籠太子點心專門店 (已結業)

芝士唔知咩卷，垃圾黎- 芝士係芝士粉 唔夠粉- 好油 - 蝦肉 普通從來未食過咁難食既小籠包- 皮厚肉細 - 7-11買叮叮都好味個佢 仲要呢個價薄餅- 有酸味，係酸味 😓- 食左件扔左係一邊腸粉- 普通得黎又係好油- 普通腸粉 食其他間仲好牛柏葉- 硬灌湯餃- 唔好食😂 唔想評價了蝦餃燒賣- 正常…查看更多

宜家食點心都好少去茶樓，通常都會去呢類點心專門店。今日去開銅鑼灣，就試下食呢間「籠太子」，太子都有分店㗎。籠太子蝦餃皇 $31蝦餃皮薄且煙，蝦肉都大粒同好彈牙。鮮蝦燒賣皇 $16蝦餃同燒賣可以揀要兩粒，可以試多啲嘢。燒賣味道就同平時食到嘅差唔多，無咩特別。黑椒金錢肚 $31黑椒味濃郁，食落有啲辣。金錢肚大概有4-5件，而且都炆得好腍。另外，仲有啲烏冬係底。多汁小籠包 $26小籠包皮有啲厚，食落有啲硬。湯汁帶有啲酸味，而肉餡就會有啲薑味。流沙奶黃包 $25流沙包好鬆軟，奶黃餡都好香，而且有做到流心效果，唯一可以改善嘅係仲會食到比較大嘅鹹蛋黃粒粒。翡翠帶子腸 $31腸粉都幾滑，每一舊都會有兩至三粒小帶子，另仲有啲菜心粒。精選老火湯 $20是日老火湯係節瓜章魚煲豬骨，湯裡面有幾舊節瓜，但飲完反而仲口渴咗，感覺都有落啲味精。…查看更多

龍太子點心專門店喺太子已經打響名堂✨👍🏻之前仲喺銅鑼灣開埋分店，今日食lunch同同事去試吓。貪呢間新式點心專門店茶錢夠晒平，每位茶芥只需要$3！統一係玄米茶，夠晒清甜，係我鍾意嘅味道☺️一人一粒系列🤣籠太子蝦餃皇 $16兩隻蝦餃大大，皮薄餡靚！貪佢個皮夠晒薄，蝦肉彈牙爽口👍🏻冇失望鮮蝦燒賣皇 $16兩隻有驚喜👍🏻豬肉肉質爽口，大大粒嘅鮮蝦，好味呀🥰鳳爪排骨飯 $30同事特別喜歡食蒸飯份量超級多！好抵食👍🏻排骨肉質嫩滑，蒜蓉香撈鳳爪排骨，非常滋味😋鮮竹牛肉球$25牛肉球大大粒，加入芫荽馬蹄非常爽口，牛肉啖啖肉 淋上喼汁，配腐皮正呀！鮮蝦菜苗餃 $28菜苗餃個皮係用上糯米皮，但勝在唔痴牙而且餡料非常豐富，鮮蝦爽口彈牙！👍🏻香煎蘿蔔糕 $24即叫即煎熱辣辣😍蘿蔔味道香濃，冇乜臘味 味道加甜醬一流！呢間新派點心專門店抵食之餘有驚喜☺️👍🏻…查看更多

