米線陣 (加拿芬廣場)

营业中

休息中

有時趕睇戲想快食但又唔想但要求，呢間又滿足到我喎，外觀四正走純白風格，環境唔差。朋友試新推出嘅麻辣番茄湯米線，有大中小辣揀，佢揀嘅中辣都幾勁下，都幾四川feel，淨係偷佢啲餸嚟食已經辣到我個咀麻哂，然後仲話好過癮囉😌至於我碗自選都係揀番茄湯，意外地冇乜茄膏感似飲緊真番茄湯好新鮮，呢下好有驚喜，配料揀咗夠入味嘅豬大腸，混咗馬蹄同冬菇粒口感唔錯嘅手打豬肉丸，同埋黑醋味入哂肉嘅豬軟骨，全部都唔差，係豬軟骨再腍啲就更正，另外試咗朋友啲豬頸肉好有彈性同埋都幾香口✨小食方面叫咗怪味雞，見個名好似好得意，食落其實幾正常，其實佢係冷盤嚟，微辣再加少少酸甜幾易入口，愈食就愈覺得帶麻，幾過癮下😛另外個雞幾嫩口，可以揀紅辣椒同青辣椒醬，揀咗後者雖然辣辣地但多咗陣特殊嘅香料味，唯一雲耳係爽口但經過一系列嘅濃味餸菜洗禮之下，個醋味其實唔係好食得出😛仲有嘢飲青瓜豆漿多咗青瓜碎質感豐富咗個味道清新咗，而芒果鐵觀音仲係成個茶包放落去浸添✨不過呢間野一定要講佢個手機自助點餐功能，只要掃一下個QR CODE，唔使裝任何app亦都唔使login任何嘢，直接開咗個點餐畫面有埋枱號就可以點餐，連叫人同對單嘅時間都可以慳埋，方便

星期五晚上既尖沙咀 沒有預約餐廳周圍都咁多人下又得一個鐘左右時間食飯 所以決定快食米線一間又一間 只有呢間唔駛排隊 立即有位二話不說就同朋友入座見到餐牌 隻水餃漲卜卜好似好吸引 於是就叫左最多水餃既紫菜水餃王薯粉呢個係紫菜清湯黎紫菜份量頗多但湯實在太淡完全無味好彩有辣椒醬任加薯粉尚算彈牙 但因湯底無味 所以都係無咩味最期待既水餃🥟結果塊皮真係好淋好淋 雖然夾起無爛 但唔好味入面啲饀無咩特別 味道可以難怪星期五晚上也不用排隊

同朋友趕住有下場，又唔想食煎炸野。。。諗住食下以前尖沙咀食間果間好味米線。點知上到去排隊排到𨋢口，好啦我放棄啦。。。見到附近有米線陣，又應該唔使等，未過去快快趣趣食完就走。入到去自己搵位啦，俾店員勁大聲喝住問我幾位。。。講完兩位佢又唔理我，最後又另一個帶我。坐低睇好食乜叫店員落單，舉哂手幾耐都無人理我。終於截到個店員，原本我係叫左雲吞牛肚酸辣米線。。。點知落單佢落錯左豬腸雲耳金菇酸辣米線，仲要黎左。算啦，都黎左未照食。個酸辣米線隻味奇奇怪怪咁，又淡。。。啲米線又太淋，一夾就斷。完全唔好食。。。食完就走。。。出去食其他野好過。

跟餐豬扒好香脆辣辣地幾惹味，份量比想像中大什菌青菜好健康小油少鹽自選酸辣米線墨魚丸爽口彈牙豬藍玉唔算太肥米線份量足夠晒飽雞件好滑冇雪味，份量亦唔細，整體味道，份量都幾好，連鎖店咁嘅價錢仲要幾快就上菜，係食得過嘅

香酥豬頸肉魚腐酸辣湯米線 $49呢個好重酸辣味好多酸菜!!豬頸肉彈牙有口感🤤唔錯👍🏻魚腐一般🤣主要湯底好入味🤩米線軟硬適中不錯👍🏻👍🏻但個人麻麻地酸辣，所以唔特別鍾意🙈麻辣番茄湯+牛肉片+雞髀肉 $43呢個番茄湯好正好濃👍🏻👍🏻又有少少辣辣地，湯底好match🤩牛肉片唔鞋幾滑🤤最抵讚係佢啲雞脾肉大大嚿又唔鞋🤤唔錯唔錯👍🏻👍🏻花雕醉雞 $41呢個超級入味！！！啲雞好滑好重花雕酒味🤩🤩用嚟送米線或者就咁食都好正🤤分量都好足🤣🤣推薦👍🏻👍🏻咸檸蘆薈菜蜜（熱）$15&咸檸蘆薈冰（涷）$15好多蘆薈粒🤩咸度適中🤤不過熱咸檸比凍嘅做得好啲😂😂涷果杯冇乜味，蘆薈粒都相對少希望可以改善下凍飲😃同埋員工服務態度

