紅茶冰室

今次試咗「韓式醬燒牛柳配焗薯沙律」，配餐有羅宋湯。羅宋湯味道偏淡，材料唔算多，飲落冇乜特別。主菜牛柳好腍，口感唔錯，但味道唔太似韓式，冇預期中嘅辣味或甜辣醬香，不過整體感覺都算良好。焗薯係成餐最滿意嘅部分，香氣十足，外皮微脆，入面鬆軟，食落好味。沙律就比較普通，材料有生菜、蕃茄、青瓜，沙律醬落得太多，食落有啲膩，如果可以選擇另上會更好，咁就可以自己調節，食得清新啲。整體份量適中，價錢都算合理，屬於茶餐廳中等價位。環境乾淨，職員有禮貌，服務快。雖然味道未算突出，但都係一餐舒服嘅。…查看更多

昨晚在沙田試咗紅茶晚餐，份量多，而且質素很好。所以今天去開荃灣，同朋友講紅茶真的不錯，就選了荃灣這家，我去的時候差不多12點，我開口問有沒有三位，門口職員呼喝我們去一張卡位，只放低一杯熱，職員態度很差，餐湯完全不熱，還鹹到不得了，凍檸茶唔夠冰！…查看更多

黎到荃灣行完拉野食,lunch可以簡單啲食之下見到紅茶唔駛排就入去食，食物質素還可以吧不過不失，點左個特餐，沙爹牛麵，多士炒滑蛋，凍檸檬茶。沙爹牛麵，普通味道不過麵唔係太林，所以口感ok既，沙爹牛只知食緊肉，香港食牛普遍無咩牛肉味。多士炒滑蛋，正常味道。滑蛋只係蛋味唔夠濃，整體可以勉強接受。凍檸檬茶，茶底ok 。服務方面，態度算正常，比起其他分店叫好，試過其他分店食完一次就唔再去，不過態度正常只係今次經歷。。。。總結。。。咁岩見到唔駛排所以就食左個特餐。…查看更多

客人係要俾錢食嘢，好食又點丫，個個員工都態度咁差，唔怪之得香港啲食肆會執笠，態度都係好重要，每次去買親都要受氣，俾錢又受氣嗌嘢食又受氣做得咁辛苦唔好做啦，依家紅茶比員工害死…查看更多

本身有條頭髮 叫佢換過碗個經理走過嚟同我講係牛毛 啲態度仲要勁西傻嘅都知係頭髮嚟㗎啦咁明顯好啦都唔緊要啦 之後食食吓 有隻唔知浸咗幾耐嘅曱甴喺入邊 之後個經理啲態度先好啲 即刻講返唔好意思 送咗兩隻蛋撻 但我覺得冇乜用 曱甴咁多細菌 依家最驚食完有事Cls餐廳 冇咩真係唔好去嗰度食 第一次就中伏🤢…查看更多

食奄列一口蛋殼，再上沙爹牛肉麵，放在枱邊位，我問侍應可唔可以放好少少，佢推入少少，態度好串問我咁樣好唔好，真係無下次，請埋一班唔知咩人！走時有同收銀阿姐講，都係無回應，無表情！…查看更多

首次在大窩口分店吃，觉得食物/環境还OK，侍應生还算禮貌。这次特意來荃灣西分店吃，同样点了咖哩香煎豬扒飯加一份常餐，味道一样OK，米飯嘛沒那麼香，且口感很粗，要不是有咖哩蓋上來吃，可難吃。碰巧蛋韃出炉，看蛋颜色跟平時的略橙黃色，好奇试试，牛油皮沒有牛油香，但質感做得不錯，可惜! 蛋爆色可能來自内地某雞蛋？不肯定，因為完全沒有蛋香味。最後，这店的餐具比較髒，個別女侍應沒禮貌(送餐即那位)。…查看更多

晚餐，吃了一頓簡單嘅冰室，就係嚟咗食紅茶冰室，呢一間係我琴日食過嘅國內social media網紅餐廳，不過今日去到荃灣，就多番好多本地人去食飯啦，可能因為係區域嘅關係，荃灣一個多本地人食。今日食咗佢哋嘅咖喱飯啊，佢哋嘅咖喱味道好好，辣到唔算太辣，但係又好香濃嘅咖喱味，汁嘅份量都好多，撈飯嘅話一定足夠份量，佢仲有一啲嘅薯仔，薯仔加咖喱絕對係一個美妙嘅配搭，最後佢哋嘅牛腩都好好食，咖喱牛腩薯仔係一個完美嘅組合。好好食呀。…查看更多

