米籽 (置富第一城)

叫咗個下午茶套餐，有個主食，小食再加熱飲。主食揀咗個牛肉飯，碗飯就好多，餸就唔係話10分多，但係都好飽，牛肉飯嘅味道就普通啦，同某一間連鎖食牛肉飯嘅差唔多味道。小食非常大兜，雲耳係食咗少少先至再影，但係都好多，比起其他舖頭嘅小食似乎再多一倍，係有少少麻辣，都整得幾好食。飲品係麥可可，應該係類似阿華田嘅飲品， 10分濃郁足料，而且都加咗幾多奶，熱辣辣好好飲。下午茶呢個價錢覺得算係合理，可以當係一個比較遲嘅午飯食。…查看更多

久違去第一城，平日晚餐有啲餐廳都要排隊，行咗一圈決定食米籽本身係俾佢$88 烤魚(晚上8點後優惠價)吸引，但驚一個人食唔晒😂 都係食返米線🌟四川麻辣湯薯粉 $50🥢可選米線/薯粉/米粉/白飯🥢配料選擇唔算多，揀咗雲耳、風琴豆卜串&豬腩片，份量可以接受🥢平時出面食開5小辣，呢到小辣都幾辣，食完成個咀麻咗😂🥢湯底個人覺得好普通，冇啲人講到咁好味落單後見到好多遲過我入座都已經有得食，最後追問幾次大概~15分鐘後先有⋯⋯等待中途仲被要求讓位，因為有客要食烤魚😑大部分職員態度都幾好，只有深藍色衫阿姐比較差總結：性價比都Ok，食物選擇都多樣化，可以一試但唔會想再食…查看更多

一打開蓋，單憑賣相已經令人食指大動！🤤呷一啖湯，辣勁十足得嚟帶有層次，唔係死辣，而係香麻惹味，飲得出係用咗心機熬製。米線掛湯能力一流，嗦嗦聲咁吸盡湯底精華，非常過癮！🍜主角嘅魚塊份量十足，肉質都算嫩滑。不過，作為一個對食材有要求嘅食家，我必須講句公道說話：魚肉嘅口感略嫌軟腍咗少少🤏，缺少了應有嘅彈性同結實感。如果魚肉能夠再紮實啲，更能喺濃郁嘅湯底中突顯魚嘅鮮味，成件事就完美啦。呢碗水煮魚米線嘅靈魂絕對喺個湯底度。如果你係重度嘅湯底愛好者，追求極致嘅香辣快感，呢碗絕對唔會令你失望。但如果你同我一樣，對魚肉嘅口感都有所執著，可能就會覺得有少少美中不足啦。🤔…查看更多

「龍蝦湯仿鮑魚火腿湯麵 + 螺絲粉」配炒蛋蒜蓉包｜熱麥可可這份套餐堪稱茶記創意代表作！金黃濃郁的龍蝦湯底，鮮味澎湃，帶淡淡蝦膏香氣，卻毫不膩喉。主角「仿鮑魚」厚切彈牙，巧妙以醬油滷出鮑魚的鹹鮮；火腿絲鹹香提味，與湯底意外地搭。驚喜在於雙主食選擇——螺絲粉掛湯力超群，吸盡龍蝦精華；傳統湯麵則柔滑飽肚，建議先試原味再拌入附贈的蒜蓉辣醬，層次飆升！ 配菜更是亮點：香滑炒蛋火候絕妙，半凝固蛋液裹著奶香；蒜蓉軟法包外脆內綿，蘸湯或配蛋都一流。結尾一杯，熱麥可可，濃稠微苦的朱古力香溫暖治愈。百元有找的價位，能嘗到海陸雙重享受，足見店家心思，風雨天的幸福就藏在這碗裡！ …查看更多

🙇🏻話說2115去到門口問職員last order未，職員指示未但要快啲落order, 咁我都配合快快手手用QR CODE 落單。落完單就惡夢開始，叫左金湯酸菜魚米線加雞絲，加錢要既配菜漏左，卻配上錯誤沒有點單既食材草菇，向職員指示錯誤後有職員表示知道，並通知廚房補返，但到我差唔多食完都未有就再追問，點知原來廚房完全唔知仲收晒檔。順帶一提，成碗野芽菜仲多過米線，金湯一啲味都無。趕收工可以唔接單，已經唔係第一次食，但越做越差，唔會再幫襯。…查看更多

