米気

营业中

休息中

位於紅磡既人氣日式家庭料理店，客人可以好似自由揀選米，主菜，冷盤同埋溫既小菜，有多達五十個選擇，令人眼花撩亂，仲要每樣都係小巧精緻，充滿儀式感☺️不定時推出期間同季節限定既菜式，吸引人客回頭再幫襯！🥢一汁兩菜要左醬油蛋魚籽飯飯🫶🏻餐廳用上日本既越光米，粒粒飽滿肥嘟嘟，呈橙色既蘭王蛋黃令人食指大開，將蛋黃吉穿再撈匀鹹香既魚籽，綿密既蛋黃包裹住每一道粒米飯，每一口都係幸福既味道🥰要左兩款溫小菜，第一個係蔥燒牛舌，薄切牛舌好爽口，燒得岩岩好唔會過火，添加左大量蔥蒜比較重味，雖然好香口但同時亦偏油膩，令個碟殘留大量油漬🤢另一款就係無上鏡既蒜蔥燒牛肩肉卷，岩岩整完出黎熱辣辣，肉質實淨重肉味。牛肩肉應該用燒汁一齊煮，再卷成一小卷。蒜蔥味平衡左油脂感，不過食到成口都係蒜味😂🥢一汁三菜揀左蟹肉蟹膏飯，蟹膏味好香濃，單獨食已經好夠味又唔會死鹹，可以就咁用蟹膏扒晒成碗飯🤭不過配埋其他餸菜一齊食就唔係好夾！主食要左月見博多地雞團子，雞肉加入雞軟骨整成雞漢堡狀，煎得焦香再搭配生雞蛋同帶甜既照燒汁，蛋黃增加濕潤度，令雞肉入口既滑溜溜又食到脆口既軟骨，送飯一流！八爪魚沙律色彩鮮艷，有大大粒既八爪魚，不過解凍得唔夠時

人氣西式家常料理@米氣主打日式家庭料理，俗稱的「一汁四菜」包括米飯、主食、冷菜加上溫菜。米飯進口自日本，煮得香軟彈牙，粒粒分明，入口充滿米香，配以絕不馬虎的小菜令人食指大動。**牛肉壽喜燒**$48麻雀雖小，這道味道偏健康的小菜有齊冬菇和豆腐等佐料，牛肉壽喜燒醮著滑蛋吃非常可口**明太子雞翼**$38明太子沙律醬釀在拆了骨的雞翼之中，讓本來已經烤得微脆的雞翼再添一份鹹鮮，咬下去還啖啖肉，是誠意之作**鮭魚白雪山藥**$24 山藥是較天然的碳水化合物，以沙律醬磨勻後並拌入油脂豐富的三文魚，出乎意料地相配口訪率：100%#香港美食 #日式家庭餐廳 #japanesefoodinhongkong 

之前都幾鍾意過左lunch hour黎食食物質素都係一般般，但勝在坐得舒服，可以靜靜地食個靚飯咁話黎過3、4次都無今次咁嚴重，坐低好一陣都無人理，終於有個女經理入黎但成浸煙味咁落單都算，嘢食終於黎到無之前賣相咁靚，仲要太咸，食唔落，食飯期間又要不斷聽到廚房的人高談闊論(噪+粗口)，不而家走茶餐廳路線？我喜歡之前的style多d，本來想馬上投訴，但可能會聽完就算，寧願呢度講😂收呢個價位其實出面有大把選擇，都係無下次

朋友推薦下，去咗呢間米氣食野。我地係平日大概下午五點八左右到餐廳，唔洗等位就入得。人均最低消費係$80，朋友叫咗南蠻炸雞，我都試食咗一舊，炸雞幾好味而且唔會乾。我就叫咗紅酒汁煮牛肋條，一開始好驚會好大陣酒味，結果完全唔洗怕，酒嘅味道唔會太濃，而且牛肋條好淋，好好味。最後甜品仲叫做個米氣雪糕，雪糕質感幾滑，上面仲有d 脆脆，值得試下！

