紅米

係深水埗搵食幾乎都會食依間，係又平又好食嘅明智選擇呢日去到餐牌都係焗飯同蛋包飯，我同朋友就兩樣都嗌咗雖然位有啲迫，有啲冷氣機仲好似滴水，但勝在夠平，夠晒平民又高質，所以都無所謂。如果食晚飯就會多人，所以大概六點幾七點幾食就比較好。我食嘅係蛋包飯隻蛋幾滑幾嫩，個飯就係茄汁炒飯底，幾香口，不過個茄汁有啲濃，食到三份二左右，就會有啲利嘅感覺。個雞扒到一樣野去剪得幾好但係味道都係重左啲食耐左都係利嘅感覺，不過整體性價比真係好高，深水埗區係冇得頂嘅。個焗豬扒飯都係幾正，面頭鋪左好多芝士，啲汁又夠多，仲係炒飯底，食落好開胃🤤不過都係果句，啲着豬扒比較鹹，食耐左會覺得太濃味啦～但係可能系因為我平時食得比較清淡嘅原因，大家可能會反而覺得味道啱啱好都唔頂😂…查看更多

行過見到，諗住試下呢間餐廳，點知…叫了牛扒，又硬又難食，吖媽配珍珠米好似食膠飯甘，不過算了，幾十蚊的貨色不能要求太多。明明得小貓三四個客人，到我配左個意粉到就快食完，都可以唔記得記得上比我，催又催左，最後覺得算了，已經覺得難食到食唔落。而且，我都食過甘難食既檸蜜雞翅…個味道完全唔夾…，而且一陣油膩味，都唔知循環用左幾耐。最最最不滿的是他們的服務態度真系超差，一班mk女侍應都唔知有無心做生意既…大大聲講粗口，叫又想應唔想應甘。 感覺真系超差，唔會再去呢間餐廳度食野。如果想繼續做生意既，唔該他們可以檢討改善下。 同埋可以既，滴侍應唔好黑口黑面，態度甘差。…查看更多

究竟哪間先有？是「米飯」還是「飯意」？定還是大家都分不到？看到上面幾位食家的評論，我甚至乎會想，大家是否在談論同一間餐廳🤔。因為幾位食家都表示女侍應，又或者其他侍應的服務態度非常差；但是我在此餐廳卻覺得服務質素非常之好，女侍應更加精靈活潑。雖然店裏環境普普通通，有一邊冷氣機明顯在滴水，大家走個時都要繞過滴水位置，但是還是不斷有客人進出。看餐牌，只有一個蛋包飯比較吸引。意想不到那麼快，好像下單之後不消3分鐘，蛋包飯便端來了，但是無論長盤子，或是飯，溫度都夠熱。旁邊有少許沙律菜，正正常常，賣相正常。雖然所謂的唐揚炸雞，亦即是普通炸雞，只有四粒，雖然體積太小，仲可以配合整個蕃茄蛋包飯。而蛋包飯，總不至於空口吃白飯。說到白飯，這家餐廳比較出色的是，內裏也是混入了茄汁的炒飯，誠意可嘉。雖然這麼快便端來了這個午餐，但是質素還不算太差，只是炸雞有點兒回氣，因為可能預先炸起，接到單時便放在碟子旁邊，因此外皮有點兒已經回氣的感覺。不少年輕的店員在店裏，收銀少女活潑，跳來跳去，跑來跑去的，為客人落單、收錢，在現今社會，實屬難得。儘管不知哪間先開，哪間是玄門正宗，但這家的蛋包飯還算不錯，茶餐廳都差不多價錢的話，這兒座位較舒適，可以再來。…查看更多

2017-04-21Red Rice米飯主題餐廳*******************呢間絕對係食肉獸糧尾首選。先唔好講好唔好食, $110食到雜扒+豬扒飯已經算係抵, 而且個雜扒除左鐵板上面D肉同薯角, 仲會跟一大碗飯, 其實兩個女仔食都好足夠。薯角熱辣辣,應該係即炸ge, 但注意, 呢個雜扒係冇牛ga.******************消費: $110優惠: /小提示: 如果Red Rice冇位, 可以考慮行入隔離瑰花甜, 因為响瑰花甜都可以order Red Rice既食物…查看更多

上星期同幾個friends一齊去呢間所謂既米飯主題餐廳試下佢地既主打蛋包飯,但除左味道一般之外,佢地其中一個女侍應既服務態度仲要奇差.我地幾個人入到去坐低,有個女侍應本來比左我地一人一本menu,點知我地睇左幾秒佢突然攞走左我地一本menu然後拋低一句: 唔夠menu呀,你地兩個睇一份啦. 咁雖然我地已經興興地,但最後都揀好食咩落左單. 過左一陣,我突然feel到塊面隔離有陣熱風,原來係個女侍應攞住塊熱到出煙既鐵板係離我塊面3CM遠既距離上菜,由於佢係我身後上菜,如果唔知情既我當時突然擰轉頭既話我一定會燒傷+入醫院. 到平安上完菜,我地發覺少左隻匙於是問個女侍應拎,咁我平時出街都prefer洗一洗D餐具先用,正常餐廳都係放低D餐具係台面比客,但個女侍應竟然攞左隻匙過泥然後直接插入我地飯度. 成個服務過程實在令我無語.至於味道方面,蛋入面包住既飯基本上係冇咩汁既白飯,所以都幾DRY,水平一般.咁既服務態度但又唔係特別好味,真係唔會再去.…查看更多

