米線陣 (荃新天地)

🌶️🍅🐓麻辣蕃茄湯麻椒雞米線 $62平時食米線陣都好鍾意食佢地嘅蕃茄湯 非常濃郁嘅蕃茄味 仲有好多蕃茄肉! 今次係我第一次試麻辣蕃茄湯 我嗌咗小辣 覺得食唔到辣嘅朋友都可以handle到💖麻辣味輕輕吊一吊另外一個重點係佢哋新推出嘅麻椒雞雞件數量都多 一咬落去啲肉滑嘟嘟 啖啖肉仲有佢哋係比豉油雞🤎食落去有雞味之餘鹹甜都平均 好入味🤤配埋椒麻食到嘴邊有微微嘅麻辣感覺 好正呀! 另外呢款米線都可以選擇加多幾款餸 淨係食雞唔夠餸嘅朋友都唔使擔心! …查看更多

黑醋豬軟骨米線味道唔錯，啲米線配清湯，有咬口得嚟又不會太淡味。黑醋豬軟骨酸酸地都幾開胃好味，啲豬軟骨肉炆得好霖，啲配菜都係幾好味。啲菜味道就不過不失，奶茶味道都幾香濃，下午茶來講整體都唔錯。…查看更多

今日就嚟試食米線陣最近新出嘅$25小食放題✨暫時只有3間分店有得食 食放題嘅話需要主動同待應講 要手動落單先叫到㗎～今次揀咗佢地preset咗嘅米線肥牛芝士魚腐麻辣茄湯米線＆麻辣蕃茄湯嫩雞豆卜米線 分別係$52同$48 咁樣叫再加$25放題就再抵食啲😋除返開都係$75一個人 放題食到90分鐘 都幾抵食👍🏻除咗糍粑其他小食上菜嘅時候都係凍嘅 所以我就覺得浸落湯度食會好味啲😛第一轉嘅時候會上晒啲小食 第二轉就畫紙仔追加不過因為食到咁上下餐廳都開始多人 侍應都好忙就要預咗食第二轉嘅時候上菜速度會慢啲～凍檸茶係任加茶底 可以轉飲其他嘢飲 不過就冇得任飲飲完就叫侍應再添預先整好嘅茶底 飲落都係凍嘅不過預先整啲冰會溶咗冇冰 不過本身飲第一杯嘅時候都有冰 所以唔算太大問題🙌🏻我自己飲開走甜 呢杯雖然落咗甜但係又幾好飲😂平時食嘢加一款小食閒閒哋都要十蚊廿蚊 今次又食得幾飽下咁我覺得呢個都試得喎🤣🙌🏻後記：第二次食嘅時候就發現冇咗凍檸茶任飲同埋麻辣花甲木耳就轉咗做糖心蛋…查看更多

食勻咁多間米線，最出色嘅蕃茄湯一定係米線陣，尤其係佢哋嘅麻辣蕃茄湯，濃郁蕃茄味帶住甜辣交織嘅層次，湯底同米線都係一流，絕對係必試！ 今日食：芝士魚腐+炆冬菇（麻辣番茄湯）+熱阿華田**，$58整體性價比唔錯～ 芝士魚腐：真心好食！芝士香濃帶奶味，係亮點！ 冬菇：普通，冇乜特別，唔會再叫。下次都係揀番肥牛配芝士魚腐，肥牛嘅水準一直保持得唔錯，穩陣！ 熱阿華田：比較失望，味道太淡，飲落去冇乜阿華田嘅濃郁感，可以skip。個人覺得米線陣既特色飲品係青瓜豆腐，真係好飲，但唔知點解依加冇左。芒果烏龍茶還可以，芒果個堆好甜，中唔中意睇個人。總結：米線陣嘅麻辣番茄湯真係無得輸，值得回頭！ …查看更多