今晚在銅鑼灣逛街的時候突然想食點心，首先想到上海餐廳，但最多只有小籠包以及一些糕點。在OpenRice搜尋下見到附近有一間點心店，叫做籠太子，店名有趣，有幾多好評，加上在店外望入去，覺得地方整潔，於是就入去一試。兩個人點了九款點心，包括甜品。每款的價錢合理，份量多，雖然整體選擇未及酒樓多，但基本點心款式都有，而且即叫即蒸，高質好食！蝦餃燒賣幾欣賞這間點心店可以正叫一籠兩粒的蝦餃及燒賣。蝦餃的蝦肉彈牙，而且幾有肉汁，尺寸適中，外邊的皮呈半透明狀態，晶凝通透，口感煙韌，不錯！相比下燒賣就只屬正常水準，不過上面的蟹籽份量幾多，除了賣相美觀，亦增加口感。名醬蒸鳳爪鳳爪蒸得軟腍入味，至於下邊用上少見的烏冬做墊底，烏冬口感比較粉質，但吸收醬汁後十分好食。帶子腸粉起初以為帶子尺寸是較大的帆立貝狀，但原來是小帶子。以為會很乾身，但意外地有驚喜！帶子不但十分爽口彈牙，而且味道鮮甜，配合腸粉滑溜口感十分配合，推介！海皇芝士千絲卷外邊類似用上芋泥造成的網狀包住蝦滑，冬菇以及芝士，款式新奇又十分好食，一款比較少見的點心但高上水準！薑蔥牛柏葉本身十分喜歡食牛肚或牛柏葉，這款點心入味，牛柏葉切得大小適中，適合一口食用，醬汁味道不會過鹹，配合軟硬度剛剛好的牛柏葉就更增添滋味。四寶雞扎雞扎的配料豐富，除了平日見到的腐皮作外層包卷用，裏邊亦有火腿條、雞肉、魚肚及蝦滑。當中魚肚及蝦滑煮得爽口彈牙！一個雞扎滿足了幾個願望，十分抵食！小籠包夠湯汁，而且熱騰騰，每件用錫紙包住避免弄破外面表皮而令湯汁流出。這個設計十分細心香芒沙律盞本身想試桂花糕，但見到這款甜品幾特別又少見，於是決定一試！沙律醬配合雜果雖然不算得上是新驚喜，但滿滿的沙律醬則靈雜果味道更加清新，作為甜品或者開胃菜都適合。另外每位的茶錢只是三元，以點心店來說價錢實在相宜，兩個人食完都是$100左右，絕對是價廉物美的點心店，下次經過會再光顧！…查看更多

銅鑼灣餐飲競爭激烈，所以較少相對相宜價格及位置方便的中式飲茶餐廳，但我今日發掘到間茶位只需$3的店舖。餐點種類偏向大眾的選擇，所以我亦點了些常見的點心，試一試出品。先是相當常見的皮蛋瘦肉粥，粥底相當棉滑，一大碗的粥大約可盛三小碗，肉的份量雖然不可多，但仍有肉的鮮味，配上皮蛋香，相當可口。然後是蜜汁叉燒包，外表雪白，蜜汁味香濃，叉燒則相對有咬口，大約兩啖可食完一個包，岩曬啲口細的女仔食。最後是店家推介的皮蛋牛肉腸，即於是即製的關係，等了大約15分鐘，腸身香滑有米味，但配上牛肉香，及甜甜的醬油，是我最愛的食物。埋單人均一百元，銅鑼灣而言是超值。…查看更多

最近好想食點心，所以約咗朋友放工之後嚟呢間市區入邊都幾方便嘅點心小店度食。餐廳自稱主打新派點心，選擇唔算少，但感覺上唔係好有創意好特別嘅點心，大部份都係平時食過知道係乜嘢嚟嘅。每位茶錢只係$3 ，十分之合理。全部都係即叫即蒸。籠太子蝦餃王呢度嘅蝦餃有得揀兩粒或者四粒，唔同價錢，方便而家限最令之下一至兩個人去食嘅時候唔一定要食晒四粒，可以有多幾款選擇食其他嘢。整體來講都幾出色，鄙薄餡靚，入邊嘅鮮蝦都好彈牙。金蒜蒸排骨我自己個人好喜歡食排骨，每次去食點心有蒸排骨或者排骨飯的話都會一定點嚟食。呢個蒸排骨下面墊住排骨嘅竟然係蒜蓉烏冬！震驚了我。排骨有四至五舊，兩點係下面的蒜蓉烏冬，食落又幾出色幾好味真係有創意。多汁小籠包小籠包真係好多汁，每一個有錫紙兜裝住，夾起嘅時候唔小心因為癡住咗個兜，令到啲汁流晒出嚟。小籠包嘅皮唔會好口，入邊嘅餡都幾多，熱辣辣真係好多汁。雪山叉燒包一碟有三個，咬落包嘅口感偏遠，雙層嘅墨西哥皮都冇外面食到嘅咁脆。似係成個蒸出來。外面嘅感覺上墨西哥皮會比較脆。裏面嘅叉燒醬份量都唔少，幾好食。炸兩炸兩有幾搞鬼，網絡真係似炸兩，但係入邊似係一個炸過嘅腐皮卷夾住蝦！略嫌佢哋嘅腸粉皮有少少厚。。潤腸潤腸入邊包住嘅豬潤每一九都幾大舊，臨上表面嘅時候都唔會太咸，謝謝拎上枱嘅時候先至倒落去，真係好有以前細細個去茶樓食點心嘅情懷。煎蝦膠釀茄子呢碟可以話係最唔推介嘅點心款式，雖然我本人係超級喜歡食茄子，但係你都知道茄子要保留外面先紫色嘅話就要經過油炸。雖然蝦餃好好食，但係因為茄子炸過之後吸晒所有油分，而且份量都頗大，一疊四個同朋友分享要每人食兩舊感覺太油膩。…查看更多

