米泰 (MegaBox)

营业中

休息中

嗱！老實講一句啦。今日口痕想食泰國菜，於是來到megabox嘅「米泰」，聽聞係新開業，裝修絕對靚仔，就試下佢啦！食泰國菜，當然泰式奶茶不可缺少。泰式奶茶有別於港式奶茶，它的特點是更香更濃更甜，顏色也更顯眼，對於喜歡奶茶的人，米太的泰奶茶絕對算上乘！至於咖啡，口感甜中帶苦，帶有特殊的香料味道，非常清爽，米泰必嚐項目。泰式船面。作為泰國特色街頭美食代表之一，米泰的船麵算是正宗，湯鮮味美，湯底佐以各種香料和調味料，口感鮮辣濃郁，回味無窮。牛雜料亦算豐富。好評！泰式豬手飯。米泰的豬手飯勝在夠入味，口感鮮嫩，味道十分獨特。搭配雞油飯，增加了口感的豐富程度。健康小知識：豬手富含膠質，有助於皮膚彈性和關節健康，是重要的保健食材之一。

星期三～慶祝一星期已經過半試下哩間開左一段時間嘅泰國菜。環境都幾小清新，好鍾意燈光同植物營造嘅氛圍感兩個人叫左兩個主食一個小食，同埋兩杯特飲，總體非常滿意豬頸肉青咖哩 配椰香飯🌟🌟🌟🌟🌟豬頸肉燒得好香，唔會干柴，你甚至睇到肉嘅粉紅色。搭配青咖哩，小小辣，好惹味！泰式鹵水豬手配椰香飯🌟🌟🌟🌟鹵水豬手份量好足，味道係水準上，搭配椰香飯就好夾。仲附贈酸甜蘿蔔，好解漏小食脆炸單骨雞翼🌟🌟🌟🌟🌟外皮酥脆，雞肉保持嫩滑，單骨雞翼食得慳力又開心兩杯特飲蝶豆花水蜜桃蘇打 🌟🌟🌟🌟顏色勁靚，睇到都開心，好香水蜜桃味～榴槤椰糖雪糕 泰式咖啡 配珍珠🌟🌟🌟🌟🌟獵奇心理order左，冇霖過咖啡味同榴槤味甘夾，為哩個配搭鼓掌👏🏻👏🏻整體服務好優秀，講野好溫柔，一直幫手加水，輕手輕腳擺低食物。大滿足！見咖哩配薄餅/丹麥酥，冬陰功大蝦湯都好吸引，就預定下次食哩兩款

今次真係好random嚟到九龍灣mage box冇乜特別胃口想食啲咩晚飯時間，求其搵一間餐廳入去食睇咗Menu都覺得選擇都OK，就入咗去啦見到佢有推出 晚市一人套餐 我哋兩個人叫咗一個一人餐 再加淨叫一碗船麵淨叫一碗船麵要$118有啲貴一個套餐都係$158 /$168 有一個小食前菜，一個主食，一杯飲品，抵好多一人餐 前菜叫咗 一個泰國生蝦，三隻🦐🦐🦐朋友叫咗青咖喱意粉 超級辣 佢食到出晒汗😂我就冇事，碗船麵都正常😍 5分都有3分生蝦真係幾新鮮，同埋擺盤都靚嘅 5分滿分船麵， 因為我食過尖沙咀嗰間係最好食嘅所以呢度呢碗我只俾2分 嗰間好似叫「泰濃味」🤭😂 順便介紹埋😅

餐廳裝潢簡約優雅，配搭綠色植物、藤製傢俬，帶有異國情調，一邊品嚐美食一邊享受悠遊自在。餐牌推出午市套餐，小食加主食 $88， 另需加一服務費。軟殼蟹紅咖哩炒意粉軟殼蟹飽滿而有膏，意粉口感彈牙，配上紅咖哩香濃惹味又醒胃。泰式炭燒豬頸肉青咖哩配椰香飯青咖哩夠香夠辣，豬頸肉份量好多，切得夠厚身，每一片都有焦香感。泰式酸辣肉碎船麵 冬蔭湯底香料味濃重，檬粉吸收在濃濃湯汁中，啖啖肉香味，帶少少辛香。泰式鹵味豬手配椰香飯豬手炆得又軟又綿，唯炆煮時間過長，導致肉質太過鬆散。青木瓜沙律鹹蛋薯條牛油果素菜米紙卷脆炸單骨雞翼

