紅螞蟻

其實一直都聽過紅螞蟻所以噤岩經過就試吓😄食物種類繁多，都係一個不錯既選擇🙂我地差五多21:00去所以五洗排隊🤣店員十分有禮，呢個真係值得一讚👍扳燒加拿大黑毛豬柳定食🌟黑毛豬柳煎得岩好加上燒汁都幾好食，但可惜得三塊比較少。。。極品牛魔王米線🌟有鮮牛肉，牛筋丸，牛柏葉，牛腩,最好味都係鮮牛肉，其餘都較一般，湯底幾正係我鍾意嘅湯底🙂但略嫌比較淡濃郁d會較好！份量比較大好飽肚整體來講我覺得可以一試，希望可以提升質素👍…查看更多

一連三日嘅假期前夕…簡直進入了 holiday mood，一早已和同事傾緊中午食乜左傾右傾，最後揀左食呢間！其實都好耐無嚟了，因爲由扮工室嚟係必需要揸車才到！一行三人不用等位就可入座，我即時睇 menu，好快就揀左黑椒鷄排米粉配椰香辣湯底雞排煎得剛好，雞皮已去大半，不油～配上爽口米粉…好食，唯一不足係湯底無乜辣味！另一位同事就揀左咖喱雜菜飯因爲她是食齋的，所以就決定食呢個！睇下啲咖喱雜菜種類繁多：有翠玉瓜，節瓜，豆角，椰菜，西蘭花，煎蛋真係制作認真！另一位同事真係諗左幾耐下，卒之揀左鮮茄焗豬飯雖然要等耐少少，但睇下啲豬扒厚度適中，鮮茄味濃，肉質淋，熱辣辣午餐種類真係多，食齋食肉亦都可！…查看更多

星期六嘅v city係非常之多人!一間餐廳基本上都要排好耐隊，我哋行嚟行去都唔知食咩好見到紅螞蟻唔使排隊就睇下個menu有咩食，好似好多選擇於是就坐低咗 打開個menu好多選擇，我哋今日想食意大利粉，於是叫咗一個冬陰功意大利粉+一個素食雜菇意粉 🍜可以加錢跟餐就會有湯有餐包同埋一杯飲品 🍹落單之後冇幾耐冬陰功意大利粉就到喇!我食咗一啖，相當有冬陰功味。都唔係傳說中咁差但係我叫嘅素食雜菇意粉就等咗好耐!!!個冬陰功幾乎完全食曬素食意粉先至嚟到但係仲差過冬陰功意粉🤧🤧🤧…查看更多

放假去屯門行下行街前去左『紅螞蟻』食下午茶三點半左右去到唔洗等位仲有卡位坐添～『紅螞蟻』個環境都幾舒服唔太嘈雜座位舒適、乾淨，幾好坐👍🏼下午茶選擇多價錢都合理我地叫左「黃金雞髀伴日式薯仔沙律」同「香辣鮮茄茸煙肉燴長通粉」雞髀一上枱勁香，真係好黃金，不過都好多油係底炸到層皮好脆肉質好嫩薯仔沙律份量唔多面頭舖左啲蟹籽食落口感好豐富好有層次不過墊底嘅沙律菜就差左少少完全無調味而家望落好乾身好似擺左好耐咁⋯⋯長通粉略嫌偏軟身不過辣味好出，味道唔錯！…查看更多

已經唔知第幾次，行開屯門嘅V city，就會去紅螞蟻度食個下午茶，因為佢啲下午茶都幾抵食，而且都幾多款揀，有湯麵、西式野、小食等，環境又舒服，冇乜人可以坐低傾吓計今日又同老公去咗啦，老公叫咗個梅菜豬手喇沙湯底髮絲麵，哩兩種味出奇地夾同好食，佢好快就食哂啦而我自己就叫咗個三文魚法包拼薯條，冇諗過份量都幾多，個法包有3-4塊煙三文魚，仲有生菜蕃茄等材料，而且個包好香脆可口，配埋薯條真係唔錯架，價錢都唔算太貴…查看更多

間野又貴，同超難食，嗌完野，湯都未飲就一次過上哂所有野，黑名單，最近3年食過最難食既野嗌左冬陰公海鮮意粉，味道又腥，酸得黎完全唔似冬陰公味蔥鴨烤餅，黎到貌相0分，一條蔥都無，個餅琳到唔知食咩不知所謂…查看更多

紅螞蟻只剩下屯門和九龍灣兩間，一家人一齊黎到VCITY食個tea就試下紅螞蟻，下午茶餐大約$45-55，包熱飲，中等價錢，算是vcity的平價之選。叫了一個黃金雞脾配薯仔沙律，味道不錯，以為黃金雞脾是炸，並不，雞脾肉質柔嫩，不太老，薯仔沙律調配恰怡，可惜份量偏少，一小球，所以看起來有點空虛...另外，也點了蜜汁豬軟骨米線，可算是沒甚麼特別，有少少咸，這個價錢可以在外面試到更好的，除了粉麵外，其他下午茶餐都可一試…查看更多

