米匠小館 (已結業)

原來五月新開咗間陳村粉，但係因為喺內街所以冇發現 早兩日見到老闆派傳單 俾我見到傳單，上面寫住陳村粉 老闆同我講佢哋新開冇耐，佢哋有陳村粉食當下就決定，下次過嚟試吓 原來佢哋3:30至5:30落場 咁啱今日去到係佢哋啱啱開咗，如果唔係就要下次再食啦 有個套餐就係送飲品 跟住食陳村粉仲有兩款點心 加$8就有埋甜品老公揀咗金湯雞 陳村粉 佢個金湯原來係用雞湯同埋南瓜煮嘅，所以味道好濃郁 佢個雞湯好好飲 非常唔錯唔錯 而且佢呢度嘅陳村粉係同其他舖頭食開嗰啲陳村粉差唔多都係非常之滑， 啲計到幾好食好滑 我就食咗呢個孜然粉 炒牛肉陳村粉 本身以為會乾嘅，但係估唔到佢啲汁都幾夠 ，到最尾都係好濃郁嘅汁 可以喺四款點心入面選擇兩款 每款都係一舊 估唔到佢個炸魚餅幾好食 配上呢個泰式嘅汁醬好開胃 我麻麻哋，佢個鮑汁腐皮卷 我唔係幾鍾意佢浸鮑汁嗰陣味 但係老公就話好味 佢個炸鹹水角熱辣辣同埋好煙靭 勁好食囉，個鹹水角！ 雖然係話咖喱餡，但係個咖喱味道唔出 但係都係非常之好食我加咗$8要個甜品 呢個雲石椰汁糕 味道幾唔錯，同埋睇得出落足料 但係我覺得佢唔夠彈牙 可能佢冇乜點樣落魚膠粉 但係個味道係好香濃😆😆 已經決定好，下次帶埋爸爸媽咪過嚟食 老闆攞咗個蒜蓉辣椒醬俾我哋佢話係佢哋自己煮 攞嚟撈陳村粉，非常惹味 覺得佢呢間店好有人情味 同埋我問老闆嘢佢都好熱情咁樣答我 我自己幾鍾意呢種職員會同客人有多啲互動嘅舖頭，喺我嘅詢問底下了解原來佢哋係廚藝學院畢業嘅 廚房嘅師傅係廚藝學院 嘅老師 好期待佢哋遲啲出小炒 聽聞會有炒菜或者豉椒蜆同埋生炒排骨 同埋希望佢遲啲有炒陳村粉 因為香港真係冇乜地方，食到好食嘅陳村粉 支持小店！ …查看更多

🐥金湯貴妃雞陳村粉 $65呢個真心有驚喜！個湯底金黃色，飲落超濃郁，雞味好出，仲有陣陣藥材香，我連湯都飲晒！雞肉都算嫩滑，我仲加左$8轉雞髀都幾多肉仲係去埋骨既👍🏻🍚尖椒香麻辣雞 跟餐$72今次轉咗跟飯，個汁真係好頹⋯⋯撈飯食完全係「碟頭飯」feel😂🍠紅糖糍粑 $17佢啲紅糖唔係包埋係入面，係一舊糯米粉團「沾」啲紅糖，味道上嚟講又好難出事，不過就炸得有啲硬。🍬是日甜點雲石椰汁糕椰香濃郁，口感滑溜，就無咩芝麻味🥟彩虹煎餃一個普通好似上海生煎餃咁既味道，無特別。總結：金湯雞可以一戰，其他野都無令我留低好深刻印象🤣…查看更多

紅磡出名多野食，知道紅磡黃埔新開左陳村粉，夜晚收工即刻去左新陳村粉店睇下佢咩料先，等左5 分鐘就入得，唔算好多人，即刻試下幾款陳村粉，雞球豉椒陳村粉，雞球好滑，正體好惹味，會追住食追住食，之後係新鮮花甲湯陳村粉，湯清得黎好鮮甜，花甲冇沙好重要！ 但得5隻花甲唔夠喉，俾多隻就差唔多，招牌貴妃雞陳村粉，雞件冇骨食落方便，雞皮好滑雞肉好入味，湯好濃唔錯，好好飲蝦多士好脆唔油膩，雞翼大大隻夠入味又脆身唔油膩，雲石椰汁糕做甜品唔錯，唔會太甜，整體唔錯…查看更多