深水埗舊區是美味特色滋味好味的地區，有抵食掃街港式地道美食，有飽點腸粉豬紅豬皮蘿白魚蛋豬腸燒賣魚肉生菜碗仔翅等小店，各有各特色特味，港式茶餐廳及燒味飯店等等，粥粉麵飯都價錢大眾化，即叫即製，份量十足，選擇繁多，各有各客源，其門如市，周圍搵美食都是一種樂活趣味，又能夠食一餐好味滋味美味的美飯主題餐廳，地方比較窄小，但總算乾淨企理，服務員態度認真，有水準，值得讚許！做人最幸福快樂飽足而與自己心愛的人共聚一堂，一面享受品嚐平民美食，一面談情說愛，談話家常，大江南北，無言不談，確是人生賞心樂事，是值得推介的餐廳！賣相不錯而份量十足，鮮甜柔滑可口的肥牛軟綿味滿溢喉嚨，加上濃郁牛肉汁同樣是配教恰到味道，白飯混淆青爽鮮甜牛肉調配好夾，有意想不到的口感，教人回味無窮，滿滿的留香味道！草莓層層疊有建築成三四層的味蕾雪糕，麵包加上各種的果鮮，有草莓，香蕉，西苺及波羅，十分好味，十分美味，配合得啱啱好，不太甜，而感覺獨特非常，口感味純而非常滑溜清潤可口！…查看更多

一句到尾，比錢貼難受。服務態度極差，稱呼客人做「𡃁妹」？我唔需要你當我皇帝咁，但叫客做𡃁妹，係極度唔尊重囉。仲要夜晚晚市大半Menu既野食都停售，問侍應點解會咩都無，同我地講因為晚市所以好多野都無。8點都未夠，亦唔係就收鋪，咩都無，請問你做乜生意？服務態度同樣差，上菜好似喂狗咁拋比我地，咩事？我比錢你當我係狗？而且落單又無禮貌，理直氣壯話d餐係無，仲要黑我地面。你咩餐都無，仲要咁理直氣壯？餐具污糟，鋪頭污糟，廚房既歌大大聲傳出來。其實你間野態度咁差，真係唔會有客嚟食。你落廣告影到間野幾令，野食幾好食都無用！…查看更多

今日行過見到有人等位就入去試下，點知火都黎，九點幾已經落左單...等個窩夫等左40分鐘先黎，個心太軟足足等左一個鐘，忍唔住即刻開個帳號寫衰佢，真心講食物味道唔算差但不算特別，價錢一般見仁見智，但係你做唔切就唔好係咁入人啦，唔怪得隔離木台個個係咁催，話等左好耐好耐個心太軟都未有，d職員服務又差，催佢單佢轉個頭冇左件事，交代都冇聲，催完單隔幾個字後先行黎話唔好意思漏左單，你冇野呀？食兩三個甜品等左我一個鐘，見到有人係門口就係咁叫人入，做唔切就唔會夾硬黎，做衰自己個名仲衰！呢d咁既服務態度只此一次，亦唔會推介比任何人！…查看更多

在深水埗路經這餐廳，看見這食肆裝修不錯，被門口蛋包飯的廣告吸引住，就决定入去試下。意式豬扒蛋包飯 $40蔥燒肥牛鐵板飯 $41加$5會有沙律或餐湯是日是南瓜忌廉湯這湯並不是將南瓜和忌廉湯攪拌一起，他將南瓜切成幼絲，放入忌廉湯中，入口時可吃都南瓜，帶點口感。什菜沙律分量也不少，沙律菜十分新鮮，配上芝麻醬，味道一般，勝在夠清新。意式豬扒蛋包飯賣相頂瓜瓜，可惜味道偏淡!首先食啖蛋先，算是做得不錯，做到滑蛋效果，看見蛋包住裡面的飯，帶點橙紅色，像混合了茄汁，原來是沒有味道。豬扒肉質比較結實，旁邊拌了蕃茄醬汁，整菜式是靠這醬汁，得知這醬汁是用新鮮蕃茄蒸出來，原汁原味，可惜連蕃茄味也不突出，味道比較淡口，提不起食欲，最後加了美極來結尾。蔥燒肥牛鐵板飯這飯就做得不錯，肥牛剛剛熟透，配上燒汁，鐵板將燒汁加熱，洋蔥微微煎燶，粟米味道清甜，帶點蔥香和黑椒味，惹味非常 !即磨咖啡咖啡就十分普通，十分後悔沒有加錢飲杯 Cappuccino，或者沒加錢是好事 !如有人試過請話我知，Thanks!後記，我旁邊有個書櫃，放了很多漫畫，可供人閱讀，但木的書櫃裡有很多螞蟻感覺不太好。…查看更多

