粵舫老趙

营业中

休息中

今日有個遠道而嚟嘅朋友返香港， 由於西餐他經常都食，所以返黎香港緊係要食下小菜啦！ 由於時間嘅關係已經過咗晚飯時段， 咁就唯有食宵夜啦！元朗又有間新開嘅小菜，仲有宵夜時段添， 真係啱曬，所以我哋都一於試下。餐廳都幾大， 宵夜時。段仲人山人海， 令人大開眼界。小食竟然有蕎頭， 蕎頭食左開胃之餘仲比較爽， 而家有得食嘅餐廳都唔多。瑤柱蛋白炒飯炒飯份量多，炒得夠乾身， 蛋白夠多夠滑， 即叫即炒，夠曬火喉!燒乳鴿乳鴿都算大隻， 肉質鮮嫩之餘仲好juicy， 夠曬香脆，一啲都唔油。欖菜肉鬆四季豆欖菜醃得夠曬入味， 豆角夠曬軟熟，唔會太淋太硬，非常惹味。西蘭花炒班球班球新鮮嫩滑，一啲腥味都冇， 夠曬大片， 用料好足。夏日炎炎，梗係飲返啲涼浸浸嘅嘢啦! 即刻叫返一渣竹蔗茅根水，降一降溫當消下暑， 味道唔會太甜，非常清涼。冷盤特色小食都有好幾款， 樣樣都想食，真係好啱我口味。小菜款式選擇多， 價錢唔算貴， 都幾經濟。

這間位於元朗的粵舫老趙，有點似大排檔叫餸食飯，蒸、炒、煮、炸樣樣齊，還有多款新鮮海鮮供應，價錢都是幾十元起，認真抵食。因為今晚OT比較夜，十點先去食飯，元朗很多舖頭都差不多收工，反而這間老趙就有宵夜時段，啱哂我班夜鬼。鳳梨黑毛豬咕嚕肉咕嚕肉大小剛好一口一件，帶點香脆，豬肉肥瘦適中，酸甜開胃。粟米班球四個餸裏面比較一般，粉漿較厚，粉多過肉，雖然炸得夠脆，但味道一般。椒鹽鮮魷鮮魷即叫即炸，炸漿很薄，魷魚新鮮，十分香脆，送酒一流。XO韮菜花什菌炒蝦球蝦肉新鮮大隻，肉質結實爽彈，加上XO醬調味，咸鮮味道正好用來送飯。

今晚帶媽媽黎元朗試下d老式大排檔餐廳似茶餐廳格局 d位好寬闊坐得夠曬舒服食物選擇好多冰梅一字骨 $98用上排骨，先炸過再落鍋加泰式甜酸醬炒香肥瘦比例均勻加埋d醬汁，甜點好開胃食多幾舊都唔會覺得漏美極海蝦$168好新鮮既大蝦！肉質彈牙，好爽口用埋美極醬油，好惹味食到聽唔到口豉油王鵝腸 $98媽媽一向中意食鵝腸今次竟然有呢味，梗係要孝敬下媽媽鵝腸好肥美，洗得好乾淨炒既火候足夠，夠鍋氣！星洲炒米 $78超大碟，簡直係4人份量性價比好高配料都好夠，有四隻大蝦色香味俱全！碟碟都夠曬惹味

今日太早食晚飯，所以十一點幾便肚餓到訓唔著，好想食d有鑊氣噶宵夜，所以朋友便推介黎左呢到。呢到算幾寬敞，一d都唔逼，我地三人揀左張卡位坐。個餐牌上有咁多菜式可揀，有選擇困難症嘅我交比朋友發板。沙拉一字骨：啖啖肉，配上沙律醬，好開胃！豉椒炒蜆：呢個最有驚喜，d蜆大大隻，完全無沙，就算豉椒調味，都食倒肉質鮮甜！馬拉盞通菜：不過不失，d通菜又嫩又綠，十分惹味！瑤柱蝦球炒飯：估唔到一d都唔油，好有口感！d蝦挑曬蝦腸，好細心！呢到既坐得舒適，侍應服務態度唔錯，又可以食倒大排檔風味嘅野食，睇黎我又多一個食宵夜噶好去處啦！