早排經過 小店老闆親自出來推介佢地既雞湯，今日有時間專登去試食。店內裝修新淨，QRcode點菜。點了午餐包兩件當日點心，揀左金湯貴妃雞加油飯，凍0T同埋加8蚊試佢既甜品雲石糕。無加一基本上無服務，雖然無期望但店員全程傾計，連留意客人食完未 上甜品呢d基本野都無，全程凈係比個QRcode你，0服務。先黎凍檸茶，一飲就知唔係做水吧沖的，太淡，茶底亦唔夠味，不合格。兩件點心，咖哩咸水角夠哂熱，食得出係即整，紫菜卷普通。再來主菜，金湯味濃，調味很好，唯一缺點係唔夠熱。 雞肉去哂骨，夠滑。 敗點係油飯，不但調味唔夠 而且落雞油煮無把握到火喉，d飯太硬。 可謂色，香，味 三樣皆不全。 店主必須改良一下油飯，雞同湯都做得不錯。最後雲石糕不過不失。…查看更多

個人特別喜愛陳村粉，有時會買來做早餐，但不知為何，香港很少酒樓食肆用這個食材，最近終於找到專門店。今晚專程拜訪，可惜一入門，老闆便告知陳村粉沽清，正想推介其他食物，我告之我專程來食豉汁排骨陳村粉，非常失望，正要離開，老闆叫我等等，佢入廚房問一吓，之後出來同我講尚有半份陳村粉，問我介吾介意，可補其他食物比我，我當然吾介意，因為我還想試其他食物，半份最好，五分鐘後，食物來了 ：豉汁排骨陳村粉 - 陳村粉滑，豉汁惹味，排骨有咬口，不是坊間用疆屍肉做的排骨點心一 咸水角 - 熱辣辣，皮勁脆，比好多酒樓還 要好味點心二 炸蝦紫菜卷，蝦爽口，紫菜脆口，口感豐 富甜品 - 雲石椰汁糕，不太甜，口感很好羅漢果茶 - 上錯了竹蔗茅根水，但都非常好飲單點椒鹽雞翼 - 雞翼非常豐滿，外皮炸得非常脆，一客有五隻，極抵食埋單101個大洋，一定有下次…查看更多

路過見新開，裝修得唔錯，諗住試下，點知勁伏。叫左2碗花甲陳村粉，等左好耐叫侍應跟下，然後話唔夠花甲，介唔介意轉一半蝦。真係唔明，點解唔問我哋就會繼續等落去無人跟？朋友轉左雞球陳村粉，另一碗就轉一半蝦，結果最後黎左碗陳村粉竟然只得一隻花甲，加幾粒急凍玻璃蝦，加埋個味精湯底，仲俾左幾塊日式魚蛋。究竟我食緊d乜？這樣的質素真的令人失望。朋友個雞球都唔見得好味，雞球好咸，陳村粉蒸到一pat，完全冇口感。食到最後，真係覺得失去咗對食物的期待。其實我哋都係希望可以嚐到新鮮、正宗嘅味道，但今次的經歷讓我覺得這間店的食物質量有待提升。試一次已經足夠，未來我可能會選擇其他地方。希望他們可以改善服務和食物質素，否則難以吸引回頭客。…查看更多

