米泰 (MegaBox)

营业中

休息中

泰式醃生蝦， presentation幾好👍🏼，蝦新鮮，個青汁夠正宗，而且唔吝嗇比好多汁，好味好食！小食拼盤，中規中矩，蝦餅彈牙略嫌細塊，魚餅texture 唔係太好，淋淋地冇咩味。春卷好細條，食唔出裏邊包住啲乜嘢，亦都唔夠鬆脆。泰式肉碎煎蛋飯，呢個真係泰國最出名嘅碟頭飯😆 基本上大多數香港人都好鍾意食。可惜呢度整得唔好食，完全唔係嗰種味，失望到爆！另外值得一提，佢嘅泰式奶茶唔錯，同我喺泰國飲Cha TraMue嘅味道一樣！ 佢哋價錢唔平，味道一般般，性價比👎🏻

定左8點半既位，入到話9點40分要離開，話要收工！當時就覺得你有提前講話要幾點要走就覺得可以啦…幫你落單那個服務員態度就一般，但食下食下，咁正常6，7碟嘢食，你唔會話超光速咁食完，你正常食左2，3碟就有人來收碟，收收下，會有個女服務員同佢個男服務員講話，我收左手套，我唔會再收拾，之後你去收左佢，但我當時食左唔夠30分鐘，重要係我背後講！唔知道有心定沒意啦…又或者係我多心啦…我玻璃心啦…比人感覺係追趕人走啦！感覺超差！可能當時8點半只得我地一桌3人，入去食飯，那個女服務員就態度非常差，比人感覺到這個時間入來食飯，會阻住佢收工！到佢落單，食飯，佢地收拾桌面，去到最後收拾桌面上既野，得1個人來收，但佢非常勉強，因為有好多碗碟，一次過拿走去，d碗碟碟就跌落咁走！前後落單上菜食完比錢，沒45分鐘！超差！但超奇怪個網頁上寫，係營業時間至10點！奇怪！本身個餐廳地址已經偏僻，服務員態度又……免費都唔會再來！

食物好味，CP值高，員工服務態度又好，還有是環境超好！點了兩個1人餐，前菜柚子雜菜沙律，調味微微酸，整個口感好清新！主菜是香辣海鮮炒意粉及泰皇咖喱大頭蝦配薄餅！香辣海鮮意粉，有青口，蝦，蜆及魚，足料，意粉是扁意粉，味道很好！泰皇咖喱大頭蝦配薄餅，有四還是五隻（忘記正確數量）蝦，每隻蝦都有咖喱汁，好Juicy。另外薄餅都好好味，又唔會太厚身，再配用咖喱汁食，正！還點了小食無骨酸辣鳳爪，個汁不會太酸，有啲辣辣地，鳳爪都好爽，好味！

星期一夜晚就同朋友去食飯，佢喺九龍灣收工，咁就去MEGABOX搵食啦。晚餐呢就有 1人餐同2人餐可以揀。不過我地就揀主餐牌嘅野食，嗌左烤魷魚同菠蘿炒飯因為個炒飯太肚餓唔記得影相魷魚就OK嘅，畀張相大家睇下先跟手就再叫埋個糯米飯，3隻色，好吸引，加埋個椰汁真係好夾咁食飽飽就返屋企喇服務方面呢，都幾好，店員都會不斷加下水，畀下牙籤，唔會坐底無人理咁囉下次會再試試其他野食

情人節前夕不用上班，跟朋友一起到Megabox宜家行到累要搵飯食，這裡食肆遍佈不同樓層，喺foodcourt上一層發現一間泰國餐廳，大家決定試試~L8. 米泰海南雞飯  配 S4. 香芒牛油果素菜米紙卷(3件) $108--> 雞油飯香，海南雞嫰滑，米紙卷內容豐富，很有感追加飲品︰蝶豆花水蜜桃梳打 +$12--> 賣相靚，入口清甜散叫︰菠蘿海鮮炒飯 $138--> 鑊氣夠，海鮮料多，菠蘿新鮮香甜，大大份很滿足西柚苿莉綠茶 $35--> 綠茶襯苿莉清香絶配，加上西柚的果鮮味入口舒服見到午餐時間都很繁忙，但員工服務貼心，食物上枱速度快，很享受的一餐  

米泰平日lunch有一個小食一個主菜叫左冬蔭公海鮮船面 冬蔭公湯底酸酸地幾惹味 海鮮都係急凍貨式 有青口 蝦 蜆肉 魷魚等等 檬粉份量正常 掛湯 唔錯 小食叫左單骨雞翼 用泰國香料醃過 好吃!不過over $100一個lunch性價比不算太高

今時今日香港服務行業，唔需要多講都知道咩事， 如果唔係d嘢好味，等於係食咗成肚氣，有位黑色恤衫短髮女職員， 想知道佢知唔知道咩叫尊重客人， 見到佢其他同事都唔係好想理佢d行為。

假日兩位大人和1位小朋友walk in這間餐廳用膳，不相信食物質好的餐廳竟然有一位’倒米’男員工。Order 了2人套餐，大約晚上7時40分上齊菜，約8時已經被男侍應收走了所有碟，當下非常愕然，剛從碟上夾到自己的碗內，尚未用餐完畢，眼前便空空如也，非常差的用餐體驗。眼見其他食客比我們更早入座，都沒有以上’快餐文化’的情況，所以無法理解該員工幼稚行為。食物質素高，環境也好，其中一位穿裇衫的（應該是經理？）非常友好，貼心安排High chair for baby。反之另一位帶黑框眼鏡的男待應非常沒有禮貌，希望 貴公司有跟進事件，衷心希望下次再到餐廳用膳會有改善。