Megabox新開泰國菜，午餐泰國豬手飯配大蝦米紙卷，兩者都令人印象深刻。泰國豬手飯係一份好滿足嘅菜式，豬手煮得好軟，加上啲泰式醬汁，味道鮮美而且唔會太辣，搭配上香噴噴嘅米飯，十分開胃。而大蝦米紙卷就更加出色，大蝦新鮮彈牙，搭配上脆脆嘅蔬菜同埋米紙，加上啲醬汁，味道豐富，十分適合作為開胃小食，大蝦米紙卷作為小食相當精緻，泰國豬手飯同大蝦米紙卷都係好好味嘅菜式，值得一試。如果鍾意泰式菜式嘅朋友，絕對唔可以錯過呢個好去處！

米泰 (九龍灣)📇地址：九龍灣宏照道38號企業廣場5期Megabox 11樓11號舖🕐營業時間：星期一至日11:30-22:00💸人均消費：～$150/人(lunch)👏🏻抵讚位：環境光線好足夠，夠哂光猛，坐得都幾舒服。門口位都有枱，個個位其實頭頂有寫埋個鋪頭名，都算係一個靚靚地嘅打卡位🤭🍴Food QC：「牛油果米紙卷 跟餐免費」大大舊，點埋個泰式sauce，入口好fresh，夠哂多菜「紅咖喱雞排飯 $88」雞排用左香茅一齊烤，香味提升左。雖然表面烤到焦焦地，入口唔會好柴，都仲有肉汁。個紅咖喱汁用黎撈飯好惹味，成個飯嘅精髓😎「生蝦 $80-100」 叫左小辣，外觀搶眼，一shot咁食蝦加埋啲汁，唔會出現啲蝦唔夠醬點嘅情況「軟殼蟹冬蔭功意粉 $～128」原隻軟殼蟹喺意粉面，望落都已經好滿足。冬蔭功意粉有少少辣，可以接受嘅程度，辣得好惹味😋 「蛋黃薯條 跟餐免費」跟餐小食黎講，呢兜薯條算幾大兜。外表望落似普通薯條，但每條其實表面都充滿住鹹蛋黃🤪「泰式咖啡 跟餐免費」可以接受嘅甜度，唔會話死甜，仲飲到咖啡味😯有待改善位：呢次食好似唔覺有咩特別要改善😙😼私心回應區：咁啱黎開九龍灣呢邊，見到呢

其實lunch time嚟食都預咗會多人因為之前都光顧過但今次真係極失望首先同同事去到門口同reception 位戴眼鏡女員工講我哋5位見入面有位我同事就諗住直接行入去點知位女員工黑面+語氣差叫我哋喺出面等都算 等左一陣先比我哋入去（都唔知等乜）我哋各自叫左set lunch然後叫左位男員工比幾杯水我哋等左好耐都未見有水頭先門口位戴眼鏡女員工經過叫佢比幾杯水我哋又係答好，等等後又等左半個世紀食物都差唔多食哂都無水比到我哋因我哋有幾位同事無叫飲品到食哂叫埋單都無比水同事諗住搵返上次幫我哋mark低要幾多杯水嘅細粒女員工可惜可能果位員工放假了其實如果想顧客叫飲品而唔比水都可以理解可以答無水供應而唔係一而再叫客人等整體食物唔錯 但服務令人失望

