米真鮮

营业中

休息中

叫咗碗牛魔王蕃茄湯米線，上菜非常之熱辣辣，份量都唔少牛魔王包括有牛丸牛舌牛腩等材料。蕃茄湯亦都好順口唔會太鹹或太甜，呢度嘅米線係可以免費追加，應該適合唔少男士。米線就口感一般般，腍咗啲。但60幾蚊嚟講性價比相當唔錯，幾足料而且味道唔差，算係灣仔返工唔錯嘅選擇。另外叫咗份新疆雞翼，炸到非常之香脆，熱辣辣真係啱啱炸起，仲食到生痱滋。但雞翼本身冇好入味，只係有啲辣粉喺面。

收工肚餓就喺附近搵食先番屋企之前同事介紹過廈門街有間食米線嘅幾出色今次一於嚟見識吓首先想講 就係呢度勁貼心 有埋一次性圍裙 著淺色衫都唔使驚‼️米線可以免費續麵湯底都有得encore添呀‼️每碗米線都一鍋鍋上 保證食到尾碗米線仲係熱嘅🥚尖椒滑嘟嘟皮蛋呢個唔係一般嘅皮蛋佢用埋茄子同椒blend埋一齊好特別 皮蛋亦夠彈牙👂麻辣豬耳沙律(全份)麻辣汁惹味豬耳食落爽口 再配埋洋蔥一齊嗦嗦聲惹味脆卜卜(全份)即係炸豆卜 但佢炸到好似食緊薯片咁上面再有菜甫 蔥 芫荽 芝麻粒食起上黎好脆口 新疆雞翼 (3隻)我的最愛炸雞翼 炸得脆卜卜 雞肉嫩滑雜錦小鍋米線配酸辣金湯另加滷水豬大腸呢個啱晒有選擇困難症嘅朋友乜都有啲 但我仲要加我嘅最愛 - 豬大腸湯底好開胃 我就飲咗幾啖湯先開始食米線😉豬八戒小鍋米線 配藤椒湯另加手工藤椒雞肉丸重點介紹手工藤椒雞肉丸 完全自家製師傅每朝開舖就打打打食落口感彈牙 辣得過癮無糖豆漿下次要試埋佢哋嘅餃子 全部都係人手包㗎

晏晝食lunch行過叫開左新野，幾個同事一齊入去試下，唔講其他人，我叫左個雞骨湯小鍋米線加幾個餸首先個雞骨湯感覺已經唔討好，湯外觀睇係偏濃，不過飲落完全無味，連少少雞嘅鮮味都無，去到呢度我都覺得係自己要求高滷水豬頸肉同滷肉飯嘅肉丁咁無分別，不過都係無味嘅，面且份量極少，12蚊叫真係唔抵滑雞絲就係煲湯雞咁，又嚡又乾蘿蔔冇揀過，太多渣，又唔淋，個湯唔得所以連帶個蘿蔔都唔好食，而且蘿蔔有少少酸味同事個豬皮又酸又有陣膠味全餐唯一正常（係正常唔係好食）係個炸墨魚丸，但係墨魚都係供貨嚟嘅如果都唔好食就真係地獄級難食彈到以為自己係食神史提芬周，不過真係近期少有食到嬲嘅一餐，搞到要去隔離街老麥食個脆香雞翼餐平伏下

近排新開嘅米真鮮，本身已經好大碗，米線仲可免費追加，好有gimmick，男士們食得多嘅絕對要嚟🥢招牌牛魔王小鍋米線有牛筋丸、麻辣牛舌尖、鹵水牛舌筋、美國肥牛🥢招牌雜錦小鍋米線有魚蛋、貢丸、牛筋丸、墨魚丸、蟹柳、紅腸、豬皮、肥牛、滷水豬頭肉米線用鐵鍋上，能保持熱度，入面嘅材料都好多好豐富，米線又多，餸又多，真係多到食唔晒，自己仲加咗腐皮春卷，都幾有咀嚼感幾好食湯底揀咗招牌雞骨湯、蕃茄湯，另有酸辣金湯、麻辣湯及藤椒湯，試咗原味湯底，唔夠味仲可以用店舖提供嘅調味架去調味🥢尖椒滑嘟嘟皮蛋半粒嘅份量，少少辣但好惹味🥢新疆雞翼不一樣的辣，雞翼炸得乾身，不太油膩🚩米真鮮 (灣仔) 📍灣仔廈門街27號地舖

