粵萊軒

今天和家人飲茶. 首選了粵萊軒菜館 這𥚃小菜非常出色 有炸乳鴿 脆口咕嚕肉 魚湯米線等 早上11:00 前有特價早茶 . 下午 14:00 供應特價下午茶也非常好食. 價錢也公道. 推介菜式 炸乳鴿 咕嚕肉 等因出品好味 長期也非常爆滿 建議人多提早訂位 . 因地方小 也有搭枱現像 . 建議用餐交枱時間二小時起碼 . 食物推介燒乳鴿 . 籠仔蒸石班飯 沙窩福建抄飯 乾抄牛河 潮洲粉果 山竹牛肉 蒸滑腸粉 . 因食材全新鮮制造 落單後要於稍等片刻便有得品嘗 是壹個新鮮好好味的小店…查看更多

因為鍾意食早點鹹菜豬肚湯，先一直過來幫襯。第一次食的時候，鹹味掌握得很好。但是後面個湯越嚟越淡味，反而呢次鹹菜完全沒有味道，令到口感體驗差咗。唔知是不是換了師傅。希望可以再改善一下。保留原先的味道會極佳。其他菜品都很好，環境很好，乾淨，服務態度好呀…查看更多

某一晚去咗深水埗食晚飯，間餐廳叫做「粵萊軒」，晚飯時候佢需要分兩輪時間食，因為真係幾多人食，基本上如果你唔一早訂位，Walk in真係冇乜可能，我哋買咗啲海鮮俾佢加工，最後做出嚟嘅菜就有豉油王大蝦、椒鹽瀨尿蝦、脆皮吊炸雞、蒸魚、紅燒豆腐、咕嚕肉、椒鹽魷魚鬚、滑蛋牛肉煎米、杞子桂花糕。呢一餐飯我勁鍾意一個餸，就係「紅燒豆腐」，可能係我食過最好食嘅紅燒豆腐，其他餸都幾好，有啲就麻麻地🐔😅不過紅燒豆腐真係大力推介👍🏻…查看更多

今日要去深水埗買啲嘢，啱啱返完公司咁就落嚟搵間茶樓食個下午茶先再去行街。無意中搵到呢一間小茶居，因為要返公司攞嘢，所以屋企人先去搵位。好幾張大枱都係搭枱，媽子嘅大忌。不過好彩佢都有張四人枱俾我哋。屋企人已經掂咗幾多點心食住等，個點心拼盤其實都幾抵如果一個人食一盅兩件都係一個唔錯嘅選擇。個合桃包裏便有合桃肉唔太甜幾好，最緊要係啲點心蒸check嚟係熱辣辣嘅～值得一讚。尖椒都好夠辣，鯪魚肉裏便有蝦米都唔錯。表現比較想識小小嘅就係個蘿蔔糕冇乜餡料。同埋另外侯家嘅韭菜餃同埋海鮮卷有少少Hea。好彩後加嗰個魷魚鬚夠入味亦都好鬆脆。位置嚟講要行返過去玩具街都有段距離，不過下午茶嚟講同區比較都值得再嚟嘅。…查看更多

深水埗粵萊軒，小店環境都唔錯，係鄰桌勁嘈，好彩佢地早食完，落得耳根清淨海嵾花膠燒豆腐$178: 以小火爐暖住上枱，有鮑魚、花膠、海參、豆腐同埋菇，豐富上湯浸時蔬$88: 豆苗清清地唔錯金牌紅燒乳鴿$58: 皮脆肉嫩，肉汁豐富，唔洗點野已好好味，正！椒鹽蒜香骨$118: 炸得酥脆果皮蒸斑腩$158 ：唔係斑腩係頭腩，多骨唔太like啫啫牛仔骨煲$148:熱辣辣上枱，香氣撲鼻，牛仔骨又軟又入味，正芫茜魚片豆腐湯$148:湯濃得黎唔油，夠晒熱辣辣，魚片、豆腐同菜既份量都好多，又滑，好味送左桂花糕，晶凝通透好靚，有好多杞子、桂花同馬蹄，清甜好味迷你壽桃包$54:蒸得唔夠熱，而店員又好唔識趣提左好多次「壽包」幾時上、幾時蒸之類，冇晒驚喜又唔好意頭…查看更多