勁好味嘅配搭！今日同朋友食下午茶，嚟到米籽食米線叫咗一碗原味豬骨米湯燉孜然豬扒魚肉春卷米線配上重慶酸辣湯，酸辣嘅味道唔單止滲透湯底，而且肉味都一樣，甜辣味道可以任揀大辣至小小辣！我就揀咗少少辣，冬天食落特別香，而且好惹味～配上絕配嘅珍珠奶茶，因為奶茶可以解麻辣。呢個珍珠奶茶溝得好好飲，奶同茶嘅香味好均勻。我同朋友都異口同聲讚口不絕😍而且下午茶價錢非常之抵食加埋一杯奶茶兩個都唔過$100真心推介呀😋😋😋😋😋😋不過紙巾一包要$3 ，呢個就真係唔方便啦食米線點可以冇紙巾㗎？記得帶包紙巾先去食米線啦！…查看更多

買了一個下午茶，雞絲米線，41元。order完等了20分鐘才有，期間在店內問幾時有，還要被呼喝要求快點在外面等。打開看到的“雞絲”就是得小小幾粒雞肉碎，食到最後有一兩小片酸菜，不知是本身應該有的還是鍋裏剩的。沒下次。完。…查看更多

是日下午放假，碰巧家母有事做要去我上班地點那邊，遂在附近一起吃個午飯，去了我也未試過的米籽。午餐餐牌內容有足夠的選項，主食主要有米線、湯飯、泡飯及滷肉飯。原味豬骨米湯米線，配料選了魚肉春卷、花枝丸及肥牛 ($54)，與平時的豬骨湯有點不同，湯底不是清徹的，而是有一層泡沫在面。據集團的網頁介紹，「湯底是用上新鮮豬骨熬煮而成，再配以獨家即磨香米漿」。相信那層泡沫就是加入米漿而成，湯底入口，實沒有感到好特別。米線份量充足，麵質稍為軟身一點。花枝丸爽口彈牙，不會太粉，魚肉春卷及肥牛普普通通。滷肉煎雙蛋飯，滷肉份量多又入味，滷肉肥瘦相間，帶點甘香。煎雙蛋好大隻，完全覆蓋飯面，惟雙蛋煎得過熟，若是太陽蛋，以蛋汁撈勻滷肉飯，應該會更滋味！珍珠奶茶 (+$12)，奶與茶的比例平衡，不會過甜，好多珍珠，珍珠的煙韌度一般。珍珠紫薯牛乳 (+$3)，紫薯的味道隱約，奶味偏重一點，幸好不會只是一股難飲的死甜，所以尚算可以。連同兩杯特飲，午餐的人均消費才$60，都算是飽肚抵食的午餐。…查看更多

在屋企樓下開了一家米線店，食物與價格相符。水煮魚米線味道不錯，魚片滑嫩，份量足夠。每碗60元，點餐後飲品可以用優惠半價，這樣的晚餐價格在現今社會已經算是物超所值了。…查看更多

今日OpenRice order米籽皮蛋芫荽魚片米線外賣自取，拎到翻屋企發現一塊魚片都無，摷黎摷去都係得豆腐，不過真係有好多豆腐嘅🥹究竟係無囇魚片定係用OpenRice落單嘅關係😫平時去到舖頭都係用自助機外賣，因為試過店員禮貌唔係咁好，次次都要等30分鐘先拎得，味道真係好一般，不過價錢都算ok，今日天氣凍突然想食湯米線咪試下OpenRice order米籽，竟然20分鐘就有得拎，係開心嘅，點知開心完就大失所望🫠…查看更多

之前試過早餐午餐都是好評，係未食過晚餐，難得唔使等位就「標」入去食，點了以下食物：1. 重慶酸辣花甲米線：花甲真係好多好多，成個花甲山咁，煮得岩岩好唔會過火，湯底味道適中。2. 泡椒金湯酸菜魚配白飯：魚片嫩滑，湯底跟花甲米線差唔多，酸辣度適中。3. 鮮魚片竹笙肉碎米湯泡飯，湯底味道有點似食緊腐竹糖水咁，份量都多而且鮮魚片都幾大塊。4. 小食- 涼拌雲耳、涼拌手拍青瓜、孜然鹽酥花枝丸：每碟全不過廿蚊，而且又幾好食，份量夠食唔會太小，鹽酥花枝丸最突出，炸得黎係最香口唔油膩。5. 餐飲- 冷泡茶及新鮮冷壓檸水：冷泡茶一支支，飲唔曬仲可以帶走，檸水改用冷壓檸檬汁取代新鮮檸檬片，口味當然新鮮檸檬好得多，有唔少餐廳都減低成本用檸檬汁，感覺會差好遠，下次會改飲冷泡茶。服務員親切有禮，上菜速度亦很快，早午晚係一致好評價，讚讚讚!!!…查看更多