嚟「米線陣」梗喺食米線啦，錯！真喺嚟唔喺食米線，因為今日兩公婆又過嚟荃灣睇早場，先晌荃新天地一期食個早餐，再過去二期睇戲，因為一期呢邊多嘢食，就喺商場內嘅中庭地下就見已經有好幾個選擇，「米線陣」未幫襯過，加上其中有一個系列嘅港式早餐好啱我。因為餐廳位處商場嘅中庭大堂，而唔喺入舖，所以，空間咁十足，加上其實餐廳佔地都唔細，再者星期六一朝早嘅人流真喺唔多，所以，會感覺更寬敞。雖然餐具、簡單調味料已經放喺枱上，但喺出面有個櫃枱放咗熱水、餐具，另一邊又有個調味料區嘅櫃枱，自由取用，服務全自助。上文講過有個系列嘅早餐好啱我，就喺呢一款丹麥多士系列，配搭唔同嘅主食，包餐飲，都喺$38 / $40。老婆就唔食得多士，不過，都有其他選擇，港式公仔麵餐、醒神早餐、米線自由配早餐，選擇非常有彈性，唔使擔心揀唔到。炸豬扒煎蛋米粉餐 $36最後，佢嘅選項喺炸豬扒搭太陽蛋配米粉，餐飲就揀熱檸水，唔喺講笑，碗米粉非常之大碗，而且，睇得見豬扒亦好大件，煎雙蛋，絕無欺場，而味道亦唔錯喎，豬扒炸得騷脆，並且醃得入味，仲有啲蔬菜墊底，夠均衡。招牌蕃茄牛肉通粉餐 $40丹麥多士餐屬於比較典型嘅港式早餐只係由 一般多士轉咗丹麥多士 小弟就揀咗配午餐肉 炒滑蛋，主食就要茄牛通。先講啲副食，炒蛋炒得幾滑，而且，好夠份量，睇落有兩隻蛋量，餐肉煎得香口，入口熱焫焫，唔似煎定一大埋攤涼晒，丹麥多士比一般多士自然酥脆更富牛油香。而碗茄牛通唔錯，蕃茄味濃郁，酸香鮮活，味道自然，唔似搵茄膏開嘅貨色，更有唔少蕃茄肉，通粉亦煮得剛好，最怕過腍；啲牛肉都OK，腍滑有肉香。熱咖啡、熱檸水呢個喺同老婆幾例牌嘅選擇，因為唔喺茶記，唔知奶茶得唔得，無謂搏，其次，搵手機落單時，見喺即磨咖啡，心想應該穩陣啲。事實上，杯咖啡算唔錯，啲豆幾香，而個人就覺得啲奶偏多咗少少。今次嚟「米線陣」食早餐真喺有少少意外驚喜，估唔到佢米線以外嘅嘢都做得唔錯，比預期好。此外，餐廳位處商場嘅中庭廣場，地方闊落，空間感強，加上呢度嚟戲院近，我哋可以睇住時間慢慢食。…查看更多

試試米線陣$25凍檸茶小食放題實測到底伏唔伏？ 需要先叫一碗米線 再加$25就可以任食幾款小食佢哋有六款 ⭐️香辣皮蛋 ⭐️香辣青瓜雲耳 ⭐️醬辣豬肚⭐️麻辣鴨血韭菜 ⭐️爆漿黑糖糍粑同埋⭐️香辣花甲木耳 🥲不過今次賣晒食唔到😍最鍾意會係黑糖糍粑 軟綿綿 中間有流心黑糖.特別講一講佢哋檸檬茶 係無限添飲 而唔係任飲😂檸檬茶得1.5片檸檬 之後店員會幫你加茶‼️第一杯檸檬茶可以自己揀甜度 添茶嘅糖度係固定茶底比較偏甜 本身鍾意飲甜所以覺得OK餐廳好環保 1.5片檸檬茶可以飲好多杯🤣.單點豬軟骨份量勁少 碎濕濕 得一匙羹份量如果叫雲吞會開心啲 至少有四粒.‼️只有三間分店有 荃灣荃新天地 元朗廣場 馬鞍山恆安整體價錢唔貴 其實都算抵食 仲有唔算多人 但都辛苦哂店員好忙🙏🏻.#hkfunfoodrecord窮遊香港#hkfunfoodrecord_咩都試試系列.#米線陣 (荃新天地) (荃灣)地址：荃灣楊屋道1號荃新天地地下FC1-2號舖..#hkfoodie #foodiehk #hkfoodblogger #hkblogger #hkfoodies #hongkongfood #食評 #尖沙咀美食 #旺角美食 #太子美食 #銅鑼灣美食 #沙田美食 #荃灣美食 #葵芳美食 #深水埗美食 #中環美食 #香港美食 #觀塘美食 #米線 #任食 #放題 #任飲任食 #凍檸茶…查看更多