元朗終於有個坐得舒服嘅大排檔喺B仔嗰邊搵食，見到有間新開嘅大排檔，地方光猛，又爆曬棚，價錢不貴，於是入去試下！一行四人排左大約十多分鐘就可以入座！豉椒炒蜆 $108蜆都幾大隻，乾淨無沙，豉汁味濃郁！大龍躉兩味 $188龍躉球入味，不會散修修，班球很重膠質，西蘭花爽口！蒜蓉粉絲蒸龍躉骨腩，蒜香味濃郁，用上粉絲和腐竹，吸收晒魚味精華，送飯一流！黃金海蝦 $168鹹蛋爆香，成隻蝦都係鹹蛋黃，蝦肉爽口，連殼都可以食埋，值得一試！街坊生意，人均$150左右相當合理啊！

今日屋企人想食大排檔於是去咗新青街嗰邊搵食 ， 見到有間新開嘅餐廳夠光猛又多人，於是入去試下 。先點一份酥炸大腸， 份量足足可給4-5 個人食，大大件既豬大腸洗得好乾淨，脆爆既外皮，咬落d汁滴哂出黎，落埋芥辣、甜醬，食落非常滋味，腸裡也讓入蔥頭， 怕豬腸味嘅朋友都可以一試，配啤酒一流！大斑兩味$188 其中一味是用蒜蓉加粉絲配鮮枝竹，魚皮很重膠質 ， 枝竹粉絲入曬味，餸白飯絕配！西蘭花炒球， 魚肉很滑， 西蘭花爽脆脆皮炸乳鴿， 皮脆肉嫩多汁，送啤酒一流！人均百多元， 坐得舒服又乾淨算很不錯了！

為何深夜總是餓😅😅😅夜麻麻去邊度食宵夜好🤔打包返屋企又唔好食，一問之下，我哋兩啤人出發搵食😬😬呢間粵舫老趙，啱啱新開，仲營業到凌晨兩點添，啱晒我哋，可以啤啤佢🍺🍺地方乾淨，冷氣夠凍，小菜款式又多，蒸餸，煲仔菜、川辣小炒，湯𡙡，啤酒汽水，竹蔗茅根⋯⋯生炸乳鴿，好正！肉質夠嫩，好香口，大細適中，食完再叫多一隻龍躉兩味好吸引＄188 兩大碟，新鮮貨！味道很好又唔會太咸，肉質紮實又弾牙，超值超值🤭🤭龍躉兩味好送飯，忍唔住叫咗個瑤柱蛋白炒飯好鬼大碟，粒粒分明小炒王都好足料喎😍😍大大隻蝦仁，鮮尤，腰果，韭菜夠晒翠綠，夠曬獲氣，佐酒一流🍻🍻🍻豉椒炒花甲，大大隻，好惹味啊每人百幾蚊，成枱都係餸！好好味所以全部食晒食到好鬼飽添宵夜新寵，坐到人哋兩點閂門😂😂

中學同學約食飯，事關有人收夜，咁就要食宵夜啦，大家都住元朗就唔使山長水遠出九龍啦😆😆搵左達輝徑以前做放題個位，轉咗做大排檔中菜，新裝修乾淨企理，坐得舒服😌仲好有氣氛添！一邊飲啤酒一邊食小菜暢談🤗🤗大龍躉兩味做緊特價$188😱😱😱呢個係10年前嘅價錢吧🤭🤭金銀蒜鮮支竹蒸班頭腩：好大碟、下面鋪鮮支竹，上面少許粉絲蔥段，配埋金銀蒜真係好惹味，即刻想叫白飯😂😂西蘭花炒班球，但叫$148🤭夠獲氣，肉質紮實鮮甜，夠新鮮，店員好細心，俾埋蝦醬👍👍豉椒炒花甲 好大隻，好肥美，脹卜卜👍送啤酒一流小炒王也非常足料，鮮尤，原隻蝦仁，菜甫，腰果炒得乾身又夠鑊氣，$88好抵食🤤生炸乳鴿 好嫩口，外皮又脆又香，一人半隻啱啱好🤩🤩宵夜時段唔使等位，可以慢慢坐慢慢飲，價錢環境服務都好好，唔使諗下次都係呢度😬😬