最近發現左一間新開嘅陳村粉小店，價格好親民，一碗陳村粉都只係$30-50幾左右，就入左去試下。呢間係主打陳村粉，佢啲陳村粉唔係平時食嗰種好淋嘅口感，而係比較煙韌彈牙，仲有好香米香❤️🧆豉汁排骨陳村粉 跟餐$64（包兩款指定手工點心+一款甜品）豉汁調味啱啱好，再加上陳村粉好掛汁，勁好食🤤🧆泰式肉醬陳村粉 跟餐$75泰式mix中式感覺好新鮮！味道亦係意外地夾😛🍢是日手工點心：咖哩鹹水角、沙律紫菜卷- 鹹水角皮夠脆～不過略嫌餡料比較少- 沙律紫菜卷：呢個有surprise! 外面炸得有少少天婦羅口感 再加上入面嘅鮮蝦同點上佢調嘅wasabi醬，好好食❤️🍮是日甜品：雲石糕 個樣好靚❤️椰汁再加香濃芝麻味 兩種味都好夾🙌🏻🥪西多士蝦多士炸得好香脆 配埋特製蝦醬都好好食不過油味有啲重✨整體嚟講都好唔錯，特別喺呢個價錢下…查看更多

店舖4月新開業，好奇心驅使下入去試試。她開在不顯眼的橫街，裝修亦樸實，但食物味道令人驚喜，價錢亦十分大眾化。陳村粉，可能港人認識不多，但其實是中國廣東地區常見的食品，是一種用大米製成的米製粉類，「薄、爽、滑、軟」為其特色。當晚我們點了：✅白玉鮮湯花甲陳村粉 （$43）叫得鮮湯絕對無錯，湯底和花甲都充滿鮮味，而白湯與花甲組合起來顏色竟互相配襯，很美！✅金湯貴妃雞陳村粉（$57）用雞肉雞骨熬成的黃金色濃湯令人一試難忘，無味精，雞味濃郁，喜歡雞湯的朋千萬不要放過。而雞肉無骨又嫩滑，只是略嫌少少淡，但仍然推介！✅咖哩雞肉鹹水角（$23）鹹水角外脆內軟，咖喱餡料好好味。✅椒鹽雞翼（$32）這個又是推介，椒鹽味好出！雞皮炸得很脆，雞肉卻是嫩滑的。✅炙燒南瓜軟糕（$15）煙煙韌韌，口感一流，炙燒使香味更加散發岀來。✅彩虹煎餃（$18）外皮顏色十分吸引，內裏充滿肉汁，一咬就爆汁。連兩杯飲品（凍豆漿及凍羅漢果茶），叫了這麼多東西，吃到飽飽的，每人也只是100多元。餐廳名稱：🌾米匠小館餐廳地址：📍黃埔 德民街 27號 B4B舖…查看更多

今時今日經濟唔太好，我地留港消費之餘，對於喺呢啲時候創業嘅小店係要支持一下嘅❤️今日我哋就去到位於黃埔嘅米匠小館，餐廳裝修有少少文青嘅風格，店舖主打陳村粉同手製點心🥧🥩紅酒燴牛面肉陳村粉牛面肉軟腍入味，陳村粉沾滿湯汁非常惹味。醬汁撈粉，真係超級邪惡。 🐓金湯貴妃雞湯飯小朋友最鍾意食飯，所以將本身嘅陳村粉改為飯🍚貴妃雞熟度剛好，非常嫩滑，金湯掛滿白飯味道濃郁。即刻有啲衝動叫咗碗飯🤭🥚賽螃蟹陳村粉賽螃蟹要煮得好食一啲都唔容易，但係呢度嘅廚師做得到，除咗賣相出色，口感一流，蛋白入口真係做到似蟹，真係一啖接一啖🍗椒鹽雞翼大大隻超好味，外脆乾身裏面嘅雞肉嫩滑超juicy 除咗陳村粉，我哋都分別叫咗甜品同飲品。自家製嘅竹蔗茅根水味道清甜，紫薯煎堆紫薯味香濃皮薄，阿女就大愛佢哋嘅糕粑，入口煙煙韌韌，仲配上黑糖，呢個小朋友自己成碟食晒😂😂店舖湯頭都係每日新鮮熬製，午市晚市均有優惠套餐供應。…查看更多