餐廳場地不太大，有好多大枱，反而2-4人枱只有三張，不過座無虛席，不方便影相啦。我覺得等菜有啲耐，因為廚房似乎要等夠定數目才煮，所以等菜期間見到好多同款菜會一次過出好多碟，有點等運到嘅感覺😑🍲 海參花膠鮑魚燒豆腐 (HK$178)．呢個先叫，但是最後先上，不過幸好係足料的，仲有鍋底有蠟燭暖住個餸，窩心嘅．芡汁好濃郁，撈勻到海參、花膠、鮑魚和燒豆腐都入味😋．海參、花膠和小鮑魚算煮得好腍，燒玉子豆腐好軟好滑呀！🦑 椒鹽魷魚鬚 (HK$108)．呢個最後叫，但先上枱的，雖然都等咗25-30分鐘先有得食😑．魷魚鬚口感彈牙的，不過炸粉太多太厚，也沒有炸前先醃過或調味，所以味道比較淡，要靠面頭啲椒鹽炸蒜粒和點豉油作調味，比預期遜色原本仲叫咗翡翠炒龍躉球，可惜我哋太遲叫，7:40pm已經賣晒啦，好誇張呀！😱只可以話，初次嘗試，食物好壞參半。📌提提你：此店有收茶介 （每位$10），另外有收取加一服務費喔！…查看更多

今日同朋友一行4人去試呢間粵萊軒南非鮑 $200 4隻蒸的火候剛剛好, 唔會蒸到過哂龍,所以好爽口但又唔會靭好食呀金牌紅燒乳鴿 $55正常水準, 唔會過咸冰鎮咕嚕肉 $178上枱嘩一聲, 好大碟份量好多, 我指好多冰😂咕嚕肉都幾脆, 配上三文魚籽都幾夾但冰上, 我個人麻麻地椒鹽魷魚鬚 $108炸到勁脆, 魷魚鬚又肥美又大條, 略咸, 但都好好食金牌小炒皇 $128惹味之選啫啫雞煲 $118上枱勁香,  雞好滑豉油王炒麵 $88麵偏乾身…查看更多

深水埗粵萊軒.味道：7/10🌟抵食：6/10🌟環境：5/10🌟.晚餐想食酒樓小炒，到訪咗呢間新開嘅粵菜😋比較推薦嘅有招牌嘅鹹蛋魚皮😍魚皮真係即叫即炸，上到嚟仲有少少油炸完嘅軟身🐟放咗一陣之後就會開始變得又脆又香口😉食到唔停口😝茄子煲都好推薦，完全唔會太鹹，調味啱啱好，配飯一流🍆不過呢度雖然新開，衛生環境就麻麻哋😣上到嚟啲碗碟大部分都黐有污糟嘢，要洗過之後再攞紙巾落抹先甩🥲如何比較介意嘅朋友就唔好去啦😂.#香港 #食評 #foodie #食好西 #instagram #discoverhongkong #香港好去處 #香港美食 #打卡 #深水埗 #深水埗美食 #深水埗好去處 #大排檔 #酒樓 …查看更多

今日去左呢間茶樓食午餐，地點比較偏離深水埗地鐵站，唔太大間，但亦都唔算好多人排隊，好快有得入座佢地既好處係假期都一樣2pm後可以叫下午茶既特價點心，價錢亦都比一般大集團平，好抵食，就算正價點心都係偏平我地4個人總共叫左9樣食物因為太肚餓，有部分食左先記得影相，所以唔完整食物質素一次過講曬，佢地既點心係即叫即蒸既，因為每一籠我都覺得好夠熱，等食物既時間唔算太耐，食物既味道亦都同預期一般既點心水平，價錢就真係十分公道，性價比係極高，呢間絕對係會encore既茶樓，極力推薦…查看更多