今日星期日，一行四人嚟咗呢間點心店飲茶。見啲食評唔錯，都有點期待。我地12:11落單，以為應該好快會出到點心啦。一路等咗十幾分鐘，只係見佢出外賣單，咁就心諗算啦可能午飯多外賣。等咗半個鐘開始覺得唔對路，有咩理由會淨係出外賣，我地堂食客就等半個鐘都乜菜都未上。我地問個職員「等咗半個鐘啦喎」佢嘅回應係「係呀即叫即蒸㗎」聽完真係R哂頭，咁即叫即蒸點解只係會出外賣呢？堂食客就可以慢慢嚟？？？等到已經好冇耐性，佢仲要慢慢嚟。去到12:57先至上第一籠點心，足足等咗46分鐘。佢啲點心係好食㗎，但係坐喺咁嘅環境等大半個鐘真係冇下次。上咗幾碟之後我地就冇再落單，去第二度再食…查看更多

由細到大都好鍾意食點心，有種悠閒嘅心情，同埋好岩成家人慢慢坐，傾下計，感受下東方式生活方式不過細個，屋企人好少帶埋我去飲茶，所以而家大左由我成日帶爸爸媽媽去😆😆呢日，我哋唔係事前就打算去銅鑼灣飲茶🫖，又不想去大型連鎖餐廳，上網見人寫呢間不錯就直接walk in.😝🫖🫖🫖🫖🫖🫖🫖🫖🫖🫖🫖🫖呢間雖不似傳統飲茶店，但食物真是有質素一來到門面就好似普通餐廳甘，簡單優雅，可能平時飲開傳統中式茶樓，呢個門面經過左一次都無留意🤣抬頭睇先見到係點心專門店～😝呢日公眾假期差唔多中午來，唔使等位就可以直入，不過現場都8-9成坐滿👍🏻場內環境優雅，裝修都幾新來睇下有咩點心食先～🤩🤩🤩選擇多數是傳統，大路口味我哋只有兩個人，所以點左5樣點心食～🧚🏻‍♀️有樣野要留意，點完大概要等10-15分鍾先有點心到，應該是即叫即蒸如果趕時間應該會心急，不過我平時飲得茶都是預悠閒嘅時間、心情來，樂得輕鬆～兩個人慢慢吹水～茶水方面，職員冇問飲咩茶，直接上左茶，飲5出是咩茶，不過就飲得出沖得好淡🙈🙈🙈飲茶，其實個茶都幾重要，不過我哋來睇下d食物質素如何拉～～～以下排名跟上菜次序🤣～第一個上場的佳麗是奶黃包🌟👍🏻👍🏻真是做到流心，因為好夠熱！同伴者鍾意食～第二個上場的佳麗是皮蛋牛肉腸🤩我本人好鍾意食腸粉，呢個好好食！除咗夠熱，d粉好滑！料夠多！😍😚😚第三個上場的佳麗是海皇芝士千絲卷😗😗係就係幾好食，又夠熱，外脆卜卜內熱，不過食5到芝士🧐🧐總結是好食，但名不其實，似食炸蘿蔔絲，炸炸地🤣🤣🤣🤣第三個上場的佳麗是蝦餃😚基本上食點心都會叫蝦餃～最緊要皮薄餡靚，呢個都無蒸到甩皮甩骨，滿意嘅。重想再叫炸野，所以又叫左第四個佳麗—-鹹水角😆呢個鹹水角就普普通通拉，但就細細粒😗😗😗下次可以食其他😗食完成餐都是滿意😋😋d點心真是樣樣都好夠熱，呢點好重要，而且個環境不錯，下次來銅鑼灣想飲茶會再來😋…查看更多