一肚氣，漏單好平常，但善後工夫0分😡😡😡我叫了一個晚餐，後加單無骨酸辣鳯爪、炭烤沙嗲牛肉串燒/馬拉盞通菜我差不多所有食物食完碟通菜都未到😡1）第一次追問通菜到未，好職員表示而家叫廚房整2）15分鐘後再追問一個男（應是經理）同佢講我碟通菜何時出到？同佢講已等了30分鐘，佢疑似去追，但見佢又去招呼第二枱客，重點係佢無回覆我何時會到😡3）我再問另一個女侍應，佢一頭霧水咁4）我即時叫埋單，我話唔等了，我食唔落啦到最後佢地連一聲唔好意思都無講，服務質素太差了😡😡😡

話說見到最差嘅評語都只係話上餐慢，咁食物味道應該ok啦，見唔趕時間，就去試下。一入嚟，有個戴眼鏡+高嘅女同事叫我坐門口，心諗入面大把位，點解唔坐得入面，喺我想出聲之前，有個男同事帶咗我去坐入面。叫完餐，大約5分鐘左右，食物就到咗。（可能餐廳管理層有留意comment，改善咗）泰式香茅燒雞扒紅咖哩 配椰香飯呢個真心出色，同埋意外嘅係廚師將香茅包咗喺雞扒入面，件雞扒好入味，但美中不足係雞扒唔夠熱同埋少少「鞋口」（所以我估出餐「慢」的不是廚房，好大機會係樓面人手不足？雖然驟眼看，人數上就唔覺不足嘅，可能係同事忙梗嘅嘢，唔係送餐，而係收碟，催埋單？）講返呢碟食物，紅咖哩夠辣又唔會過辣，椰香飯粒粒分別又有「椰」味，廚師技術真係值得一讚！另外，值得留意嘅係份量，「大食」嘅朋友可能會唔夠飽。然後，去到跟餐小食，就出事了。鹹蛋薯條大約等多5分鐘左右，就見到。期間聽到左右兩邊嘅枱都話等咗好耐，然後嚟到都話唔夠熱，係「暖」嘅。咁我都冇咩期望。嚟到，係熱嘅，有少少驚喜！讚嘅係味道，真係好重鹹蛋味，又要讚一次廚師嘅手勢！但不幸嘅係，薯條似係微波爐/翻炸過，個外皮咬落去一d都唔脆，浪費咗薯條嘅味道。嗰頭食完薯條

今日叫左泰式炭燒豬頸肉青咖喱配椰香飯，青咖喱超少，飯唔夠熱，豬頸肉味道可以，分別加配鹹蛋薯條，味道幾好，青木瓜沙律，味道方面都可以，脆炸單丹雞翼，𣎴過不失，同埋牛油果素菜米紙卷，過得去，但係上菜超級無敵慢

年初四食開年飯，來到Mega Box這間新開的泰國菜餐廳，裝修簡約舒服，一於試下，這裡有個超抵套餐餐牌，有小食，主食和飲品；亦有主餐牌選擇，我們叫了兩個套餐再散叫其他！🔸海南雞飯套餐：選了春卷（2件），海南雞飯，飲品+$15選了菠蘿椰子沙冰；春卷炸得香口，內餡豐富好味！海南雞好滑，還有兩個調味汁可沾來吃更惹味！雞油飯一般，可能要靠醬汁撈來吃！🔸芒果蟹肉椰香斑蘭炒飯套餐，選了炭烤沙嗲豬肉串燒2串，飲品芒果椰子沙冰！雖然個飯看似普通，但味道是有點驚喜的，有椰香也有斑蘭味，撈起芒果肉蟹肉來吃感覺新鮮好味😋，沙嗲豬肉味道也十分香口，豬肉質地嫩滑！而芒果椰汁沙冰真是非常好喝，濃濃的芒果味道配椰汁更香更美味！🔸炭燒泰式豬頸肉，燒得香口，肉質彈且嫩口，小朋友好喜歡👍🏻🔸啖啖蟹肉咖哩配丹麥酥，無得頂！第一次吃這款以蟹肉來做的咖哩，很好味！多蟹肉，另外以蟹粉和蛋和咖喱一起煮成的咖喱汁，結身容易塗滿丹麥酥一起吃，豐富好味！