🍗月見博多地雞團子 $78雞團子由免治雞肉整成好似漢堡扒咁，口感豐富，入面有雞軟骨爽脆，外面微脆，配燒汁甜甜地，上面仲有生雞蛋🥚，好餸飯😝🍆和風茄子涼拌茄子開胃☕️米気黑糖米水.✨環境舒適，木系溫馨裝潢，由飯、前菜冷/熱盤、主食都系自己配搭，仲有野飲，野食唔盤好驚喜但好滿足😌

以往食過三四次，曾經真係好驚艷嘅級數。今日路過又無人排隊，就同老婆入去食 dinner。先講服務，個 waitress 一入去就呼喝我哋要小心後面，以為係小心阻住隻門開閂，點知原來係阻住佢執枱，仲講咗兩次話入坐時間九十分鐘，可能佢呼喝完我哋講嘢又無尾音，個感覺當場打個凸。之後被安排入座，坐咗係卡位勁大油煙，唔知我錯覺定點，以前真係唔覺咁大陣味，淨係想食完快啲走，驚成身味 😰 最失望係食物 😮‍💨 三個餸，唔計沙律，全部最多都只係暖，啲南蠻雞似唆哂氣炸咗好耐，菠菜無汁亦無味，碗飯唔熱。。退步成咁，認真可惜 😵‍💫

米氣主打日本米同日本雞蛋,連平日晚餐時間都要等位架~今次星期日去,拎左飛就響附近行下半個鐘到就排到我地啦啦 GOGOGO~但入到去...間鋪環境就OK既 不過位真係勁迫 去左茶記咁而餐廳主打就係SET, 組合就任簡, 你只要好似車仔麵 剔剔剔 要幾多樣都得, 不過就逐樣計錢咁我地就叫左樓下果2個SET蛋我估係用蘭王既,好濃好正 而其它小菜就似一般日本餐廳風味;好味又唔算,但就有一種好家常既味 不過個價就一D都唔家常就係LU~

重要野放前面： 蛋黃米布丁（$32）係個伏，係個伏，係個伏。星期日喺佢開店前7分鐘到達，前面已經有10個人左右，果然打卡店。店面行日式木系整體非常舒服，特別係夏天30幾度排隊排到滴汗，入到去係開心嘅。Set 叫左醬油蛋飯（$22） ：醬油漬過嘅蛋黃濃稠  撈飯岩岩好   //    南蠻炸雞（$46）：塔塔醬超濃，雞炸得極脆，非常送飯    //   月見雞糰（$48）： 蛋黃本人對比碗飯嘅蛋佢食落無咩香， 但係攞黎dip 雞肉入口滑好多。  三碟都細細碟，原本覺得唔夠但係食食下岩岩好！然後吶，就出事喇，我點左佢地個甜品蛋黃米布丁（$32）：  布丁上面係蛋黃本人，你會食到生雞蛋嘅味道that's it ，同甜品兩個字完全無關，然後撈埋個米布丁，口感唔滑，唔甜，無咩味，蛋黃本人充斥你個口，諗住食甜品但係最終勁難受，成件事唔知想點 總括而言，打個卡，但係味道同埋CP又唔係特別到需要排隊或者encore 嘅level，同埋個甜品我真係不敢苟同，一次已經OK