位於Megabox高層的米泰是一間泰國料理餐廳但整個環境走的風格卻是文青渡假風用淺木和白色作主調 很像Cafe整體環境很舒服這裡周末也提供午餐包括飲品 抵食👍🏻🔹️ 泰式豬頸肉配薄餅 $92一共有大約8-9塊燒豬頸肉新鮮烤的 肉質很彈牙 好吃可能迎合了香港人的口味這裡的青咖喱沒有我想像辣 反而薄餅令人有點失望質地比較厚實 不香脆口感有點像超市賣的沒有蔥的蔥油餅🔹️ 泰式鮮蝦炒金邊粉 $128份量十足  炒的乾濕度剛好加入鮮蝦、蛋絲、蔥等等令口感更豐富調味比較偏甜

6/9/2024 好難得先約到英國返黎既朋友食飯，點知撞正8號風球🥲好擔心仲食唔食到，一落波即刻打電話去餐廳🍴 好快有人聽電話表示訂坐無問題，double confirm 可唔可以帶狗仔，待應表示已經留咗寵物位比我地❤️ 食物唔錯，8個人埋單1400左右 好抵食，OpenRice 訂位仲有9折😍

依間餐廳晏晝食過幾次，食物質素唔錯，但如果平日遲咗啲去1230後到都好大機會需要排隊，附近好多打工仔都會食，所以可以嘅話盡量早啲去。午餐係一個set，包小食主食飲品。小食之前食過間骨雞翼同芒果米子卷都唔錯，今次食生蝦就OK啦。主菜之前食過青咖喱豬頸肉飯幾好，牛肉船麵普通，今次食紅咖喱雞扒都幾好食，新鮮熱辣辣。見飲品有得加錢轉芒果椰子沙冰，俾佢吸引咗，嚟到杯嘢個樣係幾靚，但飲落真係好難飲，除咗面頭嗰幾粒裝飾完全冇真芒果成份，成杯係糖漿嘅芒果味，椰子就係喺面頭唧左少少椰奶咁。好伏千祈唔好嗌，要加成$15，我飲咗兩啖都冇飲勁嘥。其他人叫咗泰式奶茶話正路係甜左啲，冇得嗌少甜。

朋友喺九龍灣收工，為左可以早d食晚飯，就直接九龍灣食，見佢openrice 訂枱有9折，就試下佢去到仲早嘅關係，餐廳入面冇人，覺得都正常嘅megabox咁遠，不過一路食，就不斷有客入，到我地食完嘅時候，見門口仲瘵等緊位添d野食全部都好好食，最鐘意就係佢個青咖哩，好香，但係又唔辣😍一路食就一路望住佢枱面有個牌，寫住like完社交平台 ,就有雪送，咁就梗係唔好錯過la，仲要有味揀，雪糕黎到有驚喜，話曬免費，但係都有裝飾

平日lunch朋友帶我嚟，環境幾好坐，裝修都唔錯。我同朋友自從去完泰國旅遊之後，就愛上左食船麵，可惜去過香港好多間泰國餐廳都食唔返太泰國嘅味道，呢間都唔例外。Lunch set有小食+主食+飲品。🔸小食：生蝦每份2隻，味道正常。🔸米泰極上船麵：其實味道唔係差，但湯唔夠濃，大部份配料都ok，唯獨炸豬皮好似通風左好耐，咬落係韌嘅，浸埋湯都係一般。麵底冇幼河粉/金邊粉可揀，有啲可惜。🔸飲品：朋友飲凍咖啡話ok，而我杯菠蘿椰子沙冰賣相幾靚，都好大杯可惜味道就太甜。

黎Megabox 行完街就周圍搵食，依間泰菜唔洗等位，見佢個一人晚巿套餐都唔係太貴，包曬前菜，main 同飲品/甜品。青咖哩蜆肉炒意粉平時食青咖哩以為係唔辣的，但依個炒意粉係好辣😱😱 配料好多而醬汁好香！意粉係我中意既al dente, 彈牙好食！不過因為本人唔太吃到辣，同朋友換左黎食😂😂 味道應該還好😂鮮蝦炒金邊粉金邊粉整體黎講較乾身，酸味幾出，吃多幾啖又會吃得出甜味，隻汁ok👍 而蝦肉份量好多，都幾新鮮彈牙，加上多種配料爆炒，口感好豐富！依個價位黎講算係甘👍會再黎幫趁！

今日大約1點半入座，唔需要等位，店員安排左我同屋企人三個人坐一張圓枱，十分闊落。我地叫咗豬手船面、冬蔭公雞肉船面、菠蘿炒飯同一份炸蝦餅。豬手夠冧，不過就淡少少，不過都可以接受。冬蔭公雞肉船面幾香，雞肉係烤過好香，有燒烤味，都幾滑，而冬蔭公湯唔太辣，我覺得幾啱我口味。菠蘿炒飯都幾大碟，好多粒魷魚粒。蝦餅有4件，好熱辣辣好脆，不過辣咗少少又細件咗dd。like social media會送雲呢拿雪糕，但嘟佢個code唔知點解like唔到，店員有耐性幫我地。個雪糕好滑，有啲脆片，好食。overall有驚喜，唔差