢拿味，都有蛋香，$15一個真係好抵食，好高質！🍞法式焦糖布甸麵包 $18 (10/10)麵包外脆內軟，燉蛋嘅比例比較多🤩燉蛋超嫩滑，咬開係流心㗎！味道好香濃雲呢拿味，都有蛋香！比起原味多咗一層香濃嘅焦糖，令到成個麵包升華到另一個層次，更香甜更香濃😆個人覺得呢個最好食！🍞法式朱古力布甸麵包 $18 (7.5/10)朱古力布甸有超級香濃朱古力味，唔會太甜，鍾意朱古力嘅話就會好鍾意，但可能朱古力太濃蓋過咗蛋香，個人覺得另外兩種好食好多！推薦指數: 9/10真心好高質抵食好食嘅法式布甸麵包，平民價錢，高級質素🤤經過唔使排隊一定再買！

布甸麵包自己製不如買嚟食，呢間見到有幾款口味選擇👍🏻第一次買咗原味和朱古力味朱古力味都幾濃朱古力香味，但又唔會好甜，布甸口感唔錯，麵包又唔會好un 👍🏻原味好香蛋味，比朱古力會甜少少，但都好食😋

紅豆烘焙 (旺角) 📍旺角上海街520A-522號華美大廈地下A2-A3號舖今日黎到旺角staycation 🏨行到朗豪坊旁邊發現有間餅店賣緊大熱爆紅「法式布甸麵包」，每日準時三點出爐，人群蜂擁而至。不過計番始祖都係油麻地嘉多利餅屋，但其布甸麵包🥯經常沽清，賣完即止。「紅豆烘焙🥯」由傳統中式麵包至新穎西餅，共有三間分店，分別位於佐敦、太子、及旺角。布甸麵包有三個口味可以簡： 原味（HKD 15) 、 焦糖（HKD 18)、 朱古力🍫（HKD 18)。🍮原味布甸麵包（HKD 15): Concept 有點似農夫包，用上法包做底，新鮮出爐，熱辣辣，法包食落更加酥脆，中心是濃郁嫩滑，入口即化布甸餡，法包內則吸滿布甸蛋液，比較濕潤，咬落好有層次，一定要趁熱食，如果吾係法包變硬就難咬。🍫朱古力味布甸麵包（HKD18): 朱古力比原味更突出，甚至因其朱古力濃郁苦味降低甜度，中和了膩感，唯掩蓋蛋味，值得一讚是流心程度剛剛好，蛋漿溢出。總結：希望之後會再出更多口味值得一試#旺角#紅豆烘焙#原味布甸麵包🥯#朱古力布甸麵包#爆紅#大熱#新鮮出爐#流心#濃郁朱古力🍫

🐱紅豆烘焙 (旺角)🍞好想食布甸包，但嘉多娜4點半先出爐，就行左黎呢間都出名既紅豆烘焙。其實自布甸包爆紅之後都唔少餅舖會出布甸包，點都無原創咁正嫁啦，不過想食既時候有就已經好好🥳🐒布丁麵包(原味)💰$15新鮮出爐既時候去買，佢聲稱係燉蛋味，所以都似係平時嘅蛋撻漿再加少少cream嘅味，色水都似蛋撻入面既蛋漿🍮。🐒 布丁麵包(朱古力味)💰$18呢款係佢自創既味道，見佢顏色都深，以為會好濃郁，結果就係普通嘅朱古力味，似係用粉沖出嚟嗰種朱古力嘢飲味😂都少少失望。一句講晒，頂下癮可以，雪凍食口味更佳😆

🍴 排隊麵包布甸 每日15:00出爐 🍮繼上月試過嘉多利後，對麵包布甸產生好感。這次再來試試紅豆烘焙的出品。平日15:00路經上海街，看到店外已排了接近20人，心想還應該買得到便碰碰運氣。明明看到店舖已經開賣，但客人的流動速度比較慢，大概等候了30多分鐘左右才買到麵包布丁。這間烘焙店有原味、焦糖味和朱古力布甸販賣，一於3款都試試。這次購買3款麵包布甸回家，麵包在未加熱前拍攝，明顯看得出麵包外觀已回潮，變得軟身煙靭。筆者知道加熱後進食會較美味，所以經氣炸爐加熱，以180度加熱4分鐘。3款麵包外層變得香脆可口，脆身的法包外層味道還不錯，但須注意要趁熱進食，否則麵包又會變回煙煙韌韌的感覺。🍮 原味麵包布甸 $15/個原味是3款口味中較似Crème brûlée質地的，布甸尚算滑溜，牛奶味亦算香濃，但麵包外皮較厚身，尤以麵包底部更厚身。整體蛋漿的部分少，令整體味道大打折扣。所以味道與質感方面「嘉多利」的皮薄、蛋漿多、味道微甜富蛋香是完勝的。🍮 焦糖味麵包布甸 $18/個焦糖味比原味貴$3 ，麵包布甸經過加熱後焦糖仍然是一整片在布甸上，用匙羹微微一敲還是有噹噹的聲響。焦糖與蛋漿是完全分離的，並沒