成碗米線無味既，蕃茄湯底個色望落好濃，好紅咁，點知一食落口完全無味，又唔鹹，滷水豬頸肉好似用清水白灼咁，又係無味既，好似烚左勁耐果種淋曬無曬味既肉咁，豬軟骨d骨係硬既，唔係果種燜到啫喱狀既，但係d肉係鞋既，又係無味既⋯唔知可以點做到成碗嘢都淡眸眸無味，d米線又硬又膠咁，完全唔軟滑，未食過咁難食既米線，不知所謂，都唔知自己食緊d乜，成碗米線無一樣嘢係好食既，甚至乎連普通都稱唔上，真係非常失望，早知食譚仔好過。

灣仔開咗間米線好好味嘅餐廳，今日專誠同朋友去食吓。小窩米線揀咗雞湯底，自家每天熬製，味道鮮甜！而且用咗鐵鍋，完全能保持溫度。米線有口感，夠Q彈性為主，吸附了雞湯的精華。基本配料有枝竹、海帶、木耳絲、芽菜等。而且湯底同米線仲可以無限添加。😍😍😍手工藤椒雞肉丸手打果然特別好食，雞肉丸口感彈牙，藤椒帶點微辣，好出色。鹵水牛舌筋鹵水牛舌筋肉質柔韌且富有嚼勁，每一口都充滿了鹵水的香料味道。芫茜餃自家製嘅芫茜餃的餃皮薄而有彈性，內餡新鮮，芫茜控絕不能錯過！雜錦小鍋米線唔想諗要咩餸就叫個雜錦小鍋米線，因為有齊好多款唔同嘅丸類，另外肥牛、鹵水豬頸肉都好夠味。惹味脆卜卜炸豆卜外脆內嫩，咬下去的瞬間，香氣四溢。韭菜鴨血鴨血滑嫩，搭配的調味汁讓這道小吃更加美味。炸墨魚丸外皮金黃酥脆，辣辣地好開胃。

🥳最近食咗間好特別嘅米線🍜裝修走日本風已經夠曬特別😋而且呢度仲有圍裙供應❤️食嘅時候唔怕整污糟件衫😍好細心呢🥳🔥呢度嘅湯底都好有特色✅佢有唔同嘅辣度可以揀😍酸辣金湯🌶️麻辣湯🌶️藤椒湯🌶️唔食辣嘅都可以有選擇雞骨湯或者蕃茄湯都唔錯呀❤️枱面仲有啲唔同辣度嘅辣油🥳鍾意嘅話可以加啲試吓吖😋湯底全部都係每日新鮮熬製💯唔夠仲可以添加👍🐮牛魔王小鍋米線：我哋喜歡食牛😍呢個牛魔王就啱曬我地喇🥳 每碗米線已經配有枝竹，木耳絲、海帶、芽菜，酸菜，韭菜、蔥、芫茜同埋蕃茄片✅入面仲有爽囗嘅牛筋丸👍麻辣牛脷尖味道好過癮👅最特別係第一次食牛舌筋❤️有驚喜💯仲有肥美嘅肥牛添✅🍜雜錦小鍋米線：咩到想試吓嘅hubby就揀咗呢碗咩都有嘅雜錦小鍋米線✅有魚蛋、貢丸、牛筋丸、墨魚丸、蟹柳、紅腸、豬皮、肥牛同埋鹵水豬頸肉😋樣樣都唔錯👍🐙炸墨魚丸：上面嗰粉好惹味😋呢個炸墨魚都唔錯✅🍗新疆雞翼：雞翼真係無法抗拒👍呢個新疆雞翼好有特色喔💯🥛原味豆漿：食辣嘢飲豆漿🥳我自己覺得就好夾啦😋

最近囍帖街隔離開咗間主打米線嘅餐廳店舖唔算好大但食物質數遠超 X哥/X仔 ✨招牌豬八戒小窩米線有五款湯底選擇揀咗✨藤椒湯底滲出啖啖藤椒嘅微辣香味多款豬嘅部位帶出不同口感．食材新鮮追加手工芫茜餃 + 手工藤椒雞肉丸真材實料．口感豐富米線同湯底都可以免費追加非常飽肚滑溜溜嘅米線．口感份外Q彈配上每日自家熬製嘅雞湯底放在鐵鍋內能保持溫度唔會肉類凍咗變硬而影響口感唔怪得好食過以往食開嘅米線咁多啦午市優惠11:30-14:30加$10仲送指定小食同汽水小食都好多選擇．幾有特色✨尖椒滑嘟嘟皮蛋皮蛋口感軟彈．面層舖上惹味嘅尖椒係必點嘅小食✨韭菜鴨血鴨血爽彈軟滑．配上蒜蓉同辣汁．非常香口

