築地日本料理 (金百利廣場)

营业中

休息中

20/10/2022 Dinner 大約1900食飯時間一行入門口就有waitress帶入位，一人不用等。叫左個辛海鮮拉麵🍜，一份三文魚刺身，一件香芒腐皮三文魚壽司（因少見腐皮match三文魚）。等左十分鐘內時間上菜。侍應上菜速度快。三文魚刺身$52 （一份四件）暫時係我食過最不用咬。冇腥同厚切。上菜多冰上。溫度夠。必食！香芒腐皮三文魚壽司$16一件。覺得少貴但真心好食 芒果味好mix到腐皮同三文魚，意想不到， 個海鮮拉麵🍜湯底辣而不油，我本人少可食拉麵連湯飲都飲左，拉麵既溏心蛋perfect，真正溏心！麵有帶子 蝦🦐微微不足湯味冇海鮮味，海鮮偏少，但以價格實必定滿意！刺身主打，非打手

今日嚟到金百利廣場覓食😛富山便當🍱一個好豐富嘅便當set：有三件腐皮壽司，上面各自都有唔同嘅配料，口感亦都不盡相同👍🏻 再配有新鮮嘅刺身，同埋凍烏冬～ 食落幾滿足地獄海鮮鍋🥘雖則叫地獄，但係食落去都唔辣👍🏻 , 只係熱辣辣嗰隻辣😂 ，依家天氣轉涼，食落去真係好爽～ 入面嘅配料有蝦、青口等等既海鮮🦞 ～配料嘅份量都OK～ 啲豆腐都偏向滑身～叫午市套餐仲可以用優惠嘅價錢追加各樣小食☺️👍🏻 但晚市食物嘅選擇會再多啲，下次夜晚再嚟😆

叫咗個便當 懶佢咩都有 感覺新鮮幾好拉麵我感覺就同出面啲味千拉麵差唔多呢間野以前覺得最抵食就係小食啲人嘅服務態度都唔錯 以前一定要嘅牛油雞翼 稍為退步左少少牛油味冇咁勁炸餃子就一樣都係咁脆依家覺得最抵食就係隻糖心蛋但係午餐/下午茶普遍就已經抵食過晚市勝在多選擇 價錢又唔係話好貴

依橦嘢裏便都幾多食肆咁岩揀中左呢一間，店內嘅裝飾都幾特別有少少香港Mix日本嘅風格打開個下笑左出黎，要影低開心share 下🤣佢嘅芥末竟然差成一個波咁🙈🙈我哋揀咗一個二人餐，裏便嘅食物都好豐富，我影咗其中一部份俾大家睇。串燒係必跟嘅，有燒菠蘿雞翼同埋呢個雞肉串，菠蘿表面望落好乾，但係其實裏便好Juice，酸酸甜甜。雞翼每人可以分到一隻，雞肉串其實都好長，share都OK海鮮野菜天婦羅份量超級足夠，有番薯條，而且我仲食到元貝。味道幾唔錯，幾驚喜兩個人分都好大舊。。沙律二選一，蕃茄係去咗皮嘅蕃茄，醃過的，酸酸甜甜，中間嗰個係醃過嘅梅子，整體好開胃主菜我揀咗個韓式拌飯，佢個韓式辣醬係另上，我幾欣賞，因為我唔係特別食得辣。其實本身個菜係豬肉嚟嘅，但係餐牌話可以換成雞髀肉，所以我就轉左，上嚟嘅時候仲好熱，所以大家要小心啲，唔好掂到個碗呢個餐每個人仲可以有一杯特飲，唔洗另外加錢！我揀嘅係白桃梳打，味道唔會超級甜，飲落啱啱好仲要每人有一個甜品，我揀左牛奶布甸，奶味好香醇，唔會太膩，值得一試另外我哋仲叫咗個甜蝦，d 蝦比我哋想像中大隻我覺得依間餐廳嘅性價比幾高，普通食一餐晚飯算係唔錯嘅選擇