星期日放假獨自去偷歡，去了尖沙咀行街，路經加拿芬廣場，沿著樓梯落一層，左邊係大家樂，右邊係米線陣，猶豫了一陣晩餐食乜好，大家樂平時返工都成日食，今次就揀米線陣啦！我最鐘意食蕃茄湯底的米線，酸酸甜甜好醒胃。於是叫左個麻辣蕃茄肥牛餃子皇米線，配川辣青瓜牛𦟌粒，加杯青瓜豆漿。青瓜好清爽，食完沾滿辣油的牛𦟌再食青瓜即刻解了咀內嘅辣味。大大碗嘅米線食完非常飽肚，兩隻餃子足料大隻，湯底酸甜香辣，肥牛等配料吸收哂湯底精華，食完成個口都充滿左麻辣嘅刺激感，即刻要飲一大啖青瓜豆漿去中和一下。食完碗米線額頭都冒出汗，加埋小食同餐飲非常飽肚，埋單盛惠$72，喺尖沙咀區價錢唔算太貴，下次一個人可以再去。

3人行「晚餐」，3碗米線 + 4個小食 + 3杯特飲，唔駛加一，每人$85。仲要用左WeChat香港錢包俾錢，大家樂集團‼️食滿$30即減$10‼️，即係每人七十幾蚊，都咪話唔抵！✨🍜原本湯底已經有好多款： 香菜豬骨濃湯、香濃擔擔湯、麻辣番茄湯、醇醋酸辣湯、剁椒麻辣湯、農場番茄湯、北海道牛乳南瓜湯…… 而家仲推出左個新湯底(滇‧味 雲南酸辣湯)，有新嘢梗係要試吓。三種湯底我都飲左，好貪心🤪！🍜香濃擔擔湯少辣、開胃、花生味香。🍜滇‧味 雲南酸辣湯滇 — 粵音「田」或「巔」(終於知道正確讀音😃☝🏻)，係雲南嘅別稱，將多種特色食材同雲南調味料糅合，仲加入左秘制酸菜，爽口、酸香、開胃。🍜北海道牛乳南瓜湯超濃牛乳味，再加左啲南瓜蓉，好香甜，感覺健康。🥢小食有川辣口水雞、清湯蘿蔔、嫩綠油菜(唐生菜)、花雕醉雞翼，我最鍾意係個花雕醉雞翼🐤🐤🐤，酒味香但唔會太濃或者帶苦，雞肉做得夠彈牙。🍹特飲有十款，有啲都幾特別，我哋叫左咸檸蘆薈冰、凍芒果鐵觀音、熱咸檸蘆薈菜蜜，味道唔錯。

果日成班同事上完堂好累 又唔想行咁遠LUNCH時間周圍都好多人特別係尖沙嘴人山人海又貴後來大家決定去食米線陣我都係第一次試食大公司果然有規模落單快 上菜快而且衛生環境好好大家又坐得舒服而且冷氣夠曬涼唔洗食完一頭汗而且有好多套餐選擇大家食完都仲可以飲下嘢慢慢吹下水因為個個都坐得好舒服食得好爽下次大家唔知食咩果陣不妨試下米線陣本人誠意推介價錢合理 服務態度好而且坐得夠寬鬆唔洗逼逼下 好辛苦而且分店夠多 夠方便！

與友人相約時間仍有一段距離剛好有點餓，便獨自HIGH個TEA上網SEARCH發現附近有星林居和米線陣內心猶豫一陣子最後因為想食清淡點，便決定去米線陣紅油皮蛋對於不太食得辣的本人而言，有少許偏辣帶微微花椒味，一人份量剛好而且薄切，不會很膩作為跟餐小食只需$10性價比算高，不要要求太多農場蕃茄湯米線配黑醋豬軟骨第一次食到這麽硬的豬軟骨肉質完全不軟不林，應該單純烚完就算軟骨部分亦好硬，硬度與雞軟骨相若這大概是人生食過最硬的豬軟骨蕃茄湯米線蕃茄味偏淡帶微甜所以不要FF是蕃茄濃湯，否則你會失望米線口感過軟過林，份量少得令本人有點吃驚大概是譚仔三哥少米線後的一半份量幸好忘記叫少米線，如果不是應該只有幾啖女生當下午茶食應該剛好但午餐的話男女生都未必夠總括而言，豬軟骨同米線口感已經完全扣分唯一優點是光速上菜落單至上菜全程大概只需5-8分鐘如果趕時間又想食輕量米線又不追求味道只求填肚可以一試