近期大熱的法式布丁🍮麵包，今次買到原味同朱古力味，兩個都好味，但我個人比較鍾意原味，布甸夠滑，賣相吸引，有啲似蛋撻，法包本身也偏硬，加上可能拎到返屋企先食，放耐咗個包有少少韌比較難咬，但整體而言不錯，希望下次可以買到焦糖味，如果可以等到新鮮出爐立即食，應該會仲好味😋#布甸#包#布丁#🍮#大熱#麵包店#bread#パン#プリン#pudding#旺角#蛋#🥚#チョコレート#朱古力#人氣#甜品#飯後甜品

之前睇到好多介紹講呢間布甸包，今日咁岩經開就黎試試啦估唔到已經排緊隊，既然黎到又唔趕時間就排一排啦！原來布甸包有三個味，有原味，焦糖同埋朱古力好可惜焦糖已經賣哂，最後唯有買 2 個原味再加一個芒果泡芺啦而家疫情嚴重就拎返屋企先食，返去用微波爐叮一叮先食個布丁好滑，雞蛋味都幾香，味道都唔錯另外芒果泡芺個Cream都幾香幾滑，芒果肉都幾多！呢間餅店仲有好多唔同類型嘅麵包同埋西餅，下次經開嘅時候要試吓其他嘢先

去開朗豪坊嗰頭經過紅豆烘焙，記得呢度有做人氣嘅布丁麵包，仲要有3款唔同嘅口味！望一望錶都差唔多到出爐時間，梗係唔執輸去排隊，掃晒3隻味返去試！🤪🥖 布丁麵包💯 評分：🌕🌕🌕🌕🌕 (5/5)💭 法式麵包外殼鬆脆煙韌，吸滿布丁漿甜到入心！強烈建議大家一定要叮返熱嚟食，整體唔單止會香好多，布丁內餡仲要超級流心！😍🍮 原味 $15💬 布丁嘅蛋香味非常濃厚，味道控制得恰到好處，食落甜而不膩，細細一個已經勁滿足！😋🍯 焦糖 $18💬 多咗一層厚厚嘅焦糖皮喺面頭，脆卜卜咁焦香味非常吸引，口感嘅層次又變得更加豐富！🤩🍫 朱古力 $18💬 朱古力味超級濃郁，仲食到微微嘅可可豆香，滑嘟嘟嘅口感入口即溶，幸福感爆晒燈！🤤

美味的泡芙仲有布丁麵包💕💕見到勁多人排隊上網都好多人推介話又平又抵法式麵包布甸 $15一個呢個價錢又真係唔貴想食下焦糖口味不過已經冇熱，一定要返去加熱法包外層好脆，滑嫩布丁🍮唔會太甜呀😆芒果泡芙 、士多啤梨泡芙＄18佢哋嘅泡芙真係好吸引芒果泡芙，大大嚿而且甜最驚食到又酸又唔好味嘅芒果🥭不過人真係好多，如果要去嘅話可能平日會好啲排隊大概15分鐘左右就可以外層超級酥脆，士多啤梨嘅款式一樣好大好足料

🥖朱古力布甸包 💵18🍀🍀🍀🍀🍀🍀🍀🍀🍀 外面以碗型形狀既包裝住朱古力布甸，外面既口感似法包，包既邊位脆脆但比較硬，底部位置較軟啲🥖，入面係好大個朱古力流心布甸，不過朱古力係普通一般朱古力🍫味，無咩特別～🌼🌼🌼🌼🌼🌼🌼🌼🌼🌼☀️整體而言，頭大一直想試紅豆烘焙既原味布甸,每下午15:00就開始出爐，通常好快賣晒🥲，難得岩時機去買，但唔夠人地姨姨快手😂比姨姨一野買晒剩低既原味同焦糖🥲得返朱古力🍫，頭大一試，覺得朱古力無想像中好食🥲🥲可能原味真係好好食，唔係都唔會咁搶手，希望下次有機會試到，btw,頭大覺得個價錢都算合理，有咁大個布甸包～