加班收工，同事系元朗地膽，推介元朗有一間新開嘅餐廳，地點方便，食小炒好夠鑊氣，重點係有冷氣，一於試下！環境乾淨，地方算大，一定要叫番中式大排檔菜式，枝竹豆腐魚雲煲$108，熱辣辣上枱，魚云炸得香脆，新鮮吾腥，豆腐及支竹吸晒魚雲嘅鮮味，味道適中唔鹹，沙薑雞腳$48，靈魂嘢食之一，沙薑八角味出眾，而且雞腳軟林林，腳長脹卜卜啖啖肉，估計有成10隻雞腳，正，黃金鮮魷$118，邪惡菜式之一，鹹蛋味夠香，而且起沙，鮮魷口感脆身，而且每舊都掛上鹹鹹香香嘅鹹蛋醬，送酒一流！咸魚雞粒炒飯$78，值得一讚，炒飯夠鑊氣而且大碟，吾油身，咸魚大大粒，總括環境乾淨，服務親切，不設加一服務費，重點小菜夠鑊氣，份量大碟，又可以多一個聚腳點，已經訂了枱下星期再食呢間嘅雞煲，而且小菜款式比較多值得一試，每人百鬆啲，食到飽，仲要打包可以做明天午餐

屋企附近開左間小菜餐廳，老公最鍾意食小炒，岩晒餐廳裝修雖然比較普通，勝在座位够闊，坐得好舒適，最怕食飯迫住坐今晚叫左三個小炒，有最鍾意既小炒皇，話明小炒皇，必定要够煱氣才算合格，今晚總算無去錯地方，煱氣十足，配啤酒無得頂重有炸羽鴿即炸熱辣辣上檯皮脆肉滑🥰，好出色，必食推介，100分重有黄金尢魚，外面有小小咸蛋黄味道，尤魚本身味道不重，加上咸蛋好夾👍又係佐酒無得輸之選花生，蒿頭也有供應，各類小炒應有盡有，也有蒸魚和各類海鮮價錢亦大眾化，呢個好評值得比 重無加一服務費添

大排檔算是香港的特色的店之一，由以往的街邊小店現已演變得新式乾淨，但所謂的鑊氣仍是一流～之前聽畫室朋友提到這店，便帶了家人來嚐嚐鮮。幸好朋友沒介紹錯，嘴尖的老一輩都很滿意這餐。新開不久已很多人，店裡燈光明亮，也乾淨企理。要是帶老外朋友是個不錯的好選擇。店裡有寫竹庶茅根，相當的清甜解熱，又健康。點了我最愛的魚香茄子煲，茄子跟肉碎都不少，茄子很鮮一絲絲不會煮得很爛卻又入味。魚香很濃郁配飯吃一流，煲仔煮的是夠惹味。薑蔥蠔是令我驚喜的菜之一，瑋般蠔要是不鮮會有腥味。此菜完全沒這問題，且蠔一件挺大厚肉，薑蔥爆香煮後相當香濃～炒飯也不錯，火喉控制得宜，乾濕度剛好，飯粒分明不會黏答答。加了蛋黃雞粒炒增加了咬感。另一個令人驚喜的菜就是魚頭煲沙，魚湯熬得發香，配上白菜非常清甜好喝。此湯真的力推，足料香口，忍不住喝了好幾碗。元朗真的是值得愛吃的人來探索一番，不論地道小菜還是特色美食都有。且又不是連鎖統一的味覺，很不錯。