中意食米線陣既朋友不妨黎尖沙咀呢間 次次黎都唔洗等位 照舊叫左雞脾肉雞翼米線蕃茄湯 湯底啖啖蕃茄 感覺係真材實料！下午茶時間其他人有其他選擇 感覺下次可以試下三絲粉皮加餃子米線 仲有杯野飲添

<估唔到連鎖點米線都幾好味>米線陣有好多分店 但本人其實對連鎖店冇乜興趣 多數唔好食 😂今日經過開 tst. 俾朋友迫左入去就試下 估唔到味道唔錯🤔🍴麻辣蕃茄肥牛魚腐米線 46 蚊🌶🍅🍜 加松葉蟹棒 6 蚊🦀大大碗米線 麻辣湯底 都幾香濃 仲有好多新鮮蕃茄既湯底甜甜辣辣層次豐富😃 成碗麵材料豐富 米線俾圓身比較爽滑嗰 d 肥牛煙靭入味🐮 松葉蟹腳 都幾有口感都有 d甜香 🦀魚腐 都幾夠魚香味 而且有4 舊 落足料🐟 整體 十分唔錯😃🍴豬肉丸肥牛酸辣湯米線 49 蚊 🐷🍲呢個米線係比較幼身爽口嗰 d 😃湯底酸辣味夠 仲加左好多酸菜調味 都做得唔錯🌿 肥牛足料 夠煙靭 🐂豬肉丸整得好軟熟 推介🐷值得一試 而且豬肉丸，肥牛都同酸辣湯底好 match正😍🍴川辣口水雞 44 蚊🌶🐤口水雞44蚊黎講 甘大碟好抵 雞既醬汁幾夠麻香 🌶 用左好多香脆花生做點綴 而主角既雞肉 都幾嫩滑 十分厚肉 以一間米線鋪黎講係好正🐤👍🏻🍴大汗豬扒 21 蚊 🐷炸得好香脆既豬扒 🔥 豬扒好厚 食落啖啖肉 上面加左 d辣粉令豬扒更惹味 推介😃🥛青瓜豆漿 13 蚊🥒 跟餐加13 蚊既青瓜豆漿 甜豆漿加上

因為有支付寶優惠，所以食，講真佢嘅下午茶幾抵，$34有菜加蟹棒雞脾肉，又送一杯飲品，星期日喺尖沙咀嚟講，算唔錯，而且環境唔逼。我仲加$8有3粒蝦肉雲吞味道唔錯，但係蕃茄淡到無咩味，雞脾肉亦無味，跟嘅熱檸水連檸檬味都無，米線煮得太硬，所以，同樣價錢，食返雲#香好味好多~

同朋友係尖沙咀行街 朋友想食米線所以落左地庫食米線陣我地揀左食大大碗米線 可以自己揀幾個餸同埋湯底 配搭多多不過真係好大碗 女仔一個人會食唔晒建議同朋友分享 再另外叫小食不過米線黎講一碗七十幾算貴 唔抵食

同朋友食依個鍋真係唔會只得一個人食，因為絕對會刺激到對方味蕾，一放落枱已經聞到濃郁香料味，再加入五香肉丁、雙色碎芝士、粟米粒配料一同拌勻，熱辣辣香味傳遍四周，試問又點可以抵抗？DIY石鍋燒有3種肉類選擇：美國肥牛、貴妃腩肉片、香酥豬頸肉，另可選麻辣醬或黑椒汁，麵食有烏冬或公仔麵，飲品附送青檸薏米水或淳茶舍。消茶煎茶一支(500ml)Venus自選麻辣醬貴妃腩肉片烏冬石鍋燒，麻辣醬好香唔算太辣，腩肉片厚薄適中，口感滑溜，烏冬滲滿醬汁，食到停唔到口Venus閨蜜就選擇黑椒汁美國肥牛烏冬石鍋燒，試食咗黑椒汁烏冬好惹味(不過嗜辣Venus鐘意麻辣多d)，閨蜜表示肥牛都ok另order咗大汗雞翼同青瓜雞翼辣辣地，口感鬆脆青瓜新鮮爽口，如果2樣都再辣d就更加好la

晚上簡簡單單食個驚喜米線！幫襯過好幾次，因為服務、環境、食物質素都好好，實在要寫個好評讚讚！大大推介大汗豬扒湯面（豬扒薄簿外皮炸得相當香脆）、北海道牛乳湯米線、蕃茄湯底蟹棒米線！