留意到最近megabox開左間新泰菜，一於試下好唔好食🥳我哋一行5人無book位，好好彩安排到張角落圓枱，仲有塊簾私隱度十足午市套餐包前小食、主菜、飲品，每位百零蚊左右，價錢可接受我哋5人叫哂餐牌4款小食鹹蛋薯條堅好食，脆脆既薯條外面沾鹹蛋醬，好香我哋叫左兩份牛油果素菜米紙卷有3大舊，咬落去爽脆，味道清新，唔錯😋米泰無骨酸辣鳳爪正正常常春卷無咩特別冬陰功大蝦炒意粉午市套餐加$28，賣相唔錯，但味道普通，唔夠冬陰功味泰式炭燒豬頸肉青咖喱配椰香飯一上枱有d驚訝🙀，我哋再睇睇個餐牌真係青咖哩喎。青咖喱原來就係果兜野，份量同點米紙卷既酸辣醬一樣，非常少😂同一款兜裝醬同青咖喱，可以知道青咖喱既份量非常少芒果椰子沙冰🍧跟餐加錢，棉棉既沙冰上有芒果肉同椰漿，似甜品多過野飲

新春期間年初三，6點幾食都要開始等位都唔緊要，但係帶位人員就俾人遲黎先上岸，我地拎左位嘅但就俾啱啱到嘅人入先😅到落單點菜，個啊姐態度差，同一個餐要2個一模一樣都唔明，仲想解釋我知點叫餐叫飲品又話唔可以泰奶少冰，好啦咁都明有啲野飲會default左唔改得，但係隔咗一陣之後，隔離嗰枱人地叫個杯黎左又可以做到少冰嘅。🙂叫左海南雞飯，等又等左好耐，黎到個湯咸，個雞鞋，個飯乾，真係冇野好講。一人餐成為$148呢個質素同價錢，仲差過食快餐店😀冇下一次

車車好耐都無食過泰國菜啦, 早排聽朋友仔講megabox開左間新泰菜, 於是今晚就決定去ikea買野順便去試下先! 餐廳環境幾大幾光猛, 裝潢走休閒泰國風, 枱與枱之間都有足夠空間, 座位寛闊, 坐得幾舒服, 食物方面, 種類繁多而且好多都好打卡, 樣樣都好精緻, 車車都忍唔住點左唔少野食🌟米泰小食拼盤小食拼盤比平時食嘅款式較多, 有炸魚餅／炸蝦餅／雞肉串燒／春卷／香葉雞／脆炸單骨雞翼／雙色糯米飯, 整體味道不錯, 仲有3款醬油比你沾, 車車特別喜歡啖啖肉嘅香葉雞同惹味嘅雞肉串燒! 最驚喜係有雙色糯米飯, 多數E款野食係需要單點, E到只要點拼盤就可以食埋好貼心🌟啖啖蟹肉咖喱蟹肉咖喱可以選擇配薄餅/丹麥酥, 車車私心推介配丹麥酥, 熱辣辣香噴噴嘅咖喱, 每啖除左食到蟹肉仲食到辛香料嘅味道, 配上酥脆可口嘅丹麥酥, 口感豐富又好味, 真係好想撈碗白飯🌟芒果蟹肉椰香班蘭炒飯E到用左芒果乾去做炒飯, 食落多左份煙韌口感同酸甜味, 食落好清新同開胃🌟馬拉盞炒椰菜苗食泰國菜點少得馬拉盞炒菜呢～車車就揀左爽脆入味嘅椰菜苗啦, 食落好惹⭐芒果椰汁三色糯米飯三色糯米飯分別係原味/班蘭／碟豆花, 入口煙

Visited a newly opened restaurant before Christmas following furniture shopping at Megabox. Serene interior, chill vibes and tasty Thai food. Had boat noodles, butterfly pea tea & tried their Tom yum gung soup. Signature boat noodles is served hot with no extra seasoning needed. Rich broth loaded with tons of spices with a hint of spiciness. Beef balls were chewy and beef was tender. They serve their drinks in a nice bohemian drinking glass and the butterfly pea black tea tasted sweet and refres