紅豆烘焙🥯🍞終於品嚐最近大熱既布丁麵包😍大約五點去到 等候最後一批新鮮岀爐既麵包布丁✨有三種口味(原味、朱古力、焦糖) ٩(˃̶͈̀௰˂̶͈́)و 我去到只有原味同朱古力 大家要碰碰運氣呀(≧∇≦) 都幾多人排隊🤎法式布丁麵包 ($15)味道偏甜 比起說蛋漿味濃 香濃既奶皇味形容得更為貼切✨食食下好似食梗奶皇包(｡･ω･｡)🤎朱古力布丁麵包 ($18)意外驚喜✨比原味更好吃 朱古力布丁濃郁得黎又唔會太甜 整體來講兩款麵包外皮都好鬆脆(>^ω^<) 同埋幾香滑 朱古力流心既效果更為明顯🥰推薦推薦！！！下次經過既話會想試下店內既𝐡𝐚𝐧𝐝𝐦𝐚𝐝𝐞曲奇🍪🍪🍪見到有斑蘭味😋相當吸引！

〰️ 焦糖法式麵包布甸 $18佢應該係參考crème brûlée嘅做法係原味麵包布甸上撒上砂糖再用火槍燒過所以就比原味嘅多上一小塊焦糖脆片🤣今次有特別用氣炸鍋稍稍加熱加熱之後法包外層好脆 中間帶少少煙靭口感今次食就覺得但個法包食落進步咗而中間個布甸質感都比上次滑嫩好多食落creamy之餘帶蛋香 甜度剛好今次麵包同埋布甸嘅比例都控制得好好〰️ 古法拿破崙 $15另外仲比佢哋嘅拿破崙同芒果泡芙吸引到一直都好想試古法拿破崙 估唔到喺呢度見到拿破崙嘅外層超級酥脆 中間夾住合桃蛋糕 喜歡!〰️ 芒果泡芙 $18另外芒果泡芙就係俾佢嘅份量吸引到個泡芙真係好大好足料 都只係$18 抵!😛

之前喺網上見到見到一直都想去試，今日星期六三點去到已經係排到成條街咁長，到最後大概排咗半個鐘左右買到買咗朱古力原味同埋焦糖味覺得都係原味好食啲。有啲可惜嘅係朱古力味拎到返屋企已經係倒到成個盒都係 其他都比較正常，可能係佢朱古力味新出爐未成形

不時都見到有人係IG post係中式麵包舖的布丁麵包，見個樣非常吸引。上網 check一check，見到旺角朗豪坊旁邊原來都有間餅店有賣布丁麵包，出爐時間為每日下午三點。三點去到已經見大家排隊買布丁麵包，大家唔好係門口排隊住，記住入去比錢拎單先排隊。布丁麵包有三個味可以揀：原味($15)、焦糖味($18)、朱古力味($18)。大家比完錢，就可以拎埋張單出門口排隊。我三點到，已經係門口排長龍。布丁麵包一邊賣、一邊陸續出爐，每一個包都係暖暖的。焦糖布丁麵包係我的Best Pick！滑滑的雞蛋布丁上面放了甜甜脆糖，佢的焦糖汁滲入麵包，真係好好食。如果唔太鍾意甜的，其實可以試原味，佢只係焦糖味走甜，朱古力布丁同樣滑溜溜，朱古力味都幾香，甚至蓋過雞蛋味。呢個布丁麵包絶對值得試，布甸口感嫩滑，麵包唔會太硬。比起買Cafe蛋糕做，買呢個做甜品更好食！==============================我係一個愛寫字愛分享的吃貨！如果鍾意我分享的，我邀請您訂閲我的食評，我會繼續與大家繼續發掘有咩CP高的冰糧！(敬禮)

#紅豆烘焙 成日見到其他foodie食嘉多娜個布丁麵包🥯好想試但因為要排隊所以懶得去🤣🤣而旺角又有另一間舖頭都有賣呢種布丁包，今日咁啱喺佢出爐既時間經過就有得食啦🤪🤪一定要叫焦糖燉蛋布丁味包，最好味👍🏼👍🏼$18一個，朱古力味都係，原味就$15❤️仲要啱啱焗起好新鮮，都好多人等職員建議我地手捧住拎走，因為驚倒瀉，結果最後行下chok下，塊焦糖真係插咗落去🤣🤣🤣唔緊要！味道唔會影響到，不過塊焦糖硬咗少少，我咬唔開，結果搞到倒瀉咗d蛋漿落自己隻手，燙到我😫😫個包係外脆內軟，入面既包索左啲蛋漿更加香軟☺️☺️真係食過返尋味，食完想再買添🤣📍 紅豆烘焙 (旺角)旺角上海街520A-522號華美大廈地下A2-A3號舖