經過灣仔見呢間新開米線店裝修幾特別，門口和式設計 ，但入面有啲似客棧，同朋友入去試吓。店子的米線用藤籃小鍋上枱，keep住食物溫度。每碗有枝竹、木耳絲、海帶、芽菜、韭菜等做基底。店員仲話可免費追加 米線 、湯底 同白蘿蔔，咁又幾抵食喎。米線湯底可揀 雞骨 / 蕃茄 / 酸辣金湯，另+ $1可轉 麻辣 / 藤椒湯。我哋叫咗兩款米線。招牌牛魔王小鍋米線 米線基本配料有 牛筋丸、麻辣牛舌尖、鹵水牛舌筋及美國肥牛， 朋友最鍾意牛舌尖同牛舌筋，話有嚼勁又煮得入味。雞骨湯係店子招牌湯底，另外我地加配了手工藤椒雞肉丸，口感彈牙，藤椒香味幾醒胃!豬八戒小鍋米線 店子的另一主打係內臟，每日去街市買同處理。 米線基本配料有豬軟骨、豬腰、豬大腸、豬肝、滷水豬頸肉等，個人最鍾意豬軟骨炆得好腍。我地加配了炸魚蛋同手工粟米餃，小編喜歡粟米餃粒粒粟米有咬口。至於番茄湯底，酸酸甜甜幾濃郁。新疆雞翼 (3隻) 雞翼係即叫即整，微辣有D似土匪雞翼，炸得香脆。麻辣豬皮蘿蔔魚蛋港式經典小食豬皮蘿蔔魚蛋，麻辣過癮，魚蛋彈牙，豬皮如果淋D更好。尖椒滑嘟嘟皮蛋 呢個小食有D川菜 feel, 用尖椒醬混茄子製成，配埋滑嘟嘟皮蛋，微辣

呢間餐廳主打小鍋米線，最特別係可以免費追加米線、湯底同自家醃製白蘿蔔，保證一定食得飽‼️💗招牌小鍋米線+手工藤椒雞肉丸+ 雞腎+ 鹵水牛舌筋（$63）酸辣金湯嘅基底係每日新鮮熬煮嘅雞骨湯，再加上酸辣元素，味道酸辣醒胃，最重要係湯頭唔油膩🍲米線特登從內地麵廠入貨，米線口感特別順滑煙韌，而且非常吸湯🍜基本配料有木耳絲、海帶、芽菜、韭菜、酸菜、枝竹同蕃茄片🍅雞腎每朝從街市選購，保持新鮮，食落爽脆而且無內臟腥味🐓；藤椒雞肉丸由店家自家手打，特別加入雞軟骨碎增加脆脆嘅口感，食落藤椒嘅麻香突出🌶️；鹵水牛舌筋炆得軟腍入味，口感有少少似牛筋腩🐂💗新疆雞翼（$32/ 5隻)雞翼用上孜然粉同辣椒粉醃製，炸得皮脆肉很嫩，香辣又惹味🐥💗尖椒滑嘟嘟皮蛋（$22/ 全份)皮蛋甘香滑嘟嘟，加上用尖椒、茄子蓉、蔥花同蒜蓉調製嘅祕製醬汁，香辣酸胃🥚

今日約咗朋友下午茶，話廈門街有間食米線唔錯，外面門口裝修有少少類似日式設計，裏面環境比較簡樸，用咗木枱木櫈，牆壁上面裝咗幾樽醃蘿蔔，有些木製翻牌寫上一些特別小食！招牌小鍋米線：揀咗蕃茄湯底，每碗米線都有枝竹、木耳絲、海帶、芽菜、韭菜等..這些材料做底，另外可以自選配菜，揀咗滷水牛舌筋，呢個店員推介，比較少有，食落去都好淋！粟米餃，每日員工自己包，即日包好新鮮，裏面仲有甘筍和豬肉，形狀呈波圓形，湯底都比較濃味同𠎀身！豬八戒小鍋米線：內臟都係餐廳每日在街市去買，都會清洗乾淨👍🏻揀咗雞骨湯，平時通常都係豬骨湯底，雞骨湯一樣咁濃味，裏面有豬軟骨、豬腰、豬大腸、豬肝、滷水豬頸肉等…豬的部位差唔多有齊！米線食嘅同平時有啲唔同，食落去更加煙靭！米線用咗鐵鍋承載，保持湯麵嘅溫度，食完碗麵個鍋都仲熱👍🏻唔夠飽米線免費追加，所以一定夠飽！小食新疆雞翼 (3隻)：有少少類似土匪雞翼，唔食辣可以辣粉分開上炸魚蛋 (6粒)：食落去幾彈牙無糖豆漿：豆味香濃又健康