今日收工喺銅鑼灣行咗陣街，男朋友點心癮起，但酒樓晚市冇點心，所以就上open rice揀咗呢間籠太子點心專門店止止癮。餐廳位置係蘭芳道，離希慎廣場幾分鐘路程，都好方便。入到餐廳店員安排我地坐4人枱，空間十分足夠。點心選擇同酒樓差唔多，不過好處係有啲點心可以揀2隻或4隻，啱晒兩個人去可以試多幾款嘢食。 我地最後叫左籠太子蝦餃皇、鮮蝦燒賣皇、海皇芝士千絲卷、名醬蒸鳳爪、紅油抄手、原味鮮蝦腸、雪山叉燒包同辣牛肉大春卷。先嚟嘅係雪山叉燒包，類似菠蘿包嘅外皮帶甜，麵包鬆軟，配上蜜汁叉燒餡，好夾！ 招牌籠太子蝦餃皇同原味鮮蝦腸皮薄餡靚，特別係蝦餃個餡好飽滿，蝦肉爽口彈牙，值得一讚。食點心又點少得燒賣，呢個燒賣皇睇相都見到夠晒大粒，好足料。 名醬蒸鳳爪入晒味！紅油抄手調味唔錯，辣度剛好，平時唔太食得辣嘅男朋友都讚好食。 海皇芝士千絲卷炸得脆卜卜，餡入面有芝士、鮮蝦、芹菜等，芝士仲可以拉絲，鍾意食香口嘢嘅朋友唔可以錯過!最後辣牛肉大春卷係用左植物牛肉，幾有新意。食落一啲都唔似素肉，真係幾可亂真！ 重點係食到捧住個肚，埋單兩個人平均都係$100左右，超抵食！…查看更多

如果晚上想食點心，點心專門店一定係首選。近年開了不少點心店，任何時候都可以最低價錢享受到最高質素的食物。夏天自家煲製的湯水比較少，皮膚也乾燥得不得了。係時候飲番碗野葛菜生魚老火湯，夠晒下火。火喉十足，潤喉。山竹牛肉即叫即蒸，熱辣辣，滋味無窮！燒賣可選兩粒或四粒，人少可點兩粒，啱晒貪食多款的我。大大粒，餡料豐富，蝦隻爽口，還有蟹籽。石班荷葉籠仔飯好喜歡荷葉散發出香氣，飯粒粒分明有油香。石班嫩滑，不錯！…查看更多

早餐食得飽得滯，lunch想食輕量d,就去左呢間《籠太子》飲茶。總共試左2樣野。原隻鮑魚燒賣鮑魚同5蚊銀差唔多大，但食落唔知點解酸酸地，燒賣本身肥肉較多，味道同一般酒樓冇咩分別。鳳爪排骨飯首先味道係唔錯，但鳳爪好細隻，排骨有大半係肥肉....而且d飯仲有d碎骨，牙都差d咬崩.....極需要改善。2樣野都一般，但反而任你食既辣椒油幾出色，唔係好辣，好香口，d蒜同蔥頭炸到脆卜卜，就咁攞黎撈飯都夠哂味👍…查看更多