出品不錯！無論係早茶定係食飯。對於住在附近的居民黎講，係日常的首選！週日母親節異常火爆！點心都係20幾蚊左右，樓面人手好少，大家好多嘢做，都有少少脾氣。所以服務指望不上咯，全靠出品支撐起身！…查看更多

5月1日6點30去拎位，原本個侍應已經比左位坐低，但同時個侍應接到熟客打黎電話話想留位，就隨即同我講無位要留比個客，這樣不公平的服務態度真係令人非常之失望…….…查看更多

無意中發現，舊屋附近開了新店，就和家人來試試。先說服務：提前１天電話訂座(該店不參與Open Rice訂座)，早到10分鐘，但沒有我的訂座紀錄！臨時安排了門口第１張４人枱(01號枱)，玻璃門隙縫一直入風，門口不時有人吸煙，被煙味弄得不好受！再說食物：#芝士蝦球伊麵：蝦肉有彈性，伊麵吸收了芝士的鹹香，好吃！#薑蔥台山蠔：蠔味濃郁，我喜歡！#脆皮鮮果咕嚕肉：招牌菜，份量足，咕嚕肉味道挺好的，菠蘿和士多啤梨偏酸。#脆皮燒雞半隻：另一招牌菜，皮脆有肉汁，yummy！#海味雜菜粉絲煲：足料，讚！除了訂座出錯，其他都不錯！…查看更多

我很喜歡飲茶這個節目，吃了數十年點心也不厭倦，可能喜歡與家人聚首一堂那種氛圍。媽媽自我從小已有這個家庭節目植入我心，她常常說一邊吃點心一邊與家人分享天南地北，上至時事下至個人生活點滴，日積月累的相處令家人彼此感情更鞏固，真的，家庭良好關係背後存在於實在的溝通和關懷，我很感激我媽媽這份心意。一間成功的食店，除了食物質素高，有正評外，回頭率高也是其中一個值得參考之數據。1月1日起所有物價飛升，市民生活叫苦連天，薪酬追不上通脹，難道每天只能吃兩餸飯度日？平價也有高質水準，但確實需要時間找，更不容易過了對食有要求的我。最近試了數間食肆做了功課，最終決定不寫是因為問心我認為回頭率不高。好了，廢話不說太多，看下文！深水埗總給人感覺下欄，但這間開業不久，地方環境不算大的酒樓，令人充滿驚喜，意料不及。10點前的早茶點心非常實惠價格，令人尖叫，以為價錢與質素掛鉤，事實大部份點心均是水準之上。特別推介蒸黃金糕，不嗜甜的我見到吃一口竟只是微甜，最重要做得質地非常煙靭而不「黏牙」，烹調精準，好吃過什麼米芝蓮，這個認為必點！迷你點心拼盤是性價比之選，一盅四件分別有燒賣，潮州粉果，核桃包及甜點薑汁糕，$24有找，啱晒公公婆婆每天來酒樓「打牙骹」。薑汁糕薑汁恰到好處，軟嫩中帶咬口。芋頭燒腩卷真材實料，肉汁飽滿，通脹下能足料似乎已變成奢侈。見水準之高，特意追加外賣給我98歲阿婆，阿婆吃完大讚叫好。阿婆除了喜愛燒腩卷外，還特意點了她很久沒吃的炸雲吞，我以9秒9速度外賣，希望以最新鮮狀態下送到阿婆口中，阿婆一邊吃沾上甜酸汁的脆感炸雲吞，一邊不停說好吃好吃，還把手指上最後一口汁也舔乾淨便知非常滿足，畢竟炸雲吞不是每間酒樓現在有供應，更何況水平之上。這裏最令我impress的不是價錢親民，也不是高質點心，而是所有阿姐的服務態度。在深水埗認為老粗是前設，但這裏每位阿姐的積極回應、收拾廚餘速度比起五星級更快(但不是趕你走)及寬容面孔更值得一讚！$8一位茶還想怎樣。聽聞晚餐水準也不錯，有機會一定再試。百物騰貴的社會下，每個人胡口也不容易。能找到價格親民還水準之上的美食算是生活中一點安慰！…查看更多