位於紅磡的人氣小店，好似車仔麵既點餸方式。將菜品分為米、主、冷、溫、甜五大類，客人可以根據喜好自由組合。《$38 米 - 蟹膏蟹肉飯》⭐️⭐️⭐️⭐️蟹味相當濃郁，蟹肉絲絲分明，份量唔會太多，唔會令到成碗飯好咸，蟹膏又岩岩好夠你撈哂成碗飯。《$38 米 - 月見吞拿魚蓉》⭐️⭐️⭐️⭐️期間限定之選，吞拿魚蓉配蛋香十足的蘭王蛋，口感滿足。《$48 主 - 月見博多地雞團子》⭐️⭐️⭐️⭐️⭐️好似我地平時食開既肉餅，肉質爽彈。中間混入左雞軟骨增加口感，上面仲有一隻蛋黃，撈埋黎食令肉質更加嫩滑。《$48 主 - 紅酒汁煮牛肋條》⭐️⭐️⭐️⭐️紅酒味唔會過重，但又可以食到淡淡既紅酒香，牛肋條煮到好汙淋身，唔洗點咬就可以溶係口入面。入面仲有羅白洋蔥等配料，都係煮得好淋好入味，好有種屋企既感覺。《$26 冷 - 松葉蟹薯仔沙律》⭐️⭐️⭐️薯仔沙律配蟹肉絲的經典配搭，餐廳特登將薯仔切得大粒一點，令成個沙律增加口感。份量比平時街外食定食送既沙律大份少少，但如果$26來說，性價比不高。《$24 冷 - 鮭魚白雪山藥》⭐️⭐️⭐️食落既感覺同薯仔沙律差唔多，只不過冇左薯仔既顆粒感，簡簡單單既前菜。《$28 溫 - 明太子厚蛋燒》⭐️⭐️日式風格超

黃埔出色和食料理🍴 @maiheihk 米氣 米気.味道：😋😋😋😋抵食：👍🏻👍🏻👍🏻👍🏻環境：⚡️⚡️⚡️⚡️回訪指數：🤤🤤🤤🤤🤤/5.系黃埔搵到呢間特式日本野食😍好好彩 中午都有卡位 坐得好舒服～朋友帶我去 佢話食過好多次 每次都揀同款食物因為太好食！ 今次有人同行可以試其他啦～.三個人 叫左3個套餐 一齊食試到6款食物 因為揀A B 既形式 自由發揮飲品方面 本身包杯 米氣黑糖米水 成個set 都整得好靚 顏色配搭好好🥰..✨小食.鮭魚白雪山藥🌟🌟🌟🌟🌟我超級喜歡呀😍 三文魚香味 加山藥 混合一齊 味道配合非常夾！食到停吾到口！🥰🥰🥰.南瓜沙律🌟🌟🌟🌟南瓜非常細膩 甜甜既味道 好清新👍🏻.八爪魚沙律🌟🌟🌟酸酸甜甜感覺 其實都吾錯 但有上面兩款對比 只能排第三了😂..✨主食月見博多雞團子🌟🌟🌟🌟呢個雞團子 朋友話佢每次就系揀呢款果然系好好食！雞肉多汁 配蛋 滑溜溜 配飯一齊食 好夾呀.豚軟骨煮🌟🌟🌟🌟肉質好淋 大大舊放入口有滿足感 好香油香味 .紅酒汁煮牛肋條🌟🌟🌟一般的牛肋條味道 比起豬軟骨 入味程度差少少...💫 #米氣 #米気#黃埔 #紅磡👩‍💻OP網址: https://s.open

【琳琅滿目。家庭之味】 紅磡人氣高企的餐廳之一， 每次都要等上20-30分鐘才能入座。餐廳主打一汁多菜的日式家庭料理。餐點是按照【米、主、冷、溫、甜、飲】六個部分隨意自由搭配，非常個人定製化，款式很多，讓人有選擇困難。還有不定時有期間限定菜式供應。❈ 月見吞拿魚蓉 HK$38 （期間限定）❈ 月見博多地雞團子 HK$48❈梅子豚腩煮 HK$46 （期間限定）❈ 鮭魚白雪山薬 HK$24❈金菇牛蒡 HK$22❈ 忌廉蟹肉餅 HK$26❈ 南蠻吉列蝦 HK$28 （期間限定）❈蔥燒牛舌 HK$36❈ +追加是日湯品及漬物 HK$8蘭王蛋遇上越光米，蛋味非常濃郁，簡直是黃金配搭，美味大爆發。月見博多地雞團子是人氣主菜之一，雞肉打碎加調料做成緊實的大肉丸加上雞蛋，整體有咬口，帶點甜味。溫菜必點蔥燒牛舌，薄切彈牙，牛味香濃。期間限定的南蠻吉列蝦也大推薦， 外皮炸粉不厚也不油膩，吃下去很香口。

