米線陣 (加拿芬廣場)

营业中

休息中

想起經濟抵食,而又要有質素的,這裏應該都是值得考慮的,今次的二人餐,兩碗米線各可選兩個餸,黑醋豬軟骨和牛肚,豬骨湯底,個人覺得比第二碗的鹵水牛展配豬腩肉更好味,油菜也很大碟,隨餐的四選一小菜,選了馬蹄煎肉餅,香口之餘,份量也不少,還包兩杯飲品,埋單也只是140元,夫復何求。

今次點了風琴豆腐串 x 招牌大汗豬扒配香濃擔擔米線，「香濃擔擔湯底」 為米線陣招牌湯底之一，靈魂湯底以秘製「香濃擔擔湯底」為主調，獨有的「5感滋味」風味 - 濃、香、辣、甘、酸，多種配料調味包括紅辣椒油、芝麻醬、肉碎、冬菜、碎花生，湯底有濃芝麻香味，索湯的「風琴豆腐串」，豆腐有湯底精華非常惹味。大汗豬扒🥩已加入辣粉調味，炸到外脆內軟，啖啖肉而且好juicy。@米線陣#米線陣 #擔擔米線 #米線關注組 #米線控 #大汗豬扒 #風琴豆腐串

前幾日 lunch time去咗米線陣🌟試咗最新嘅「香濃擔擔湯底」😻秘製擔擔濃湯香濃酸辣，入口甘香👏🏻特別加入紅辣椒油、香滑芝麻醬、彈牙肉碎、鹹香冬菜同花生碎🥜米線爽滑彈牙，又有咬口😋配埋風琴豆腐串💡每啖都索滿香濃擔擔湯😆滋味滿分💯夠哂juicy♥️配料仲可以揀風味鹽酥雞或招牌大汗豬扒✨招牌大汗豬扒炸至金黃酥脆🔔咬開肉質腍滑鬆軟，香噴噴，勁惹味😍😬朋友仔揀嘅農場蕃茄湯都好正😎香甜夾雜酸咪咪，夠哂開胃💡雞脾肉嫩滑多汁、魚腐夠彈牙🤩

試咗幾次，好抵食，有位坐，唔洗自己拎餐，午餐都係$40-60 左右。平時食蕃茄湯好濃好足料，今次為咗椒鹽豬扒試下担担麵湯底，都好好食啊，唔辣，似豬骨湯加豬肉碎。個豬扒有少少肥膏，好正。

好多時候諗唔到食乜嘢就會去米線陣😆配料選擇夠多之餘份量仲好大！最緊要係快靚正吖嘛！最近出咗限定濃香「擔」當米線✨香濃擔擔米線套餐除咗有風琴豆腐串，仲可以自選風味鹽酥雞/招牌大汗豬扒做配搭😍套餐+$9 仲可以配埋桂圓烏龍冰茶，甜度適中，同湯底都好match🙌🏻擔擔濃湯獨有齊5感滋味！濃、香、辣、甘、酸！湯底超濃郁花生醬味😋配料仲好豐富，有齊紅辣椒油、芝麻醬、肉碎、冬菜、碎花生等！風琴豆腐串吸收哂湯既精華，超級惹味！鹽酥雞外脆內軟肉汁Juicy！呢度嘅小食都有勁多款選擇！我哋就揀咗幾個一齊share😍😍必食大汗雞翼！外脆內嫩，配埋充滿蒜香椒香嘅風沙配料，微辣惹味夠哂香口惹味！蒜泥白肉滋味彈牙， 蒜味香濃，爽口唔油膩😚 麻酸辣土豆絲🥔清爽香脆，麻、酸、辣多重口感層次✨

前排經過米線陣，見到新出咗個以香濃擔擔湯為湯底嘅🌟濃香「擔」當套餐🌟配料有風琴豆腐串x 風味鹽酥雞 或 招牌大汗豬扒，我揀咗🐷招牌大汗豬扒🐖豬扒炸得香脆可口，好有避風塘炒法啲香味，味道香濃好食😋·以「香濃擔擔湯底」為主調米線🍜味道真係好夾，再配搭首推索湯的「風琴豆腐串」，組成極為吸引的香濃擔擔米線套餐。🤩湯底憑秘製擔擔濃湯獨有的「5感滋味」 ——🌟濃•香•辣•甘•酸🌟以鞏固「香濃擔擔湯底」 為米線陣招牌湯底之一。主要配料有紅辣椒油、芝麻醬、肉碎、冬菜、碎花生🥜，令到擔擔麵湯底味道啱啱好，唔會太淡，又唔會太結身太膩👍🏻好食下次可以再食多次😋·📍米線陣 (尖沙咀)📍尖沙咀加拿芬道20號加拿芬廣場地庫#米線陣 #擔擔湯底

尖沙咀呢間米線陣成日都有位，我都去過好多次，座位舒服，自助落單，鍾意食佢嘅糖醋排骨，今次試吓佢嘅自選米線，我揀咗蕃茄湯底，不過覺得加嘢飲有少少貴，要加$9雞，我揀咗手打豬肉同埋冬菇，本身對個手打豬肉好有期望，畢竟佢係要個餐（包1餸）再加多額外+$3 ，或者當第二個餸，以正價加+多$9 ，但係味道真係好一般，唔知係咪比健康人士食，真係冇乜味，仲衰過去佳寶買嘅豬肉丸，食晒成個米線，淨係記得佢嘅蕃茄湯底有蕃茄味。