#米匠小館 係一間新店開張、主打食 #陳村粉 、 #腸粉 、 #手工點心 、 #海南雞 嘅新派中餐小餐館☺️店舖裝修走簡約文青風白牆木椅🪑打卡得嚟又夠地道幾位廚師都係新一代廚藝學院畢業👨🏻‍🍳師兄弟們一齊聯手創業開餐廳🍴好有心機想做好香港嘅飲食❤️劉媽👩🏻見到班後生師傅喺廚房密密做💪🏻湯底、點心、糕點都係手工製造就連蝦醬都自己調配呢種認真同熱誠真係會透過食物食得到🥹而且價錢非常親民（午餐由$53起）份量足👍🏻👍🏻絕對會encore！今日我哋order咗🍽️金湯貴妃雞陳村粉湯底真係驚艷！南瓜雞湯濃到掛勺 但唔會膩 飲到啖啖雞油香；陳村粉薄得嚟有韌性 索晒金湯精華；貴妃雞件十分嫩滑👍🏻必試！ 🍽️ 白玉鮮湯花甲陳村粉白蘿蔔雞湯清甜到以為飲緊日式湯汁；花甲冇沙仲要粒粒爆肉最正係加咗少少裝紅花絲 成碗粉即刻清新晒😌越食越開胃～ 🍽️紅酒燴牛臉肉陳村粉西式中玩！牛臉肉燴到似法餐紅酒燉牛肉🥩膠質滿滿 配陳村粉意外地夾😋醬汁撈粉邪惡度爆燈⭐️仲有紅蘿蔔平衡油膩🥕心思加分！ 🍽️是日手工點心有驚喜#咖喱鹹水角脆皮咬落流心嘅咖喱肉餡帶點微辣☺️好滋味#沙律紫菜卷外面有點似天婦羅 裡面係紫菜包住蝦肉🍤再點wasabi醬好過癮 🍮 是日甜品 #雲石糕椰汁清爽🥥芝麻味香濃兩者味道很配搭👍🏻#蝦多士蝦多士炸到金黃仲有蝦肉彈牙 厚切多士塗滿牛油🧈再沾自製蝦醬更增添風味🍽️炙燒南瓜軟糕面頭炙燒到很香口南瓜軟糕唔會死甜香氣濃郁口感軟滑☺️🥤自家製竹蔗茅根🥤無花果金羅漢果茶竹蔗茅根落足料；無花果羅漢果茶溫潤😊食完嘢飲杯啱晒@ricelab.restaurant 米匠小館 ( #紅磡 )📍紅磡德民街27號地下B4B號舖#支持香港小店 #米匠小館 #文青食堂 #手作點心 #紅磡美食 #lcty食誌…查看更多