今日同一個好耐冇見嘅朋友，約咗喺銅鑼灣食飯！結果揀咗金百利商場嘅築地！其實好多年前食過一次，印象中都幾好食，地點又方便！由於我六點幾就到，冇乜人食緊！仲擔心緊會唔會好伏？打開個menu見到有二人餐，覺得好似幾抵食咁！再多個甜蝦刺身，應該兩個女仔都夠食！結局我哋食唔晒㗎！埋單重要$400有找…1. 冰梅蕃茄沙律啲菜同蕃茄都好新鮮，但係因為加咗蕃茄同梅，怕酸嘅朋友仔就要留意吓啦！我就覺得作為前菜，酸酸甜甜幾開胃！2.海鮮野菜天婦羅呢個天婦羅睇個賣相都嚇死我！真係唔知從何食起！其實我都唔知入邊有啲乜🤣淨係食到番薯同埋帶子！但係份量十足食極都食唔晒！同埋係幾好味嘅！3. 牛肉野菜壽喜燒壽喜燒就有十片牛肉豆腐蔬菜粉絲溫泉蛋等！加埋大大碗白飯！4. 牛乳奶凍+ tiramisu甜品比我想像中出息！唔會太甜！5. 特飲-巨峰乳酸梳打味道正常算係大杯！呢度環境都幾好，坐得又舒服！下次再嚟可以試吓特上二人前！好似都幾吸引！

疫情咗咁耐，思鄉病又發作，今日去到銅鑼灣睇下有咩好嘢食，價錢不太貴所以就貢咗上嚟金百利既7樓築地日本料理。冇諗過喺疫情咁嚴重嘅情況下e間餐聽依然咁爆，，應該有番咁上下吸引力先會有咁多人，一打開個menu好多選擇花多眼亂攪我都唔知食咩好。揀咗好耐最尾嗌咗個海之逸魚生丼，一個牛油果軟殼蟹卷，一個燒牛舌，一個芝士雞卷，一個板燒香蒜牛舌同埋一個牛肉野菜壽喜燒。魚生丼不錯，生鮮，，分量足夠，而且價錢唔合理，，軟殼蟹卷不錯，，脆口，，芝士雞卷都好正，，，岩哂我呢d愛好芝士既人，燒牛舌口感不錯，味道幾好，，，而個板燒香蒜牛舌，，超厚，，好有咬口，，而個牛肉野菜壽喜燒都不錯，，，分量ok,整體食物真是很不錯，幾百蚊食左甘多野，中要係銅鑼灣，！！抵食

築地日本料理 (銅鑼灣)今次黎食日本野，環境乾淨，價格合理。自選築地刺身定食 ($108)呢個刺身定食一共可以選5款刺身，每款刺身都有兩片。我就選左劍魚腩、油甘魚、甜蝦、赤海蝦同海膽，其中甜蝦同赤海蝦鮮甜，海膽也好大塊。地獄海鮮鍋 ($70)辣度唔算太高，怕食辣既朋友都可以一試。用料豐富，有豆腐、粉絲、娃娃菜、金茹、蝦、蜆、青口，送飯一流，係飽肚之選。炸餃子 ($12)糖心蛋 ($8) 牛油雞翼 ($10) 我地仲加點左幾款小食，價錢合理，味道唔錯。提拉米蘇 ($12)

銅鑼灣食魚生飯，無$130都落唔到樓，但呢度竟然$76搞掂重有湯有茶飲。呢間店係金百利樓上細細間，入到去用手機掃QR code落單，我揀左個三色魚生飯，有三文魚、油甘魚同劍魚腩各2片，再加左$8要一件赤海蝦。首先黎左碗麵豉湯，再黎左跟餐送嘅熱檸茶，主角魚生飯上枱，睇落色水有啲啞色，三文魚好乾瘦，油甘魚同劍魚腩都一樣咁乾瘦，加嘅赤蝦亦都好細隻，同埋所有魚生都無乜味，而且有啲薄，不過$76都不能要求太多。可能下次試下啲熟食會好啲