開業不久的粵舫，常常路過，早就想試試看，可是總湊不出對的時間，也配不到對的飯腳，這次機會終於來了 😋😋外貌繁華，內裏平實；環境尚算企理，座位舒適寬落。餐牌菜式種類繁多，價錢合理，免茶免芥免加一，超值抵食。隨便點了幾款家常小菜，東江沙薑雞 $108半隻，賣相吸引。雞肉嫩滑，連雞胸位置亦不嚡口，沙薑夠味，整體不錯。蒜蓉白菜仔 $68，白菜腍甜，沒有菜青味，蒜蓉夠多夠惹味，雖然是個極平凡的家常菜式，郤是人人喜歡。時菜豆腐魚雲湯 $98，湯底鮮甜美味，上枱夠熱。豆腐嫩滑，可惜比較碎。要是換上大芥菜，味道更佳。大魚頭雲，肉厚新鮮，沒有腥味。本身喜歡魚湯，魚雲也是心頭愛，非常合胃口，一碗接一碗。😍😍鳳梨黑毛豬咕嚕肉 $98，黑毛豬勝在沒有豬騷味，加上開胃的甜酸汁，老幼咸宜。是日的家常小菜，三餸一湯；雖然普通，郤是極親切，充滿著家的感覺。

今天和朋友一起試下這間不辣的秘制雞煲。有雞肉很滑，，秘制酱料非常野味。而且芜茜非常多，本人非常喜歡食芜茜所以下次還會再來吃，這個雞煲配碗白米飯🍚一流吖。我們還叫了一碟秘制酥炸美國桶蠔，現在吃蠔正是時候吖。成半個巴掌禁大，外脆內軟而且一口咬下去還有蠔汁流出來。下次來必食吖。，一碟大概6只左右。桶蠔還有大大粒元貝嘎。叫左禁多肉當然少不了一個金銀旦時蔬啦。青菜非常鮮嫩去大排擋當然少不了啤酒啦。我自己就叫左杯凍檸茶，這杯凍檸茶比我以前去的茶餐廳大成半杯即是是一杯半份量。

帶幾個女孩，想吃大排檔，於是去了西菁街嗰頭搵食，見到有間新開嘅餐廳，乾淨又食到小炒，當然要試一試！涼拌手拍青瓜 $48拍青瓜爽口，少少辣，很開胃！蒜茸菜心 $68菜心鮮嫩，蒜蓉味十足，不會炒得過老！生炸BB鴿 $38隻乳鴿炸得通透，皮脆多汁，有大排檔風味！$38隻有呢個質素很難得了！豉汁鮮竹蒸脆鱔 $168即叫即蒸，份量算多，有三分一條鱔，豉汁入味，新鮮腐竹吸晒魚汁，送飯一流！京都一字骨$98酸酸甜甜十分開胃，小孩送飯首選！人均百多元，可以乾淨安心食到小炒，很難得了！

係西裕街個頭想食大排檔，見到有間又光猛人又多既粵舫老趙，大部分的小菜都是$100 以內，價錢相宜，於是入去試下！一行四人排左大約15分鐘，店內環境熱鬧，侍應服務亦很快，還會推介有乜好食。豉椒炒蜆 ($108)蜆的size都幾大隻，洗得好乾淨，食唔到有沙，汁醬香濃！揚州炒飯 ($68)配料很多，炒得很有鑊氣，飯很乾身，屋企好難做到呢個效果西蘭花炒班球 ($148)班球很入味，一整塊，不會散修修，西蘭花不會過火喉，份量適中。XO醬小炒皇 ($88)用料很多，菜脯爽口，海鮮彈牙，不同味道混合一起很特別，值得一試街坊生意，人均$150左右相當合理啊！