粵藝館 (時代廣場)

2025夏季香港餐廳周 HK restaurant week（7月29日至8月31日）剛開始，超過300間餐廳可以優惠價享用精選餐牌。小試牛刀，選了這間粤藝館，入到去發現同幾年前叫麒藝館入面的裝修一樣，只是改咗名。食咗Elite Lunch menu $248/位，等於了平時的午市套餐的五六折左右。第一道菜：點心（四選一）香茜餃第二道菜：竹炭脆豆腐第三道菜：西班牙栗子豬焦香叉燒第四道菜：粵藝老火湯（無味精）第五道菜：（二選一）宮廷一口咕嚕肉第六道菜：濃湯杞子百合浸菜苗第七道菜：櫻花蝦海皇炒飯第八道菜：粵藝特色甜品頭4道菜的上菜次序跟餐牌次序不同，先來叉燒、老火湯（紅蘿蔔粟米馬蹄豬展湯），再來竹炭脆豆腐及點心香茜餃，咕嚕肉開始的主食嘅次序就按餐牌次序出菜了。最喜歡的是咕嚕肉及櫻花蝦海皇炒飯，咕嚕肉的脆皮做得很脆、很香口，櫻花蝦海皇炒飯好足了，而且炒飯有鑊氣，唯一是偏油了一點。其他菜式就是一般般啦，唔係好差，但又未去到好出色。另外要茶水每位$25及小食$25，及+1服務費，埋單要$666。…查看更多

朋友聚會，友人曾經試過尖沙咀分店反映唔錯，試吓銅鑼灣呢間。環境企理乾淨。但整體不合格 。一行四個人，點咗個中秋節四人套餐，埋單差不多$3000 ，但無論服務、上枱還是食物質素都有很大進步空間。四個人坐晒低，都未坐亂張凳已經直接上咗三碟小食，好似啱啱坐低就趕我哋走咁…😥第一樣係碟雞，正常操作，味道OK第二碟係白雲耳，少少Wasabi味道，本身唔食Wasabi嘅都覺得可以接受，清爽叉燒算係三樣小食最好食，但係又未去令人回味嘅感覺，算合格每位有個湯，湯飲落OK但係應該有味精，因為飲完湯之後全晚不停飲水….🫨跟住開始上主菜，其實都要$750一位，感覺上主菜分開四小碟上比較好，就算唔係四小碟，應該上碟份量平均啲（當日係一片巨型唔算厚、一片正常大小厚切，有兩粒細粒嘅花膠，另外四粒冬菇大小明顯有大差距），同埋應該跟埋刀叉上枱，我哋幾個對住冬菇同埋花膠呆咗，要用匙羹將花膠切開share，冬菇要用筷子拮住嚟食🫣🫣🫣 分配嘅時候都有啲尷尬，唔知點分配嗰幾嚿唔平均嘅花膠😥同埋花膠仲有少少腥味 。跟住嚟另外一個主菜—魚。啲魚本身新鮮，但係唔夠味，四個都要落辣椒醬 。跟住嚟咗碟菜，都係唔太夠味，要點辣椒醬🫣最後尾出多個杏仁湯圓就完了。絕對不會再訪。🤧🤧🤧…查看更多

今日突然想食點心，黎左時代廣場walk in 左粵藝館，貪佢多點心。地方裝修唔錯，又唔係好多人，幾舒適。兩個人叫左4個點心試下，賣相幾精緻，炸鮮奶炸得幾靚，又試左龍蝦汁鮮竹卷，都好特別。叫左幾個點心都好好食。店員話foodstory會員仲有95折。可以平日同同事再黎食…查看更多

剛巧公眾假期，與家人一起來粵藝館飲茶。天下第一豬 - 真心好食，但份量太少點心有魚蓉蘿蔔糕、晶瑩鮮蝦餃、豚肉小籠包、鮑汁雞腳，開口叉燒包、原隻鮮蝦腸粉、XO醬蝦腰炒腸粉，花雕老豬腳仔。豉油王豚肉絲炒麵、個人推介、絕對值得一試。…查看更多

星期五晚至時代廣場，睇到呢家餐廳環境、食物質素均很良好，便決定系度食晚餐。走近餐廳，詢問女侍應是否有位時，得到冇位答覆，並且以一種很不耐煩同不專業語氣同我地講：「冇等位，等位都唔得」。於是轉返去問另外一位侍應，她答覆時，啱啱嗰位用手敲她身體，似乎話俾佢唔好再睬我地。整個過程相當令人不愉快，同餐廳應有質素不相吻合，服務質素，相當不專業，以後不會再來。…查看更多

——把最朴素的食材做成艺术品，才配得上我如诗的人生🎞️✨ 环境是低调的粤式雅致，暗调灯光配岭南窗花，一秒穿越老广茶楼氛围～🍖 吱吱试吃必点硬核菜品▪️「西班牙栗子猪焦香叉烧」💰188肉质软嫩带焦边！蜜糖裹着肉香，咬开还有汁水💦▪️「即烧无花果天下第一猪」💰348皮脆到发光！夹着无花果的清甜，例牌分量超实在～▪️「秘制烧汁牛肋骨」💰328浓稠烧汁渗进牛肉纤维，筷子一夹就脱骨▪️「不时不炖汤」💰336每日限量！汤色清亮却鲜到舌尖打颤，广东人懂的养生仪式感🍲▪️「十多啤梨山芋包」💰148一份6只，外皮酥软，芋泥馅绵密不腻，一口沦陷…▪️「鱼子酱生焗银鳕鱼配美国芦笋」💰276 人均💰：1k+ （点的比较放肆哈哈）📍铜锣湾时代广场10楼1001A铺临走前看到隔壁桌的龙虾泡饭也好诱人…下次一定二刷！…查看更多