放lunch唔知食咩好突然間好想食米線試吓米線陣同事推介麻辣番茄湯底我本身唔太食得辣嘢…所以叫左微辣湯底蕃茄再加埋少少辣好好味😋雞翼，滷水蛋，雲吞，蕃茄麻辣米線味道唔錯

今次食午餐 兩個人搵食 呢邊見到間米線陣有位 即入!午飯時間有限!雲吞米線 金菇魚豆腐牛肉麵 滷肉拼盤 熱檸2杯雲吞米線用清雞湯做底 搭條菜加4隻雲吞比你 食到有蝦肉同肥豬肉 夠薄皮之餘餡料亦飽滿麵條夠滑溜,係雞湯清淡左D,可加辣調味無影響既另外係滷味拼盤 牛肚牛展片仲有肉片配花生 加左麻辣汁醬,食落香辣配頭先碗粉味道岩岩好牛展片好入味,牛肚夠彈牙又夾麻辣味 牛肉魚豆腐公仔麵 幾片牛肉同2件豆腐 個麻辣拼幾好食係真既,下次改返食米線米線陣尖沙咀加拿芬道20號加拿芬廣場地庫評分7/10消費$120

甜甜甜……就是甜！蘿蔔甜到好像浸沙糖。蕃茄的甜…是加工的甜點了米線特盛，大大碗（真是只有個碗）內容基本上可以去超市買到！需要穿羽絨，凍死！真是超凍超冷！「不會再來」的上上之選

環境同服務係走中高檔路線 一入鋪頭有少少驚訝既感覺估唔到米線鋪都搞到咁高級仲要用QR code自己掃code用自己手機落單侍應態度都好好環境 衛生 服務以米線鋪黎講都真係無得挑剔手機落完單無耐就有得食一落到覺得食物賣相好似ok 心諗應該唔會太差一食落去發現味道真心唔得 米線好難食 無食過咁X難食既麻辣米線仲要以佢比平時米線鋪偏貴既價錢咁既質素真係對唔住個價湯底辣而不香 味道欠缺層次 好似落左好多料 但奇怪既係成碗麵係完全唔好食 唔係米線專門店應有既水準... 總之唔會再食...

今日突然想食米線好耐無食米線陣了對上一次食覺得幾好的估唔到紅假都仲有下午茶餐今 次點左~生菜魚旦豬骨濃湯(自選)首先一黎到覺得個湯好淡飲左一啖真係好淡呀點睇都似清湯多過豬骨濃湯呀生菜魚旦正常米線份量偏少女仔食都剛好咋~魚腐魚旦轉麻辣湯(下午茶餐)麻辣湯一般啦有少少麻香算係微辣魚腐都係正正常常相比之前今次真係退步左好多短期內唔會再來了

💡減肥清淡之選🍽 清湯魚蛋魚腐米線小編要減肥，就一定要揀少油、比較清淡嘅食物。今次就揀咗清湯魚蛋魚腐米線。雖然係清湯，但個湯都有啲肉味，識落都唔會太齋。魚蛋夠曬彈牙，亦有魚味，表現出色。而魚腐亦都彈牙。最特別嘅係會喺米線上加上芝麻同芫荽，能夠提升成碗米線嘅層次。可能係下午茶關係，米線份量唔算多，女仔食啱啱好。🍽 熱檸茶茶味夠濃郁，檸檬亦夠份量，酸澀適中，滿意！最後，環境舒適，座位寬敞，唔使同人迫，可以慢慢享受自己嘅下午茶時間。

是日放假，重點是要吃一餐平日的下午茶！！可惜午餐吃太飽，下午茶只能選擇一些比較不飽肚的🙈印象中米線站有輕量下午茶，於是便走到這裡。在全份西多士（$27）與西多士拼大汗雞翼（$30）之間，我選了後者，一心想著會低一點脂肪🙊。可能兩種食物都要炸，所以上餐都較一般慢，但上枱時食物及飯品都是夠熱的！大汗雞翼，非常脆口，不會太辣，唯一缺點可能是太細隻（但對不肚餓的我是剛好的）！西多士方面，中間夾著滿多的花生醬，牛油和糖漿都是獨立包裝的，所以客人可自行控制份量。總括來說，這間連鎖店雖然主打米線，但在其他菜式上都會不時改動，有新鮮感，而且價錢親民，我一直都頗喜歡！😊

今晚約了朋友出尖沙咀看戲，想揀一間近戲院，輕食一點又好味同坐得舒服的餐廳，所以就揀了今次這間，這間平時自己出尖沙咀都會去這間吃，因不太貴，味道不錯，平時自己會揀蕃茄湯底，個蕃茄湯底好鮮甜，今次同朋友吃，我們看了一看餐牌，就叫了今次這個鲜味二人選套餐，這個餐包了2碗米線，1個小食，1份時菜同2杯飲品，我自己碗米線叫了鮮蝦雲吞同魚蛋，雲吞外皮很有鮮蝦味，入面隻蝦很有彈牙，魚蛋爽口滑，朋友碗米線叫了豬肚同牛展，我試了一片豬肚，厚同有口感，小食叫了大汗豬扒，塊豬扒大塊，炸得很脆同香口