估唔到灣仔都有間咁抵食嘅米線，啱啱喺附近返完工同朋友坐低食！親民小店模式，有5款特色湯地，如果唔想食米線仲可以加$5轉菜底！啱晒我呢啲女士們食😍一坐低之後就有酸辣蘿蔔食啦，職員話係送‼️如果唔夠辣嘅話佢哋仲有唔同嘅辣椒提供可以再加落湯底。同埋呢度嘅米線可以免費refill 㗎～🌟每碗米線都有枝竹、木耳絲、海帶、芽菜、酸菜、韭菜、蔥、芫茜、蕃茄片！🎯$40小鍋米線配三餸（酸辣金湯，蟹柳，蜂巢豆腐，午餐肉）轉菜底成碗麵最有特色一定係湯底，湯底夠晒濃郁！下面菜底真係好多㗎，有生菜椰菜等等。而且份量好足夠！🎯豬八戒小鍋米線蕃茄湯呢度最出名就係食內臟，呢碗豬扒戒真係絕對值得試吓！佢哋嘅豬膶每日都係喺街市直接購入，所以真係非常新鮮！🎯惹味脆卜卜 （半份）原來係炸豆腐，而且仲要夠晒脆口又惹味。🎯麻辣雲耳拍青瓜（全份）青瓜口感夠清爽，麻辣雲耳夠晒辣度。🎯尖椒滑嘟嘟皮蛋（半份）佢呢個皮蛋好特別會加入茄子，口感好豐富。🎯新疆雞翼脆卜卜而且夠晒惹味嘅雞翼，配米線係一流。

餐廳開喺公司附近 平時經過見到有人排隊，見佢嘅食評都有啲好評，價錢又唔算好貴，就去試一試。。。。大伏。。。大部分既餸都好難食 !!!!尤其係豬皮同墨魚丸唔知用咩浸過有陣怪味。。真係唔誇張地講無食過咁難食嘅豬皮!!!!!!其實我懷疑佢係唔係豬皮，口感同味道都好怪。唔明點解會有人排隊金湯入面都有蕃茄 個配搭都好奇怪。我幾乎冇點寫過食評都真係忍唔住。墨魚丸成粒都好似係麵粉做。朋友叫既雞腎都好難食 好腥 同埋有少少唔熟。一定無下次！

灣仔食飯入左間米線鋪，一上檯就放上自家製醃蘿蔔望望下先知食米線可以免費追加米線，湯底都有得加，仲有其他醬料任加餐牌有正常小鍋米線，仲有雞雜，雞雜同牛米線，餐近街市，所以每日係街市新鮮入貨湯底以雞湯為基底，藤椒湯底好特別每窩米線原煲煮，所以上檯時個鍋好熱，起碼keep到溫15mins，怕彈到成身汁仲有圍裙提供招牌雞雜小鍋米線（雞腎|雞絲|雞肝|雞心|藤椒雞肉丸），另外加左麻辣牛舌尖同手工芫茜餃藤椒湯底又香又帶少少麻，米線口感比較Q彈，唔係淋每窩米線內已經跟上9款配菜，枝足，木耳，海帶、芽菜、酸菜，韭菜、蔥、芫茜、蕃茄片雞雜米線入面藤椒雞肉丸又麻又辣，因為混入雞軟骨，所以入口好有口感，推介所有雞雜都好新鮮同份量好多麻辣牛舌尖有4塊，每塊都有厚度同軟淋有口感，唔錯手工芫茜餃，芫茜味道適中唔會過份重，可以一試惹味脆卜卜，係脆豆卜配芫荽酸菜蔥，脆卜卜帶點辣好香口，好開胃，唔差尖椒滑嘟嘟皮蛋，好似擂椒皮蛋，尖椒加茄子攪成醬，配上半粒皮蛋，少許辣油調味，好特別，同普通尖椒皮蛋唔同，口感幾好餐廳有優惠，每日三點同六點半，$30就食到米線，仲有10個餸，啱時間經過真係試下

成日食連鎖店米線都食到厭，今日搵到呢間新開小店，主打豬雜雞雜米線，試下佢先！醃蘿蔔，可以refill，今日仲每枱送左雲耳青瓜比客人試下，個辣好正，雲耳爽脆，上面有迎新芝麻，夠香。雞雜小鍋米線，米線連鍋一齊煮，可保持溫度，平時我好少食內臟，見呢度主打，都放膽一試，豬雜雞雜每日街市新鮮採購，不留過夜，食落每件都好爽口新鮮，連最粉既雞潤都唔粉，平時岀面食既內臟會有一陣奇怪味道，但呢度因為新鮮，係好食好爽的！米線表面好滑，未食過咁滑，咬落有嚼勁。惹味脆卜卜，炸咗個豆卜，上面配咗各款酸菜，蔥，芫荽，口感似臭豆腐，但唔臭的。韭菜鴨血，做得好靚，食落滑口，辣度啱啱好。喜歡食辣既朋友仔，仲可以試吓呢度嘅特製香料辣油，魔鬼辣椒片，炸蒜，滴滴辣辣椒油，勁辣！