第一次到粵藝館飲中午茶，環境寬敞，燈光柔和，座位舒適。點了一個「假日午市特惠組合」，包括「即燒無花果天下第一豬（例牌）」，「香煎自家製韭菜餃」，「手工糯米雞」及「龍蝦湯鮮竹卷」，另外透過網上平台點了一份「西班牙栗子豬焦香叉燒」。整體食物質素值4星，「天下第一豬」的肉質及皮脆真應該一試。服務質素值5星，一間值得再光顧的食肆。…查看更多

企鵝餃：除了外貌有五成像企鵝，剩下十成完全是普通的餃。美齡杏仁糕：與美齡不知有何關係？杏味好淡，剩下只有十足的只是一塊糕。焦香义燒•天下第一豬：算是最好味的一款菜，不過以性價比衡量，食客才是天下第一豬（每人只有一小塊的份量）。天籽蘭花雞燉翅：中規中矩，都算滿意。香蔥拌鮮鮑：建議更名為極多香蔥暗藏極薄鮑片。蔥多到離譜，要以尋寶方式找鮑片，唯一欣賞師傅刀功，鮑魚可以切成如此薄。魚湯番茄煮花膠：花膠大塊，不過用番茄煮就不是人人喜歡。瓦煲生碌豉油葵花雞：愛吃豉油的一定欣賞，真正是豉油主宰了整煲雞。雞就太熟，剩下強烈豉油味。菜苗和炒飯都好正常，實在感恩。我們因沒有預早訂座，所以收正價。…查看更多

午市點心飯聚，蝦餃好吃，燒賣好吃，叉燒焦香可口，韭菜餃足料，乳豬皮脆肉嫩，乾炒牛河香口有鑊氣， 鮑汁鳳爪份量足，龍井茶清香。可惜腸粉皮未夠軟滑。職員服務殷勤，樂意幫忙。…查看更多

🍖德廚午市套餐 foodie會員價 $398/位 (兩位起)-巧手點心🍖蝦餃.叉燒包.椰皇水奶撻點心水準出色，蝦餃皮薄餡靚，叉燒包好鬆軟，水奶撻有淡淡椰香又唔會太甜🍖海鮮冬瓜羹冬瓜打到變曬蓉，混合瑤柱同鮮蝦，鮮味十足得黎又清清地，好啱夏天🍖潮式豆醬蒸雞估唔到有半隻雞咁多！雞夠新鮮就冇野好挑剔🍖雪花豬蒸水蛋內有乾坤！d豬肉粒好爽口彈牙，夠曬油脂香，同滑嫩嘅水蛋一齊食好有驚喜🍖濃湯竹笙浸時蔬當日係配菠菜苗🍖粵藝特色甜品係健康嘅紫米露，唔會太甜同好大碗，啱啱好-回頭指數:🍧🍧🍧🍧 (滿分:🍧🍧🍧🍧🍧)好坐指數: 🧎🏻‍♀️🧎🏻‍♀️🧎🏻‍♀️🧎🏻‍♀️ (滿分:🧎🏻‍♀️🧎🏻‍♀️🧎🏻‍♀️🧎🏻‍♀️🧎🏻‍♀️)-人均：$400～服務：(7.5/10)-酒樓黎講服務好好，會想再帶父母黎食😆…查看更多

因為一直都見到食評非常之好，於是很有期望的帶着媽媽到來飲茶，到達後服務人員非常殷勤款待，所有細節他們也很到位，但食物到來之後發覺點心的質素真的是不似預期，食評中提及到食物和點心精緻好味，但我們一向因為配合媽媽的喜好，也經常到各大酒店中菜廳和會所享受點心，但園藝館無論是蝦餃，蝦腸粉，香西餃，所有的外皮都非常硬和厚，而且蝦是完全沒有鮮味的，唯一覺得比較好吃的是開口叉燒包，然之後突然諗起看食評的時候有食客提到他們的鹹水角也很好味，於是跟非常有禮的經理詢問可否也order一份鹹水角，但經理說現在已沒有鹹水角，因為他們轉換了點心師傅，後來回家跟媽媽討論剛才的食物質素時，大家才恍然大悟可能就是因為點心師傅轉換了所以現在的點心質素大不如前🥲…查看更多

和三五知己聚餐，試了餐廳的幾款招牌菜，味道一流，碟頭也比較大。桌與桌之間有一定距離，環境整體比較舒適。服務周到，food story旗下餐廳，正價菜品可以用現金券，比較抵食。…查看更多

乳豬皮脆肉嫩，油香四溢；木耳爽口清新，平衡油膩；叉燒外焦內嫩，甜鹹適中；蟹籽炒飯粒粒分明，鮮香撲鼻。整體搭配豐富，層次分明，是一道令人回味的經典粵菜盛宴！！！！還有甜品！…查看更多

來過這間酒樓多次，但是係第一次吃天下第一豬，例牌份量充足，肉厚，無花果酱香。之前晚餐試過叉燒好吃，今次又試招牌天下第一豬，兩樣都好吃。手工糯米雞，材料豐富，酱汁調教得恰到好處。龍蝦湯鮮竹卷入口沒有油膩感，有龍蝦海鮮味，大良炸鮮奶皮薄有奶味，值得推介。…查看更多

和外國朋友到此晚餐，朋友大讚好味！另外，朋友大讚天下第一豬、叉燒、豉油皇大虎蝦都好好味。服務也好好，有提供籃給朋友放袋，也有給我們介紹食物，讓朋友覺得賓至如歸。…查看更多