*只要在4月5日至15日follow米匠小館社交平台 ，便可享有九折優惠。詳情可向店員查詢。近日黃埔開了一間新餐廳，主打陳村粉和中式手工點心，價格亦十分親民，小編便決定入去一試。這裏的主打是陳村粉，它有傳統的口味例如豉汁排骨；也有一些特別口味，例如紅酒燴牛肉、泰式肉碎等等。而這裏的人氣之選相信是賽螃蟹和花甲湯，因為小編晚上去到已經售罄。😭豉汁排骨陳村粉（餐：兩款指定點心及一杯飲品）$79以往酒樓的陳村粉，口感都偏軟，感覺較像腸粉，沒有應有的爽口彈牙。但這裏的陳村粉，口感明顯不一樣，非常滑溜爽彈。🫨捲曲的形狀能掛滿醬汁，而且豉汁調味剛剛好，仲帶少少蒸排骨的湯汁，散發着豆豉香，鹹中帶甜。排骨肉量不多，適合喜歡啃骨頭的大家。🫡味道：8.1/10金湯貴妃雞河粉（餐：兩款指定點心及一杯飲品）$98河粉和陳村粉據稱都是同一供應商，因此質素都不俗。外觀上明顯比一般河粉厚身，口感同樣是滑溜爽口，適合配搭湯類。🤟🏼湯底呈金黃色，味道像家中湯水健康足料的感覺，不會過分油膩及重鹹，亦沒有味精感，是偏向清香的雞湯。😛至於雞件不過不失，未至於乾柴，但也不至於嫩滑。🧐味道：7.9/10套餐指定點心：咖喱鹹水角鹹水角質感令人滿意。😌外皮炸至薄脆，內裏十分煙靭。餡料不多，咖喱感覺也不算太強烈。味道：7.8/10套餐指定點心：紫菜卷同樣炸至脆身，入面餡料香口彈牙，搭配店家自己調配芥末醬，味道非常平衡。😗味道：7.9/10飲品：竹蔗茅根水、羅漢果茶兩款飲品均是店家自己熬製，味道清甜，搭配一些油炸的點心小食，能清熱潤肺，平衡油膩感。🫶🏻味道：7.7/10單點點心：蝦多士 $20炸至金黃色，10分香脆。蝦肉彈牙，但整體感覺較為油膩。味道手：7.5/10單點甜品：雲石糕糕點上有着如雲石般的紋理，其實是芝麻醬。入口奶味比較濃，餘韻帶幽香的芝麻味道。味道：7.6/10環境：7.8/10小店格局，但勝在光猛座位闊落。服務：9/10老闆和店員都10分熱情介紹食物！ 抵食：7.9/10出品用心，但價格都不過百元。米匠小館 (紅磡)紅磡德民街27號地下B4B號#香港必食 #香港美食 #食評 #香港食評 #香港生活 #hkig #hkfood #hkfoodie #hkeat #chickensoup #hunghom #whampoa #noodles #紅磡美食 #紅磡 #黃埔 #黃埔美食 #dimsum #chinesefoodlover #chinesefood #陳村粉 #點心 #廣東 #廣東菜…查看更多

今日路過黃埔，係搵野食嘅途中見到有間新開嘅小店，主打陳村粉。一試之下竟然幾好喎。平時都好少食陳村粉，喺香港都唔覺眼有啲咩專食陳村粉嘅舖頭。往事食陳村粉，一係就喺大陸，一係就係酒樓嘅排骨蒸陳村粉。今日竟然有新花樣。今日食咗金湯貴妃雞陳村粉。雞本身浸完湯都好滑，雞湯嘅雞味極度濃郁。我最出色都係個陳村粉。冇好似酒樓嘅陳村粉一樣，一夾即散咬落都有啲彈性。總結雖然我好少出黃埔，但係我覺得呢間餐廳係我會為咗佢再嚟嘅其中一個原因。…查看更多

野食質素相當好，我從來都覺得有鑊氣同精緻嘅食物唔夾，不過呢度兩樣都做到，而且唔算貴，性價比相當高👍 呢間店主打個陳村粉，午市有套餐定食優惠，配兩款點心同甜品再加杯飲品陳村粉有唔同toppings，試過2隻：紅酒燴牛臉肉陳村粉，肉好軟，量充足，粉炒得好夠鑊氣，有少少似乾炒牛河feel😍泰式肉醬陳村粉，味濃，個人覺得鹹咗少少，不過味道唔錯～幾款點心都幾精緻，而且好食，最意外個wasabi醬，我好怕wasabi，但呢個醬解到膩得黎唔攻鼻👍甜品係雲石糕，好香椰奶味，感覺到好足料，而且真係幾靚～另外仲叫咗個紅糖糍粑，煙靭得黎又脆口，而且唔太甜，好食😋 可惜唔記得影相😅仲有樣要讚吓，佢啲轉角嘅尖位有野包住防止人唔小心撞親，真係好細心❤️服務方面因為今日係第二日試營，所以睇得出有少少踢腳，不過我都做過餐廳，第二日做到咁已經非常好👍 店員好好態度，有request即刻幫我哋換過❤️ 如果完全客觀地睇就扣少少分，不過相信呢少少分喺未來幾日可以攞返👍…查看更多