無記錯, 應該係上個禮拜四, 去左深水埗搞個電話Plan搞完響附近食, 見到米飯主意就貢入去以前響青山道食過兩次, 印像中食品唔錯, 但服務就差d佢地既裝修幾得意, 一邊牆係廣告, 兩個唔知乜水既男女大頭似快餐店但又唔係, 簡單得黎都新淨座位唔算多, 幾多人, 要撘下枱叫左個自製漢堡蛋包飯, 加凍奶茶燒汁: 普通既燒汁, 但撘埋d飯同蛋, 味道就出左黎蛋包: 一隻蛋既份量, 滑, 香葱碎無乜味, 食落有少少蛋味, 雖然及唔上土雞蛋, 但就好過超市美國蛋好多飯: 份量其實幾少, 一碗都唔夠, 同茄汁一齊炒過, 入口就幾香自製漢堡: 好大塊, 無呃秤, 以小弟既食量都覺得巨型。肉味係有, 但唔濃, 基本上無乜肉汁, 裏面亦無加特別配料去襯托, 只係有d好似筋既咬感以味道黎講個人覺得比較普通, 無個蛋包飯做得咁用心配菜: 青菜, 蕃茄, 加千島醬, 中和返塊漢堡扒, 感覺上唔錯凍奶茶: 嗯, 中規中矩, 無乜特別漢堡扒飯44+凍飲6, 基本上係滿意既…查看更多

原本在大角咀分店幫襯過覺得幾好諗住去深水埗店食晚飯儲印仔做會員結果咩都無食到就撕爛張卡埋單剩係俾野飲錢就走大佬，你無果款食物唔緊要，但係你要講囉。拖成三四個字先走過黎講賣晒。落單無得賣唔知架咩？對面個客催你幾次野都仲係話黎緊，你啲米要種架？隻豬未劏？服務態度奇差，我從來唔寫食評都忍唔_住。Red rice?88…查看更多

要早食晚餐但又有點飽，故叫了一個下午茶餐的焗迷你肉醬玉子蛋飯，不到五分鐘就來，侍應還說好熱，份量確實是較正常的細一半，食落去只是暖，以為有玉子豆腐，但原來是只是一只蛋黃但又是暖的，叫左都惟有食，點知食到半路，有點頂親的情況，原來是有蛋殼，噢！好在及早發現立即吐出來，否則麻煩。但吐極還有，看來跌左落去既蛋殼都不少。這餐真是跟平時食午餐或晚餐質素不同，但有咁平無咁靚，係正常既。…查看更多

公眾假期,,,一醒來已是十點半,,假期還是要食早餐~~就來個豐富的brunch~~走到黃金商場附近,,來到吃過不下十次的餐廳,,,最近發現原來在米飯點餐可在瑰花甜用膳(原來是同一集團的說~)本來就很喜歡瑰花甜的我,,當然選了在內用餐~吉列魚柳公仔麵配火腿(缺貨轉餐肉)、炒蛋、牛角包+熱華田 $31份量十足的早餐只是$31 元~!!熱辣辣、脆卜卜的原塊魚柳配上千島醬,雖然知道不是什麼好魚柳,,,但剛炸起實在吸引,,而且肉質軟實,,不會一叉就散,,也沒有腥味,,這價格我滿足了~而公仔麵的清湯則比較淡,,雖沒有出前一丁的彈牙感,,,但也過得去//很欣賞這裡的早餐可選不同的麵包(有脆豬、多士、鬆餅、熱香餅及牛角包選)微暖的牛角包有牛油香,,略為乾身,,,炒蛋嫩滑,,餐肉算厚切,,,可惜稍油~而華田則不過不失,,,總括來說，用這價錢在瑰花甜的環境享用如此豐富的早餐,,我很滿意了=]…查看更多

之前都嚟過呢間餐廳食早餐覺得幾唔錯於是今日就去試吓佢嘅鐵板牛扒呢個上臺都算熱，但係分量就比較少~啲薯條比較淋，整體麻麻哋啦，而且嗰啲底有唔少有食落去有些少油膩！不過50蚊一個鐵板扒都過得去嘅~…查看更多

去完高登，有少少肚餓，就係附近食下午茶!叫左個巨型漢堡豬扒包拼薯條豬扒好鬆化，漢堡包脆脆地，好味，裏面仲有少少沙拉醬，粟米粒，生菜同番茄，一d都唔乾身。薯條就有少少失望，因為唔係新鮮炸起，唔熱，唔暖!檸檬水正常，所以冇影到!但30蚊，好過食m記! …查看更多