今日（10-11-2024 Sun） 同老公去買餸前食過飯，我哋行到嚟呢頭唔知食乜嘢好，走入嚟荃新天地地下，發覺好多食肆都執咗，而原本係KFC嘅都變咗我哋未食過嘅米線陣， 於事入嚟食下，坐低睇完menu掃QR code落單，咁我哋就要咗：2. 叫午後之選加$3.00嘅凍奶茶呢個味道較淡。2分1. $50.00午後之選嘅重慶酸辣湯豬扒鴨血米線我只試佢一件鴨血，湯就酸唔係好辣，不過可能我係淨係舀面嗰浸；鴨血係滑嘅但係就冇乜味；豬扒我冇食到，因為老公話驚我會覺得辣，同佢係冇剪開成塊上，其他我就冇問。3. $58.00嘅人氣米線～大大碗特盛米線，加$4.00要擔擔麵湯底呢個材料有鯰魚片，牛丸，芝士腸，魚蛋，豬，牛，雞肉片，豆卜，雞翼，蘿蔔，唐生菜，韭菜，火腿片，香蒜炸醬同酸菜。鯰魚片滑亦唔腥；魚蛋係爽但唔係實，鬆鬆地；雞肉片係粉紅色，僅僅熟；雞翼中間都紅紅地，味道我覺得係滷水雞翼，幾入味；豆卜唔腍又唔硬；香蒜炸醬好好味；米線都彈牙嘅；擔擔麵湯味道唔夠濃；其他都正常冇問題。3分服務：全部都係年輕人，亦全部都有禮。抵食係2.5分…查看更多

行去米線陣吃下午茶餐，因為有迷你下午茶選擇，適合胃口細的我。下午2時開始有供應，四款麵食，有鮮蝦雲吞米線、鮮蝦雲吞魚蛋米線、瑞士雞翼香辣肉醬撈麵，紅燒牛面肉麻醬番茄麵，配熱飲一杯，不用加一，我覺得價格不貴。同樣價錢，我認為牛面肉性價比高些，所以選了紅燒牛面肉麻醬番茄麵，自已掃碼下單。先來熱奶茶，茶味不太濃，口感一般。然後麵來了，一個欖型碗內盛載了紅彤彤的番茄肉，份量不少，你是每吃一口麵都可以同樣吃上茄肉，茄肉綿綿密密，甜甜酸酸，令人開胃。牛面肉有好幾片，肉質冧滑，容易咀嚼。說是有麻醬但吃不到辣的感覺，只有濃郁的番茄湯味。麵是用光身的快熟麵，口感爽爽彈牙，全碗麵的熱度適中，不會燙口。平平地可以吃到一個質素不差的下午茶是不錯了。…查看更多

今日嚟咗食呢間位於荃灣楊屋道1號荃新天地地下FC1-2號舖噶米線陣，點咗招牌大汗豬扒香濃擔擔湯米線，大汗豬扒面嗰層炸到脆卜卜，裏面嘅豬扒肉味濃，肉質彈牙有肉汁， 一啖咬落去還聽到少少脆脆嘅聲音，配上少少嘅辣椒粉好惹味，如果放落擔擔米線嘅湯，吸收左湯仲正，湯入面芝麻醬嘅香配埋豬扒又係另一種風味。米線煙韌，因為湯汁比較濃稠，每條米線都掛咗湯汁，加上上面嘅榨菜係甜嘅，唔係平時食開嘅鹹榨菜，都幾特別，口感豐富。呢餐食完真係有少少汗…查看更多

We used to have Mixian Sense during the old days. It’s one of the cheapest and delicious noodle options you’ll find in big shopping malls. I like their fried pork chop and rice noodle soup the most. This time they seasonal menu has Vietnamese pho soup base so I picked it with my favourite pork chop. The soup was fragrant and easily digested, there were a few slices of lime, white onion rings, herbs and red chilli. It went well with the noodles, fried pork chop and Vietnamese sausages. Like usual, pork chop is big, flavoured, came with the main bone, and served fresh and hot. It’s my go-to order when I couldn’t think of what to eat. Tea set came with a free hot drink. Good hot lemon tea yea. …查看更多