The beef in the pic very hard to chew the rest of the food are very salty. The saltiness level was above average compared to other franchised eateries. Most of the pieces of beef in my order was hard to chew basically can’t swallow and had to spit out. Basically there was no quality assurance of food. It was not cheap if you talk about value for money. It comes with service charge, when you almost finish your meal, we opened up a tea pot cover to give hints for the waiter to refill tea. There we

中秋節當天諗住提早一點吃飯, 大約 5 點幾入座。叫了一個生姜豚肉, 跟住話無豚肉; 再改叫豚牛之類, 又話無, 唯有叫紅酒煮牛嗰個啦！上菜, 所有食物都只係暖既, 飯唔夠熱撈蛋黃食真係浪費... 個紅酒煮牛有 d 羶味, 唯獨係個前菜較好 (可能係凍食), 湯又係暖既。老實個價錢唔算貴, 不過味道真係退步咗。黃埔咁多食肆都真係唔洗再幫襯佢！

呢間餐廳人氣好夠，聽左好耐，今日終於有機會黎試食。排左一陣先有位，都算幾多人。日式裝潢，簡約風，以木系會主打，感覺休閒舒適。佢餐牌上面有好多款食物可以揀，而且望落去份量也不算太大，可以食幾樣。明太子雞翼、松葉蟹薯仔沙律、蔥燒牛舌、日本國產米佢擺盤幾精緻，每樣份量唔算太大。蔥燒牛舌，鹹度適中，蔥蒜好香，牛舌好大塊，夠入味。明太子雞翼就比相像中乾身，明太子同雞翼一齊炸，幾特別，同雞翼點明太子醬差不多，都可以~松葉蟹薯仔沙律，沙律幾滑，蟹肉細緻，調味用左胡椒鹽，都幾特別。日本國產米幾好味好，有飯香，顆粒分明！整體黎講食物都幾好味，牛舌性價比高D，感覺係不錯的一餐

米気，可以話係日式雙餸飯，但價錢絕非便宜，普通一個定食都過百元🤑不過勝在可以自由組合米飯、主食、冷盤、熱食、甜品同飲品，價錢雖然貴但幾時去都見到有人排隊，今次等左20分鐘左右～點完餐5分鐘就有得食蔥燒牛舌｜$36｜7.5/10牛舌一份有五片，口感同調味幾好👍🏻不過唔熱，唔係微溫，有點扣分松葉蟹薯仔沙律｜$26｜6/10松葉蟹部分得好少，加埋沙律一齊食，其實都食唔到蟹味道🫠當佢普通薯仔沙律黎食，都ok北海道芝心粟米球｜$36｜0/10！好後悔加左🥲首先佢唔係脆唔係熱，一舊腍啤啤既野，芝士唔係熱溶同拉絲，粟米存在感極低，食完都唔知發生咩事紅酒汁煮牛肋條｜$48｜5.5/10平時屋企飲湯既碗都大過佢😂牛肋條都煮到好腍，好難搵到完整一舊，都變成絲同碎，如果你鍾意食紅蘿蔔、菇類都可以叫，但如果想食牛就可免🙈醬油蛋魚籽飯｜$38｜7/10醬油蛋配飯就好難出事，穩穩陣陣，正常野其實又要等位、又唔係平、食物又麻麻地，我會將米気正式納入為「試一次就夠」系列