紅茶冰室嘅楊州炒飯同咖喱薯仔雞扒焗飯整體嚟講算係中規中矩，無乜特別亮點但都對得住價錢。楊州炒飯嘅飯粒分明，但鍋氣稍嫌不足，雖然用料齊全，有叉燒、蝦仁同蛋，但味道偏淡，未能突出炒飯應有嘅香氣。不過，飯嘅口感尚算唔錯，唔會太油膩，算係一碟穩陣嘅選擇。 咖喱薯仔雞扒焗飯方面，咖喱汁味道濃郁，但偏向單一，少咗啲層次感。雞扒煎得外皮香脆，但肉質稍嫌乾口，配埋咖喱汁勉強中和咗啲乾澀感。薯仔煮得幾腍，但冇特別突出嘅味道，芝士焗面雖然有香氣，但冇達到拉絲嘅效果，略嫌普通。 餐廳環境算係乾淨整齊，服務態度尚可，價錢合理。不過如果對港式炒飯同焗飯有高要求嘅話，就可以食下其他，但作為一餐簡單飯嚟講都算過得去。…查看更多

日本朋友來到香港話要試下西多士，我就推介佢一試網紅排隊排半個鐘嘅紅茶冰室，我哋今日揀咗荃灣享和街呢間紅茶冰室，坐車去到荃灣西站(A出口)，沿住荃灣廣場一直行，去到享和街附近問人冰室起邊，街坊都會話你知位置，易搵，行7分鐘就到，好方便丫。流心芝士西多士絕對是紅茶冰室的招牌菜， 西多士外層金黃酥脆，內部柔軟濕潤，加上芝士嘅流心效果，每一口都充滿了濃鬱嘅芝士香味&豐富的口感層次。 茶走嘅茶膽香濃不澀，配上煉奶使口感更加濃郁細膩，讓奶茶的味道更加醇厚絲滑。 無論是搭配美食還是單獨品嚐，都能感受到它獨特的魅力。…查看更多

兩人入店叫我地坐四人位，但要我地排排坐唔可以對住坐，我地講明想對坐搭枱都無問題，個男人話對坐位俾人坐咗叫我地坐住先，我地見根本無人隊排，而且見到有四人位都係得兩人對住坐，就想對坐先，真係有客咪調坐返囉，點知一想調位就好似犯咗事咁，有個紅髮女人埋嚟鬧呢邊有人架，我地起身人問，人呢 ? 外面又冇人排隊張枱得我地兩個，佢冇嘢好講，我話：咁我地對坐住先得唔得 ? 個男人返嚟話，咁你地出門口等孖位啦。我企係門口睇住入面有坐冇人坐，有四人枱兩人對住坐，自己仲係好似乞咁十幾度係門外吹風，結果企咗5秒就吹醒，我又唔係嚟乞食，人地根本唔憂做當你乞衣仲入去咩，食第間好過，以後唔駛嚟。我知間間店都有自己規矩，可能老闆指示要咁做，但伙計果種不可一世嘅態度語氣差到唔只唔當客係客，直頭唔當客係人，一句唔好意思，麻煩你等陣先都冇，而且態度同喝狗冇分別，真係慘過乞食攞救濟。…查看更多

紅茶對客係零友善態度一早已知。去買個麵包拎走咁簡單都要嘈，仲嘈到收唔到口。我走入店收銀機錢俾錢買包，直接叫我行番出街。仲口口聲聲話從來無試過在收銀機收過買麵包錢。你紅茶職員點都岩晒，有次堂食在收銀機前俾錢連企左企右都喝住客人做，禮貌當然無，講野全部無尾音。俾錢你做生意仲要個客遷就埋你點企。如果有咁多強制性收錢要求，勞煩 貴店清楚列明，唔好埋位俾錢你就隨職員個人喜好呼呼喝喝、指指點點。同最初在大窩口開店果間差天共地。職員完全得閒無事做撩交嗌。從來無聽過哩間紅茶職員講「唔該」、「多謝」。上次堂食已一落千丈，叫個午餐仲差過兩餸飯店舖，紅茶既飯最多只能勉強稱微暖，個餸只室溫，差到不能想像。…查看更多

好耐前去過一次已覺服務態度差唔憂做咁，諗住隔咁耐去食吓啦，点知執枱倒瀉成杯水，搞到衫和衭也濕埋，那位阿姐好敷衍講唔好意思就行開，完全冇理客人有乜需要協助，起碼說聲對唔住卦，向經理投訴又係懶理你!!…查看更多

今晚行過荃灣紅茶冰室見佢晚餐有T骨牛扒 入去食下叫左個T骨牛扒意粉，牛扒煎到有啲焦香 咬落有油脂香，但牛肉口感有啲淋 有啲位有啲靭 但味道唔錯 。意粉就比較硬身啲係我鍾意既 配上少少蒜蓉醬，正！另外叫左個波蘿油，波蘿包既香味好吸引同埋牛油黎到仲未融哂，咬落去係一種幸福感 。總括來講，紅茶冰室既T骨牛扒意粉同波蘿油都值得一試無論係味道定係份量，都滿意下次一定會再食…查看更多

垃圾餐廳養垃圾員工， 同 waiter 投訴食物有問題又藉口多多話全世界都係咁，服務差態度又唔好，價錢又唔係平，野又唔好食， 炒河粉唔係炒係撈啲芡汁落去， 肉絲炒麵就濕嘅， 完全唔入得口。…查看更多