今日下就要睇醫生，睇醫生前醫飽果肚先。金百利商場就夠多嘢食，天氣咁熱，想食個魚生飯，所以揀左呢度。門面唔算大，但內裡都唔少位。裝修日式，見到牆上壁畫係用日本築地市場做背景，又幾有日本feel。餐牌勁多嘢食，樣樣都好吸引，真係好難揀。最後我就點左魚生丼，兩件壽司同埋甜品。海之逸魚生丼：賣相幾好，魚生有三文魚、北寄貝、油甘魚、帶子同甜蝦 ，另外仲有蟹柳同埋玉子等。魚生幾新鮮喎，飯份量都唔少，呢個魚生丼係有水準。帶子海花之戀：成個壽司用帶子包住，加埋海膽一齊食，口感豐富，兩樣都燒過，食落比較香，大滿足。赤海蝦壽司：呢個都好食，味道正正常常。鐵板綠茶Brownie：睇到已經好想食，剛焗起，上面綠茶雪榚凍冰冰，下面Brownie就熱，淋上綠茶，配埋旁邊蜜糖脆脆食，整體甜，味道夾，食完口裡面仲留有Brownie果種甜味，但又唔覺得好甜，好好食。

-之前已經食過印象中係幾好味又抵食所以回頭👍🏻星期六夜晚去食，好彩未算多人唔使等位/(卷物三款)—海膽帶子卷——青龍——牛油果軟殼蟹卷—/全部卷物都幾好食，配搭幾好海膽同帶子都幾新鮮包住嘅炸物都係脆身同有溫度👍🏻/(炸物兩款)—海老天婦羅——一口炸豆腐—/炸物天婦羅係新鮮熱辣辣唔好即刻食太熱氣一口豆腐體積都大，要幾口先食得晒🤣/—板燒香蒜牛舌—板燒牛舌係原個鐵板上枱來到嘅時候仲滋滋聲店員都有細心提示我地要小心唔好掂到塊鐵板🥰牛舌份量好多，但可能過熟略嫌有啲硬身/—金菇牛肉卷—超級推介！牛肉好有牛味又唔係乾身牛肉，咬落仲有肉汁另外份量都好多👍🏻Share食岩岩好😘/—雞翼（串燒）—只落左少量鹽調味，比較啖口方便大家自己落七味粉呢啲調味料/非常性價比高嘅一間日本料理餐廳去銅鑼灣都用到呢個價錢食日本料理都算一個好選擇👍🏻👍🏻

蒲燒鰻魚飯 $85晏晝嚟講，鰻魚飯呢個價錢都唔算好貴😎而且，佢比嘅鰻魚大細都適中，會食得幾飽啦！而且醬汁都好多，所以男仔食都應該OK🌟 ，味道嘅話鰻魚都算新鮮，幾好食😋上菜速度好快‼️🌟帶子海膽花之戀(big) $32 好鍾意食帶子好嘅我，梗係要試吓上邊有一嚿海膽，呢個價錢都算唔錯😎❤️唔算特別肥美，但都新鮮嘅😉帶子都幾大嚿，咁樣真係幾好食，不過如果佢啲飯冇咁散就更加好，同埋帶子再新鮮啲就仲正😋😋帶子花之戀 $32呢個比頭先嘅好食😋三文魚嘅味道更加突出，但帶子都冇乜味道，唔係太鮮甜🤓🤓18禁三文魚 $10辣味適中，反而呢個最平最好食 😋