【沙田區】【米籽】沙田第一城呢個地方其實都係美食沙漠嚟，我雖然住呢度，但係喺度食嘢嘅機會可以話係少之又少。話雖如此，點解我會成為一個十八區都去食嘢嘅癡線佬，或多或少都同呢種成長環境有關。有新餐廳，先會想去食一次咁。今次又係一間新餐廳，叫做「米籽」，呢個名嘅越南嘢我見過，cafe 又見過，西餐又好似有一間。行埋去睇 menu 先知原來係食米線嘅，類似台灣菜咁嘅形式。我又係下晝去嘅，就叫啲下午茶嚟食吓，一叫就叫咗兩個餐。第一個係 $40 嘅「原味豬骨米湯肥牛金菇米線」配熱「麥可可」，呢個係佢哋下午茶 menu 上面嘅第一道菜，喺諗唔到食乜嘅情況下，咁樣揀應該係最穩陣。而個答案亦都係咁，碗嘢係唔差，但係亦都只屬於正正常常。跟住我又叫咗個 $30 嘅「孜然鹽酥花枝丸配孜然地瓜條」飲凍「麥可可」，嘢食有兩款，價錢嚟講算幾抵食嘅。始終佢哋冷熱飲品同價呢一點係幾驚喜，夾埋就真係 $70 埋單。而麥可可有啲似阿華田，都幾好飲，唔介意扯兩杯。。。（地址：沙田銀城街1-2號置富第一城地下G97-100號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #foodies #tasty #globaleats #tastyfood #foodpics #followforfollowback #love #eat #1am沙田區 #第一城 #1am第一城 #米籽 #茶餐 #下午茶 #原味豬骨米湯肥牛金菇米線 #麥可可 #孜然鹽酥花枝丸配孜然地瓜條 #1am1192 #1ambackup…查看更多

最近沙田第一城新開咗米籽，所以趁lunch time去試下，嗌一碗嘅份量已經好大，好抵食。佢都可以自選配料，都可以嗌嗌一碗配好咗嘅。豬骨湯好惹味，每啖米線都配埋豬骨湯，食到尾幾乎飲晒啲湯。另一碗嗌咗酸菜魚，啱啲唔食辣嘅人去諮一下酸菜魚。味道好夠，而且唔會好辣，同樣都好大碗，魚塊都有差唔多5-6塊，呢個價錢嚟講絕對抵食！另外仲嗌咗蕃薯條，炸得好脆，唔會焗到淋晒，熱辣辣咁食，配埋汽水，係酸麻感遇上冰火交融嘅感覺！…查看更多

今日晏晝約咗去朋友響第一城嘅屋企咁啱撞正下午茶時段就睇下有咩外賣好食於是就試下呢間米籽👍🏻我哋叫咗兩碗米線分別係「原味豬骨米湯肥牛金菇米線」同「原味豬骨米湯孜然豬扒魚肉春卷米線」另加兩個小食「口水汁蒜泥白肉」「孜然地瓜條」跟餐仲有兩杯凍飲「新鮮冷壓檸檬茶」湯同麵有分隔開湯嘅香味的確能夠引起食慾味道就不過不失份量方面以下午茶套餐嚟講都唔算少👍🏻地瓜條仲香脆冇炸燶冇炸唔透 - 正常發揮蒜泥白肉味道唔錯醬汁偏濃稠蒜泥絲滑👍🏻飲品係而家流行嘅「冇檸檬嘅檸檬茶」因為個人比較鍾意篤檸檬去調整酸度而家冇得篤硬係覺得怪怪哋而家透過Openrice落單外賣自取埋單每人大約$70中規中矩啦始終加多咗兩個小食…查看更多

午餐捻唔到食咩，偶爾都會黎食呢間，由開張到而家都應該食過可能都有10次，食過咁多次主要係味道唔差而且抵食。午餐有D米線/飯套餐係會配埋凍熱飲品，唔係止有咖啡奶茶檸茶檸水，仲有無糖冷泡茶，而且係大大枝可以拎走，凍熱配餐飲品唔使額外加錢，套餐由50幾到70幾都有。今次簡左滑牛風琴豆腐春卷薯粉，加錢轉左重慶湯分量好足夠，重慶湯酸辣適中，配薯粉幾好味同行朋友叫左金湯酸菜魚米線（可以配飯），但呢個算單點無配餐飲，味道同同集團酸菜魚味道一樣，魚分量多，屬於口痕可以食下，但又唔係最正宗果款以午餐黎講，呢個價錢黎講算好ok,但係出餐比較慢，入座到餐上檯要等最少15分鐘，可能要注意。最後推薦午餐撈豬米線套餐，抵食都好食。同埋希望餐廳可以出返果個得開張果排先有既重慶湯魚腩米線，果個幾好食。…查看更多