而家飲茶並不限于早上，亦不限于上酒樓，坊間都開咗不少點心店，早午晚三餐都可一盅兩件，今日我就約咗朋友去銅鑼灣籠太子點心專門店，飲茶兼食廣東點心。點心即叫即蒸，新鮮熱辣。蝦餃皇，蝦餃皮程半透明，口感煙韌，鮮蝦餡料好爽口。鮮蝦燒賣皇，蝦餃和燒賣可以揀兩粒或四粒，人少想食多幾款點心就楝兩粒，燒賣皮薄餡多，肉餡飽滿，口感彈牙。蝦腸，腸粉滑嫩，鮮蝦爽口，加上甜豉油美味可口。叉燒包採用肥瘦適中的叉燒作餡，包皮蒸熟後軟滑剛好，稍為裂開露出叉燒餡料，滲發出陣陣叉燒的香味。鬆軟香甜。雪山叉燒包，餡料跟傳統叉燒包一樣，面層多咗一層酥皮，口感酥鬆。古法糯米雞，糯米蒸到綿爛的口感，吃表層時充滿荷葉的香氣，內餡則是肉和醬汁的提味。…查看更多

比較少行過嚟利園呢邊搵食，朋友介紹先知依度開左間抵食點心店😁😁位置就喺小巴站附近，都幾就腳餐牌選擇都算幾多，普通蒸點心、粥、腸粉、炸物，盅頭飯等等，分分鐘仲多選擇過某啲酒樓😛蝦餃燒賣梗係要試一試，可以揀兩粒或者四粒，自私食或者share都夠晒方便。個人比較鍾意燒賣，啖啖肉😁😁小籠包真係好多湯汁，建議直接用個錫紙兜兜住食。最有趣嘅係依條皮蛋牛肉腸，有啲皮蛋粒，口感好得意。個腸粉皮做得幾好，唔會好粉，軟林林又有彈性👍🏼👍🏼不過我最鍾意都係依個石斑荷葉飯炒飯底，夠香大愛石斑都有五六件👍🏼👍🏼雖然有幾舊係魚頭/骨位，但係佢啲味道調校得幾好，好好食😋有d軟骨食下，當補充下骨膠原都好😌😌 兩個人先食咗$160，茶錢每人$3 ，真係非常抵🔥🔥…查看更多

銅鑼灣區甚少點心專門店，平時跟另一半經常幫襯龍太子，價錢吸引之餘，餐廳以小店設計，環境寧靜舒適，即使是平日的傍晚時分，都有不少情侶和單身人士光顧。特別喜歡瑤柱灌湯餃，湯底清甜，而且皮薄饀多😍😍😍皮蛋牛肉腸口感好滑，牛肉好足，配以特別調製的豉油，多重口感好美味！晶瑩鮮蝦餃新鮮即叫即蒸，皮薄而軟，有彈性兼半透明，蝦肉爽口彈牙，餃內有少量汁液，拍得住傳統酒家嘅水準👍👍👍棉花雞餡料十足，雞肉軟滑嫩口，魚肚吸收了雞汁，美味無比👍👍👍牛肉球配上喼汁非常惹味😋😋😋這𥚃勝在價錢夠平，茶錢$3位仲係免加一，舒舒服服嘆個茶人均都係幾十蚊，地點就腳，是方便快捷好選擇😃👍…查看更多

在銅鑼灣蘭芳道見到這間籠太子點心專門店，個心就心癢癢想食下點心！Menu種類大路正常， 最特別係有一個春卷係用植物牛肉做嘅素春卷，食素既有多一個選擇。蝦餃皇，有2隻或4隻選擇，唔多人一齊食既就剛剛好。個肚可以有位叫多幾款唔同款式點心！蝦餃皮煙煙靭，幾有咬口！唔會過厚，蝦粒幾彈牙，內層還有肉汁滲出，幾好食"燒賣王，豬肉，蝦既皮例幾好，keep到入口嫩嫩多汁感覺！而且大大粒！都幾抵食！菜苗餃幾香幾鮮，豐富既口感，層幾分明，唔會過咸，味道剛剛好，流沙奶皇包真係做到流心效果，奶皇味道好出，唔會死甜，包既質地都夠熱又軟糯，味道不錯。香煎蘿蔔糕，表層脆脆金黃色，內層綿滑，幾香蘿蔔味，幾清香又有口感！…查看更多