呢排經常到荃灣工作，在荃新天地底層，經常吃這間米線陣。最近冬天。，新出咗一款胡椒豬肚雞湯湯米線。。於是今次就試吓。開頭仲擔心會唔會好辣，點知吃上去只有少少辣，味道很香甜。而且有時食得太多蕃茄湯都好厭。哈哈，所以今次試吓呢個清淡啲嘅豬肚湯。仲有幾隻蜆。，蜆都洗得好乾淨冇沙。另外每次都會叫很多小食，今次叫咗皮蛋同埋豬扒。這兩副小食是推介的。總括而言，這間米線陣地方很大，坐上去亦很舒服，平均每人$50左右。性價比高。。…查看更多

環境：今次去呢間米線陣位於荃新天地1期，我比較鍾意去呢個商場，多嘢食多嘢行，今次去行街晚餐就選咗呢間米線陣。座位之間闊落，乾淨企理冇異味，上菜速度都好快胡椒豬肚湯米線見到係新產品就即刻試下，首先份量非常多，花甲同豬肚雞都有好多，基本上份量一個人都非常足夠。湯底方面就唔似我哋平時喺大陸食開嗰隻胡椒豬肚湯，呢碗嘅湯底就比較清甜，冇咁重口味，大陸嗰隻就比較重口味，濃味一點，所以我覺得又想食到胡椒豬肚湯嘅味又想清清地，呢個係唔錯嘅選擇大汗豬扒同皮蛋，豬扒入嚟淋身新鮮熱辣上枱，不過皮蛋就比較偏辣總結：荃灣區荃新天地一期有好多好嘢食好多野買，呢間米線陣質素都唔錯，值得推薦…查看更多

一去到，首先點咗碗辣醬牛腩米線，嗚呼～啖啖肉，牛腩叉燒咁滑，煙韌有嚼勁，飯前先點嚟開胃，絕啦！辣醬香得嚟唔會辣到嬲，啱晒唔識食辣嘅朋友。緊貼仲有三色腐皮卷，就係爽口得滯，腐皮咬落去Q彈Q彈，夾埋d 雜錦餡料，晒晒之選呀！😋跟住嗑咗碟金沙豆腐，豆腐外層酥脆內裏嫩滑，啖啖都係咁滑溜，個人覺得淋上面嗰啲蛋絲正宗過滿漢全席。😍簡單講，我喺呢度啖啖滿足，食物新鮮味美，而家諗返起啲口感同味道，肚仔都立刻成日響起喇！想食平民價錢但又想食得開心，啱哂黎呢度解饞，推薦嗒！👍…查看更多

其實本身好鍾意食米線陣,見佢做左melody合作就更心動想去！當日去好多product已 sold out, 真係有人氣！menu都係 melody樣🤣🤣好可愛！咁我就叫左櫻花蝦茄湯米線x辣雞扒 $68 同加配左特飲 粉紅甜心，其實就係紅石榴西柚 $18。食物水準都好，飲品幾好飲添！ 而且食夠$80仲送 melody folder!! …查看更多

今天我與太太光顧米線鎮，打算利用手機點餐。我們這些年長者豈能通曉此技術呢？於是我們尋求服務員的幫助，點了兩份豬扒擔擔麵。然而，我們等待了漫長的時間，至少超過半個小時，才等到上桌。可是，讓人難以置信的是，當我太太正在享用美食的時候，竟然在面中發現了蟑螂！這簡直是無法容忍！於是我詢問服務員該如何處理，結果那位女服務員竟然直接奪走我面前的食物，將其倒掉，好像想以此了結一切，甚至沒有給出任何解釋。直到過了5分鐘，一位胖胖的經理才過來問我是否需要換一碗或退款。這種無禮的態度已經讓我失去了食欲。我已經向衛生局報告此事，並告誡大家遠離這家餐館！這樣的服務質量簡直令人發指！我做了一首詩來表達我心中之憤...食館名譽高聲傳，蟑螂竟伏其中潛。老夫太婦欲點餐，手機猶難通技巧。侍者代點兩碗面，等待時光漫長延。夫人納食驚惶間，蟑螂浮現吞咽難。詢侍應解決之法，面食奪去不解釋。胖經理遲才前來，換碗退款方提議。無禮態度令人憤，食欲全失心頭亂。急報衛生局立案，告誡眾人遠離關。此餐館服務如此低，質量堪憂令人悲。…查看更多