網燒牛扒定食，麵豉湯意想不到咁重麵豉味，好有誠意。白飯粒粒分明，飯素香口唔太鹹。牛扒原來有兩層份量，呢個價錢極抵食，薄燒令牛肉瘦得來唔韌，醬汁帶味醂味無咁滯。午市套餐加$15有一客茶碗蒸，好滑溜但係雞湯底，內裏亦有一塊雞肉，冬菇同蟹柳，味道其實不錯，但我認知茶碗蒸一直是鰹魚湯底，好有驚喜吉列豬扒比較薄切，新鮮炸起好香口，拉麵份量唔少，豬骨湯底比較淡但帶有蒜香味+$10有兩件自選壽司，三文魚壽司新鮮，品質正常，性價比高午市套餐冇加一，但職員都好有禮貌，而且主動熱心，銅鑼灣鬧市呢個價錢同質素真係好抵

今日同同事都諗住食壽司，就近近地嚟呢間日本菜試下，1:00pm入座，不用等位。位置不算寬敞，不過地方都乾淨。叫左一個$68午餐壽司套餐，另外在配有麵豉湯，再加一個迷你湯烏冬，份量足夠。壽司比較大件，亦好抵食，不過略為唔夠凍，只是室溫溫度。不過以呢個價錢而言就抵食嘅。另外，壽司豉油好咸。同事叫咗一個叉燒拉麵，豬骨湯濃，叉燒味濃，不過唔係正宗日式拉麵店味道。肥肉位置唔冧，咬唔開，肉質位置還好。拉麵正常，幼身，軟硬適中。

🥩🥩鐵板牛小排 $128 (8件)我地見其他枱 jaja 聲又傳黎陣陣既香味 但見main menu 又無, 所以膽粗粗問下係咩黎 原來係佢個deluxe set for 2入面既items, 如果單點就$128, 咁我地見咁香又唔想食太飽就叫左黎試下, 8片牛小排D油花都好靚 而且厚度係岩燒肉同既唔會太厚又唔會太薄, 牛肉味重. 佢重跟左個牛油比我地, 輕輕煎一下 就已經食得! 美中不足呢個鐵板牛小排應該跟一碗飯素飯or 紫菜飯就perfect 池!🍱海之逸魚生丼$108我覺得係性價比最這既丼飯! 佢有 帶子,甜蝦, 三文魚, 北寄貝, 油甘魚,蟹柳, 玉子! 可以一次話試哂大多數popular 款魚生! 三文魚厚切左! 超鮮甜! 所有魚生都好新鮮 係銅鑼灣呢個價錢算係很不錯了. 🐚鮮帶子刺身 ＄68由於我好中意食帶子 所以我要追加左帶子刺身! $68 足足有成八片! 不過帶子size 唔係好大 我寧願得四片 但大粒D~ 哈哈🤣🍣蟹膏三文魚、火炙芝士三文魚、三文魚壽司 、火炙三文魚壽司、鰻魚壽司 我地重叫左少少壽司黎睇下師傅功力! 佢有好多唔同壽司既選擇, 手卷就好似少D, 但s

餐廳位於銅鑼灣嘅中心 金百利廣場 超級方便 岩哂食完野仲要趕去睇戲嘅我地 鐵板牛小排🥩 $128 (8件)牛小排油花好靚 肉味香濃 輕輕一燒 就食得 入口即融 8片2個人share 岩岩好 仲有胃去食其他野！海之逸魚生丼🍱 $108有齊帶子、蝦、厚切三文魚、北寄貝、油甘魚 嘅丼，呢款丼應該係最高性價比，$108就包左咁多款刺身，岩哂我呢啲唔想揀嘅人 「我全部都要🤤～」鮮帶子刺身 ＄68帶子鮮甜，有足足八粒，如果再大粒啲就好🥹🥹蟹膏三文魚、火炙芝士三文魚、三文魚壽司🍣 $38火炙三文魚壽司 $12鰻魚壽司 $12呢到嘅壽司都幾多選擇 而呢幾款壽司都好好食，價錢亦都好大眾化 食物整體性價比高，人均百幾蚊已經食到好飽 真係大滿足