環境好乾淨光猛，似係新開無幾耐，坐得舒服。今次試咗幾款餸，絕對係食過返尋味脆皮鮮果咕嚕肉上菜後既刻夾嚟食，熱辣辣好鬆脆，有食威化餅嘅感覺。攤咗陣再食就覺得佢嘅皮硬返少少，似平時食嘅硬身咕嚕肉，係另一個程度嘅鬆脆。去到食飯尾聲再食都係鬆脆，當然冇一開始禁好食，但都係令人為之驚歎金湯酸菜魚呢個係個人最鍾意嘅餸。佢嘅酸味唔重，麻味同咸度適中，味道方面好pleasant。個湯飲多幾啖都冇問題。啲魚幾滑，份量好多，唔會太林或者爽身。佢嘅酸菜魚唔會有薯粉，加上魚嘅份量多，覺得佢性價比爆燈酥炸台山蠔本人唔鍾意食蠔，但食完第一隻就忍唔住食多隻。佢嘅酥炸好鬆脆，唔厚粉。蠔好新鮮超juicy，怕食生蠔嘅人可以一試椒鹽魷魚鬚炸得鬆脆，魷魚肥大，略嫌個調味粉咸咗少少。不過整體都okay嘅。脆皮吊炸雞/半隻呢個都食唔停口，食幾舊都唔膩。雞皮鬆脆，雞肉多汁林身入味，少少似炸子雞但皮薄啲…查看更多

粵萊軒（Sham Shui Po）同屋企長輩出街食飯都係揀返中菜啱口味啲🥢 呢間位於深水埗醫局街嘅中式菜館裝修幾華麗得體✨ 味道都唔錯推介俾大家😌😌⌖ 龍躉二味 🐟💰$278龍躉二味包括清蒸頭腩、碧綠炒斑球 清蒸嘅一款因為係魚腩位置 所以食落比較鮮嫩 魚油味突出😍 清炒嘅斑球肉質會比較紮實 冇骨仲啖啖肉🤪🤪 可惜隔離伴炒嘅芹菜唔係太熟 仲有啲菜腥味😣😣 而兩味都係魚塊連皮嘅 不過部份魚皮上嘅魚鱗未刮清 扣咗少少分🤏 整體來講都算幾抵食😌😌⌖ 芝士蝦球伊麵底 🧀🦐🍜💰$168賣相就一般般 不過芝士確實好濃郁🤓 蝦球經過醃製 所以略略遮咗蝦嘅鮮味🧐 伊麵份量幾多 中規中矩嘅一款菜式～😗😗⌖ 啫啫生菜煲🥬💰$78生菜煲正常發揮 煮得幾惹味😋 隔離有啲炸過嘅豬皮、肉碎作為配料 幾啱撈飯食😙😙⌖ 脆皮鮮果咕嚕肉 🍓🍍🐖💰$118超級推介🥰🥰 小編食過最好食嘅咕嚕肉無誤！！ 咕嚕肉外層做到薄薄嘅脆皮 連埋咕嚕醬酸酸地嘅汁 一啖咬落去仲保持到內裏嘅肉汁☺️☺️ 認真好出色 隔離仲有草莓、菠蘿水果開下胃😂😂 果然係招牌菜👍⌖ 青島（大樽）💰$28開返枝青島 傾吓閑話家常都幾爽💦💦⌖ 茶位 ☕️💰$10始終係中菜舖 所以都係要收返茶位 雖然價錢上就比較進取🤨☻ 回頭指數：8/ 10❝ #Ami の九龍覓食記#Fatshit_ami #Dinnertime #深水埗美食 #港式美食 #香港美食 #食好西 #中式料理 #中菜舖推介 #中菜館推介 #深水埗中菜館 #龍躉二味 #芝士蝦球伊麵底 #脆皮鮮果咕嚕肉 #咕嚕肉 #啫啫生菜煲 …查看更多