銀雪魚焗飯，真係得兩塊好薄嘅銀雪魚同一個炒飯底，乜配菜都冇。炒飯本身已經多油，再加上魚嘅油脂， 口感十分之油膩。 個飯又焗到乾哂，好似食緊生米一樣。 咁簡單嘅焗飯都可以整到咁難食，功力真係唔惹少。…查看更多

夜晚啲服務員無禮貌，講野無聲又無氣。嗌左個焗飯同牛扒，塊排叫左佢七成熟既，我唔食太過生，煮到岀黎塊扒得三成熟，又生又多筋，成兩舊水。去茶餐廳食無咁嬲，本身就係想坐得舒服啲，食物質素好少少，點知錯哂…查看更多

講真...我無食過呢間野...見呢間唔洗等位..而餐牌既相又幾吸引就入去試下點知真係大大大中伏！我叫左個「照燒安格斯牛脷定食」睇個餐牌張相都唔錯啦就算點「相片只供參考」都唔會太大出入吧我真係火都黎囉...呢個咁既野咩黎嫁！整熟左就算咁囉咁就$96仲要加一！🙄😡真係唔會再有下一次！同張相真係太大出入掛...🙄🙄兩塊牛脷...白飯...啲啲配菜...再加個汁菜記仲高質素過佢多多聲啦😤😤😤😤…查看更多

嗌咗個lunch蜜汁豬扒飯，上菜時呆咗，完全冇任何汁，得個炒飯底上面幾舊豬扒，乾啃啲飯，食完一度懷疑佢係咪漏咗俾個汁我，盛惠55蚊，真係寧願捱餓都唔會食，冇下次應該…查看更多

星期五晚去屯門市中心行街，去咗vcity 的紅螞蟻餐廳食晚飯。叫咗一個拼盆，卡邦尼意粉，銀雪魚焗飯，蒜蓉波菜同一個兒童餐。兒童餐先上，我女見到勁開心，因為感覺很豐富，有jelly 糖，肉醬意粉，腸仔，薯條雞翼同一杯橙汁。卡邦尼意粉，拼盆同個蒜蓉菜味道唔錯埋單四百幾，感覺係非常超值，每碟食物份量都很足，而且味道都ok! 特別係個拼盆，春卷，炸尤魚D炸物係脆架。反而個銀雪魚焗飯就一般，略欠D汁唔夠，銀雪魚好食，但食完條魚後就好似食白飯咁，如果多返少少汁會好好多。…查看更多

今日黎到屯門工作，做完都差唔多4點幾，之後就去左V city商場度食下午茶。個度有好多食店，有日本菜，新加坡菜，pizzaexpress，雪糕甜品等等，應有盡有。但我自己就去左紅螞蟻度食，因為係好耐之前係銅鑼灣度食過一次晚飯，覺得好好味，但之後食店搬遷就無再食過。 我今次叫左鮮忌廉汁菠菜雞絲燴長通粉(HKD 46)，餐飲就叫左熱檸檬(不用加錢)。 個忌廉汁好香濃，菠菜又唔老，而且仲有沙律菜伴碟，非常健康。雞絲就味道不過不失，長通粉既分量都唔少。 服務員既態度唔錯，不收加一，食物味道都算幾好，環境又舒服，抵食!…查看更多

今日又一家四口出動，行街行到咁上下想搵地方坐下食下野，見到呢間門口餐牌有甜品食，於是入去試吓下午茶都幾多選擇，但係我哋只係食少少，就叫咗兩款拼盤下午茶拼盤-沙嗲串燒雞肉:雞肉都幾大粒，沙嗲味都OK-炸洋蔥圈: 雖然係熱既但林咗啲-原味牛乳布甸: 唔係好甜，我like，但老公覺得太淡，話普通牛奶都甜到佢-三文魚生菜三文治: 呢個有d驚喜，幾好食甜品拼盤-冧酒芭菲:冧酒味太勁，食唔晒😅-法式燉蛋芝士餅: 就係硬啲嘅法式燉蛋+芝士餅底，不過味道其實係幾好食-原味牛乳布甸: 同上面個拼盤一樣其實整體都OK嘅，價錢仲包埋嘢飲，可以舒舒服服坐低傾吓計。…查看更多

lunch 行唔遠， 但係選擇都有好幾個， 選擇紅螞蟻係因為佢嘅是日午餐， 必然都會有一個素食選擇， 但好幾次撞口撞面， 都係呢個依雲士素雞意粉。其實唔知道依雲士汁係乜嘢， 不過應該係花生醬做底， 味道再加少少酸味， 而素雞應該係麵筋做嘅， 反而感覺有啲滯。 所以如果素食選擇嘅話， 寧願係多啲雜菌呀多啲菜， 感覺再 fresh 一啲，清淡啲。另外， 相比起依雲士汁， 芝士汁會在香啲惹味啲。茶底唔算話太好飲， 冇足夠嘅回甘味以及層次。…查看更多